”1 - مامىر“ حالىقارالىق ەڭبەكشىلەر مەرەكەسى كەلۋ بايلانىسىمەن
شي جينپيڭ بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتادى جانە ولاردان شىنايى حال سۇرادى
شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى. ”1 - مامىر“ حالىقارالىق ەڭبەكشىلەر مەرەكەسى كەلۋ بايلانىسىمەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەڭبەكشى بۇقارانىڭ مەرەكەسىن قۇتتىقتادى جانە ولاردان شىنايى حال سۇرادى.
شي جينپيڭ بىلاي دەپ باسا دارىپتەدى: بيىل پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، ”14 - بەسجىلدىق“ جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىل. قالىڭ ەڭبەكشى بۇقارانىڭ ەڭبەك ەرى رۋحىن، ەڭبەك رۋحىن، ۇستا رۋحىن بارىنشا اسقاقتاتىپ، ادال ەڭبەك ەتىپ، قۇلشىنا قىزمەت ىستەپ، قاجىرلىلىقپەن جاڭالىق اشىپ، باتىلدىقپەن الدا ءجۇرىپ، ەڭبەك جاسامپازدىعى ارقىلى جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا نەگىزگى كۇش رولىن تولىق ساۋلەلەندىرۋىن ءۇمىت ەتەمىن. ءار دارەجەلى پارتكومدار مەن ۇكىمەتتەر قالىڭ ەڭبەكشى بۇقارانىڭ قىزۋ ەڭبەك ىنتاسىن جانە جاڭالىق اشۋ، جاسامپازدىق جاعىنداعى جالىندى كۇشىن تولىق قاۋلاتىپ، قالىڭ ەڭبەكشى بۇقارانىڭ زاڭدى ۇقىق - مۇددەسىن شىنايى قامتاماسىز ەتىپ، قالىڭ ەڭبەكشى بۇقاراعا دەن قويا كومەكتەسىپ، ولاردى ۋايىمنان ارىلتىپ، قيىنشىلىقتارىن شەشىپ، تۇتاس قوعامدا اناعۇرلىم ەڭبەكتى ارداقتايتىن، ەڭبەكشىلەرگە قۇرمەت ەتەتىن تاماشا راي قالىپتاستىرۋدى ىلگەرىلەتۋى كەرەك.
