شينحۋا اگەنتتىگىنىڭ 4 - ايدىڭ 21 - كۇنى بەيجيڭنەن بەرگەن حابارى. 4 - ايدىڭ 21 - كۇنى مەملەكەت ءتوراعاسى شي جينپيڭ شاڭحايداعى ”دۇنيە جۇزىلىك قوناق قابىلداۋ زالىندا“ وتكىزىلگەن ”جۇڭگو ۇلگىسىندەگى وسىزامانداندىرۋ جانە دۇنيە ءجۇزى“ كوك زال تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: وسىزامانداندىرۋدى جۇزەگە اسىرۋ − جۇڭگو حالقىنىڭ تاياۋ زاماننان بەرگى تالىقپاس تالپىنىسى ءارى دۇنيە جۇزىندەگى ءار ەل حالىقتارىنىڭ ورتاق تالپىنىسى. ءبىر مەملەكەتتىڭ وسىزاماندانۋعا بەت الۋى ءارى وسىزامانداندىرۋدىڭ جاي زاڭدىلىعىنا بويسۇنۋى، ءتىپتى دە ماڭىزدىسى، ءوز ەلىنىڭ ءىس جۇزىندىگىنە ۇيلەسۋى، ءوز ەلىنىڭ ەرەكشەلىگىنە يە بولۋى كەرەك. جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇزاق ۋاقىتتىق جاپالى ىزدەنىس جاساۋ ارقىلى جۇڭگونىڭ مەملەكەت جاعدايىنا ۇيلەسەتىن دامۋ جولىن تاۋىپ، كەزەكتە جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋىن جاپپاي ىلگەرىلەتۋدە. جۇڭگو جاق ءار ەلمەن بىرگە قۇلشىنىپ، جۇڭگو ۇلگىسىندەگى وسىزامانداندىرۋدىڭ جاڭا تابىسى ارقىلى دۇنيە ءجۇزىنىڭ دامۋىنا جاڭا وراي ازىرلەپ، ادامزاتتىڭ وسىزاماندانۋ جولى مەن اناعۇرلىم ويداعىداي قوعامدىق ءتۇزىم جونىندە ىزدەنىس جاساۋىنا جاڭا دەمەۋشى كۇش ازىرلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
”جۇڭگو ۇلگىسىندەگى وسىزامانداندىرۋ جانە دۇنيە ءجۇزى“ كوك زال تالقى مىنبەرىن جۇڭگو الەۋمەتتىك ديپلوماتيا قوعامى، جۇڭگو حالىق ديپلوماتيا ءىلمي قوعامى جانە شاڭحاي قالالىق حالىق ۇكىمەتى بىرلەسىپ وتكىزدى، 80گە جۋىق ەلدىڭ ۇكىمەت، اقىل - پاراسات قويماسى، مەديا ۋاكىلدەرى قاتىناستى.
