□ گازەتىمىزدىڭ شولۋشىسى
”1 - مامىر“ حالىقارالىق ەڭبەكشىلەر مەرەكەسى قارساڭىندا، جۇڭحۋا مەملەكەتتىك باس جۇمىسشى ۇيىمى ماداقتاۋ - سيلاۋ جينالىسىن اشتى، شينجياڭنان 5 كوللەكتيۆ مەملەكەتتىك 1 - مامىر ەڭبەك سيلىعىنا، 22 ادام مەملەكەتتىك 1 - مامىر ەڭبەك مەدالىنا، 27 كوللەكتيۆ مەملەكەتتىك جۇمىسشى اۆانگاردى داڭق اتاعىنا يە بولدى. ءبىر - بىرلەگەن داڭقتىڭ بەرىلۋى قاجىرلى ەڭبەككە، ادال ەڭبەككە، جاسامپاز ەڭبەككە دەگەن ماداق قانا ەمەس، ونان دا ماڭىزدىسى، تيانشان الابىنداعى ءار سالاداعى، ءار كاسىپتەگى ەڭبەكشىلەردى ەڭبەك ەرلەرىنىڭ رۋحىن اسقاقتاتىپ، ەكپىندەي ىلگەرىلەۋ كۇش - قۋاتىن قاۋلاتىپ، ەڭبەكشىل قوس قولدارىمەن، ەرلىكپەن كۇرەس جۇرگىزگەن ماڭداي تەرلەرىمەن جاڭا ءداۋىردىڭ جاڭا جورىعىندا توقتاۋسىز كۇرەس جۇرگىزىپ، ۇلەس قوسىپ، ەڭبەك سىڭىرۋگە شابىتتاندىرۋ بولىپ تابىلادى.
ەڭبەك باقىت جاراتادى، ناقتى ىستەۋ ۇلى ىستەردى جارىققا شىعارادى. باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ اتاپ كورسەتتى: ىنتىماقتاسا كۇرەس جاساۋ − جۇڭگو حالقىنىڭ تاريحي ۇلى ىستەر ىستەۋىندەگى، ءسوزسىز، باسىپ وتەتىن جول. ءار سالا، ءار كاسىپتەگى، ءارقايسى شەپتەگى ەڭبەكشىلەر شوگەل ەڭبەگى ارقىلى مىزعىماس رۋحپەن كۇرەس جۇرگىزۋ ىزدەرىن قالدىرعاندا، ۇلى مۇرات بىرتىندەپ رەالدىققا بەت الادى. جۇمىسشى تابى مەن قالىڭ ەڭبەكشى بۇقارا باستان - اياق ەلىمىزدىڭ ەكونوميكالىق، قوعامدىق دامۋىن ىلگەرىلەتەتىن، قوعامنىڭ تىنىشتىعىن، ىنتىماعىن قورعايتىن ءتۇبىرلى كۇش ەكەندىگىن تاريح قايتا - قايتا دالەلدەدى. جاڭا ءداۋىردىڭ جورىعىندا مەيلى كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدە بولسىن، الدە جاپپاي دوڭگەلەك داۋلەتتى قوعام ورناتۋدا بولسىن، قالىڭ ەڭبەكشىلەر ماڭداي تەرلەرىن توگىپ، اقىل - پاراساتتارىن جۇمساپ، مىڭ جىلدىق ارماندى جۇزەگە اسىردى. اسىرەسە، شينجياڭدا كەدەيلىكتەن ارىلتۋدان قامال الۋ شايقاسىندا باتىلدىقپەن ەڭ ماشاقاتتى تۇيىندەردى شەشىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتتى... وڭاي - وسپاق قولعا كەلمەگەن ناتيجە مەن دامۋدىڭ تاماشا جاعدايىن تيانشان الابىنداعى قالىڭ ەڭبەكشىلەر قاجىرلى ەڭبەك ەتىپ، ىنتىماقتاسا كۇرەس جۇرگىزۋ ارقىلى قولعا كەلتىرگەن، جاڭا ۇلى كۇرەس ءار ۇلت ەڭبەكشىلەرىنىڭ ءداستۇردى جالعاستىرىپ، ەڭبەك ەرلەرى رۋحىن، ەڭبەك رۋحىن، ۇستا رۋحىن اسقاقتاتىپ، نەگىزگى قوسىندىق رولىن اناعۇرلىم ويداعىداي ساۋلەلەندىرۋىن ءتىپتى دە قاجەت ەتەدى.
”ەڭبەكشىلدىك − بارلىق ىزگى ارەكەت اتاۋلىنىڭ ۇستازى“. ەڭبەك ەرى، وزات قىزمەتكەر، مەملەكەتتىك جۇمىسشى اۆانگاردى − ەڭ جوعارى داڭقتىڭ يەگەرى بولعان ەڭبەكشى بۇقارانىڭ كورنەكتى ۋاكىلى، ەڭ ارداقتى كۇرەسكەر، اسىرەسە، قالىڭ ەڭبەكشىلەردىڭ ۇيرەنۋدەگى تاماشا ۇلگىسى. ”20 جىل از ءومىر سۇرۋگە پەيىلمىن، ءىرى مۇناي الابىن اشۋعا جانىمدى سالامىن“ دەگەن ”قۇرىش ادام“ ۋاڭ جينشيدەن ”قارامايلى مۇناي الابىنداعى قۇرىش ادام“ دەپ اتالعان قيۇم ءماتنيازعا دەيىن؛ ”گولدباح جورامالىن“ شەشكەن ماتەماتيك چىن جيڭرۇننان ”قوس ءتىل“ وقۋ - اعارتۋىنا نەشە ون جىل كۇش شىعارعان قۇربان نيازعا دەيىن... ءداۋىر وزگەرگەنىمەن، جۇمىس ءبولىسى ۇقساماعانىمەن، ۇلگىلەردىڭ قاراپايىم قىزمەت ورنىنان تاپجىلماي، توقتاۋسىز تالپىنىپ قاراپايىم ەڭبەگىمەن ەرەكشە ناتيجە جاراتۋى باستان - اياق وزگەرگەن جوق. ولار تىڭعىلىقتى كۇرەس ىزدەرى ارقىلى ەڭبەك ەرى رۋحىن، ەڭبەك رۋحىن، ۇستا رۋحىن ۇعىندىرىپ، ۇلت رۋحى مەن ءداۋىر رۋحىنىڭ ءمانىن بايىتتى، سونىمەن بىرگە ارەكەتى ارقىلى ۇلگى كورسەتىپ جەتەكتەپ، رۋح ارقىلى قالىڭ ەڭبەكشى بۇقارانى جاڭا ءداۋىردىڭ كۇرەسكەرى بولۋعا شابىتتاندىرىپ، جىگەرلەندىرىپ، كۇرەس جاساۋ جانە جاسامپازدىق جاراتۋ ارقىلى ”جۇڭگو ارمانى، ەڭبەك ارداقتى“ دەگەن ايبىندى تاراۋدى ۇزدىكىسز جازدى.
بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، ”14 - بەسجىلدىق“ جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىل، سونداي - اق شينجياڭ وراي مەن سىن - سايىستاردى يگەرىپ، باس شۋجي شي جينپيڭ كەسكىندەگەن ايبىندى جوبانى بويلاپ ۇدەرە العا تارتاتىن شەشۋشى مەزگىل. جوعارى ساپالى دامۋدى ىلگەرىلەتۋدىڭ ءار سالاسىندا، جاڭا دامۋ ارناسىنا قىزمەت وتەۋ جانە وعان توعىسۋ، ازيا − ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن بەلسەنە قۇرۋ جولىندا، بارلىق جەردە ەڭبەكتى سۇيەتىن، ەڭبەككە ىنتالى، ەڭبەككە شەبەر جوعارى ساپالى ەڭبەكشىلەرگە ۇندەۋ تاستالۋدا، ءار دارەجەلى پارتكومدار مەن ۇكىمەتتەر قالىڭ ەڭبەكشى بۇقارانىڭ زاڭدى ۇقىق - مۇددەسىن شىنايى قامتاماسىز ەتىپ، قالىڭ ەڭبەكشى بۇقارانى ۋايىمنان ارىلتىپ، قيىنشىلىعىن شەشۋگە دەن قويا كومەكتەسىپ، بۇكىل قوعامدا ەڭبەكتى قادىرلەيتىن، ەڭبەكشىلەردى قۇرمەتتەيتىن تاماشا اۋقىم قالىپتاستىرۋدى ىلگەرىلەتىپ، قالىڭ ەڭبەكشى بۇقارانىڭ ەڭبەك ىنتاسى مەن جاڭالىق اشۋ، جاسامپازدىق ومىرشەڭدىگىن تولىق قاۋلاتۋ كەرەك.
داڭق ەڭبەكشىلەرگە ءتان، باقىت ەڭبەكشىلەرگە ءتان. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدىڭ ءتيىمدى ورايىن مىقتى يگەرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، ەڭبەك ەرى رۋحىن، ەڭبەك رۋحىن، ۇستا رۋحىن بارىنشا اسقاقتاتىپ، ادالدىقپەن ەڭبەك ەتىپ، قۇلشىنا قىزمەت ىستەپ، قاجىرلىلىقپەن جاڭالىق اشىپ، باتىلدىقپەن الدا ءجۇرىپ، ەڭبەك جانە جاسامپازدىق ارقىلى جۇڭگوشا وسىزامانداندىرۋدىڭ شينجياڭ تاراۋىن قۇلشىنا جازۋ كەرەك.
