اۆتونوميالى رايوندىق ساياسي كەڭەس ماماندار كەڭەس ءماجىلىسىن اشتى
الەۋمەتتىك يگىلىك ارىز - شاعىمى ارقىلى مادەني مۇرالاردى، ەجەلگى ەسكەرتكىشتەردى قورعاۋ داۋالىن سوعۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 4 - ايدىڭ 18 - كۇنى تۇرپاننان حابارلايدى. ”شاعىن تاس ۇڭگىر بۇدحانالارىن قاراۋ - قورعاۋ قيىن، الەۋمەتتىك يگىلىك ارىز - شاعىم اياسىنا ەنگىزىپ، جەدەل شەشىلۋىن ىلگەرىلەتۋدى ۇسىنىس ەتەمىز“. ”پروكۋراتۋرانىڭ الەۋمەتتىك يگىلىك ارىز - شاعىمى ارقىلى مادەني مۇرالاردى قورعاۋ قىزمەتىنە كۇش قوسۋ قادامىن تەزدەتۋ كەرەك“... 4 - ايدىڭ 18 - كۇنى حالىقارالىق ەجەلگى ەسكەرتكىشتەر ەسكى جۇرتى كۇنى ”مادەني مۇرالاردى قورعاۋ سالاسىنداعى الەۋمەتتىك يگىلىك ارىز - شاعىمدى“ ارقاۋ ەتكەن ءبىر رەتكى جاڭا لەپ اڭعارتقان ماماندار كەڭەس ءماجىلىسى تۇرپان قالاسىندا اشىلدى.
وسى رەتكى ماماندار كەڭەس ءماجىلىسى ءماجىلىس فورماسىندا جاڭالىق اشىپ، اۆتونوميالى رايوندىق ساياسي كەڭەس پەن نەگىزگى ساتى ساياسي كەڭەستەرى بىرلەسىپ وتكىزۋ ءتاسىلىن قولدانىپ اشىلدى. اۆتونوميالى رايوندىق ساياس كەڭەس مۇشەلەرى، اۆتونوميالى رايوندىق حالىق پروكۋراتۋراسى، سونداي - اق بۇكىل شينجياڭنىڭ 14 ايماق، وبلىس، قالاسىنداعى پروكۋراتۋرا ورگاندارى، اۆتونوميالى رايوندىق مادەنيەت جانە ساياحات مەڭگەرمەسى، دەموكراتيالىق پارتيا - توپتار، تۇرپان قالالىق مادەني مۇرا مەكەمەسى سياقتى ورىنداردان 40 نەشە ادام ۇسىنىس بويىنشا ماجىلىسكە قاتىناستى، ساياسي كەڭەس مۇشەلەرى مەن ماماندار ۇستىندە تەكسەرۋ - زەرتتەۋ جۇرگىزۋ، جاعداي تانىستىرۋ، تاجىريبە اۋىستىرۋ، ءوز ەركىمەن سوزگە شىعۋ فورمالارىمەن شينجياڭدا مادەني مۇرالاردىڭ الەۋمەتتىك يگىلىك ارىز - شاعىمداردا قازىرگى قورعالۋ جاعدايى، ورىن تەۋىپ وتىرعان ماسەلەلەر جانە قاتىستى ۇسىنىستار جونىندە ىشكەرىلەي كەڭەسىپ، تالقى جۇرگىزدى.
ماماندار بىلاي دەپ قارادى: تاريحي مادەني مۇرالاردى قورعاۋ، جالعاستىرۋ، پايدالانۋ شينجياڭدى مادەنيەتپەن نارلەندىرۋ قىزمەتىن ويداعىداي ىستەۋ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەۋ جونىنەن ورنىن باسۋعا كەلمەيتىن ماڭىزدى مانگە يە. الايدا ءىس جۇزىندىك قىزمەت بارىسىندا پروكۋراتۋرا ورگاندارى مەن مادەني مۇرا تاراۋلارىنىڭ الەۋمەتتىك يگىلىك ارىز - شاعىم مەن مادەني مۇرالاردى قورعاۋدىڭ اراسىنداعى قاتىناسقا مەڭزەس، قايتكەندە اناعۇرلىم سەلبەسۋ، سايكەسۋ، فۋنكتسيانى ساۋلەلەندىرۋ، مادەني مۇرالاردى قورعاۋدى جەبەۋ جونىندە ءالى دە ىشكەرىلەي ىزدەنىس جاساۋىنا جانە كەڭەسۋىنە تۋرا كەلەدى.
وسى نەگىزدە وسى رەتكى ماماندار كەڭەس ءماجىلىسى ماسەلەنى باعدار ەتۋگە تاباندى بولىپ، مادەني مۇرالاردى قورعاۋ سالاسىنداعى الەۋمەتتىك يگىلىك ارىز - شاعىمنىڭ شاعىن كىرىسۋ ءتۇيىنىن تاڭداپ، پروكۋراتۋرا ورگاندارى مەن مادەني مۇرا تاراۋلارى سىندى ەكى جاقتى ورتاق ات سالىسۋعا ۇسىنىس ەتىپ، ساياسي كەڭەس مۇشەلەرى مەن كاسىپتىك مامانداردىڭ قايتا - قايتا كەڭەسۋى، پىكىر اۋىستىرۋى ارقىلى تۇسىنىكتى ارتتىرۋ، ورتاق تانىم ۇيىستىرۋ، شارالاردى ورتاعا قويۋ، قىزمەتتى بىرگە جەبەۋ ماقساتىنا جەتتى.
مادەني مۇرالاردى قورعاۋ سالاسىندا پروكۋراتۋرانىڭ الەۋمەتتىك يگىلىك ارىز - شاعىمى شينجياڭدا كۇن سايىن كەمەلدەنىپ، مادەني مۇرالاردى قورعاۋدا كەم بولسا بولمايتىن كۇشكە اينالدى. اۆتونوميالى رايوندىق حالىق پروكۋراتۋراسىنىڭ ورىنباسار باس پروكۋرورى جين ليمين بىلاي دەپ قارادى: ماماندار كەڭەس ءماجىلىسى ساپالى كەڭەس تۇعىرىن ورناتىپ، اقىل - پاراساتتى ساۋلەلەندىرۋ ورايىن ازىرلەپ، پروكۋراتۋرا ورگاندارى مەن مادەني مۇرا تاراۋلارىنىڭ ورتاق تانىمدى جان - جاقتى قالىپتاستىرۋىنا كومەكتەستى.
”ماماندار كەڭەس ءماجىلىسى تاقىرىپتى ءدال تاڭداۋ، ناقتى ونىمدىلىككە تالپىنۋ، ورتاق تانىم قالىپتاستىرۋ ونىمدىلىگىنە جەتتى“. اۆتونوميالى رايوندىق ساياسي كەڭەس مادەنيەت، تاريحي ماتەريالدار جانە ۇيرەنۋ كوميتەتىنىڭ مەڭگەرۋشىسى شىڭ چۇنشوۋ مىنالاردى ءبىلدىردى: ماجىلىستەن كەيىن ءبىز ءار جاق كوڭىل ءبولىپ، نازار اۋدارىپ وتىرعان ماسەلەلەرگە، ءبىر تۇتاس پىكىرگە كەلە الماعان ءبىر دە ەكى ماسەلەگە، ءىشىنارا ستراتەگيالىق سيپاتتى ماسەلەلەرگە مەڭزەس، دەموكراتيالىق باقىلاۋ مەن ءتۇيىندى ۇسىنىس جوبالاردى بىتىرۋگە قۋزاۋ سياقتى قىزمەتتەرمەن ۇشتاستىرىپ، مادەني مۇرالاردى قورعاۋ سالاسىنداعى الەۋمەتتىك يگىلىك ارىز - شاعىمدارعا ۇزدىكسىز ءمان بەرىپ، ۇزاق ۋاقىت قاداعالاپ زەرتتەۋ جۇرگىزەمىز.
اقتارىلا اڭگىمەلەستى، قىزۋ دۋماندى بولدى. 3 ساعاتتىق جان - جاقتى پىكىرلەسۋ ارقىلى ماجىلىسكە قاتىناسقاندار ورتاق تانىم قالىپتاستىردى: بۇدان كەيىن پروكۋراتۋرا ورگاندارى مەن مادەني مۇرا تاراۋلارى قىزمەت بارىسىندا جولىققان ماسەلەلەردى ساياسي كەڭەس ورناتقان كەڭەسۋ تۇعىرىنان ۇزدىكسىز پايدالانىپ، ماماندار باسىمدىعىنان پايدالانىپ، مادەني مۇرالاردى قورعاۋ سالاسىنىڭ الەۋمەتتىك يگىلىك ارىز - شاعىم قىزمەتتەرىن بىرگە ويداعىداي ىستەيدى.
ۇعىسۋعا قاراعاندا، وسى رەتكى ماماندار كەڭەس ءماجىلىسىنىڭ جەتىستىگىن كادەگە جاراتۋ رەتىندە، ءماجىلىس اياقتاعان كۇنى اۆتونوميالى رايوندىق حالىق پروكۋراتۋراسى تۇتاس شينجياڭنىڭ پروكۋراتۋرا ورگاندارىنىڭ مادەني مۇرالاردى قورعاۋ سالاسىنداعى الەۋمەتتىك يگىلىك ارىز - شاعىم ءماجىلىسىن اشقان.
