انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 5 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنەن ۇعىسۋىمىزشا: ءبىرىنشى ماۋسىمدا شينجياڭ كاسىپورىندارى تاراتقان سەنىمدىلىك زايومى 38 بولىپ، جالپى سوماسى 25 ميلليارد 85 ميلليون يۋان بولعان؛ ءبىرىنشى ماۋسىمنىڭ سوڭىنا دەيىن شينجياڭدا سەنىمدىلىك زايومىنىڭ قالدىق سوماسى 221 ميلليارد 610 ميلليون يۋانعا جەتكەن.
كاسىپورىنداردىڭ سەنىمدىلىك زايومى كاسىپورىن زايومى، فينانسقا جاتپايتىن كاسىپورىنداردىڭ قارىز ارقىلى قارجى قۇراۋ قۇرالى، سەرىكتەستىك زايومى دەپ بولىنەدى. وڭىرلىك ورنالاسۋىنان قاراعاندا، شينجياڭدا زايوم تاراتۋشى نەگىزگى تۇلعالار، نەگىزىنەن، سولتۇستىك شينجياڭعا، اسىرەسە، ءۇرىمجى قالاسىنا شوعىرلانعان.
اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ ورىنباسار باستىعى جاڭ يۋەچي مىنالاردى ءبىلدىردى: جالپى جاقتان قاراعاندا، شينجياڭ كاسىپورىندارىنىڭ سەنىمدىلىك زايومىنىڭ حاۋىپ - قاتەرىن مەڭگەرۋگە بولادى، كەلىسىم بۇزۋ ءىسى تۋىلمادى، زايوم بازارى شينجياڭنىڭ جەرگىلىكتى ەكونوميكاسىنىڭ دامۋىنا پارمەندى فينانستىق تىرەك ازىرلەدى.
زايوم تاراتاتىن كاسىپورىننىڭ ءبىرى رەتىندە، ءبىرىنشى ماۋسىمدا شينجياڭ فينانس قارجى قوسۋ شەكتى سەرىكتەستىگى زايوم بازارى ارقىلى 600 ميلليون يۋان قارجى قۇرادى. ”ءبىز بيىل زايوم ارقىلى 3 ميلليارد 300 ميلليون يۋان قارجى قۇراۋدى جوسپارلاپ وتىرمىز، مۇنىڭ ءبىر ميلليارد يۋانى كاسىپ سالالارىن جەتەكتەۋ قورىنا جۇمسالادى، ’8 ءىرى كاسىپ سالاسى شوعىرىنا‘ قاتىستى نىسان قۇرىلىستارىنا ءتۇيىندى تۇردە جۇمسالادى“، - دەدى وسى سەرىكتەستىكتىڭ باس ديرەكتورىنىڭ كومەكشىسى زوۋ جىجۇن.
”زايوم بازارىنا كوپتەگەن كاسىپتىك قۇرىلىمدارداعى قارجى قوسۋشىلار توپتالسا، كاسىپورىنداردىڭ قارجى قۇراۋ ارناسىن ءونىمدى تۇردە كەڭەيتۋگە بولادى“. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى كاپيتال بازارى باسقارماسىنىڭ ورىنباسار باستىعى تۇڭ لوشيڭ بىلاي دەدى: مۇنان سىرت، زايوم بازارى سەرىكتەستىكتىڭ ينفورماتسيا جاريالاۋىنا قاتاڭ تالاپ قويادى، كاسىپورىنداردى جۇيەلى دامۋعا ماجبۇرلەيدى.
وسىعان وراي، بيىل رايونىمىز شينجياڭ كاسىپورىندارىنىڭ سىرتقا شىعۋ تەبىنىن ارتتىرىپ، كاسىپورىنداردى كاپيتالى دامىعان وڭىرلەرگە بارىپ، قارجى قوسۋشىلارمەن قارجى قوسۋ سەلبەستىگى جونىندە بەتپە - بەت كەڭەسۋگە جەتەكتەيدى.
4 - ايدىڭ 20 - كۇنى ”2023 - جىلعى شينجياڭ وڭىرىندەگى زايوم تاراتۋشى نەگىزگى تۇلعالاردىڭ، قارجى قوسۋشىلاردىڭ اۋىس - كۇيىس قيمىلى“ شاڭحايدا وتكىزىلدى، شينجياڭداعى زايوم تاراتاتىن 29 كاسىپورىن قيمىلعا قاتىناستى. كوپتەگەن كاسىپورىندار قيمىل ۇستىندە قارجى قوسۋ قۇرىلىمدارىمەن تىكەلەي بايلانىس ورناتتى، سونداي - اق سەلبەستىك نيەتىنە كەلدى.
تۇڭ لوشيڭ بىلاي دەدى: بۇل شينجياڭنىڭ زايوم تاراتۋشى كاسىپورىنداردى تۇڭعىش رەت كەڭ كولەمدە تانىستىرۋ قيمىلى بولىپ تابىلادى، بازارلانعان قارجى قوسۋ قۇرىلىمدارىنىڭ قىزۋ سايكەسۋىنە يە بولدى، 72 قارجى قوسۋ قۇرىلىمىنىڭ تالداۋ جاساۋشىسى جانە قارجى قوسۋ ديرەكتورى اۋىس - كۇيىس قيمىلىنا قاتىناستى.
مۇنان سىرت، شينجياڭ تاعى شينجياڭدا سەنىمدىلىكتى ارتتىراتىن جەرگىلىكتى سەرىكتەستىكتەردى قۇرۋدى ىلگەرىلەتىپ، زايوم بازارىنىڭ جەرگىلىكتى نەگىزدىك قۇرىلعى قۇرىلىسىن كەمەلدەندىرىپ، ”زايوم تاراتۋ قيىن بولۋ“ ماسەلەسىن باسەڭدەتەدى. وسى قىزمەت قازىر بەلسەنە ىلگەرىلەتىلۋدە.
تۇڭ لوشيڭ بىلاي دەدى: سەنىمدىلىكتى ارتتىرعان سەرىكتەستىكتىڭ كاسىپورىننىڭ زايوم تاراتۋىنا سەنىمدىلىكتى ارتتىرۋ جاعىنان قىزمەت وتەۋىنە بولادى، شينجياڭ كاسىپورىندارى زايوم تاراتقان كەزدە زايوم ساتىپ الۋىنا بولادى، سەنىمدىلىكتى قورعاۋ كەلىسىمى سياقتى سەنىمدىلىك حاۋىپ - قاتەرىن ءبولىپ كوتەرۋ مەحانيزمى ارقىلى وڭىرلەردىڭ كەلىسىم بۇزۋ مولشەرىن تومەندەتۋگە بولادى.
شىنۋان حۇڭيۋان باعالى قاعاز شەكتى سەرىكتەستىگى زايوم ارقىلى قارجى قۇراۋ 3 - ءبولىمىنىڭ باس ديرەكتورى شيا گاڭ بىلاي دەدى: وسى سەرىكتەستىك شينجياڭ كاسىپورىندارىنىڭ سەنىمدىلىك زايومىن ۇددەگە الىپ ساتۋ تەبىنىن ارتتىرادى. ”ءبىز كاسىپورىنداردىڭ زايوم تاراتۋ وزىندىك قۇنىن مۇمكىندىكتىڭ بارىنشا تومەندەتىپ، ەڭ جاڭا ساياسات جانە ەڭ جاڭا تۇرلەرگە تىعىز ىلەسىپ، كاسىپورىندارعا ساي زايوم ءتۇرىن شامالاپ جوبالايمىز“.
