ما شيڭرۇي، ەركىن تۇنياز وزبەكستان ۇكىمەت جانە كاسىپورىنشىلار ۋاكىلدەر ۇيىرمەسىندەگىلەرمەن كەزدەستى
جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 21 - كۇنى ۇرىمجىدەن حابارلايدى. 4 - ايدىڭ 21 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ۇرىمجىدە وزبەكستاننىڭ قارجى قوسۋ، ونەركاسىپ جانە ساۋدا مينيسترلىگىنىڭ ورىنباسار مينيسترى تەسەبايەۆ باستاعان وزبەكستان ۇكىمەت جانە كاسىپورىنشىلار ۋاكىلدەر ۇيىرمەسىندەگىلەرمەن كەزدەسىپ، باس شۋجي شي جينپيڭنىڭ بىلتىرعى ورتا ازيا ساپارىندا، اسىرەسە، وزبەكستاندا ساپاردا بولعان كەزىندە ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمداردى دايەكتىلەندىرۋ، تياناقتاندىرۋ، ەكى جاقتىڭ ءار سالاداعى اۋىس - كۇيىسىن، سەلبەستىگىن ءۇرتىس تەرەڭدەتۋ، قاتىستى نىسانداردىڭ تياناقتانۋىن ىلگەرىلەتۋ جونىندە ىشكەرىلەي ناقتى كەڭەس وتكىزدى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان تەسەبايەۆ پەن ۋاكىلدەر ۇيىرمەسىندەگىلەردىڭ كەلگەندىگىن قارسى الاتىندىعىن ءبىلدىردى. ول بىلاي دەدى: جۇڭگو − وزبەكستان دوستىعى ارىدان باستاۋ الىپ، ۋاقىت وتكەن سايىن جاڭارىپ كەلەدى. ەكى ەل مەملەكەت باسشىلارىنىڭ ستراتەگيالىق جەتەكشىلىگىندە جۇڭگو − وزبەكستان قارىم - قاتىناسى جان - جاقتى ستراتەگيالىق سەرىكتەستىك قارىم - قاتىناس دەڭگەيىنە كوتەرىلىپ، ءبىر - بىرىنە قول ۇشىن بەرۋدىڭ، تاتۋ كورشى، دوستىقتىڭ تيپتىك ۇلگىسىنە اينالدى. جۋىردا عانا جۇڭگو شينجياڭ دوستىق اۋىس - كۇيىس ساپارلاۋ ۇيىرمەسى وزبەكستاندا ساپاردا بولىپ، ەلدەرىڭىز باسشىلارىنىڭ جانە قاتىستى ءار جاقتىڭ وسكەلەڭ ءمان بەرۋىنە يە بولىپ، سۇبەلى اۋىس - كۇيىس، سەلبەستىك جەتىستىگىنە قول جەتكىزىپ عانا قويماي، ونان دا ماڭىزدىسى، وزبەكستان جاقتىڭ دامۋداعى وراسان زور كومەسكى كۇشى مەن جۇڭگومەن اۋىس - كۇيىستى، سەلبەستىكتى كۇشەيتۋدەگى كۇشتى تىلەگىن تىكەلەي سەزىندى، ءبىز بۇعان شىن جۇرەكتەن العىس ايتامىز. ورىنباسار مينيستر مىرزانىڭ وسى رەت ۇيىرمە باستاپ، جۇڭگونىڭ شينجياڭىنا ساپارلاي كەلۋى الداعى جەردە جۇڭگونىڭ شينجياڭى مەن ەلدەرىڭىزدىڭ جەرگىلىكتى ورىندارى اراسىنداعى ءار سالاداعى سەلبەستىكتى اناعۇرلىم تەرەڭدەتەتىندىگى ءشۇباسىز. كەزەكتە شينجياڭ جۇڭگو ۇلگىسىندەگى وسىزامانداندىرۋ جولىندا جوعارى ساپالى دامۋدى جەدەل ىلگەرىلەتۋدە، جىبەك جولى ەكونوميكالىق بەلدەۋى وزەكتى رايونى قۇرىلىسى بەلسەندى تابىسقا قول جەتكىزدى، بيىل جىل باسىنان بەرى، ەكونوميكالىق دامۋدا تاماشا باستاما اشىلدى، سىرتقى ساۋدا يمپورت - ەكسپورتى سياقتى سالالاردا ارتۋ جاعدايى تەبىندى بولدى، سىرتقا ەسىك اشۋدىڭ كومەسكى كۇشى شەكسىز، بولاشاعىنان زور ءۇمىت كۇتۋگە بولادى. ءبىز ەكى ەل مەملەكەت باسشىلارى كەلىسكەن ماڭىزدى ورتاق تانىمدى اناعۇرلىم ويداعىداي تياناقتاندىرىپ، ەلدەرىڭىزدىڭ جەرگىلىكتى ورىندارىمەن ارتىقشىلىقتار ارقىلى ءوزارا تولىقتاۋدى، ناقتى ىستەر سەلبەستىگىن جان - جاقتى كۇشەيتىپ، ەكونوميكا - ساۋدا بارىس - كەلىسى مەحانيزمىن كەمەلدەندىرىپ، ساۋدا مەن قارجى قوسۋ كولەمىن اناعۇرلىم كەڭەيتىپ، وسى زامانعى اۋىل شارۋاشىلىعى سالاسىندا ءوزارا پايدا جەتكىزۋ سەلبەستىگىن ىلگەرىلەتىپ، جەل ەنەرگياسى، فوتوۆولت سياقتى جاسىل ەنەرگيا سەلبەستىگىنىڭ ءورىسىن كەڭەيتىپ، جۇڭگو − قىرعىزستان − وزبەكستان تەمىر جولى سياقتى نەگىزدىك قۇرىلعىلاردى ۇلاستىرۋ، تۇتاستىرۋ قۇرىلىسىن كۇشەيتىپ، وقۋ - اعارتۋ، عىلىم - تەحنيكا، ءدارى - دارمەك، مادەنيەت - ساياحات سياقتى اۋىس - كۇيىس ارناسىن كەڭەيتىپ، دوس قالالاردىڭ قارىم - قاتىناسىن تەرەڭدەتىپ، اناعۇرلىم كوپ سەلبەستىك نىساندارىنىڭ تياناقتانۋىن ىلگەرىلەتىپ، اناعۇرلىم كوپ جاڭا ەكونوميكالىق ارتۋ ءتۇيىنىن جاراتىپ، جۇڭگو − وزبەكستان تاعدىرلاس ورتاق تۇلعاسىن قۇرۋعا بەلسەنە كۇش قوسۋدى قالايمىز.
تەسەبايەۆ مىنالاردى ءبىلدىردى: وزبەكستان − جۇڭگو دوستىعىنىڭ، سەلبەستىگىنىڭ تاريحى ۇزاق. ەكى ەلدىڭ مەملەكەت باسشىلارى ەكى جاق قارىم - قاتىناسىنىڭ ءۇرتىس اقاۋسىز دامۋىنا جەتەكشىلىك ەتىپ، ەكى جاقتىڭ اۋىس - كۇيىستى، سەلبەستىكتى تەرەڭدەتۋىنە كەڭ تۇعىر ازىرلەدى، تاماشا ورتا جاراتتى. وسى رەت وزبەكستان جاق ۋاكىلدەر ۇيىرمەسىنىڭ جۇڭگونىڭ شينجياڭىنا كەلىپ اۋىس - كۇيىس جاساۋى، ساپارلاۋى − ەكى جاقتىڭ ۇدايىلانعان اۋىس - كۇيىس، سەلبەستىك ورىستەتۋىنىڭ ناقتى شاراسى. وزبەكستان وسىنى وراي ەتىپ، جۇڭگونىڭ شينجياڭىمەن وسى زامانعى اۋىل شارۋاشىلىعى، كەن بايلىعىن اشۋ، پايدالانۋ، مادەنيەت - ساياحات، دارىندى باۋلۋ سياقتى سالالاردا سەلبەسىپ دامۋدى ءۇرتىس ىلگەرىلەتەدى. تەسەبايەۆ تاعى ەكى جاقتىڭ بىرلەسكەن قىزمەت گرۋپپاسىن قۇرۋ، ينتەرنەت جەلىسىندە، ينتەرنەت جەلىسىنەن تىس تىلدەسۋ، بايلانىس جاساۋ مەحانيزمىن كەمەلدەندىرۋ، كاسىپورىندار ارا ەكونوميكا - ساۋدا اۋىس - كۇيىس قيمىلىن مەرزىم سايىن ورىستەتۋ سياقتىلار جونىندە پىكىر - ۇسىنىس قويدى، سونداي - اق اۆتونوميالى رايوننىڭ باسشىلارىمەن جان - جاقتى كەڭەس وتكىزدى.
وزبەكستان سامارقان وبلىسىنىڭ ءبىرىنشى ورىنباسار باستىعى ابىلوۆ قاتارلىلار جۇڭگو شينجياڭىمەن قاتىستى سالالارداعى سەلبەستىك كەلىسىمىن تياناقتاندىرۋ، شينجياڭ كاسىپورىنشىلارىمەن اۋىس - كۇيىستى كۇشەيتۋ سياقتى قىزمەتتەر جونىندە پىكىر - ۇسىنىس قويدى.
وزبەكستان قاتىناس مينيسترلىگىنىڭ ورىنباسار مينيسترى مومىنوۆ، اۋىل شارۋاشىلىق مينيسترلىگىنىڭ ورىنباسار مينيسترى مامادامينوۆ، ءدارى - دارمەك كاسىبىن دامىتۋ مەكەمەسىنىڭ باستىعى يەگاموۆ، تاشكەنت وبلىسىنىڭ ورىنباسار باستىعى ءشارىپوۆ، سامارقان وبلىسىنىڭ ورىنباسار باستىعى قايداروۆ، سىرداريا وبلىسىنىڭ ورىنباسار باستىعى بوتىروۆ، وزبەكستان جاق ۇكىمەتىنىڭ قاتىستى تاراۋلارى جانە وبلىستىق، رايوندىق ۇكىمەتتىڭ قاتىستى قىزمەتكەرلەرى، قوعام جانە كاسىپورىن ۋاكىلدەرى، جۇڭگودا تۇراتىن ەلشىلىگىنىڭ قاتىستى قىزمەتكەرلەرى كەزدەسۋگە قاتىناستى. چىن ۋيجۇن، ياڭ فاسىن، قادەن كابەن، ليۋ سۋشى، ءماردان مۇحيت، ليۋ حۇيجۇن، اۆتونوميالى رايونعا (ورتالىققا) توتە قاراستى ءىشىنارا ورىندار مەن تاراۋلارداعى جاۋاپتى جولداستار كەزدەسۋگە قاتىناستى.
