«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە سويلەنگەن ءسوز
شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى. 5 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 9 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە سويلەنگەن ءسوز» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: وسى رەتكى نەگىزگى تاقىرىپتىق تاربيە ورىستەتۋدىڭ كەلەلى ءمانىن تەرەڭ تانۋ كەرەك. ءبىرىنشى، بۇل بۇكىل پارتيانىڭ يدەياسىن، ەرىك - جىگەرىن، ارەكەتىن بىرلىككە كەلتىرۋدىڭ، پارتيانىڭ قۇدىرەتتى ۇيىستىرۋ قۋاتىن، جاۋىنگەرلىك قۋاتىن باستان - اياق ساقتاۋىنىڭ قاجەتتى تالابى. يدەيالىق جاقتاعى بىرلىك پارتيانىڭ ىنتىماعى مەن بىرلىگىنىڭ ەڭ تەرەڭ، ەڭ باياندى، ەڭ سەنىمدى كەپىلى. ءبىزدىڭ وسىنداي ۇلكەن پارتيا وسىنداي ۇلكەن مەملەكەتكە باسشىلىق ەتىپ، بۇكىل ەلدەگى ءار ۇلت حالقىن باستاپ مەملەكەتتى قۇدىرەتتەندىرۋ، ۇلتتى گۇلدەندىرۋ سىندى وسى جاپالى مىندەتتى ارقالاپ وتىر، بۇكىل پارتيا، ءسوز جوق، يدەيانى بىرلىككە كەلتىرۋى، ەرىك - جىگەردى بىرلىككە كەلتىرۋى، ارەكەتتى بىرلىككە كەلتىرۋى كەرەك. ەكىنشى، بۇل بۇكىل پارتيانىڭ بەلسەندى تۇردە جاۋاپكەرشىلىك ارقالاپ، ىسكەرلىك كورسەتۋىن ىلگەرىلەتۋدىڭ، ىستەرىمىز دامۋىنىڭ جاڭا جاعدايىن ۇزدىكسىز اشۋدىڭ قاجەتتى تالابى. پارتيامىزدىڭ 100 جىلدىق كۇرەسىنىڭ ۇلى تابىستارىنىڭ ءبارى پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ قۇلشىنۋىنان، ەڭبەك ەتۋىنەن كەلگەن، پارتيا 20 - قۇرىلتايىندا كەسكىندەلگەن ۇلى جوبانى رەالدىققا اينالدىرۋدا، ءالى دە قۇلشىنۋعا، ەڭبەك ەتۋگە سۇيەنۋ كەرەك. ءۇشىنشى، بۇل پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋدىڭ قاجەتتى تالابى. پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىنە - ءوزى توڭكەرىس جاساۋى ماڭگى جالعاسادى، ۇلكەن پارتياعا عانا ءتان قيىن ماسەلەنى شەشۋ ۇزاق ۋاقىتتىق ءارى جاپالى بارىس، ول ءارى قاجىماي - تالماي يگەرۋدى، ءارى شوعىرلى كۇش سالۋدى قاجەت ەتەدى، پارتيانىڭ العاباسارلىعىنا، كىرشىكسىزدىگىنە ىقپال جاسايتىن بارلىق فاكتورلاردى دەر كەزىندە جويىپ، پارتيانىڭ اقاۋسىز تۇلعاسىن شىرىتەتىن ۆيرۋس اتاۋلىنى الاستاپ، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتۋ كەرەك.
ماقالادا مىنالار اتاپ كورسەتىلدى: نەگىزگى تاقىرىپتىق تاربيەنىڭ نىسانا - تالاپتارىن جاپپاي دۇرىس يگەرۋ كەرەك. وسى رەتكى نەگىزگى تاقىرىپتىق تاربيەنىڭ باس تالابى − ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ۇلەس قوسۋ“. بۇل ءتورت سويلەم ءسوز پارتيامىزدىڭ تانىم مەن امالياتتى ءوزارا ۇشتاستىرۋ، نازاريا مەن امالياتتى ءوزارا بايلانىستىرۋ، سۋبيەكتيۆتىك دۇنيەنى وزگەرتۋ مەن وبيەكتيۆتىك دۇنيەنى وزگەرتۋدى ءوزارا بىرلىككە كەلتىرۋ سىندى دايەكتى تالابىن ايگىلەدى، بۇل تىعىز بايلانىسقان، ءوزارا ساباقتاسقان، ىشكى ءبىر تۇتاستىققا يە تۇتاس تۇلعا. وسى باس تالاپتى بۇل رەتكى نەگىزگى تاقىرىپتىق تاربيەنىڭ تۇتاس بارىسىنا ءسىڭىرۋ كەرەك. بۇل رەتكى نەگىزگى تاقىرىپتىق تاربيە ورىستەتۋدىڭ ءتۇبىرلى مىندەتى − ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ مىعىم كۇشىنە اينالدىرىپ، بۇكىل پارتيانىڭ ءبىر تۇتاس يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى باستان - اياق ساقتاۋىنا مۇمكىندىك جاساپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ سياقتى جاقتاردا ناقتى تابىسقا قول جەتكىزۋگە قۇلشىنۋ. ناقتى مىناداي نىسانالارعا جەتۋ كەرەك: ءبىرىنشى، زەيىن - زەردەنى ۇيىستىرىپ، رۋحتى سومداپ، نەگىزدى بەكەمدەۋ، ەكىنشى، قاسيەتتى جەتىلدىرىپ، ادالدىقتى كۇشەيتۋ، ءۇشىنشى، ناقتى ىستەپ، جاۋاپكەرشىلىك ارقالاۋ ارقىلى دامۋدى جەبەۋ، ءتورتىنشى، باس ماقساتتى امالياتتا ايگىلەپ، حالىقتى باقىتقا كەنەلتۋ، بەسىنشى، كىرشىكسىز دە كوپشىل بولىپ، جاڭا سالت ورناتۋ. وسى رەتكى نەگىزگى تاقىرىپتىق تاربيە ساتىعا بولىنبەيدى، بۋىنعا بولىنبەيدى، نازاريا ۇيرەنۋ، تەكسەرۋ - زەرتتەۋ، دامۋدى ىلگەرىلەتۋ، قاداعالاۋ جانە رەتتەۋ - تۇزەتۋ سياقتىلاردى ساباقتاستىرىپ، ورگانيكالى توعىستىرىپ، ءبىر تۇلعادا ىلگەرىلەتۋ كەرەك. ورتالىق پەن مەملەكەت ورگاندارىنىڭ تاراۋلارى ويداعىداي باستاماشى بولىپ، ونەگە كورسەتىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ۇلگى كورسەتىپ جەتەكتەۋى كەرەك.
ماقالادا مىنالار اتاپ كورسەتىلدى: نەگىزگى تاقىرىپتىق تاربيەگە باسشىلىقتى شىن مانىندە كۇشەيتۋ كەرەك. وسى رەتكى نەگىزگى تاقىرىپتىق تاربيە − جالپى جاعدايعا ساياتىن ءىرى ءىس، ۋاقىت تىعىز، مىندەت اۋىر، تالاپ جوعارى. ءار دارەجەلى پارتكومدار (پارتيا باسشىلىق گرۋپپاسى) وسكەلەڭ ءمان بەرىپ، دەن قويا ۇيىمداستىرىپ اتقارىپ، نەگىزگى تاقىرىپتىق تاربيەنىڭ ءتۇرلى مىندەتتەرىن تابىسپەن ورىنداۋعا شىنايى كەپىلدىك ەتۋى كەرەك. ءبىرىنشى، باسشىلىق جاۋاپكەرشىلىكتى ايقىنداۋ كەرەك. ەكىنشى، قۋزاۋ، جەتەكشىلىك ەتۋدى كۇشەيتۋ كەرەك. ءۇشىنشى، ءبىر تۇتاس جوسپارلاپ، تەڭ ءمان بەرۋگە توتەنشە زەر سالۋ كەرەك. ءتورتىنشى، ۇگىتتەۋدى، جەتەكتەۋدى كۇشەيتۋ كەرەك.
ماقالادا مىنالار باسا دارىپتەلدى: مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ايبىندى نىساناسى ادامدى جەلپىندىرەدى، ەكپىندەي ىلگەرىلەۋگە جىگەرلەندىرەدى، ءبىز وسى ۇرپاق كوممۋنيستەردىڭ بورىشى داڭقتى، جاۋاپكەرشىلىگى زور. ءبىز وسى رەتكى نەگىزگى تاقىرىپتىق تاربيەنى وراي ەتىپ، پارتيانىڭ جاسامپاز نازارياسىمەن قارۋلانۋدى كۇشەيتىپ، بۇكىل پارتيانىڭ ماركسيزمدىك دەڭگەيىن ۇزدىكسىز جوعارىلاتىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتىپ، جاڭا جورىقتا ەكپىندەي ىلگەرىلەۋ ءۇشىن زەيىن - زەردەنى، كۇش - قۋاتتى ۇيىستىرىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاساۋىمىز كەرەك!
