تاماشا ۇيرەنۋ ستيلىمەن وسى ”مىندەتتى ساباقتى“ ويداعىداي ۇيرەنەيىك
− نەگىزگى تاقىرىپتىق تاربيەنى تىڭعىلىقتى ىلگەرىلەتۋ جونىندە جەلىلەس سۇحبات ①
□ شين شىجيان
ارناۋلى تاقىرىپتىق ۇيرەنۋدى جۇرگىزۋ، كىتاپ وقۋ كلاسىن اشۋ، پىكىر اۋىستىرىپ تالقى ورىستەتۋ... شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار بار ىنتا - پەيىلىمەن ءتۇپ نۇسقانى وقىپ، اۋەلگى ءماتىندى ۇيرەنىپ، قاعيدانى ءتۇسىنىپ، تاماشا ۇيرەنۋ ستيلىمەن نەگىزگى تاقىرىپتىق تاربيەنىڭ ورىستەتىلۋىنە جاقسى باستاما كوتەردى.
يدەيا − ارەكەتتىڭ جەتەكشىسى، نازاريا − امالياتتىڭ باعدارناماسى. جاڭا ءداۋىردىڭ جاڭا جورىعىندا قىم - قۋىت، كۇردەلى حالىقارالىق، ەل ءىشى جاعدايى، جاپالى دا اۋىر رەفورما، دامۋ، ورنىقتىلىق مىندەتتەرى، ءتۇرلى تۇراقسىز، بولجاۋسىز حاۋىپ - قاتەرلەر، سىن - سايىستار الدىندا، پارتيا 20 - قۇرىلتايىندا بەلگىلەنگەن ءتۇرلى ستراتەگيالىق ورنالاستىرۋلاردى جۇزەگە اسىرۋ قالىڭ پارتيا مۇشەلەرىنىڭ، كادرلاردىڭ تاماشا ۇيرەنۋ ستيلى ارقىلى شي جينپيڭ جاڭا ءداۋىر جۇڭگوشا سوتسياليزم يدەياسى سىندى وسى مىندەتتى ساباقتى ويداعىداي ۇيرەنىپ، پارتيانىڭ جاسامپاز نازارياسىمەن وي - سانانى اناعۇرلىم ويداعىداي قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋىن شۇعىل قاجەت ەتەدى.
بۇل رەتكى نەگىزگى تاقىرىپتىق تاربيەنى ورىستەتۋدە تاماشا ۇيرەنۋ ستيلى ءتۇبىرلى كەپىل سانالادى. قالىڭ پارتيا مۇشەلەرى مەن كادرلار جونىنەن العاندا، تاماشا ۇيرەنۋ ستيلى − پارتيالىلىق جەتىلىمنىڭ نەگىزگى تالابى. ۇيرەنۋ ستيلىنىڭ جاقسى بولۋ - بولماۋى نەگىزگى تاقىرىپتىق تاربيەنىڭ ساپاسى مەن ونىمدىلىگىنە تىكەلەي ىقپال جاسايدى. دۇرىس ۇيرەنۋ ستيلى بولماسا، ۇيرەنۋ پوزيتسياسىندا ”ۇيرەنگەنمەن كوكەيگە ۇيالاماۋ“، ۇيرەنۋ مەن قولدانۋ قاتىناسىنداعى ”ۇيرەنگەنى ءبىر باسقا، ىستەگەنى ءبىر باسقا بولۋ“، ۇيرەنۋ ونىمدىلىگىندەگى ”ۇيرەنۋدىڭ تاياز، ۇيرەنۋدىڭ بىتىراڭقى، ۇيرەنۋدىڭ بەتالدى بولۋى“ سياقتى ماسەلەلەر تۋىلىپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋدە ناقتى ونىمدىلىككە قول جەتكىزۋ قيىنعا سوعادى. ۇيرەنۋ ستيلى دۇرىس بولعاندا عانا، شي جينپيڭ جاڭا ءداۋىر جۇڭگوشا سوتسياليزم يدەياسىن ساناعا ءسىڭىرىپ، جۇرەككە ۇيالاتۋعا بولادى، مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۇدىرەتتى كۇشىنە اينالدىرۋعا بولادى.
ارىقتاعى سۋدىڭ سونشالىقتى تۇنىق بولۋى باس جاعىندا سارقىلمايتىن ءمولدىر بۇلاق بولعاندىعىنان. پارتيانىڭ جاسامپاز نازارياسىن ويداعىداي ۇيرەنۋدە، ەڭ الدىمەن ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيدانى تۇسىنۋگە تاباندى بولۋ كەرەك. جاڭا ءداۋىردىڭ 10 جىلىنداعى ۇلى وزگەرىس − بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىنان كەلگەن، ەڭبەكتەنۋىنەن كەلگەن، كۇرەس جۇرگىزۋىنەن كەلگەن، ءتۇپ نەگىزى باس شۋجي شي جينپيڭنىڭ رول ۇستاپ، جول باستاۋىنىڭ ارقاسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. وسى يدەيانىڭ نەگىزگى كوزقاراسىن، عىلمي جۇيەسىن جاپپاي، جۇيەلى يگەرىپ، وسى يدەيانىڭ دۇنيەگە كوزقاراسىن، ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز ارتتىرعاندا عانا، ماركسيزمدىك ەرەن قابىلەتتى شىن مانىندە جەتە يگەرىپ، جاڭا جورىقتا شي جينپيڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتتەرگە جەتەكشىلىك ەتۋگە بولادى.
جەتەرسىزدىكتى ءبىلۋ، ونان سوڭ ءوزىن ساراپتاۋ كەرەك؛ قيىنشىلىقتى ءبىلۋ، ونان سوڭ ءوزىن الۋەتتەندىرۋ كەرەك. پارتيانىڭ جاسامپاز نازارياسىن ويداعىداي ۇيرەنۋدە، ءسوز جوق، ماسەلەنى بەتكە الىپ ۇيرەنۋ كەرەك. ماسەلە تانىمى − ۇيرەنۋدىڭ امالياتقا بەت الۋىنىڭ لوگيكالىق باستاماسى، تەك ۇيرەنۋ بارىسىندا قىزمەتتەگى داعدارۋمەن، ستيلدەگى ماسەلەلەرمەن قاي - قاشان دا بايلانىستىرىپ، باعىتتامالى تۇردە وي جۇگىرتىپ، ىزدەنىس جاساعاندا عانا، ”التىندى تاۋعا بارىپ قۇر الاقان قايتۋ“ بولمايدى. امالياتتا كەيبىر مەكەمە - ورىنداردىڭ ۇيرەنۋ ماتەريالدارى از دەۋگە، شوعىرلى باۋلۋ، ارناۋلى تاقىرىپتا جەتەكشىلىك ەتۋدى ورىستەتۋ، مامانداردى ساباق بەرۋگە ۇسىنىس ەتۋ سياقتى الۋان ءتۇرلى ۇيرەنۋ فورمالارى كەمشىل دەۋگە كەلمەيدى، الايدا ناقتى اماليات بارىسىندا نازاريا ۇيرەنۋدىڭ ونىمدىلىگىن ايگىلەي المايدى، مۇنداعى شەشۋشى سەبەپ، ماسەلە تانىمىن كۇشەيتپەگەندىگىندە. قالىڭ پارتيا مۇشەلەرى مەن كادرلار ”يدەيانى ۇيرەنۋ“ بارىسىندا نازاردى كورنەكتى ماسەلەلەرگە شوعىرلاندىرىپ، ماسەلەنى تۇتقا ەتىپ، نىسانالى ىستەپ، دالمە - ءدال كۇش سالىپ، كۇش سالا شەشىپ، نەگىزگى تاقىرىپتىق تاربيەنىڭ ءتۇرلى مىندەتتەرىنىڭ ناقتاپ تياناقتانۋىن ىلگەرىلەتۋ كەرەك.
كىتاپتان كەلگەن ءبىلىم جەتكىلىكتى بولمايدى، ەگەر ونىڭ قاعيداسىن تۇسىنگىڭ كەلسە، ءسوز جوق، امالياتتان وتكىزۋ كەرەك. پارتيانىڭ جاسامپاز نازارياسىن ويداعىداي ۇيرەنۋدىڭ تەتىگى ءىس جۇزىندىكپەن بىرلەستىرۋدە، امالياتقا جەتەكشىلىك ەتۋدە. قىزمەتتى ىلگەرىلەتۋدە، ايتۋ مەن ىستەۋدى ءوزارا ايىرۋعا بولمايدى، ۇيرەنۋ مەن ىستەۋدى ءبولىپ تاستاۋعا بولمايدى. قالىڭ پارتيا مۇشەلەرى مەن كادرلار تانىم مەن ارەكەتتىڭ بىرلىگىنە تاباندى بولىپ، شىنايى يگەرىپ، ناقتى ىستەپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى ءداۋىردى باقىلاۋعا، ءداۋىردى يگەرۋگە، داۋىرگە جەتەكشىلىك ەتۋگە شەبەر بولىپ، بەلسەندىلىكپەن وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، ەكونوميكالىق، قوعامدىق دامۋ مەن پارتيا قۇرىلىسىندا ورىن تەۋىپ وتىرعان ءتۇرلى قايشىلىقتار مەن ماسەلەلەردى شەشىپ، ەلەۋلى حاۋىپ - قاتەردەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا تىڭ ىلگەرىلەۋشىلىككە، تىڭ سەرپىلىسكە قول جەتكىزۋدى ىلگەرىلەتۋ كەرەك.
تاماشا ۇيرەنۋ ستيلىن زور كۇشپەن اسقاقتاتقاندا عانا، ءسوزدى ءتۇسىنىپ، ونان دا ماڭىزدىسى، ءمانىن ۇعىنۋعا، سولاي ەكەنىن ءبىلىپ، ونان دا ماڭىزدىسى، نە ءۇشىن سولاي ەكەنىن ۇعىنۋعا بولادى، يدەيا ۇلى كۇشىن قۇدىرەتتى ەل قۇرۋدىڭ، ۇلتتى گۇلدەندىرۋدىڭ شينجياڭ تاراۋىن جازۋدىڭ قۇدىرەتتى كۇشىنە اينالدىرۋعا بولادى.
