اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ ارناۋلى تاقىرىپتىق ۇيرەنۋ ءماجىلىسىن وتكىزدى
ما شيڭرۇي باسقاردى
حى جۇڭيوۋ ۇيرەنۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 4 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسى 4 - ايدىڭ 26 - كۇنى ارناۋلى تاقىرىپتىق ۇيرەنۋ ءماجىلىسىن وتكىزىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتىپ، ۇيرەنۋدى، پىكىر اۋىستىرۋدى، تالقى جۇرگىزۋدى دەن قويا ورىستەتىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتتى. اۆتونوميالى رايوندىق پارتكومنىڭ شۋجيى ما شيڭرۇي توپتىق ۇيرەنۋدى باسقاردى.
حى جۇڭيوۋ توپتىق ۇيرەنۋگە قاتىناستى. جاڭ جۋ، تيان شياڭلي، ۋاڭ ميڭشان، ۋاڭ جيانشين پىكىر اۋىستىرىپ ءسوز سويلەدى. كوپشىلىك مىنالاردى ءبىلدىردى: باستان - اياق پارتيا مەن مەملەكەت ىستەرى دامۋى جالپى جاعدايىنىڭ ستراتەگيالىق بيىگىندە تۇرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ تاريحي ورنى مەن كەلەلى ءمانىن جەتە تانىپ، وسى يدەيانىڭ عىلمي جۇيەسىن، مايەكتى ءمانىن، امالياتتىق تالابىن جاپپاي ۇيرەنىپ، ءتۇسىنىپ، پارتيانىڭ جاسامپاز نازارياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۇدىرەتتى كۇشىنە شىن مانىندە اينالدىرىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ قىزمەتى جونىندەگى ستراتەگيالىق ورىن تۇراقتاندىرۋىن جانە جاپپاي ورنالاستىرۋىن اناعۇرلىم ىشكەرىلەي ءتۇسىنىپ، يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، رەفورما، دامۋ، ورنىقتىلىق قىزمەتتەرىن جۇيەلى ىلگەرىلەتىپ، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن قۇلشىنا جازۋ كەرەك.
ما شيڭرۇي بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسى جۇڭگونىڭ سۇراعىنا، دۇنيە ءجۇزىنىڭ سۇراعىنا، حالىقتىڭ سۇراعىنا، ءداۋىردىڭ سۇراعىنا عىلمي جاۋاپ بەردى، ول − زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرىسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىنىڭ بوگەۋ بەرمەس تاريحي ۇردىسكە قادام تاستاۋىنا جەتەكشىلىك ەتتى. ءبىز باس شۋجي شي جينپيڭنىڭ، پارتيا ورتالىق كوميتەتىنىڭ نەگىزگى تاقىرىپتىق تاربيە جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، بۇكىل رايونداعى ءار دارەجەلى پارتيا مۇشەلەرىنىڭ، كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋىن ىلگەرىلەتىپ، ۇيرەنۋ ونىمدىلىگىن ”ەكىنى تۇراقتاندىرۋدى“ باتىل قولداۋدىڭ، ”ەكىنى قورعاۋدى“ باتىل ورىنداۋدىڭ ءىس جۇزىندىك ارەكەتىنە شىن مانىندە اينالدىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، شينجياڭ قىزمەتىنىڭ باستان - اياق باس شۋجي نۇسقاعان دۇرىس بەتالىسپەن العا ىلگەرىلەۋىنە شىنايى كەپىلدىك ەتۋىمىز كەرەك. جاپپاي تەرەڭدەي ۇيرەنۋ، ءتۇسىنۋ جاعىنا اناعۇرلىم زور كۇش سالىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى كوزقاراسىن، عىلمي جۇيەسىن جان - جاقتى، جۇيەلى يگەرىپ، ”10دى ايقىنداۋ“، ”14كە تاباندى بولۋ“، ”13 جاقتاعى تابىس“ سياقتى وزەكتى مازمۇنداردى تەرەڭ ءتۇسىنىپ، وسى يدەيادا قامتىلعان باسشىلىق ءادىستى، يدەيالىق ءادىستى، قىزمەت ءادىسىن قانىق يگەرىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، تانىمنىڭ، سەنىمنىڭ، ارەكەتتىڭ بىرلىگىن شىن مانىندە ورىنداپ، ونى شينجياڭنىڭ رەفورما، دامۋ، ورنىقتىلىق قىزمەتتەرىن ىلگەرىلەتۋگە جەتەكشىلىك ەتۋدە سانالى تۇردە قولدانا ءبىلۋ كەرەك. جەتە ۇعىنىپ، تولىق ءتۇسىنۋ، ۇيرەنگەندى قولدانا ءبىلۋ جاعىنا ۇزدىكسىز كۇش سالىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جاپپاي دايەكتىلەندىرۋمەن ۇشتاستىرۋعا، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋمەن ۇشتاستىرۋعا تاباندى بولىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن كوزدەپ، جوعارى ساپالى دامۋ سىندى وسى ماڭداي الدى مىندەتتى مىقتى يگەرىپ، بار كۇشپەن ورنىقتىلىقتى ساقتاپ، دامۋدى كوزدەپ، رەفورمانى جەبەپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزاماندانۋ جولىندا شينجياڭ امالياتىن تىڭعىلىقتى ىلگەرىلەتىپ، كورىكتى شينجياڭ قۇرۋعا قۇلشىنۋ كەرەك.
چىن ۋيجۇن، ياڭ فاسىن، قادەن كابەن توپتىق ۇيرەنۋگە قاتىناستى.
