نۇرلان ءابىلماجىن قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
زەيىن - زەردەنى ۇيىستىرىپ، رۋحتى سومداپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي، ەرىكتى ءتىلشى جاڭ يىڭچۇن 4 - ايدىڭ 27 - كۇنى قاشقاردان حابارلايدى. 4 - ايدىڭ 25 - كۇنىنەن 26 - كۇنىنە دەيىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن قاشقار ايماعىنا بارىپ، ورمان باستىعى ءتۇزىمىن جاپپاي تياناقتاندىرۋ، ەرەكشە، باسىمدىققا يە كاسىپ سالالارىن زورايتۋ، اۋىل - قىستاقتى گۇلدەندىرۋدى ىلگەرىلەتۋ، نەگىزگى ساتى ساياسي كەڭەس قىزمەتىن كۇشەيتۋ سياقتىلار جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: نەگىزگى تاقىرىپتىق تاربيە ورىستەتۋدى وراي ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن جاپپاي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ ونان ارى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاسامپاز نازارياسىنان باعداردى تاۋىپ، وي جەلىسىن تاۋىپ، شارالاردى تاۋىپ، جوعارى ساپالى دامۋدىڭ اناعۇرلىم زور ونىمدىلىككە قول جەتكىزۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتۋ كەرەك.
نۇرلان ءابىلماجىن مارالباسى اۋدانى شامال مەملەكەت مەنشىگىندەگى ورمان باسقارۋ مەكەمەسىنىڭ 13 - ورمان بانىنە بارىپ، سول جەردىڭ وزىندە ورمان شارلاپ، ورمان ورتىنەن ساقتانۋ جانە بايلىقتى قورعاۋ، دەرت - دەربەزدەن، زياندى جاندىكتەردەن ساقتانۋ - تىزگىندەۋ سياقتى قىزمەتتەردى جاپپاي تەكسەرىپ، ۇشقىشسىز اپپاراتپەن شارلاۋ، قورعاۋ قىزمەتىنىڭ جاعدايىن ەگجەي - تەگجەيلى ۇعىستى. ورمان قورعاۋشىلارىنا امانداسا بارعاندا ول بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، كاسىپتىك قابىلەتتى ۇزدىكسىز جوعارىلاتىپ، ءار جاقتىڭ جاۋاپكەرشىلىگىن ناقتىلاندىرىپ، قاتايتىپ، ورمان ورتىنەن ساقتانۋ بويىنشا كۇندەلىكتى شارلاۋ - قورعاۋ، ارالاپ تەكسەرۋ تەبىنىن ارتتىرىپ، جوعارى عىلىم - تەحنيكالىق تاسىلدەردەن تولىق پايدالانىپ ورمان ورتىنەن ساقتانۋعا دەم بەرىپ، شارلاۋ - قورعاۋ ونىمدىلىگىن جوعارىلاتىپ، ورمان ورتىنەن ساقتانۋدىڭ حاۋىپسىزدىك تومەنگى شەگىن باتىل قورعاپ، حالىق بۇقاراسىنىڭ ءومىرى مەن مال - مۇلكىنىڭ جانە ورمان بايلىعىنىڭ حاۋىپسىزدىگىن بار كۇشپەن قورعاۋ كەرەك.
مارالباسى اۋدانى − شينجياڭداعى ماقتا ەگەتىن ءىرى اۋدان. نۇرلان ءابىلماجىن وسى اۋداننىڭ ونەركاسىپ باقشا رايونىنا بارىپ، ماقتا توقىماشىلىعى كاسىپورىندارىنا كىرىپ، ءوندىرىس - تيجارات، ءوندىرىس حاۋىپسىزدىگى سياقتى جاعدايلاردى ۇعىسىپ، تالاپ - تىلەكتەرىن، قيىنشىلىقتارىن دەن قويا تىڭداپ، قاتىستى ماسەلەلەردى شەشۋدى ىلگەرىلەتتى. ول بىلاي دەپ باسا دارىپتەدى: شينجياڭنىڭ ماقتا جانە توقىماشىلىق، كيىم - كەشەك كاسىپ سالاسى شوعىرىن قۇرۋ ورايىن مىقتى يگەرىپ، ونىمدە، تەحنيكادا، ۇلگىدە جاڭالىق اشۋدى ۇزدىكسىز كۇشەيتىپ، كاسىپورىنداردىڭ ساپاسىن جوعارىلاتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتىپ، توقىماشىلىق، كيىم - كەشەك كاسىپ سالاسىن شىن مانىندە زورايتىپ، كۇشەيتىپ، توقىماشىلىق، كيىم - كەشەك كاسىپورىندارىنىڭ ءوڭىردىڭ جوعارى ساپالى دامۋىندا اناعۇرلىم زور رول اتقارۋىنا، اناعۇرلىم زور دامۋدى جۇزەگە اسىرۋىنا مۇمكىندىك جاساۋ كەرەك.
مارالباسى اۋدانى داۋلەتباق اۋىلىندا نۇرلان ءابىلماجىن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ۇعىسىپ، اۋىل - قىستاقتى گۇلدەندىرۋ نىسانى قۇرىلىسىنىڭ جاعدايىن جۇمىس باسىندا تەكسەرىپ كورىپ، قىستاققا بارىپ وتباسىلارىن ارالاپ، نەگىزگى ساتىداعى بۇقاراعا جانە ءدىني قايراتكەرلەرگە امانداستى، سونداي - اق اڭگىمە ءماجىلىسىن باسقارىپ اشىپ، اۋىل - قىستاقتى گۇلدەندىرۋدى جاپپاي ىلگەرىلەتۋ قىزمەت ۇسىنىستارىن تىڭدادى. ول بىلاي دەپ باسا دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، وسى زامانعى اۋىل - قىستاق كاسىپ سالاسى جۇيەسىن جەدەل قۇرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، اۋىل - قىستاق قۇرىلىسى ارەكەتىن ىشكەرىلەي اتقارىپ، بىرگە بايۋدى جەبەۋ كەرەك.
تەكسەرۋ - زەرتتەۋ كەزىندە نۇرلان ءابىلماجىن تاعى قاشقار، جاڭاءشار، كونەءشار سياقتى قالا، اۋداندارعا بارىپ، ساياسي كەڭەس مۇشەلەرى قىزمەت كەڭسەسى قۇرىلىسىنىڭ جاعدايىن تەكسەرىپ - زەرتتەپ، بىلاي دەپ باسا دارىپتەدى: باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ساياسي كەڭەس كەڭەسۋىنىڭ نەگىزگى ساتىنى باسقارۋعا ءونىمدى قىزمەت وتەۋىن جەبەۋدىڭ ءادىسى، جولى جونىندە ۇزدىكسىز ىزدەنىس جاساۋ كەرەك.
