انار بۇلت \ شينجياڭ گازەتىنىڭ ءتىلشىسى ساۋ حۋا 4 - ايدىڭ 21 - كۇنى ۇرىمجىدەن حابارلايدى. اۋا رايىنىڭ جەدەل جىلىنۋىنا بايلانىستى، شينجياڭنىڭ جەر - جەرىندە كوكتەمگى اعاش ەگىپ، ورمان ءوسىرۋ ارت - ارتىنان ورىستەتىلدى. شينجياڭ بيىل 935 مىڭ مۋ جەرگە كوكتەمگى ورمان ءوسىرۋدى جوسپارلادى، بۇل تۇتاس جىلدىق ورمان ءوسىرۋ مىندەتىنىڭ شامامەن ％60ىن يەلەيدى.
بيىل جالپى حالىقتىق مىندەتتى اعاش ەگۋ قيمىلى ورىستەتىلگەندىگىنىڭ 42 جىلدىعى، مەملەكەت شينجياڭعا جيىنى ءبىر ميلليون 558 مىڭ 400 مۋ جەرگە ورمان ءوسىرۋ مىندەتىن ءتۇسىردى، شينجياڭ 935 مىڭ مۋ جەرگە كوكتەمگى ورمان ءوسىرۋدى جوسپارلاۋدا. ءتىلشىنىڭ اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىنشا، 4 - ايدىڭ 19 - كۇنىنە دەيىن شينجياڭ 556 مىڭ 200 مۋ جەرگە كوكتەمگى ورمان ءوسىرىپ، 826 قىستاق جاسىلداندىرۋ، كورىكتەندىرۋ قىزمەتىن ورىستەتىپ، جاسىلداندىرىلعان اۋماق 61 مىڭ 700 مۋ بولعان.
شينجياڭ تۇياق كەستى بولعان ىقتاسىن ورماندى قالپىنا كەلتىرۋدى جانە اۋىل - قىستاقتى جاسىلداندىرۋدى، كورىكتەندىرۋدى اعاش ەگىپ، ورمان ءوسىرۋدىڭ ءتۇيىنى ەتىپ، جاڭالاۋ، تولىقتاپ ەگۋ، تولىقتاپ ءوسىرۋ سياقتى تاسىلدەردەن پايدالانىپ، ەگىنجاي ىقتاسىن ورمانىن نەگىز ەتكەن تۇياق كەستى بولعان ىقتاسىن ورماندى قالپىنا كەلتىرۋ قىزمەتىن ورىستەتتى؛ 1000 قىستاقتىڭ اۋىل - قىستاقتى جاسىلداندىرۋ، كورىكتەندىرۋ جۇمىسىن ورىستەتۋىنە ۇزدىكسىز قولداۋ كورسەتىپ، بوس جەرگە اعاش ەگۋ، قايتارىلعان جەرلەرگە اعاش ەگۋ سياقتىلار ارقىلى اۋىل - قىستاقتىڭ جاسىل القابىن كوبەيتتى؛ كونە، ايگىلى اعاشتاردى بەلگى تاعىپ قورعاۋ جانە قالپىنا كەلتىرۋ سىناق ءتۇيىنى قىزمەتىن ورىستەتىپ، اۋىل - قىستاقتىڭ تابيعي جامىلعىسىن قورعاۋدى كۇشەيتىپ، كورىكتى، قونىسقا جايلى اۋىل - قىستاق قۇرىلىسىن ىلگەرىلەتتى.
بيىل ەلىمىز ”ينتەرنەت + جالپى حالىقتىق مىندەتتى اعاش ەگۋ“ قيمىلىن جاپپاي ورستەتىپ، ”ينتەرنەت + جالپى حالىقتىق مىندەتتى اعاش ەگۋدەگى“ 84 نىسان قيمىلى شينجياڭ جالپى حالىقتىق مىندەتتى اعاش ەگۋ تورىندا ينتەرنەت جەلىسىنە شىعارىلدى، بۇل بۇكىل شينجياڭداعى 14 ايماق، وبلىس، قالانى قامتىدى، مۇنىڭ ىشىندە ەڭبەك ارقىلى جاۋاپكەرشىلىك وتەۋ قيمىلىنان 81ى، قارجىلاي كومەكتەسۋ ارقىلى جاۋاپكەرشىلىك وتەۋ قيمىلىنان ۇشەۋى بار.
قازىرگە دەيىن شينجياڭدا بيىل 28 ميلليون 864 مىڭ 900 ءتۇپ مىندەتتى اعاش ەگىلدى، 2 ميلليون 502 مىڭ 900 ادام (رەت) مىندەتتى اعاش ەگۋ قيمىلىنا قاتىناستى.
