انار بۇلت \ شينجياڭ گازەتىنىڭ ءتىلشىسى رىن چۇنشياڭ، رىن حۋا 4 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسى اشقان ”سايكەستىرۋدى كۇشەيتىپ، ورتانى ساپالىلاندىرىپ، ءبىلىم مەنشىك ۇقىعى جاعىنداعى قۋاتتى رايون قۇرىلىسىنىڭ جاڭا جاعدايىن كۇش بىرىكتىرە اشايىق“ اتىنداعى اقپار جاريالاۋ ماجىلىسىنەن ۇعىسۋىمىزشا، «2022 - جىلعى شينجياڭ ۇيعۇر اۆتونوميالى رايونىنىڭ ءبىلىم مەنشىك ۇقىعىن قورعاۋ جانە دامىتۋ جاعدايى» جاريالانعان، بىلتىر رايونىمىز 20 مىڭ 528 پاتەنتكە ۇقىق بەرگەن، تىركەۋگە الدىرعان ماركا مولشەرى 55 مىڭ 654 بولىپ، ءبىلىم مەنشىك ۇقىعىن جاراتۋ ساپاسى ۇزدىكسىز جوعارىلاعان. مۇنىڭ ىشىندە تاپقىرلىق پاتەنتكە ۇقىق بەرۋ مولشەرى 1711 بولىپ، سايكەس مەزگىلدەگىدەن ％4. 48 ارتقان.
2022 - جىلى اۆتونوميالى رايون ءبىلىم مەنشىك ۇقىعى ساياسات، زاڭ ەرەجە جۇيەسىن ۇزدىكسىز اقاۋسىزداندىرىپ، ءبىلىم مەنشىك ۇقىعىن قورعاۋدى كۇشەيتىپ، ءبىلىم مەنشىك ۇقىعىن جاراتۋ ساپاسىن جوعارىلاتىپ، ءبىلىم مەنشىك ۇقىعىن كادەگە جاراتىپ پايدالانۋدى جەبەپ،ءبىلىم مەنشىك ۇقىعىنىڭ الەۋمەتتىك قىزمەت وتەۋ دەڭگەيىن جوعارىلاتىپ، ءبىلىم مەنشىك ۇقىعىنىڭ دامۋ ەكولوگياسىن ساپالىلاندىرىپ، ءبىلىم مەنشىك ۇقىعىن جاراتۋ، پايدالانۋ، قورعاۋ ونىمدىلىگىن ۇزدىكسىز كورنەكتىلەندىرىپ، ءبىلىم مەنشىك ۇقىعىنىڭ جوعارى ساپالى دامۋعا قىزمەت وتەۋ قابىلەتىن كورنەكتى كۇشەيتتى.
اۆتونوميالى رايون ءبىر قىدىرۋ حۇجاتتاردى شىعارىپ، ءبىلىم مەنشىك ۇقىعىن جاراتۋ مولشەرى مەن ساپاسىنىڭ بىركەلكى جوعارىلاۋىن ىلگەرىلەتىپ، تاماشا جاڭالىق اشۋ ورتاسىن قالىپتاستىردى. 2022 - جىلدىڭ سوڭىنا دەيىن رايونىمىزدىڭ ءونىمدى تاپقىرلىق پاتەنتكە يە بولۋ مولشەرى جيىنى 7429 بولىپ، سايكەس مەزگىلدەگىدەن ％16 ارتتى؛ ءونىمدى تىركەۋگە الدىرعان ماركا مولشەرى 327 مىڭ 518 بولىپ، سايكەس مەزگىلدەگىدەن ％25. 17 ارتتى.
ءبىلىم مەنشىك ۇقىعىن قورعاۋدى جاپپاي كۇشەيتىلدى، اۆتونوميالى رايون ءوڭىر اتتاعان، تاراۋ اتتاعان سايكەسۋ مەحانيزمىن، ءبىلىم مەنشىك ۇقىعى داۋ - شارىن كوپ نەگىزدى شەشۋ مەحانيزمىن جانە ءبىلىم مەنشىك ۇقىعى سالاسىنداعى سەنىمدىلىكتى باقىلاۋ - باسقارۋ قىزمەت مەحانيزمىن ورناتىپ، اقاۋسىزداندىرىپ، ءبىلىم مەنشىك ۇقىعىن ءادىليا جانە اكىمشىلىك جاقتان قورعاۋ تەبىنىن ارتتىرىپ، ءبىلىم مەنشىك ۇقىعىنا قول سۇعۋ، جالعاندىق ىستەۋ ارەكەتتەرىنە قاتاڭ سوققى بەردى. 2022 - جىلى تۇتاس رايونداعى ءار دارەجەلى سوت مەكەمەلەرى 1028 ءبىلىم مەنشىك ۇقىعى دەلوسىن قاراپ، ءار دارەجەلى پروكۋراتۋرا ورگاندارى 24 ءبىلىم مەنشىگى ۇقىعىنا قول سۇعۋ قىلمىستىق دەلوسىن قابىلداپ، تەكسەرىپ، 27 ادامدى تۇتقىنداۋدى بەكىتتى، 94 ءبىلىم مەنشىك ۇقىعىنا قول سۇعۋ دەلوسىن قابىلداپ، تەكسەرىپ، 140 ادامنىڭ ۇستىنەن شاعىم ايتتى، ءار دارەجەلى قوعام حاۋىپسىزدىگى ورگاندارى 750 ۇقىققا قول سۇعۋ، جالعانشىلىق ىستەۋ قىلمىستىق ىسىنە دەلو تۇرعىزدى، ءار دارەجەلى بازار باقىلاۋ - باسقارۋ تاراۋلارى 1538 پاتەنت، ماركا، جاعراپيالىق بەلگى اكىمشىلىك دەلوسىن ءبىر جاقتى ەتتى، ءار دارەجەلى اۋىل شارۋاشىلىعى، اۋىل - قىستاق باسقارۋ تاراۋلارى 248 تۇقىم دەلوسىن ءبىر جاقتى ەتتى، ءۇرىمجى كەدەنى 162 ۇقىققا قول سۇعۋ دەلوسىن تەكسەرىپ انىقتادى.
رايونىمىز ءبىلىم مەنشىك ۇقىعىن كادەگە جاراتىپ پايدالانۋدى، اتقارۋدى كۇشەيتىپ، ءبىلىم مەنشىك ۇقىعىنان جوعارى ونىمدىلىكپەن پايدالانۋدى جەبەدى. ورتا، شاعىن كاسىپورىنداردى جاڭالىق اشا دامۋعا جەتەكتەۋ ءۇشىن ”8 ءىرى كاسىپ سالاسى شوعىرىمەن“ تىعىز ۇشتاستىرىپ، مەملەكەت دارەجەلى 4 پاتەنت جول نۇسقاۋ قىزمەت وتەۋ بازاسىن قۇرۋدى ورنالاستىرىپ، ءجۇزىم شارابى كاسىپ سالاسى، جەمىس ورمانى كاسىپ سالاسى سياقتى 9 ءتۇرلى باسىمدىققا يە كاسىپ سالاسىن ارقاۋ ەتىپ پاتەنت جول نۇسقاۋ نىسانىن ورىستەتتى. سونىمەن بىرگە جاعراپيالىق بەلگى ونىمدەرى ارقىلى اۋىل - قىستاقتى گۇلدەندىرۋگە دەم بەرۋ ارەكەتىن ورىستەتىپ، 2022 - جىلدىڭ سوڭىنا دەيىن ”كورلا المۇرتى“، ”جىڭ الاقاتى“، ”اقسۋ الماسى“ سياقتى مەملەكەتتىك جاعراپيالىق بەلگى ونىمدەرىن قورعاۋدان ۇلگى كورسەتۋ رايونىن قۇرۋدى بەكىتتى.
ءبىلىم مەنشىك ۇقىعىنىڭ الەۋمەتتىك قىزمەت وتەۋ دەڭگەيىن جوعارىلاتۋ جاعىندا رايونىمىز ءبىلىم مەنشىك ۇقىعىنىڭ الەۋمەتتىك قىزمەت وتەۋ تور تۇيىندەرىن ورنالاستىرۋدى ۇزدىكسىز ساپالىلاندىرىپ، ءبىلىم مەنشىك ۇقىعىنا قاتىستى تيجارات - ساۋدا، تاربيەلەۋ - باۋلۋ جانە ۇقىق قورعاۋ، كومەك كورسەتۋ سياقتى يقۋاتتاردى قامتىعان ءبىلىم مەنشىك ۇقىعى الەۋمەتتىك قىزمەت وتەۋ تۇعىرىن العاشقى ادىمدا قۇردى. 2022 - جىلدىڭ سوڭىنا دەيىن تۇتاس رايوندا قورعاۋ ورتالىعى، ۇقىق قورعاۋ، كومەك بەرۋ ورتالىعى سياقتىلاردى قامتىعان 7 مەملەكەت دارەجەلى ءبىلىم مەنشىك ۇقىعى الەۋمەتتىك قىزمەت وتەۋ قۇرىلىمى قۇرىلدى.
