قاشقار كەشەندى قورعامالى باجى اۋماعى: اۋماق پەن پورت بىرلەسە قيمىلداپ، كاسىپ سالاسىن ۇيىستىردى
− شينجياڭداعى شەكارا وتكەلدەرىنىڭ الدىڭعى شەبىنەن كورگەن - بىلگەندەرىمىز ⑤
□ انار بۇلت \ شينجياڭ گازەتىنىڭ ءتىلشىسى چىن چياڭۋي
4 - ايدىڭ 12 - كۇنى قاشقار كەشەندى قورعامالى باجى اۋماعىنىڭ بارلىق جەرىنەن جۇمىسشىلاردىڭ قاربالاس جۇرگەنىن كورۋگە بولادى، كەيبىرەۋى زاۆود ۇيلەرىن سالىپ جاتسا، كەيبىرەۋى جاسىلداندىرۋمەن ابىگەر، باقشا اۋماعىنىڭ بارلىق جەرىنەن تىرشىلىك تىنىسى جالىنداعان كورىنىس مەن مۇندالاپ تۇر. الىسقا كوز جىبەرسەڭىز، قاشقار اۋەجايىنان ۇشىپ - قونعان ۇشاقتاردى كورەسىز.
كەشەندى قورعامالى باجى اۋماعىنىڭ ءبىر ولشەمدى زاۆود ۇيىندە قاشقار جيابو عىلىم - تەحنيكا شەكتى سەرىكتەستىگىنىڭ قىزمەتكەرلەرى جۇڭگونىڭ شياڭگاڭىنا جونەلتىلەتىن LED جارىق كوزى بولشەگىنىڭ چيپتەرىن وندىرۋدە. بۇل LED پەشەتتەپ قوراپتاۋى مەن LED قولدانىلمالى ونىمدەرىن ءوندىرۋدى ءبىر تۇلعالاندىرعان جالپىلىق فوتو ەلەكتر كاسىپورنى، 2021 - جىلى 7 - ايدا وسى كەشەندى قورعامالى باجى اۋماعىنا ىرگە تەپكەننەن بەرى وسى كاسىپورىننىڭ وڭدەۋ ءوندىرىس جەلىسى ەڭ العاشقى 2 جەلىدەن قازىرگى 12 جەلىگە كوبەيدى.
”ونىمدەرىمىزدىڭ كولەمى شاعىن، قۇنى جوعارى، باستىسى، اۆياتسيا شەكارا وتكەلى ارقىلى تاسىمالدانادى“. قاشقار جيابو عىلىم - تەحنيكا شەكتى سەرىكتەستىگىنىڭ اكىمشىلىك جاۋاپتىسى ايجامال راحماننىڭ ايتۋىنشا، تاياۋ مەزگىلدە وسى سەرىكتەستىك قاشقار اۆياتسيا شەكارا وتكەلى ارقىلى ءار اپتادا 2 − 3 توپ زات ەكسپورت ەتىپتى.
ءبىرىنشى ماۋسىمدا قاشقار جيابو عىلىم - تەحنيكا شەكتى سەرىكتەستىگىنىڭ يمپورت - ەكسپورت ساۋدا سوماسى 129 ميلليون دوللارعا جەتتى. بۇل سەرىكتەستىك ورتا ازيا بازارىن اشۋ تەبىنىن ونان ارى ارتتىرۋدى، سونداي - اق كاسىپورىننىڭ ءوندىرىس جەلىسىن كوبەيتىپ، ءوندىرىس قۋاتىن جوعارىلاتۋدى جوسپارلادى.
قاشقار كەشەندى قورعامالى باجى اۋماعىنا ەرتەرەك ىرگە تەپكەن ەكسپورتتىق وڭدەۋ كاسىپورنى سانالاتىن قاشقار اندى فوتو ەلەكتر عىلىم - تەحنيكاسى شەكتى سەرىكتەستىگىندە ءبىرىنشى ماۋسىمداعى ەكسپورت ەتىلگەن وپتيكالىق اپپارات كوزدەرىنىڭ قۇنى 26 ميلليون يۋاننان استى. وسى سەرىكتەستىكتىڭ القا باستىعى ۋاڭ ۋيبين مىنانى ءبىلدىردى: بىرنەشە جىل دامۋ ارقىلى قاشقار ەكونوميكالىق اشۋ رايونىنىڭ، قاشقار كەشەندى قورعامالى باجى اۋماعىنىڭ ساياساتتىق، وڭىرلىك ورىن باسىمدىعى بارعان سايىن كورنەكتىلەنە ءتۇستى. كاسىپورنىمىز قاشقاردا جاڭا ەنەرگيالىق ليتي كاسىبىنىڭ تۇتاس كاسىپ سالاسى بويىنشا اينالمالى بازاسىن قۇرىپ، جوعارعى، تومەنگى بۋىندارداعى كاسىپورىنداردى ەنگىزىپ، تۇيىق اينالىم قالىپتاستىرۋدى جوسپارلاپ وتىر.
بۇل 2 كاسىپورىن − قاشقار كەشەندى قورعامالى باجى اۋماعىنداعى كاسىپورىنداردىڭ ىقشام كورىنىسى. قاشقار كەدەنى جالپىلىق قىزمەت باسقارماسى جالپىلىق قىزمەت ءبولىمىنىڭ باستىعى جاڭ جۇن مىنانى ءبىلدىردى: قازىر قاشقار كەشەندى قورعامالى باجى اۋماعىندا 25 وڭدەۋ ساۋدا كاسىپورنى بار، مۇنىڭ جەتەۋى ەلەكتروندى قۇراستىرۋ كاسىپورنى. ەكسپورت ەتىلەتىن ەلەكتروندى ونىمدەردى وڭدەۋ كاسىبى كەشەندى قورعامالى باجى اۋماعىندا العاشقى قادامدا شوعىرلاندى.
الدىڭعى 2 ايدا قاشقار كەشەندى قورعامالى باجى اۋماعىنىڭ يمپورت - ەكسپورت قۇنى 6 ميلليارد 50 ميلليون يۋان بولىپ، سايكەس مەزگىلدەگىدەن ％4. 146 ارتىپ، قاشقار ايماعىنىڭ سىرتقى ساۋدا يمپورت - ەكسپورت جالپى قۇنىنىڭ ％4. 64ىن يەلەگەن، تۇعىرلىق رولى، جەتەكتەۋ اسەرى جانە سىرتقى ساۋدانىڭ ارتۋىن جەبەۋ يقۋاتى كورنەكتى بولعان.
قاشقار كەدەنىنىڭ باستىعى ۋاڭ چۋانجيە مىنانى ءبىلدىردى: قاشقار كەدەنى وڭتۇستىك شينجياڭداعى 4 قۇرلىق جولى شەكارا وتكەلى كەدەنىمەن مەرزىمدى بايلانىس جاساۋ، كەڭەسۋ مەحانيزمىن قالىپتاستىرىپ، كەشەندى قورعامالى باجى اۋماعى مەن قاشقار اۆياتسيالىق شەكارا وتكەلىندە، شەكارا ءوڭىر شەكارا وتكەلىندە، تەمىر جول الاڭ - ۆوگزالدارىندا ”اۋماق پەن پورتتىڭ بىرلەسىپ قيمىلداۋىن“ جۇزەگە اسىرىپ، كەشەندى قورعامالى باجى اۋماعى مەن شەكارا وتكەلى ءبىرىن - ءبىرى تىرەك ەتەتىن، سايكەسە داميتىن جاعداي قالىپتاستىردى.
كەدەننەن وتكىزۋ جۇمساق ورتاسى جاقساردى، جەرگىلىكتى ۇكىمەت تە كەشەندى قورعامالى باجى اۋماعى مەن اۆياتسيالىق شەكارا وتكەلىنىڭ قاتتى جالعانۋى جاعىندا جاڭا شارا قولداندى.
قاشقار كەشەندى قورعامالى باجى اۋماعىن باسقارۋ كوميتەتىنىڭ مەڭگەرۋشىسى ما حايتاۋ ءتىلشىنى قاشقار اۋەجايىنا ەرتىپ كەلدى، حالىقارالىق جۇك تاسىمالىنا ارنالعان ۇشاق الاڭقىسى نىسانىنىڭ قۇرىلىسى جەدەل جۇرگىزىلۋدە ەكەن.
”قازىر نىساننىڭ تۇلعالىق ينجەنەرياسى اياقتادى، مەجەمەن 6 - ايدىڭ سوڭىندا سالىنىپ بولادى“. ما حايتاۋ بىلاي دەدى: نىسان سالىنىپ بولعاننان كەيىن كەشەندى قورعامالى باجى اۋماعىنداعى كاسىپورىندار قاشقار اۆياتسيالىق شەكارا وتكەلى ارقىلى يمپورت - ەكسپورت ەتەتىن زاتتارىن كەشەندى قورعامالى باجى اۋماعى مەن اۋەجاي اراسىندا توتە جەتكىزە الادى.
قاشقار اۋەجايى جۇڭگونىڭ ەڭ باتىس شەتىندەگى سىرتقا اشىلعان اۆياتسيالىق شەكارا وتكەلى ەسەپتەلەدى، مۇندا 5. 1 ساعاتتىق اۆياتسيا تاسىمال ارالىعى كولەمىندە 8 مەملەكەتتىڭ نەگىزگى ەكونوميكالىق قالالارى مەن استاناسىن قامتۋعا بولادى، وڭىرلىك ورىن باسىمدىعى كورنەكتى.
ما حايتاۋ مىنانى ءبىلدىردى: كەشەندى قورعامالى باجى اۋماعىندا تاسىمالدىڭ اناعۇرلىم قولايلى بولۋى ءۇشىن، قاشقار اۋەجايىنىڭ حالىقارالىق اۆياتسيالىق زات تاسىمالى اۋماعىن قاشقار كەشەندى قورعامالى باجى اۋماعىمەن فيزيكالىق ”تۇتاستىرۋ“ جۇزەگە اسىرىلادى، كەشەندى قورعامالى باجى اۋماعىنىڭ ىشىندەگى جولداردى ءبىر تۇلعالاندىرا ورنالاستىرۋ ارقىلى اۋماق پەن پورتتىڭ ىشكەرىلەي بىرلەسىپ ارەكەتتەنۋى جۇزەگە اسىرىلادى.
