شينحۋا اگەنتتىگىنىڭ 4 - ايدىڭ 26 - كۇنى بەيجيڭنەن بەرگەن حابارى. 4 - ايدىڭ 26 - كۇنى مەملەكەت ءتوراعاسى شي جينپيڭ جۇڭگو مەن دۇنيە جۇزىلىك ءبىلىم مەنشىك ۇقىعى ۇيىمى سەلبەستىك جاساسقاندىعىنىڭ 50 جىلدىعىن ەسكە ءتۇسىرۋ جانە ۇگىت اپتالىعى نەگىزگى الاڭ قيمىلىنا قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: 50 جىلدان بەرى جۇڭگو حالىقارالىق ءبىلىم مەنشىك ۇقىعىنىڭ كوپ جاقتى جۇيەسىن باستان - اياق باتىل قورعاپ، دۇنيە جۇزىلىك ءبىلىم مەنشىك ۇقىعى ۇيىمىمەن سەلبەستىكتى ۇزدىكسىز كەڭەيتىپ، تەرەڭدەتىپ، سۇبەلى تابىسقتارعا قول جەتكىزدى. جۇڭگو ءبىلىم مەنشىك ۇقىعىن قورعاۋعا باستان - اياق ايرىقشا ءمان بەرىپ، ءبىلىم مەنشىك ۇقىعى جاعىندا قۋاتتى ەل بولۋ قۇرىلىسىن ىشكەرىلەي اتقارىپ، ءبىلىم مەنشىك ۇقىعىن زاڭمەن باسقارۋدى قامتاماسىز ەتۋدى كۇشەيتىپ، ءبىلىم مەنشىك ۇقىعىن باسقارۋ ءتۇزىلىسىن كەمەلدەندىرىپ، ءبىلىم مەنشىك ۇقىعىنىڭ تۇتاس تىزبەگىن قورعاۋدى ۇزدىكسىز كۇشەيتىپ، جاڭالىق اشۋ ورتاسىن جانە شارۋاشىلىق - ساۋدا ورتاسىن ۇزدىكسىز ساپالىلاندىردى. جۇڭگو دۇنيە جۇزىلىك ءبىلىم مەنشىك ۇقىعى ۇيىمىمەن دوستىق سەلبەستىكتى ونان ارى تەرەڭدەتىپ، الەمدىك ءبىلىم مەنشىك ۇقىعىن باسقارۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن، ادامزاتتىڭ قۇت - ىرىسىن اناعۇرلىم ويداعىداي ارتتىرۋدى بىرگە ىلگەرىلەتۋدى قالايدى.
جۇڭگو مەن دۇنيە جۇزىلىك ءبىلىم مەنشىك ۇقىعى ۇيىمى سەلبەستىك جاساسقاندىعىنىڭ 50 جىلدىعىن ەسكە ءتۇسىرۋ جانە ۇگىت اپتالىعى نەگىزگى الاڭ قيمىلى سول كۇنى بەيجيڭدە وتكىزىلدى، مەملەكەتتىك ءبىلىم مەنشىك ۇقىعى ۇگىت اپتالىعى قيمىلىن ۇيىمداستىرۋ كوميتەتى باس بولىپ وتكىزدى. وسى رەتكى قيمىلدىڭ نەگىزگى تاقىرىبى − ”ءبىلىم مەنشىك ۇقىعىن زاڭمەن باسقارۋدى قامتاماسىز ەتۋدى كۇشەيتىپ، جاپپاي جاڭالىق اشۋدى پارمەندى قولداۋ“.
