شي جينپيڭ 20 - كەزەكتى ورتالىق رەفورمانى جاپپاي تەرەڭدەتۋ كوميتەتىنىڭ 1 - ءماجىلىسىن باسقارىپ اشىپ بىلاي دەپ باسا دارىپتەدى
تۋراشىلدىقتان اينىماي جاڭالىق اشىپ، شىنايى يگەرىپ ناقتى ىستەپ، جاڭا جورىقتا رەفورما جاساۋدىڭ، ەسىك اشۋدىڭ تىڭ تاراۋىن جازۋ كەرەك
لي چياڭ، ۋاڭ حۋنيڭ، ساي چي قاتىناستى
شينحۋا اگەنتتىگىنىڭ 4 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 4 - ايدىڭ 21 - كۇنى تۇستەن كەيىن 20 - كەزەكتى ورتالىق رەفورمانى جاپپاي تەرەڭدەتۋ كوميتەتىنىڭ 1 - ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: بيىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى ءارى رەفورما جاساۋدىڭ، ەسىك اشۋدىڭ 45 جىلدىعى جانە پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسى اشىلعاندىعىنىڭ 10 جىلدىعى. جاڭا ءداۋىردىڭ جاڭا جورىعىنداعى نىسانا - مىندەتتەردى جۇزەگە اسىرۋدا رەفورمانى جاپپاي تەرەڭدەتۋدى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ءتۇبىرلى قوزعاۋشى كۇشى ەتىپ، كەلەلى جاعدايدى ورنىقتىرۋدىڭ، وزگەرىس جاعدايىنا توتەپ بەرۋدىڭ، جاڭا جاعداي اشۋدىڭ ماڭىزدى تۇتقاسى ەتىپ، باعداردى دالمە - ءدال يگەرىپ، تۋراشىلدىقتان اينىماي جاڭالىق اشىپ، شىنايى يگەرىپ ناقتى ىستەپ، جاڭا جورىقتا رەفورما جاساۋدىڭ، ەسىك اشۋدىڭ تىڭ تاراۋىن جازۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي چياڭ، ۋاڭ حۋنيڭ، ساي چي ماجىلىسكە قاتىناستى.
ماجىلىستە «كاسىپورىنداردىڭ عىلىم - تەحنيكادا جاڭالىق اشۋ نەگىزگى تۇلعالىق ورنىن كۇشەيتۋ جونىندەگى پىكىر»، «مەملەكەت مەنشىگىندەگى شارۋاشىلىق باسقارۋدىڭ جۇڭگو ۇلگىسىندەگى وسىزامانداندىرۋ قۇرىلىسىن پارمەندى قولداۋىن كۇشەيتۋ جانە جاقسارتۋ جونىندەگى پىكىر»، «حالىقتىق شارۋاشىلىقتىڭ دامۋىن، زورايۋىن جەبەۋ جونىندەگى پىكىر» جانە «ورتالىق رەفورمانى جاپپاي تەرەڭدەتۋ كوميتەتىنىڭ قىزمەت ەرەجەسى»، «ورتالىق رەفورمانى جاپپاي تەرەڭدەتۋ كوميتەتى ارناۋلى گرۋپپالارىنىڭ قىزمەت ەرەجەسى»، «ورتالىق رەفورمانى جاپپاي تەرەڭدەتۋ كوميتەتى كەڭسەسىنىڭ قىزمەت ەگجەي - تەگجەيلى ەرەجەسى»، «ورتالىق رەفورمانى جاپپاي تەرەڭدەتۋ كوميتەتىنىڭ 2023 - جىلعى قىزمەت تۇيىندەرى» قاراپ ماقۇلداندى.
ءماجىلىس مىنالاردى اتاپ كورسەتتى: كاسىپورىنداردىڭ عىلىم - تەحنيكادا جاڭالىق اشۋ نەگىزگى تۇلعالىق ورنىن كۇشەيتۋ − عىلىم - تەحنيكا ءتۇزىلىسى رەفورماسىن تەرەڭدەتۋدىڭ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدى ىلگەرىلەتۋدىڭ شەشۋشى شاراسى. جۇيە كوزقاراسىنا تاباندى بولىپ، ”كىم ءۇشىن جاڭالىق اشامىز، كىمدەر جاڭالىق اشادى، نەندەي جاڭالىق اشادى، قالاي جاڭالىق اشادى“ دەگەندى ارقاۋ ەتىپ، ءتۇزىم قۇرىلىسىنا كوز جىبەرىپ، تەحنيكادا جاڭالىق اشۋ شەشىمى، زەرتتەۋ - اشۋ ۇسىنىلىمى، عىلمي زەرتتەۋ ۇيىمى، جەتىستىكتى كادەگە جاراتۋ جونىندە جالپى تىزبەكتە تۇتاس تۇلعالىق ورنالاستىرۋ جاساپ، ساياسات، قاراجات، نىسان، تۇعىر، دارىندى سياقتى شەشۋشى جاڭالىق اشۋ بايلىقتارى جونىندە جۇيەلى ورنالاستىرۋ جاساپ، عىلىم - تەحنيكادا جاڭالىق اشۋدى، كاسىپ سالاسىندا جاڭالىق اشۋدى جانە ءتۇزىلىس - مەحانيزمدە جاڭالىق اشۋدى ءبىر تۇلعالى ىلگەرىلەتىپ، كاسىپورىندى نەگىزگى تۇلعا ەتكەن، ءوندىرىس، وقىتۋ، زەرتتەۋ جوعارى ءونىمدى سايكەسكەن، تەرەڭدەي توعىسقان جاڭالىق اشۋ جۇيەسىنىڭ قالىپتاسۋىن ىلگەرىلەتۋ كەرەك. نازاردى مەملەكەت ستراتەگياسى مەن كاسىپ سالاسىنىڭ دامۋىنداعى كەلەلى سۇرانىسقا شوعىرلاندىرىپ، كاسىپورىنداردىڭ جاڭالىق اشۋىن قولداۋ تەبىنىن ارتتىرىپ، حالىقتىق كاسىپورىنداردى مەملەكەتتىڭ كەلەلى جاڭالىق اشۋىنا ات سالىسۋعا بەلسەنە شابىتتاندىرىپ، ءونىمدى جەتەكتەپ، كاسىپورىنداردىڭ شەشۋشى، وزەكتى تەحنيكالاردا جاڭالىق اشۋدا جانە كەلەلى ءتول جاسامپازدىق تەحنيكالاردان قامال الۋدا رول اتقارۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: مەملەكەت مەنشىگىندەگى شارۋاشىلىق باسقارۋىن كۇشەيتۋدە جانە جاقسارتۋدا جاڭا ءداۋىردىڭ جاڭا جورىعىنداعى مەملەكەت مەنشىگىندەگى شارۋاشىلىق ارقالاعان بورىش - مىندەتتى جانە يقۋات ورنىن تياناق ەتىپ، جاڭا دامۋ ارناسىن قالىپتاستىرۋعا قىزمەت وتەۋ، جوعارى ساپالى دامۋدى ىلگەرىلەتۋ، بىرگە بايۋدى جەبەۋ، مەملەكەت حاۋىپسىزدىگىن قورعاۋ ستراتەگيالىق بيىك تۇرعىسىنان، مەملەكەت مەنشىگىندەگى شارۋاشىلىقتىڭ حاۋىپسىزدىك جاۋاپكەرشىلىگىن، ساپا قۇرىلىمىن، مال - مۇلىك جانە كاسىپورىن باسقارۋدى كەمەلدەندىرىپ، مەملەكەت مەنشىگىندەگى كاسىپورىندار رەفورماسىن تەرەڭدەتىپ، ولقىلىقتاردى تولىقتاۋعا، ءالسىز تۇستاردى كۇشەيتۋگە، تاعاندى بەكەمدەۋگە، باسىمدىقتى ساۋلەلەندىرۋگە كۇش سالىپ، جوعارى دەڭگەيدە ءبىر تۇتاس جوسپارلانعان، ۇقىق پەن جاۋاپكەرشىلىك ايقىن، اينالىمى جوعارى ءونىمدى، باقىلاۋ - باسقارۋى پارمەندى مەملەكەت مەنشىگىندەگى شارۋاشىلىق باسقارۋ جۇيەسىن قۇرۋ كەرەك.
ءماجىلىس مىنالاردى اتاپ كورسەتتى: حالىقتىق شارۋاشىلىقتىڭ دامۋىن قولداۋ − پارتيا ورتالىق كوميتەتىنىڭ دايەكتى باعىتى. حالىقتىق شارۋاشىلىقتىڭ دامۋىن، زورايۋىن جەبەۋدە حالىقتىق شارۋاشىلىقتىڭ دامۋ ورتاسىن كۇش سالا ساپالىلاندىرىپ، حالىقتىق كاسىپورىنداردىڭ بازار باسەكەسىنە ءادىل قاتىناسۋىنا تۇساۋ بولىپ وتىرعان تۇزىمدىك كەدەرگىلەردى الاستاپ، حالىقتىق كاسىپورىنداردى جوعارى ساپالى دامۋ بارىسىندا ورنىن ءدال تاۋىپ، كاسىپورىنداردىڭ وزىندىك رەفورماسى، دامۋى، بەلگىلەمەگە ۇيلەسىمدى تيجارات جۇرگىزۋى، تيبىن جاڭالاپ، دارەجەسىن جوعارىلاتۋى ارقىلى دامۋ ساپاسىن ۇزدىكسىز جوعارىلاتۋعا جەتەكتەۋ كەرەك. حالىقتىق شارۋاشىلىق ەرەكشەلىگىن تولىق ويلاسىپ، ساياسات اتقارۋ ءتاسىلىن كەمەلدەندىرىپ، ساياساتتىڭ سايكەستىلىگىن كۇشەيتىپ، ءتۇرلى ءتيىمدى ساياساتتاردىڭ دالمە - ءدال تىكە جەتكىزىلۋىن ىلگەرىلەتىپ، كاسىپورىنداردىڭ ءىس جۇزىندىك قيىنشىلىعىن شىنايى شەشۋ كەرەك. ەتەنە، كىرشىكسىز ۇكىمەت - ساۋداگەرلەر قاتىناسىن شىنايى ورناتىپ، حالىقتىق شارۋاشىلىق قايراتكەرلەرىن اقاۋسىز جەتىلۋگە جەتەكتەۋ جانە ونى جەبەۋ كەرەك.
ءماجىلىس مىنالاردى باسا دارىپتەدى: پارتيا 18 - قۇرىلتايىنان بەرى، ءبىز وراسان زور ساياسي باتىلدىقپەن رەفورمانى جاپپاي تەرەڭدەتىپ، نىسانانى جەتەكشى ەتۋگە تاباندى بولىپ، ماسەلەنى باعدار ەتۋدى كورنەكتىلەندىرىپ، تەرەڭ قويناۋعا باتىلدىقپەن قادام تاستاپ، قيىن ىستەردى تىندىرۋعا باتىل بولىپ، حاۋىپ - قاتەردەن جاسقانباي، جاڭا قايشىلىقتارمەن، تىڭ سىن - سايىستارمەن باتىلدىقپەن بەتپە - بەت كەلىپ، ءار جاقتاعى ءتۇزىلىس - مەحانيزمدەردىڭ كەمشىلىكتەرىن باتىل جويىپ، بۇرىن بولماعان تەبىنمەن شىت جاڭا جاعداي اشتىق. جاڭا ءداۋىردىڭ 10 جىلىندا ءبىزدىڭ ىلگەرىلەتكەن رەفورمامىز جان - جاقتى، تەرەڭ قاتپارلى، ءتۇبىرلى سيپاتتى بولدى، قول جەتكىزگەن تابىسىمىز تاريحي سيپاتتى، توڭكەرىستىك سيپاتتى، نەگىز قالاۋ سيپاتتى بولدى. دۇنيە جۇزىنە كوز جىبەرەتىن بولساق، وسىنداي ساياسي ارىن مەن تاريحي جاۋاپكەرشىلىكتە بولىپ، باتىلدىقپەن كەڭ كوسىلگەن، پىشاق ءدۇزىن ىشكە قاراتقان، وزىنە توڭكەرىس جاساعان مەملەكەت پەن ساياسي پارتيا بولعان ەمەس، وسىنشاما قىسقا ۋاقىت ىشىندە وسىنشاما زور اۋماقتى، وسىنشاما زور كولەمدى، وسىنشاما زور تەبىندى رەفورمانى ىلگەرىلەتكەن مەملەكەت پەن ساياسي پارتيا بولعان ەمەس، بۇل جۇڭگوشا سوتسياليستىك ءتۇزىمنىڭ ايقىن ەرەكشەلىگى جانە كورنەكتى ابزالدىلىعى.
جاڭا جورىقتا رەفورمانى جاپپاي تەرەڭدەتۋدى ۇزدىكسىز ىلگەرىلەتۋدە پارتيانىڭ باسشىلىعىنا تاباندى بولىپ جانە ونى كۇشەيتىپ، رەفورما بەتالىسىن ءدال يگەرىپ، نىسانا - مىندەتتەردى ايقىنداپ، عىلمي جوسپار، جاڭالىق اشاتىن الىمدىلىق ارقىلى ءتۇرلى قىزمەتتەردى ويداعىداي، ناقتى يگەرۋ كەرەك. كەلەلى رەفورما مىندەتتەرىندە قامال الىپ، قيىندىقتى جەڭۋدى ويداعىداي يگەرىپ، جالپى جاعدايدى ءبىر تۇتاس جوسپارلاپ، ءتۇيىندى يگەرىپ، نازاردى جاپپاي سوتسياليستىك وسىزاماندانعان مەملەكەت قۇرۋ بارىسىنداعى كەلەلى ماسەلەلەرگە شوعىرلاندىرا وتىرىپ رەفورمانى جوسپارلاپ، ىلگەرىلەتىپ، قۇرىلىم رەفورماسى جاراتقان ءتيىمدى شارت - جاعدايدان ويداعىداي پايدالانىپ، ءار جاقتاعى ءتۇزىلىس - مەحانيزمدەردىڭ كەمشىلىكتەرىن باتىل جويۋ، تەرەڭ قاتپارلى مۇددەلىك ارنانى رەتتەۋ جاعىندا ءىشىنارا قيىن تۇيىندەردەن تاعى دا قامال الۋعا قۇلشىنۋ كەرەك. رەفورما جاعىنداعى تەكسەرۋ - زەرتتەۋدى كۇشەيتىپ، قايشىلىق، ماسەلە شوعىرلانعان جەرلەرگە جانە تاراۋلارعا كوبىرەك بارىپ، نەگىزگى ساتىنى ىشكەرىلەي ارالاپ، بۇقارا اراسىنا بارىپ، ناقتى جاعدايدى ۇعىنىپ، تيپتىك ماسەلەلەردى تەكسەرۋ - زەرتتەۋ، ءارى ناقتى ماسەلەلەردى ىشكەرىلەي زەرتتەۋگە، ءارى ءار جاقتاعى جاعدايلاردى جيناقتاۋعا شەبەر بولىپ، جالپى تۇلعالىق وي جەلىسى مەن جالپى جاعدايلىق قىزمەت جاعىندا كوبىرەك باس قاتىرۋ، كوبىرەك كۇش جۇمساۋ كەرەك. رەفورما جاساپ، تياناقتاندىرۋدى يگەرۋ تەبىنىن ارتتىرىپ، جوعارى مەن تومەندى سايكەستىرگەن، بولەكتەردى ۇشتاستىرعان، دالمە - ءدال، جوعارى ءونىمدى بولعان رەفورمانى تياناقتاندىرۋ مەحانيزمىن كەمەلدەندىرىپ، رەفورمانى باقىلاۋ - تەكسەرۋ قىزمەتىن اناعۇرلىم زور كۇش سالا وتىرىپ ويداعىداي يگەرىپ، رەفورما شارالارىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك. ءار جاقتىڭ رەفورما بەلسەندىلىگىن جۇمىلدىرىپ، رەفورمادا جاڭالىق اشۋدى شابىتتاندىرۋ مەحانيزمىن اقاۋسىزداندىرىپ، رەفورمانىڭ تيپتىك تاجىريبەلەرى جونىندە اۋىس - كۇيىس جاساۋ، جالپىلاستىرۋ تەبىنىن ارتتىرىپ، قوعامدىق پىكىر جەتەكشىلىگىن كۇشەيتىپ، ءارجاقتىڭ ءجىتى قاداعالاپ وتىرعان ىستەرىنە دەر كەزىندە جاۋاپ بەرۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
