ەركىن تۇنياز حوتان ايماعىندا، قۇمىل قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جوعارى ساپالى دامۋ جولىمەن ويداعىداي جۇرۋگە بار كۇشتى سالۋ كەرەك
انار بۇلت \ شينجياڭ گازەتىنىڭ تىلشىلەرى لي ياڭ، لياڭ ليحۋا 4 - ايدىڭ 18 - كۇنى اراتۇرىكتەن حابارلايدى. 4 - ايدىڭ 16 - كۇنى جانە 18 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ىلگەرىندى - كەيىندى حوتان ايماعىنا، قۇمىل قالاسىنا بارىپ، اۋىل - قىستاقتى گۇلدەندىرۋ، باسىمدىققا يە كاسىپ سالالارىن جەتىلدىرۋ، زورايتۋ سياقتىلار جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، يدەيانى ۇيرەنۋدى، پارتيالىلىقتى كۇشەيتۋدى، امالياتقا باسا ءمان بەرۋدى، جاڭا ۇلەس قوسۋدى ۇزدىكسىز تەرەڭدەتىپ، جوعارى ساپالى دامۋ جولىمەن جۇرۋگە بار كۇشتى سالىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن ويداعىداي جازۋ كەرەك.
شەريا اۋدانى حۋاليڭ سيىر شارۋاشىلىعى توبىندا، لوپ شيگى شارۋاشىلىق شەكتى سەرىكتەستىگىندە، شينجياڭ جۇڭتو بيو عىلىم - تەحنيكا شەكتى سەرىكتەستىگىندە، شينجياڭ حۋاچۋاڭ اۋىل شارۋاشىلىعى، ورمان شارۋاشىلىعى، ەكولوگيا عىلىم - تەحنيكا شەكتى سەرىكتەستىگىندە ەركىن تۇنياز سيىر شارۋاشىلىعىنىڭ، كەپتەر شارۋاشىلىعىنىڭ، تۇيە شارۋاشىلىعىنىڭ، شىرعاناق كاسىپ سالاسىنىڭ دامۋ جاعدايىن ەگجەي - تەگجەيلى ۇعىستى. ول بىلاي دەپ اتاپ كورسەتتى: وسى زامانعى مال شارۋاشىلىعىن دامىتۋدى اۋىل - قىستاقتى گۇلدەندىرۋدى جەبەۋدىڭ ماڭىزدى جولى رەتىندە مىقتى، ناقتى يگەرىپ، كەپتەر، تۇيە باعىمشىلىعىنىڭ شوعىرلانۋ، كولەمدەنۋ، ولشەمدەنۋ دەڭگەيىن جوعارىلاتىپ، شىرعاناق كاسىپ سالاسى تىزبەگىن ۇزارتىپ، اناعۇرلىم كوپ ەگىنشى - مالشىنى كىرىستى ارتتىرىپ، بايۋعا جەتەكتەۋ كەرەك.
ەركىن تۇنياز لوپ اۋدانىنداعى حوتان ايماعى كۇنگاڭ ەكونوميكالىق - تەحنيكالىق اشۋ رايونىنا (ءتۇستى مەتال كاسىپ سالاسى باقشاسى)، جۇڭگو ەلەكتر قۋاتىنا قارجى قوسۋ توبىنىڭ 220 كيلوۆولتتىق تاڭلاي فوتوۆولتتىق توپتاۋ پۋنكتىنە بارىپ، كەن بايلىعىن اشۋ، پايدالانۋ، تازا ەنەرگيانى دامىتۋ سياقتىلاردى جۇمىس باسىندا كوردى. ول بىلاي دەپ باسا دارىپتەدى: ليتي، قورعاسىن، مىرىش سياقتى ءتۇستى مەتال بايلىعىن جان - جاقتى اشۋدى، پايدالانۋدى ءتۇيىن ەتىپ، كاسىپ كولەمىن كەڭەيتىپ، كاسىپ سالاسى تىزبەگىن ۇزارتىپ، كولەم ناقتى قۋاتى مەن بازارداعى باسەكەلىك قۋاتىن ۇزدىكسىز جوعارىلاتۋ كەرەك.
اراتۇرىك اۋدانىنا ورنالاسقان شينجياڭ گۋاڭحۇي جاڭا ەنەرگيا شەكتى سەرىكتەستىگىندە، شينجياڭ جياڭنا ەنەرگيا عىلىم - تەحنيكا توبىندا ەركىن تۇنياز ماي كومىردى جوعارى ونىمدىلىكپەن پايدالانۋ، كومىر حيميا ونەركاسىبى، زەردەلى كەن قۇرىلىسى سياقتى جاعدايلاردى باسى - قاسىندا ۇعىسىپ، قۇمىلدىڭ ەنەرگيا بايلىعى ارتىقشىلىعى مەن وڭىرلىك قاتىناس ابزالدىلىعىن تياناق ەتىپ، عىلىم - تەحنيكادا جاڭالىق اشۋ سەرپىنىن ارتتىرىپ، جاسىل دامۋعا تاباندى بولىپ، وزىق تەحنولوگيادان پايدالانىپ، ماي كومىردى جوعارى دەڭگەيدە، كوپ نەگىزدى، تومەن كومىر قىشقىل گازدى اشىپ پايدالانۋدى جەدەل ىلگەرىلەتىپ، تومەنگى بۋىنعا باعىتتاپ ۇزدىكسىز تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ كەرەك.
حوتان قالاسىندا ەركىن تۇنياز شينجياڭ ۋانجياڭ اۆتوكولىك شەكتى سەرىكتەستىگىنە، حوتان ايماعى ياجۇڭ وتكەرمەلى اۆتوكولىك ساۋدا بازارىنا بارىپ، اۆتوكولىك كاسىبىنىڭ دامۋى، وتكەرمەلى اۆتوكولىك بازارىنىڭ تيجاراتى سياقتى جاعدايلاردى جۇمىس باسىندا ۇعىستى. ول بىلاي دەپ اتاپ كورسەتتى: شارۋاشىلىق - ساۋدا ورتاسىن ۇزدىكسىز ساپالىلاندىرىپ، وتكەرمەلى اۆتوكولىك بازارىن باقىلاۋ - باسقارۋدى كۇشەيتىپ، اۆتوكولىك كاسىبىنىڭ كوپ كاسىپ سالاسىنىڭ دامۋىن جەبەۋىن شىن مانىندە ىلگەرىلەتۋ كەرەك.
ەركىن تۇنياز تەكسەرۋ - زەرتتەۋ بارىسىندا مىنالاردى باسا دارىپتەدى: نەگىزگى تاقىرىپتىق تاربيەنى ورىستەتۋدىڭ نىسانا - مىندەتتەرىن ءجىتى قاداعالاپ، ماسەلەنى باعدار ەتۋگە تاباندى بولىپ، تەكسەرۋ - زەرتتەۋدى بارىنشا ورىستەتىپ، رايونىمىزدىڭ مۇناي - تابيعي گاز، كومىر، ءتۇستى مەتال سياقتى بايلىقتارىنىڭ اشىلۋىنىڭ بۇكىل ەلدىڭ ەكونوميكالىق كەلەلى جاعدايىنداعى رولىن باستان - اياق ستراتەگيالىق جانە جالپى جاعداي تۇرعىسىنان تەرەڭ تانىپ، ”8 ءىرى كاسىپ سالاسى شوعىرىن“ قۇرۋدى جەدەلدەتۋ كەرەك. كەن بايلىعىن بارلاۋ، اشۋ تەبىنىن ارتتىرىپ، فوتوۆولتتىق بايلىقتى اشۋدى، پايدالانۋدى جەدەلدەتىپ، كومىر حيميا ونەركاسىبىنىڭ اينالمالى كاسىپ سالاسى تىزبەگىن بەلسەنە قۇرىپ، مەملەكەتتىڭ ەنەرگيا حاۋىپسىزدىگىن ءونىمدى قامتاماسىز ەتۋ كەرەك. دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، دامۋ مەن حالىق تۇرمىسىنىڭ، دامۋ مەن حالىق تىلەگىنىڭ قاتىناسىن تەرەڭ يگەرىپ، مال شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، 1 -، 2 -، 3 - كاسىپتەردىڭ توعىسپالى دامۋىن ىلگەرىلەتىپ، الۋان ءتۇرلى شارا قولدانىپ ەگىنشى - مالشىلاردىڭ كىرىسىن جوعارىلاتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ كەرەك. ءوندىرىس حاۋىپسىزدىگى سىندى وسى ارقاۋدى قاي - قاشان دا مىقتاپ شيراتىپ، تاراۋ، كاسىپورىن سياقتى ءار جاقتىڭ جاۋاپكەرشىلىگىن ناقتىلاندىرىپ، جوعارى ساپالى دامۋعا بەرىك حاۋىپسىزدىك قامتاماسىزدىعىن ازىرلەۋ كەرەك.
