شينحۋا اگەنتتىگىنىڭ 4 - ايدىڭ 18 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «ورتالىقتىڭ پارتيا ىشىندەگى زاڭ ەرەجەلەردى جاساۋ قىزمەتىنىڭ جوبا باعدارلاماسىن ( 2023 − 2027 - جىل)» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن بىرلەستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
حابارلاندىرۋدا بىلاي دەپ اتاپ كورسەتىلدى: «جوبا باعدارلاماسى» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، الداعى 5 جىلداعى ورتالىقتىڭ پارتيا ىشىندەگى زاڭ ەرەجەلەردى جاساۋ قىزمەتىنە جوعارى دەڭگەيدە جوبا جاسايتىن، جاڭا باستامادا پارتيا ىشىندەگى زاڭ ەرەجە، ءتۇزىم قۇرىلىسىنا جەتەكشىلىك ەتەتىن ماڭىزدى حۇجات. «جوبا باعدارلاماسىنىڭ» جاسالىپ اتقارىلۋى پارتيانى قاعيدا بويىنشا باسقارۋدى ىشكەرىلەي ىلگەرىلەتىپ، پارتيا ىشىندەگى زاڭ ەرەجە، ءتۇزىم قۇرىلىسىنىڭ جوعارى ساپالى دامۋىن ىلگەرىلەتىپ، بۇكىل پارتيانىڭ يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىنا شىنايى كەپىلدىك ەتىپ، جاڭا داۋىردەگى جاڭا جورىقتا پارتيانىڭ بورىشى مەن مىندەتىن جۇزەگە اسىرۋدا كەلەلى ماڭىزعا يە.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) پارتيا ورتالىق كوميتەتىنىڭ پارتيا ىشىندەگى زاڭ ەرەجە، ءتۇزىم قۇرىلىسى جونىندەگى شەشىمدەرىن، ورنالاستىرۋلارىن جانە باس شۋجي شي جينپيڭنىڭ پارتيانى قاعيدا بويىنشا باسقارۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، پارتيانى قاعيدا بويىنشا باسقارۋ سانالىلىعىن، تاباندىلىعىن اناعۇرلىم كۇشەيتىپ، ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن تياناقتاندىرىپ، «جوبا باعدارلاماسىنىڭ» ناقتى تياناقتانۋىنا شىنايى كەپىلدىك ەتۋى كەرەك. نازاردى جاساۋ ساپاسىن جوعارىلاتۋ سىندى وسى وزەككە شوعىرلاندىرىپ، مازمۇنى عىلمي، ءتارتىبى قاتاڭ، سايكەستىرىلۋى كەمەلدى، اينالىمى ءونىمدى پارتيا ىشىندەگى زاڭ ەرەجە جۇيەسىن ۇزدىكسىز كەمەلدەندىرىپ، جاساپ العا قويىلعان پارتيا ىشىندەگى زاڭ ەرەجەلەردىڭ تابان تىرەپ تۇرا الاتىن، اتقارىلاتىن، ىسكە اساتىن بولۋىنا شىنايى كەپىلدىك ەتۋ كەرەك. دايەكتىلەندىرۋ، اتقارۋ سىندى وسى تەتىكتى مىقتى يگەرىپ، پارتيا ۋستاۆىن، پارتيا ەرەجەسىن اتقارۋدى اناعۇرلىم كورنەكتى ورىنعا قويىپ، پارتيا ىشىندەگى زاڭ ەرەجە، ءتۇزىمنىڭ دايەكتىلەنۋىن، اتقارىلۋىن شەگە قاعۋ رۋحىمەن مىقتى يگەرىپ، قالىڭ پارتيالى كادرلاردىڭ سانالى تۇردە ەرەجە تۇزىمدەرگە قۇرمەت ەتۋىن، ەرەجە تۇزىمدەردى ۇيرەنۋىن، ەرەجە تۇزىمدەرگە بويسۇنۋىن، ەرەجە تۇزىمدەردى قولدانۋىن ىلگەرىلەتىپ، تەمىردەي ەرەجە تۇزىمدەردىڭ كۇشىن ساۋلەلەندىرۋگە، تيىم بۇيرىعىنىڭ ايبىنىن ارتتىرۋعا شىنايى كەپىلدىك ەتۋ كەرەك. جۇيە كوزقاراسىنا تاباندى بولىپ، پارتيا ىشىندەگى زاڭ ەرەجەلەردى جوسپارعا الۋ، دايىنداۋ، تەكسەرۋ، قاراپ بەكىتۋ، ءتۇسىندىرۋ، ەستەلىككە الىپ تەكسەرۋ، اداقتاۋ، تياناقتاندىرۋعا قۋزاۋ، ۇگىت - تاربيە، نازاريالىق زەرتتەۋ سياقتى قىزمەتتەردى جاپپاي كۇشەيتۋ، جاقسارتۋ كەرەك.
«جوبا باعدارلاماسى» 5 بولىككە بولىنگەن: ءبىرىنشى، ”ەكىنى قورعاۋ“ ءتۇزىمىن كەمەلدەندىرۋ ارقىلى بۇكىل پارتيانىڭ ىنتىماعى مەن بىرلىگىنە، ارەكەت بىرلىگىنە كەپىلدىك ەتۋگە تاباندى بولۋ؛ ەكىنشى، پارتيا باسشىلىعى جونىندەگى زاڭ ەرەجەلەردى، تۇزىمدەردى كەمەلدەندىرۋ ارقىلى پارتيانىڭ جالپى جاعدايدى مەڭگەرىپ، ءار جاقتى سايكەستىرۋىنە پارمەندى كەپىلدىك ەتۋگە تاباندى بولۋ؛ ءۇشىنشى، پارتيانىڭ ۇيىمدىق زاڭ ەرەجەلەرىن، تۇزىمدەرىن كەمەلدەندىرۋ ارقىلى جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرۋگە تاباندى بولۋ؛ ءتورتىنشى، پارتيانىڭ وزىندىك قۇرىلىس زاڭ ەرەجەلەرىن، تۇزىمدەرىن كەمەلدەندىرۋ ارقىلى پارتيانىڭ وزىندىك توڭكەرىسىن باتىل ىلگەرىلەتۋگە تاباندى بولۋ؛ بەسىنشى، پارتيانىڭ باقىلاۋ، قامتاماسىز ەتۋ زاڭ ەرەجەلەرىن، تۇزىمدەرىن كەمەلدەندىرۋ ارقىلى پارتيالى كادرلاردىڭ ۇقىقتى ادىلدىكپەن ىستەتۋ، ءىس تىندىرىپ ناتيجە شىعارۋ ىنتاسىن ۇزدىكسىز قاۋلاتۋ كەرەك.
