ما شيڭرۇي اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ 1 - رەتكى ماجىلىسىندە بىلاي دەپ باسا دارىپتەدى
جۇيە كوزقاراسىنا تاباندى بولىپ، عىلمي باسقارۋدى كۇشەيتىپ، سۋ بايلىعىن جوعارى ونىمدىلىكپەن ۇلەستىرۋدى جانە ودان ۇيلەسىمدى پايدالانۋدى ىلگەرىلەتۋدە تىڭ سەرپىلىسكە قول جەتكىزۋ كەرەك
ۋاڭ گوشىڭ، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 4 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ سۋ بايلىعىن باسقارۋ كوميتەتى 4 - ايدىڭ 25 - كۇنى 1 - رەتكى ءماجىلىسىن اشتى، ءماجىلىس نەگىزگى تاقىرىپتىق تاربيەنى ورىستەتۋمەن تىعىز ۇشتاستىرىپ، پارتيا 20 - قۇرىلتايىنىڭ رۋحىن جانە شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ سۋدى تىزگىندەۋ، سۋ ىستەرىن گۇلدەندىرۋ جونىندەگى ماڭىزدى بايىمداۋلارىن مۇقيات دايەكتىلەندىرىپ، ساياسي دەڭگەيدى جوعارىلاتىپ، تۋراشىلدىقتان اينىماي جاڭالىق اشۋعا تاباندى بولىپ، جۇيەلى ويلاۋدى كۇشەيتىپ، شينجياڭنىڭ سۋ بايلىعىن باسقارۋ، ودان پايدالانۋ قىزمەتىن اناعۇرلىم عىلمي، دالمە - ءدال، ويداعىداي ىستەپ، سۋ بايلىعىن جوعارى ونىمدىلىكپەن ۇلەستىرۋدى جانە ودان ۇيلەسىمدى پايدالانۋدى ىلگەرىلەتۋدە تىڭ سەرپىلىسكە قول جەتكىزۋدى العا قويدى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ مەڭگەرۋشىسى ما شيڭرۇي ءماجىلىستى باسقاردى ءارى ءسوز سويلەدى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ ماجىلىسكە قاتىناستى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ، نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ مۇشەلەرى ماجىلىسكە قاتىناستى. جۇڭگو ينجەنەريا اكادەمياسىنىڭ اكادەميكتەرى ۋاڭ حاۋ، دىڭ ميڭجياڭ جانە جۇڭگو عىلىم اكادەمياسىنىڭ اكادەميگى شياۋ ۋىنجياۋ ماجىلىسكە قاتىناستى.
ءماجىلىس «اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ ءىس قاراۋ ەرەجەسىن»، «اۆتونوميالى رايوندىق پارتكوم سۋ بايلىعىن باسقارۋ كوميتەتى كەڭسەسىنىڭ قىزمەت ناقتى ەرەجەسىن»، «اۆتونوميالى رايوندىق پارتكوم سۋ بايلىعىن باسقارۋ كوميتەتى ماماندار كوميسسياسىنىڭ قۇرىلىمىن بەلگىلەۋ جانە قۇرامىنداعىلار ۇسىنىس جوباسىن»، «اۆتونوميالى رايوندىق پارتكوم سۋ بايلىعىن باسقارۋ كوميتەتى ماماندار كوميسسياسىنىڭ قىزمەت ەرەجەسىن»، «2023 - جىلعى اۆتونوميالى رايوندىق پارتكوم سۋ بايلىعىن باسقارۋ كوميتەتىنىڭ قىزمەت تۇيىندەرىن» اقىلداسىپ قاراپ، 2023 - جىلعى بۇكىل شينجياڭنىڭ سۋ بايلىعىن باسقارۋ جانە وڭتۇستىك شينجياڭنىڭ سۋ بايلىعىنان باياندى پايدالانۋ قىزمەتىن اقىلداسىپ ورنالاستىردى.
ۋاڭ حاۋ، دىڭ ميڭجياڭ، شياۋ ۋىنجياۋ قاتارلى اكادەميك - ماماندار شينجياڭنىڭ سۋ بايلىعىن باسقارۋ، پايدالانۋ توڭىرەگىندە پىكىر اۋىستىرىپ، تالقى جۇرگىزدى. ولار بىلاي دەپ قارادى: شينجياڭنىڭ سۋ يگىلىگى قىزمەتى تىڭعىلىقتى دا پارمەندى، توتەنشە تابىستى بولىپ، ەكونوميكانىڭ، قوعامنىڭ جوعارى ساپالى دامۋىنا، قوعام ورنىقتىلىعى مەن باياندى تىنىشتىقتى ىلگەرىلەتۋگە پارمەندى تىرەك ازىرلەدى. كوپشىلىك شينجياڭنىڭ سۋ بايلىعىنىڭ قازىرگى جاعدايى، ۇلەستىرۋ، پايدالانۋ احۋالى سياقتىلارعا كاسىپتىك تالداۋ جاساپ، نازاردى ءتۇيىندى وڭىرلەرگە شوعىرلاندىرا وتىرىپ، شينجياڭنىڭ ەگىستىك جەر اۋدانىن كەڭەيتۋ، وڭتۇستىك شينجياڭنىڭ سورتاڭ جەرىن جاقسارتۋدى زور كۇشپەن ىلگەرىلەتىپ، استىق ءونىمىن ارتتىرۋدى جەبەۋ، اعار اتتاعان كەلەلى سۋ يگىلىگى ينجەنەريا قۇرىلىسىن جەدەلدەتۋ، سۋارۋ مەن ىعىستىرۋدى بىرلەستىرىپ جاڭا داۋىردەگى كارىز قۇدىعىن سالۋ، ايماق، اۋدان، اۋىل 3 دارەجەلى سۋ بايلىعىن باسقارۋ تاراۋلارىنىڭ قوسىن قۇرىلىسى مەن جاۋاپكەرشىلىگىن تياناقتاندىرۋدى كۇشەيتۋ، سۋ بايلىعىن باسقارۋدى، ودان پايدالانۋدى عىلمي تۇجىرىمداۋدى كۇشەيتۋ، ”سۋدى مولايتۋ“ ارناسىن ۇيلەسىمدى اشۋ، كەڭەيتۋ، وڭتۇستىك شينجياڭ ءوڭىرىن ونەركاسىپكە پايدالانىلاتىن سۋمەن قامتاماسىز ەتۋ سەرپىنىن كۇشەيتۋ سياقتى قىزمەتتەر جونىندە ۇسىنىس ايتتى.
ما شيڭرۇي بىلاي دەپ باسا دارىپتەدى: بىلتىر جىل باسىنان بەرى، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، ستراتەگيالىق جانە جالپى جاعدايلىق تۇرعىدان جوعارى دەڭگەيدە سۋدى تىزگىندەۋگە، سۋ بايلىعىن باسقارۋعا تاباندى بولىپ، جۇيەلى ويلاۋدى كۇشەيتىپ، ءبىر تۇتاس جوسپارلاپ، جوبالاۋدى كۇشەيتىپ، بۇكىل رايوندا سۋ بايلىعىن رەتتەۋدىڭ، باسقارۋدىڭ ءبىر تۇتاس جۇيەسىن ورناتىپ، سۋ بايلىعىن پايدالانۋدا اناعۇرلىم دالمە - ءدال، جوعارى ءونىمدى بولۋدى ىلگەرىلەتىپ، سۋ بايلىعىنىڭ شينجياڭنىڭ باياندى دامۋىنداعى تىرەكتىك، قامتاماسىزدىق رولىن اناعۇرلىم كورنەكتىلەندىردى. سونىمەن بىرگە، مىنانى سەرگەكتىكپەن كورە ءبىلۋ كەرەك: بۇكىل رايوننىڭ سۋ بايلىعىن ءبىر تۇتاس ورنالاستىرۋ، جوعارى ونىمدىلىكپەن ۇلەستىرۋ، شوعىرلى، ۇنەمدى پايدالانۋ ءتۇزىلىس - مەحانيزمى كەمەلدەنە قويماعان، بۇكىل رايوندى قامتىعان سۋ تورى جۇلگەسى ءالى قالىپتاسا قويماعان، ماسەلەلەردى زەرتتەۋگە، قيىن ماسەلەلەردى شەشۋگە اناعۇرلىم زور كۇش سالۋ قاجەت بولىپ وتىر. شي جينپيڭنىڭ ەكولوگيالىق وركەنيەت يدەياسى مەن باس شۋجي شي جينپيڭنىڭ سۋدى تىزگىندەۋ، سۋ ىستەرىن گۇلدەندىرۋ جونىندەگى ماڭىزدى بايىمداۋلارىن ىشكەرىلەي ۇيرەنۋگە، دايەكتىلەندىرۋگە تاباندى بولۋدى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، ساياسي دەڭگەيدى ونان ارى جوعارىلاتىپ، سۋ حاۋىپسىزدىگىنىڭ، سۋ ىستەرى دامۋىنىڭ شينجياڭ قىزمەتى جونىندەگى ەرەكشە كەلەلى ءمانىن تەرەڭدەي تانىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، سۋ ۇنەمدەۋدى ماڭداي الدى ورىنعا قويۋ، كەڭىستىك جاعىندا بىركەلكى بولۋ، جۇيەلى جونگە سالۋ، ەكى جاقتان كۇش سالۋ سىندى سۋدى تىزگىندەۋ وي جەلىسىن جاپپاي تياناقتاندىرىپ، رەفورمالاۋدى، جاڭالىق اشۋدى ۇزدىكسىز تەرەڭدەتىپ، كورنەكتى ماسەلەلەردى جەدەل شەشىپ، شينجياڭنىڭ سۋ بايلىعىن باسقارۋدىڭ ۇتىمسىز ۇلگىدەن ەگجەي - تەگجەيلىلەنۋگە، عىلميلانۋعا قاراي ۇزدىكسىز ويىسۋىن ىلگەرىلەتىپ، سۋ بايلىعىن جوعارى ونىمدىلىكپەن ۇلەستىرۋ جانە ودان ۇيلەسىمدى پايدالانۋ دەڭگەيىن شىن مانىندە جوعارىلاتىپ، شينجياڭنىڭ جوعارى ساپالى دامۋىنا پارمەندى قامتاماسىزدىق ازىرلەۋ كەرەك.
ما شيڭرۇي بىلاي دەپ باسا دارىپتەدى: سۋ بايلىعىن باسقارۋ ءتۇزىلىس - مەحانيزمىن اقاۋسىزداندىرىپ، سۋ بايلىعىن باسقارۋ كوميتەتىنىڭ قىزمەت فۋنكتسياسىن تولىق ساۋلەلەندىرىپ، جەرگىلىكتى ورىن مەن بيڭتۋان، الاپ پەن ءوڭىر سياقتىلاردىڭ سايكەستى جونگە سالۋىن ءبىر تۇتاس جوسپارلاپ ىلگەرىلەتىپ، سۋ مول جانە قۋاڭشىلىق مەزگىلىندە ءبىرىن - ءبىرى تولىقتايتىن، كوپ قاينار ءوزارا تولىقتايتىن الاپ سۋ تورى جۇلگەسىن قالىپتاستىرىپ، سۋ يگىلىگىنىڭ ءتۇيىندى سالالارى مەن شەشۋشى بۋىندارىنىڭ رەفورماسىن ىلگەرىلەتىپ، ەگجەي - تەگجەيلى، جۇيەلى، زاڭمەن جونگە سالىنىپ باسقارىلۋ ورەسىن جوعارىلاتۋ كەرەك. سۋ بايلىعىن ۇلەستىرۋدى ءبىر تۇتاس جوسپارلاپ ساپالىلاندىرىپ، سۋ بايلىعىن باسقارۋدىڭ ەڭ قاتاڭ ءتۇزىمىن تياناقتاندىرۋ، الاپ، ءوڭىر سۋ بايلىعىن ۇلەستىرۋدىڭ عىلمي جوباسىن جاساپ، جەر بەتى سۋىن پايدالانۋ مولشەرىن ەڭ جوعارى دەڭگەيدە جوعارىلاتىپ، جەر استى سۋىن اسىرا اشقان وڭىرلەردى جاپپاي جونگە سالۋدى كۇشەيتىپ، سەرپىلىستىك ىلگەرىلەۋشىلىككە قول جەتكىزۋدى ىلگەرىلەتۋ كەرەك. اۋىل شارۋاشىلىعىندا سۋدان پايدالانۋدى قامتاماسىزداندىرۋ قۋاتىن جوعارىلاتىپ، مەملەكەتتىڭ جاڭا ءبىر كەزەك 100 ميلليارد جىڭ استىق ءوندىرىس قۋاتىن جوعارىلاتۋ ارەكەتىنە قىزمەت كورسەتۋدى ارقاۋ ەتىپ، اۋىل شارۋاشىلىعىندا ىشكەرىلەي سۋ ۇنەمدەۋدى جاپپاي ىلگەرىلەتىپ، ءتۇيىندى سۋ ۇنەمدەۋ ينجەنەريالارىنىڭ اتقارىلۋىن ىلگەرىلەتۋ سەرپىنىن ارتتىرىپ، اۋىل شارۋاشىلىعىنا پايدالانىلاتىن سۋدى دالمە - ءدال ۇلەستىرۋدى، سۋارىلۋعا تيىستىلەرىن مۇمكىندىگىنشە سۋارۋعا شىنايى كەپىلدىك ەتۋدى ويداعىداي ىستەپ، استىقتىڭ ءونىم مولشەرىن ارتتىرۋ نىساناسىنىڭ جۇزەگە اسۋىن بار كۇشپەن قامتاماسىزداندىرۋ كەرەك. كەلەلى ينجەنەريا قۇرىلىسىن جۇيەلى ىلگەرىلەتىپ، سۋ ۇنەمدەۋ، سۋ ساقتاۋ، سۋ ۇلەستىرۋ جۇيەسىن قۇرۋدى نەگىزدىك سيپاتتى قامتاماسىزداندىرۋ ينجەنەرياسى ەتۋگە تاباندى بولىپ، شينجياڭنىڭ سۋ تورى تىرەگىن جەدەل قۇرىپ، سۋ بايلىعىن ۇيلەسىمدى اشۋ، پايدالانۋ سەرپىنىن ارتتىرىپ، سۋ بايلىعىن ۇلەستىرۋ قۋاتى مەن سۋ حاۋىپسىزدىگىن قامتاماسىز ەتۋ دەڭگەيىن جوعارىلاتۋ كەرەك. وزەن - كولدەردى باسقارۋ، قورعاۋ جاۋاپكەرشىلىگىن ناقتىلاندىرىپ، سۋ بايلىعىن، سۋ ورتاسىن، سۋ ەكولوگياسىن جونگە سالۋدى ءبىر تۇتاس جوسپارلاپ، جاپپاي جونگە سالۋدى، جۇيەلى جونگە سالۋدى، قاينارىنان جونگە سالۋدى كۇشەيتىپ، وزەن - كول باستىعى ءتۇزىمىن قاتاڭ تياناقتاندىرىپ، سۋ مەن توپىراقتىڭ زايا بولۋىن جاپپاي وڭاپ، وزەن - كولدەردى باسقارۋ، قورعاۋ ورەسىن جوعارىلاتىپ، ادام مەن سۋدىڭ جاراسىمدى بىرگە جاساۋىن جەبەۋ كەرەك.
جاڭ جۋ، قادەن كابەن، شۋە بين، ءماردان مۇحيت، ليۋ جيانميڭ، ليۋ شينجيان، دۋ حۇڭيان، قاتىستى مامانداردىڭ ۋاكىلدەرى، اۆتونوميالى رايوندىق پارتكوم سۋ بايلىعىن باسقارۋ كوميتەتىنە مۇشە ورىندارداعى جاۋاپتى جولداستار، قاتىستى ورىندار مەن تاراۋلارداعى جاۋاپتى جولداستار قاتارلىلار ماجىلىسكە قاتىناستى.
