اۆتونوميالى رايوندىق ۇكىمەت ۋاكىلدەر ۇيىرمەسى شياڭگاڭعا ساپارلاي باردى
ەركىن تۇنياز، جىڭ يانشيۇڭ، لي جياچاۋ قاتارلىلار قاتىستى قيمىلدارعا قاتىناستى
گازەتىمىزدىڭ 4 - ايدىڭ 27 - كۇنى شياڭگاڭنان بەرگەن حابارى. 4 - ايدىڭ 26 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق ۇكىمەت ۋاكىلدەر ۇيىرمەسىن باستاپ شياڭگاڭعا ساپارلاي بارىپ، ورتالىق ۇكىمەتتىڭ شياڭگاڭداعى بايلانىس كەڭسەسىنىڭ مەڭگەرۋشىسى جىڭ يانشيۇڭمەن، شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن جەكە - جەكە كەزدەستى، ”شينجياڭ جاقسى جەر، قول ۇستاسا سەلبەسىپ بولاشاق اشايىق“ اتىنداعى شينجياڭ − شياڭگاڭ سەلبەسۋ، اۋىس - كۇيىس جاساۋ، تانىستىرۋ جينالىسىنا قاتىناسىپ ءارى ءسوز سويلەپ، شينجياڭنىڭ شياڭگاڭمەن اۋىس - كۇيىستى، سەلبەستىكتى تەرەڭدەي ورىستەتۋىن ىلگەرىلەتتى.
جىڭ يانشيۇڭمەن كەزدەسكەندە، ەركىن تۇنياز مىنالاردى ءبىلدىردى: كەزەكتە شينجياڭ مەملەكەتتىڭ كەلەلى جاعدايىنداعى ستراتەگيالىق ورنىن كوزدەي وتىرىپ، جاڭا دامۋ ارناسىنا ىرىقتىلىقپەن توعىسىپ جانە قىزمەت وتەپ، ابزالدىلىعىن، كومەسكى قۋاتىن ساۋلەلەندىرىپ، جوعارى ساپالى دامۋدى ىلگەرىلەتۋدە، ورتالىق ۇكىمەتتىڭ شياڭگاڭداعى بايلانىس كەڭسەسىنىڭ شينجياڭعا ۇزدىكسىز كوڭىل ءبولىپ جانە قولداۋ كورسەتىپ، شياڭگاڭنىڭ ىشكى ءوڭىر مەن حالىقارانى بايلانىستىراتىن تۇعىر ابزالدىلىعىن سۇيەنىش ەتە وتىرىپ، شينجياڭنىڭ وڭىرلىك ورىن ابزالدىلىعىن جانە ەرەكشە كاسىپ سالاسىن ۇگىتتەۋگە، تانىستىرۋعا كومەكتەسۋىن، شينجياڭنىڭ جوعارى ساپالى دامۋىنا جانە جوعارى دەڭگەيدە ەسىك اشۋىنا ءتىپتى دە ويداعىداي دەم بەرۋىن ءۇمىت ەتەمىن. جىڭ يانشيۇڭ مىنالاردى ءبىلدىردى: ورتالىق ۇكىمەتتىڭ شياڭگاڭداعى بايلانىس كەڭسەسى باستان - اياق پارتيا مەن مەملەكەت قىزمەتىنىڭ جالپى جاعدايى بيىگىندە تۇرىپ شينجياڭنىڭ دامۋىن قولدايدى، شينجياڭ العا قويعان سەلبەستىك تىلەگىن بەلسەنە قولدايدى، سايكەستىرەدى، بار كۇشپەن قىزمەت وتەپ، قامتاماسىز ەتەدى، شياڭگاڭ مەن شينجياڭنىڭ سەلبەسۋىنىڭ، اۋىس - كۇيىس جاساۋىنىڭ ويداعىداي دانەكەرى بولۋعا قۇلشىنىپ، ەكى جەردىڭ ءوزارا تيىمدىلىك جەتكىزىپ، ورتاق يگىلىككە كەنەلۋىن، گۇلدەنىپ - كوركەيۋىن، دامۋىن جەبەيدى.
لي جياچاۋمەن كەزدەسكەندە ەركىن تۇنياز مىنالاردى ءبىلدىردى: كەزەكتە شينجياڭ جاپپاي سوتسياليستىك وسىزاماندانعان مەملەكەت قۇرۋداعى ستراتەگيالىق ورنىن كوزدە ۇستاي وتىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتۋدە، ەكى جەردىڭ ءوز ارتىقشىلىقتارىن ساۋلەلەندىرىپ، ”ءبىر بەلدەۋ، ءبىر جولدى“ قول ۇستاسا بىرگە قۇرىپ، ەكونوميكا - ساۋدا جانە فينانس سەلبەستىگىن ۇزدىكسىز كەڭەيتۋىن، وقۋ - اعارتۋ، دارىندى جانە مادەنيەت، ساياحات اۋىس - كۇيىسىن، ىقپالداستىعىن اناعۇرلىم ىلگەرىلەتۋىن، ابزالدىلىقتارى ارقىلى ءوزارا تولىقتاۋدى جۇزەگە اسىرىپ، كورىكتى شينجياڭدى بىرگە قۇرۋىن، گۇلدەنگەن شياڭگاڭدى بىرگە بەكەمدەۋىن ءۇمىت ەتەمىن. لي جياچاۋ مىنالاردى ءبىلدىردى: شياڭگاڭ مەن ىشكى ءوڭىر كەدەننەن ءوتۋدى جالپى بەتتىك قالپىنا كەلتىرىپ، دۇنيە جۇزىمەن قايتا ۇلاستى، قازىر شياڭگاڭنىڭ ”ەنگىزۋ، شىعارۋ“ سىندى قوس باعىتتى تۇعىر رولىن ساۋلەلەندىرەتىن ەڭ تاماشا كەزى. ەرەكشە اكىمشىلىك رايون ۇكىمەتى شينجياڭنىڭ شياڭگاڭ تۇعىرىنان پايدالانىپ دامۋدى جەدەلدەتۋىن بار كۇشپەن قولدايدى، شينجياڭمەن اناعۇرلىم كوپ سالادا اۋىس - كۇيىستى كۇشەيتىپ، سەلبەستىكتى تەرەڭدەتۋدى قالايدى.
سول كۇنى ۋاكىلدەر ۇيىرمەسى شياڭگاڭدا ”شينجياڭ − شياڭگاڭ سەلبەسۋ، اۋىس - كۇيىس جاساۋ، تانىستىرۋ جينالىسىن“ وتكىزدى. ەركىن تۇنياز ارناۋ ءسوز سويلەپ، مىنالاردى ءبىلدىردى: شينجياڭ − جىبەك جولى ەكونوميكالىق بەلدەۋىندەگى وزەكتى رايون، بۇكىل ەلدىڭ سىرتقا ەسىك اشۋىندا باتىستان ەنگىزىپ، شىعىستان اكەلۋ، شىعىسپەن بىرلەسىپ باتىسقا شىعارۋداي ەرەكشە رول اتقارۋدا؛ ول − ەنەرگيا بايلىعى مول شوعىرلانعان، ەلىمىزدىڭ ماڭىزدى ەنەرگيا بايلىعى ستراتەگياسىن قامتاماسىز ەتۋ بازاسى؛ جاراتىلىستىق كورىنىسى كوركەم، مادەنيەتى كوپ نەگىزدى، گۇلدەنگەن، اتى ايگىلى ءان - ءبي مەكەنى، جەمىس - جيدەك مەكەنى. شينجياڭ جاقسى جەر، كاسىپورىنشى دوستاردى شينجياڭعا بارىپ تەكسەرۋ جۇرگىزىپ كەڭەسۋگە، قارجى قوسىپ، شارۋاشىلىعىن گۇلدەندىرۋگە شىن ىقىلاسپەن ۇسىنىس ەتەمىز، ءار سالاداعى قوناقتاردىڭ، دوستاردىڭ شينجياڭعا ساياحاتتاي بارۋىن، شينجياڭنىڭ كوركەم كورىنىسىنەن ءلاززات الۋىن قارسى الامىز. اۋىس - كۇيىس جاساۋ، تانىستىرۋ جينالىسىندا ەكى جەردىڭ ەكونوميكا - ساۋدا، مادەنيەت - ساياحات، وقۋ - اعارتۋ سياقتى تاراۋلارى جانە قاتىستى كاسىپورىندارى ۇستىندە كەلىسىم جاساستى.
ۋاكىلدەر ۇيىرمەسىندەگىلەر شياڭگاڭ عىلىم باقشاسى، شياڭگاڭ جاراتىلىستىق عىلىمدار داشۋەسى، شياڭگاڭ گۋگۇڭ مادەنيەت مۇراجايى، سونداي - اق حۋارۇن (توبى) شەكتى سەرىكتەستىگى، ساۋداگەر شاقىرۋ مەكەمەسى توبى سياقتى جەرلەرگە بارىپ ۇستىندە تەكسەرۋ جۇرگىزىپ، جاڭالىقشىل كاسىپورىنداردى باۋلۋ، عىلىم - تەحنيكا جەتىستىكتەرىن كادەگە جاراتۋ، جوعارى وقۋ - اعارتۋ، سونداي - اق كاسىپورىنداردىڭ تيجارات جۇرگىزۋى، دامۋى، شينجياڭدا قارجى قوسىپ سەلبەستىك جاساۋ سياقتى جاعدايلاردى ەگجەي - تەگجەيلى ۇعىستى ءارى كاسىپورىنشىلار، جوعارى مەكتەپ جاۋاپتىلارى قاتارلىلارمەن اڭگىمە ءماجىلىسىن وتكىزدى.
حى جيڭ، چيۋ يىڭحۋا، ەلزات احمەتجان قاتىستى قيمىلدارعا قاتىناستى.
