4 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ حالىق سارايىندا ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاڭ شىمەيمەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 4 - ايدىڭ 26 - كۇنى بەيجيڭنەن بەرگەن حابارى. 4 - ايدىڭ 26 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق كوميتەت ۇيىمداستىرۋ ءبولىمىنىڭ باستىعى جاڭ شىمەيمەن كەزدەستى.
شي جينپيڭ جاڭ شىمەيگە باس شۋجي رۋان فۋجۇڭعا، مەملەكەت ءتوراعاسى ۋ ۋىنشاڭعا ىقىلاستى سالەمىن جەتكىزىپ قويۋدى ايتتى. شي جينپيڭ مىنالاردى ءبىلدىردى: بيىل جۇڭگو مەن ۆيەتنامنىڭ جاپپاي ستراتەگيالىق سەلبەستىك سەرىكتەستىك قارىم - قاتىناس ورناتقاندىعىنىڭ 15 جىلدىعى. بىلتىر باس شۋجي رۋان فۋجۇڭ جۇڭگوعا ساپارلاي كەلگەننەن بەرى، جۇڭگو − ۆيەتنام ەكى جاق مەن باس شۋجي رۋان فۋجۇڭمەن كەلىسكەن ورتاق تانىم جانە بىرلەسكەن مالىمدەمە رۋحىن تياناقتاندىرۋعا ايرىقشا ءمان بەرىپ، بەلسەندى شارالار قولدانىپ، جۇڭگو − ۆيەتنام اۋىس - كۇيىسىندە، سەلبەستىگىندە تاماشا جاعداي جارىققا شىعۋىن ىلگەرىلەتتى. مەن باس شۋجي رۋان فۋجۇڭمەن ءجيى بارىس - كەلىستى ساقتاپ، جۇڭگو − ۆيەتنام قارىم - قاتىناسىنا ساياسي جەتەكشىلىكتى جانە ستراتەگيالىق باستاماشىلدىقتى كۇشەيتۋدى قالايمىن.
شي جينپيڭ بىلاي دەپ باسا دارىپتەدى: اساۋ تولقىندى حالىقارالىق ورتا مەن ەكى ەلدىڭ وزدەرىنىڭ رەفورما، دامۋ، ورنىقتىلىق مىندەتتەرى الدىندا، جۇڭگو − ۆيەتنام ەكى جاق ”16 ارىپتىك“ باعىت جانە جاقسى كورشى، جاقسى دوس، جاقسى جولداس، جاقسى سەرىك بولۋ رۋحىن ۇستانىپ، ساياسي ءوزارا سەنىمدىلىكتى بەكەمدەپ، ىنتىماقتى، سەلبەستىكتى كۇشەيتىپ، الاۋىزدىقتاردى ۇيلەسىمدى باسقارىپ - تىزگىندەپ، حاۋىپ - قاتەر مەن سايىستارعا بىرگە توتەپ بەرىپ، ادامزاتتىڭ بەيبىتشىلىگى مەن العا باسۋ ىستەرىنە كۇش سالاتىن جۇڭگو − ۆيەتنام تاعدىرلاس ورتاق تۇلعاسىن قۇرۋدى ىلگەرىلەتۋى كەرەك. ماركسيزمدىك عىلمي نازاريامەن قارۋلانۋعا تاباندى بولىپ، وسى قۇدىرەتتى ساياسي باسىمدىقتى مىقتى يگەرىپ، اۋىس - كۇيىستى، ءوزارا ۇلگى الۋدى تەرەڭدەتىپ، يدەيالىق قورعانىس شەبىن بەكەمدەپ، سوتسياليزم ىستەرىن قول ۇستاسا ىلگەرىلەتۋ كەرەك. حالىقتى وزەك ەتۋگە تاباندى بولىپ، دامۋ ستراتەگياسى مەن نىسانداردى ءتۇيىلىستىرۋدى كەمەلدەندىرىپ، قۇرىلعىلاردى تۇتاستىرۋ مەن حالىق تىلەگىن توعىستىرۋدى ىلگەرىلەتىپ، ءداستۇرلى دوستىق تاربيەسىن كۇشەيتىپ، ەكى ەل قارىم - قاتىناسىنىڭ باياندى دامۋى ءۇشىن جۇرت قالاۋى نەگىزىن بەكەمدەۋ كەرەك. پارتيانىڭ بيلىك جۇرگىزۋ حاۋىپسىزدىگىن بار كۇشپەن بەكەمدەپ، مەملەكەتتىڭ ورنىقتىلىعى مەن دامۋىن قورعاپ، ادامزاتتىڭ بەيبىتشىلىگى مەن العا باسۋ ءىسى سىندى ۇلى مۇراتقا كۇش سالۋدان جازباي، حالىقارالىق ىستەردەگى ىنتىماقتى، سەلبەستىكتى كۇشەيتىپ، زورەكەرلىك پەن توپقا ءبولىنىپ قارسىلاسۋعا باتىل قارسى تۇرىپ، ءوڭىردىڭ بەيبىتشىلىگى مەن دامۋىنىڭ پايداسىن ويداعىداي قورعاپ، ادامزاتتىڭ تاعدىرلاس ورتاق تولعاسىن قۇرۋدى قول ۇستاسا ىلگەرىلەتۋ كەرەك.
جاڭ شىمەي، اۋەلى، باس شۋجي، مەملەكەت ءتوراعاسى شي جينپيڭگە باس شۋجي رۋان فۋجۇڭنىڭ، مەملەكەت ءتوراعاسى ۋ ۋىنشاڭنىڭ ىقىلاستى سالەمىن جەتكىزىپ، باس شۋجي شي جينپيڭنىڭ كەزدەسكەندىگىنە شىن جۇرەكتەن العىس ايتتى. جاڭ شىمەي مىنالاردى ءبىلدىردى: جۇڭگو كوممۋنيستىك پارتياسى 20 - قۇرىلتايىنىڭ جانە مەملەكەتتىك ەكى ءماجىلىستىڭ جەڭىسپەن اشىلعاندىعىن قىزۋ قۇتتىقتايمىن، باس شۋجي شي جينپيڭنىڭ تولىق داۋىسپەن جۇڭگونىڭ مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى بولىپ سايلانعاندىعىن قىزۋ قۇتتىقتايمىن، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جۇڭگو حالقىنىڭ، ءسوز جوق، جۇڭگو كوممۋنيستىك پارتياسىنىڭ 20 - قۇرىلتايىندا العا قويىلعان ءتۇرلى نىسانالاردى تابىسپەن ورىنداپ، جاپپاي سوتسياليستىك وسىزاماندانعان مەملەكەت قۇرىپ شىعاتىندىعىنا كامىل سەنەمىن. ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ جۇڭگو كوممۋنيستىك پارتياسىنىڭ 20 - قۇرىلتايى جابىلعان سوڭ جۇڭگودا ءساتتى ساپاردا بولىپ، باس شۋجي شي جينپيڭمەن جاڭا مەزگىلدەگى ۆيەتنام − جۇڭگو قارىم - قاتىناسىنىڭ دامۋى جونىندە ماڭىزدى ورتاق تانىمعا كەلىپ، ەكى ەلدىڭ جاپپاي ستراتەگيالىق سەلبەستىگى ءۇشىن قۋاتتى قوزعاۋشى كۇش ۇستەدى. ۆيەتنام جۇڭگومەن دوستىق سەلبەستىكتى دامىتۋدى باستان - اياق سىرتقى ساياساتىنىڭ ماڭداي الدى ورنىنا قويىپ، ءبىر جۇڭگو ساياساتىنا باستان - اياق تاباندى بولىپ، جۇڭگونىڭ بىرلىككە كەلۋ ۇلى ءىسىن باتىل قولدايدى. ۆيەتنام جاق جۇڭگو جاقپەن ەكى پارتيانىڭ ەڭ جوعارى باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ”16 ارىپتىك“ باعىت جانە جاقسى كورشى، جاقسى دوس، جاقسى جولداس، جاقسى سەرىك رۋحى بويىنشا ەكى پارتيانىڭ جوعارى جىكتەگىلەرىنىڭ بارىس - كەلىسىن جيىلەتۋگە تاباندى بولىپ، ”ەكى ءدالىز، ءبىر شەڭبەر“ مەن ”ءبىر بەلدەۋ، ءبىر جولدى“ بىرگە قۇرۋدى ءتۇيىلىستىرۋ سەلبەستىگىن ىلگەرىلەتىپ، ەكى پارتيا، ەكى ەل قارىم - قاتىناسى مەن سوتسياليزم ىستەرىنىڭ ۇزدىكسىز دامۋىن جەبەۋدى قالايدى. ۆيەتنام جاق باس شۋجي شي جينپيڭ العا قويعان كەلەلى الەمدىك باستامانى باتىل قولداپ، جۇڭگو جاقتىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىن وتكىزۋىن قولداپ، جۇڭگو جاقپەن وڭىرلىك جانە حالىقارالىق سەلبەستىكتى كۇشەيتىپ، ءوڭىردىڭ جانە دۇنيە ءجۇزىنىڭ بەيبىتشىلىگىن، دامۋىن جەبەۋدى ءۇمىت ەتەدى.
ساي چي، ۋاڭ ي كەزدەسۋگە قاتىناستى.
