تانىسقى تاراتتى، جاقسى دوستارعا قوستى، سەلبەستىك تۋرالى اڭگىمەلەستى
جۇڭگو − وزبەكستان ساۋداگەرلەرى ەكونوميكا - ساۋدا اۋىس - كۇيىس ماجىلىسىندە ساۋدا ورايىن قاراستىردى
انار بۇلت \ شينجياڭ گازەتىنىڭ تىلشىلەرى لي جياني، گو ليڭ
تانىسقى تاراتتى، جاقسى دوستارعا قوستى، سەلبەستىك تۋرالى اڭگىمەلەستى... 4 - ايدىڭ 20 - كۇنى جۇڭگو (شينجياڭ) − وزبەكستان ەكونوميكا - ساۋدا اۋىس - كۇيىس ءماجىلىسىنىڭ تانىستىرۋ بۋىنى اياقتالىسىمەن، جۇڭگو − وزبەكستان ساۋداگەرلەرى ءماجىلىس الاڭىن ارالاي ساۋدا قاراستىرۋ قاربالاستىعىنا ءتۇستى.
ەكونوميكا - ساۋدا اۋىس - كۇيىس ءماجىلىسىنىڭ ەركىن اۋىس - كۇيىس جاساۋ بۋىنىنا اۋىل شارۋاشىلىعى، ەنەرگيا، حيميا ونەركاسىبى، ساۋدا، زات اينالىمى، توقىماشىلىق، كيىم - كەشەك، مەتاللۋرگيا، جاساۋ، ءدارى - دارمەك، ەلەكتر جانە باسقا دا 7 كاسىپ اۋماعى ورنالاستىرىلدى، 110 جۇڭگو كاسىپورنى مەن 20عا جۋىق وزبەكستان كاسىپورنى وزدەرىنىڭ سەلبەستىك نىساناسىن قاراستىرا وتىرىپ اۋىس - كۇيىس جاساي باستادى.
”ءبىز ەلەكتر كاسىبىنە زور ءۇمىت ارتىپ وتىرمىز، جۇڭگوداعى سەلبەستىك سەرىكتەرىمىزبەن بىرگە جاڭاشا ءونىم ءوندىرۋ تەحنيكاسىن بىرگە يگەرىپ، تاۋاردىڭ حالىقارالىق بازاردا باسەكەلىك قۋاتقا يە بولۋىنا شىنايى كەپىلدىك ەتۋدى قالايمىز“. وزبەكستان قارجى قوسۋ، ونەركاسىپ جانە ساۋدا مينيسترلىگىنىڭ ورىنباسار مينيسترى عۇلام تەسەبايەۆتىڭ تانىستىرۋ كەزىندە سويلەگەن ءسوزى قاتىستى كاسىپتەرمەن شۇعىلداناتىن ليۋ جيەنى ەرەكشە تەبىرەندىردى، ”بۇل ءبىز ءۇشىن جاقسى ءىس، بۇل اۋىس - كۇيىس قيمىلىنىڭ ءمانى اسا زور“.
ءۇرىمجى قالاسى ميڭرۇيشىدا ساۋدا شەكتى سەرىكتەستىگىنىڭ ساۋدا ديرەكتورى ساي جينحۇي ءماجىلىس الاڭىندا كوپتەگەن تانىسقى تاراتىپ، اۋدارماشىلار ارقىلى وزبەكستان ساۋداگەرلەرىمەن توقتاۋسىز بايلانىس جاسادى. ول كوپتەگەن ونىمدەردى وزبەكستانعا ساتۋدى ويلاپ، وسى رەتكى اۋىس - كۇيىس ءماجىلىسى ارقىلى سەرىكتەستىككە اناعۇرلىم كوپ سىرتقى ساۋدا ورايىن جاراتۋدى ءۇمىت ەتتى.
”ورايدى يگەرىپ، اۋىس - كۇيىس ماجىلىسىندە كەيبىر نىسانداردى اشۋ جونىندەگى ينفورماتسياعا يە بولدىق“. مەملەكەتتىك ەلەكتر قۋاتى قارجى قوسۋ توبى شينجياڭ سەرىكتەستىگىنىڭ ورىنباسار باس باقىلاۋشىسى حي جۇن - ان تانىستىرىپ بىلاي دەدى: ولار وزبەكستانداعى ارال تەڭىزى ەكولوگيالىق ورتاسىن باسقارۋ نىسانىن جاڭا ەنەرگيا كاسىبىن دامىتۋدىڭ باستاماسى ەتىپ، اناعۇرلىم كوپ سەلبەستىك ورايىن قاراستىرماق.
”مەن جۇڭگونىڭ كەلىنىمىن، وزبەكستاندا بىرلەسىپ قارجى قوسقان 10 كاسىپورىنعا ءساتتى قارجى قوستىم“. وزبەكستان BA ساۋدا قوعامىنىڭ ديرەكتورى گۇليار تاجىميرزايەۆا بىلاي دەدى: ”وسىنداي اۋىس - كۇيىس تۇعىرىن ەرەكشە ۇناتامىن، بۇگىن مەن ۋيشينعا كوپتەگەن دوستاردى قوستىم، ءوزارا ءتۇسىنىسۋدى تەرەڭدەتكەننەن كەيىن سەلبەستىكتى ويلاستىرامىن“.
ەكونوميكا - ساۋدا اۋىس - كۇيىس ءماجىلىسى جۇمىس باسىندا، ساۋداگەرلەردى ەرەكشە قىزىقتىرعانى باس بولىپ وتكىزۋشى جاق جۇڭگونىڭ شينجياڭى مەن وزبەكستان جەرگىلىكتى ۇكىمەتىنىڭ جاۋاپتىلارىن ۇسىنىس ەتكەنى بولدى، ولار جەرگىلىكتى ورىننىڭ بازار ساياساتى، تۇتىنۋ ادەتى سياقتى مازمۇنداردى تانىستىردى، كوپتەگەن ساۋداگەرلەر ۇيىرمە ۇيىمداستىرىپ ارالاپ كورىپ كەلۋدى ءۇمىت ەتەتىندىكتەرىن ءبىلدىردى.
”جۇڭگو − تاسىمال جانە زات اينالىمى جاعىندا بىزگە ەڭ جاقىن ءارى ەڭ ۇلكەن بازاردىڭ ءبىرى“. وزبەكستاننىڭ سىر داريا وبلىستىق ۇكىمەتىنىڭ ورىنباسار باستىعى باھادىر بوتلوۆ بىلاي دەدى: سىر داريا وبلىسى بيولوگيالىق ءدارى جاساۋ، قۇرىلىس ماتەريالدارى، اۋىل شارۋاشىلىعى، ازىق - تۇلىك، ەلەكترون تەحنيكاسى، وقۋ - اعارتۋ سياقتى 20 سالادا جۇڭگو كاسىپورىنشىلارىن اناعۇرلىم كوپ ءتيىمدى ساياساتپەن قامدايدى.
ەكونوميكا - ساۋدا اۋىس - كۇيىس ماجىلىسىندە، ءار سالاداعى ساۋداگەرلەر ءتۇسىنۋ، جالپىلاستىرۋ، سەلبەستىكتى كۇشەيتۋ، نىسان قۇرىلىسىن ىلگەرىلەتۋ سياقتى سالالاردا ىشكەرىلەي اۋىس - كۇيىس جاسادى. ۇعىسۋعا قاراعاندا، جۇڭگونىڭ شينجياڭى مەن وزبەكستان ەكى جاقتىڭ كاسىپورىندارى جۇمىس باسىندا سەلبەستىك كەلىسىمىنە قول قويىسقان، بۇل ەلەكتر، ەلەكترون تەحنيكاسى، يمپورت - ەكسپورت ساۋداسى سياقتى كوپتەگەن سالالارعا سايادى ەكەن.
