انار بۇلت \ شينجياڭ گازەتىنىڭ ءتىلشىسى لۋ فىڭباۋ
”1 - مامىر“ دەمالىسى كەزىندە شينجياڭنىڭ كەلەلى نىساندار قۇرىلىسى جۇمىس توقتاتپاي، قۇرىلىسشىلار ءبىرىنشى شەپتەن تاپجىلماي، جۇمىس مەزگىلىن مىقتى يگەرىپ، ەكىنشى ماۋسىمداعى اياق الىستى كۇش سالا ىلگەرىلەتىپ، كۇرەسكەرلىك بەينەمەن ەڭبەكشىلەر مەرەكەسىن قۇتتىقتادى.
5 - ايدىڭ 1 - كۇنى تۇستەن بۇرىن ءۇرىمجى قالا اينالما جوعارى جىلدامدىقتى تاس جولى (باتىس جەلىسى) ينجەنەرياسىنىڭ مەڭگەرۋ سيپاتتى ينجەنەرياسى ەسەپتەلەتىن باتىسقا ۇزارتۋ قۇرىلىسى بەل توعانىنىڭ 1 - ءنومىرلى كوپىرىنىڭ جۇمىس باسىندا قۇرىلىسشىلار نەگىزگى كوپىردى تۇتاستىرۋ الدىنداعى جۇمىستارعا كىرىستى. ”مەجەمەن 5 - ايدىڭ 5 - كۇنى سول جاق نەگىزگى كوپىر تۇتاستىرىلىپ بولادى“، - دەدى كوپىر قۇرىلىسى جۇمىس باسىنىڭ جاۋاپتىسى فۋ يۇي.
قازىر ءۇرىمجى باتىس قالا اينالما جوعارى جىلدامدىقتى تاس جولىنىڭ كوپىر استى قۇرىلىمىنىڭ ％90ى ورىندالىپ بولدى، جول تاعانى قۇرىلىسىنىڭ ％85ى سالىنىپ بولىپ، بارلىق قۇرىلىسشىلار قۇرىلىس جۇرگىزۋدىڭ التىن مەزگىلىن مىقتى يگەرىپ، بيىل نىساننىڭ نەگىزگى جەلىسىندە اۆتوكولىك قاتىناۋعا كۇش سالدى.
ءۇرىمجى باتىس قالا اينالما جوعارى جىلدامدىقتى تاس جولىنان وڭتۇستىككە قاراي ءجۇرىپ، G0711 جەلىسىنىڭ ۇرىمجىدەن لوپنۇرعا دەيىنگى جوعارى جىلدامدىقتى تاس جولى نىسانى قۇرىلىسىنىڭ جۇمىس باسىنا كەلگەنىمىزدە، ونىڭ ءتۇيىندى ينجەنەرياسى − تيانشان جەڭىس تۋننەلىنەن ماشينانىڭ گۇرىلدەگەن داۋىسىن ەستىدىك، ول قاتتى تاۋ جىنىسىن بۇرعىلاۋ ماشيناسىنىڭ تيانشان تاۋىنىڭ تەرەڭ قويناۋىنا قاراي بۇرعىلاعانداعى داۋىسى ەدى.
”ءبىرىنشى ماۋسىمدا قۇرىلىس جۇرگىزۋدىڭ باستاماسى ءساتتى بولدى، ەكىنشى ماۋسىمدا قۇرىلىس جۇرگىزۋ تەبىنىن ۇزدىكسىز ارتتىرامىز“، - دەدى جۇڭگو قاتىناس قۇرىلىسى توبى شەكتى سەرىكتەستىگى شينجياڭ ءۇرىمجى − لوپنۇر تاس جولى قۇرىلىسى PPP كوتەرمەگە الۋ نىسانىنىڭ ءۇرىمجى − لوپنۇر تاس جول تاعان قۇرىلىسى 5 - مەردىگەرلىك بولىگى نىسان ءبولىمىنىڭ ديرەكتورى ۋاڭ حىچي، - تيانشان جەڭىس تۋننەلىنىڭ ورتاڭعى جول اشۋ ۇڭگىرى بيىل تۇتاستىرىلادى، قازىر كىرەر اۋىز بولىگىندەگى ورتاڭعى جول اشۋ ۇڭگىرى بۇرعىلانىپ 8191 مەترگە جەتىپ، تۇتاسۋعا تاعى ءبىر قادام جاقىندادى.
تيانشاننان ەندەي وتكەن، ءۇرىمجى − لوپنۇر جوعارى جىلدامدىقتى تاس جولى 12 - مەردىگەرلىك بولىگىنىڭ كورلانىڭ وڭتۇستىگىندەگى جالعامبا تۇيىننەن لوپنۇرعا دەيىنگى بولىگىنىڭ قۇرىلىس جۇرگىزۋ جۇمىس باسىندا ماشينانىڭ گۇرىلدەگەن داۋىسى مەن بولات شىبىقتىڭ دانەكەرلەنگەن داۋىسى، كەسىلگەن داۋىسى، بالعامەن سوعىلعان داۋىسى تولاستامادى.
”ءبىز دەن قويا باسقارۋ، قۇرىلىس جۇرگىزۋدى ۇيىمداستىرۋدى ساپالىلاندىرۋ، قامتاماسىز ەتۋ تەبىنىن ارتتىرۋ سياقتىلار ارقىلى قۇرىلىس جۇرگىزۋ اياق الىسىن بار كۇشپەن ىلگەرىلەتتىك“، - دەدى جۇڭگو قاتىناس قۇرىلىسى توبى شەكتى سەرىكتەستىگى شينجياڭ ءۇرىمجى − لوپنۇر تاس جولىPPP كوتەرمەگە الۋ نىسانىنىڭ ءۇرىمجى − لوپنۇر تاس جول قۇرىلىسى 12 - مەردىگەرلىك بولىگى نىسان ءبولىمى پارتيا ياچەيكاسىنىڭ شۋجيى ۋاڭ شۇيلۇڭ. وسى جول بولىگىنىڭ جالپى ۇزىندىعى 32 كيلومەتر، 9 - ايدىڭ سوڭىندا سالىپ بولۋ جوسپارلانعان، تومەنگى قاباتىنا 4 - ايدان باستاپ اسفالت جاتقىزىلعان، قازىر ءبىر جاعىنىڭ 22 كيلومەتر جەرىنە جاتقىزىلىپ بولعان.
ءۇرىمجى − لوپنۇر جوعارى جىلدامدىقتى تاس جولىمەن تۇتاساتىن مەملەكەت تاس جولىنىڭ 218 جەلىسىنىڭ ناراتتان بالعىنتايعا دەيىنگى تاس جول نىسانىنىڭ ءاربىر مەردىگەرلىك بولىگىنىڭ قۇرىلىسى دا دابىرالى جۇرگىزىلۋدە. قۇرىلىس جۇرگىزۋ جۇمىس باسىندا كۇبىلى ماشينالار، قازۋ ماشينالارى، تيەۋ ماشينالارى ارلى - بەرلى قايشالىسىپ، ماشينالاردىڭ گۇرىلدەگەن داۋىسى تولاستامادى.
نارات − بالعىنتاي تاس جول نىسانى اكىن تۋننەلى ءۇستىرتتى، سۋىق، تەڭىز دەڭگەيىنەن بيىك وڭىردەگى ەرەكشە ۇزىن تۋننەل، جاراتىلىستىق كليماتى ناشار، گەولوگيالىق قۇرىلىمى كۇردەلى، تۇتاس جىلداعى ءونىمدى قۇرىلىس جۇرگىزۋ مەرزىمى 5 اي عانا. ”ءبىر كۇندە 2 كۇننىڭ جۇمىسىن ىستەيمىز، مەرەكە، دەمالىس كۇندەرى دە دەمالمايمىز، قۇرىلىستى ەرتەرەك اياقتاتۋ ءۇشىن قۇلشىنۋدامىز“. نارات − بالعىنتاي نىسانى 5 - مەردىگەرلىك بولىگىنىڭ نىسان ديرەكتورى ليۋ جيشياڭ تانىستىرىپ بىلاي دەدى: وسى بولىككە كوپ ءتۇرلى وزىق ماشينا جابدىقتارىن ەنگىزىپ، تۋننەل قۇرىلىسىن جاپپاي تەزدەتىپ، 3000 مەتر قازۋ جىلدىق نىساناسىن ورىنداۋعا قۇلشىنۋدامىز.
سول كۇنى جياڭجۇنمياۋ − نوم تەمىر جولىنىڭ 3 - مەردىگەرلىك بولىگىندەگى قۇرىلىسقا قاتىناسۋشىلار دا ءبىرىنشى شەپتە تاپجىلماي، قۇرىلىس جۇرگىزۋدىڭ التىن مەزگىلىن مىقتى يگەردى، قازىر وسى بولىكتە 88 كيلومەترگە جۋىق جەرگە رەليس جاتقىزىلدى.
شينجياڭ قاتىناس قۇرىلىس توبى جارنا شەكتى سەرىكتەستىگى تەمىر جول ىستەرى ءبولىمىنىڭ باس ديرەكتورى سۋ جيشىڭ بىلاي دەدى: بيىل وسى مەردىگەرلىك بولىكتىڭ جول تاعانى نەگىزگى تۇلعاسى جانە قوسىمشا ينجەنەرياسى، كوپىر ينجەنەرياسى، رەليس ينجەنەرياسى، كۇشتى - ءالسىز ەلەكتر ينجەنەرياسى، ءۇي قۇرىلىسى ينجەنەرياسى سياقتىلاردىڭ بارلىعى سالىنىپ بولىپ، جياڭجۇنمياۋ − نوم تەمىر جولىنىڭ بيىل ىسكە قوسىلۋىنا شىنايى كەپىلدىك ەتىلەدى.
ءۇرىمجىنىڭ سولتۇستىگىنەن جياڭجۇنمياۋعا دەيىنگى تەمىر جولدىڭ يقۋاتىن كەڭەيتىپ، وزگەرتىپ سالۋ نىسانىنىڭ ”جازىقتىق ايقاسۋدان ستەرەولدى ايقاسۋعا وزگەرتۋ“ ينجەنەريا قۇرىلىسىندا 100دەن استام قۇرىلىسشى تۇنگى ۋاقىتتان ۇيلەسىمدى پايدالانىپ قۇرىلىس جۇرگىزىپ، بەلگىلەنگەن مىندەتتى ءساتتى ورىندادى.
”ءبىز وسى نىساننىڭ ەڭ سوڭعى ءبىر ’جازىقتىق ايقاسۋدان ستەرەولدى ايقاسۋعا وزگەرتۋ‘ ينجەنەرياسىن ورىنداپ بولدىق“. جۇڭگو تەمىر جول 1 - مەكەمەسى توبى شەكتى سەرىكتەستىگى ءۇرىمجى − جياڭجۇنمياۋ تەمىر جولىنىڭ يقۋاتىن كەڭەيتىپ، وزگەرتىپ سالۋ ينجەنەرياسى ءۇرىمجى − گانچۋانپۋ، جۇندۇڭ − جياڭجۇنمياۋ مەردىگەرلىك بولىگى نىسان ءبولىمىنىڭ نىسان ديرەكتورى بيان داشيان بىلاي دەدى: ”جازىقتىق ايقاسۋدان ستەرەولدى ايقاسۋعا وزگەرتۋ“ ينجەنەرياسى سالىنىپ بولسا، ءۇرىمجى − جياڭجۇنمياۋ جەلىسى تەمىر جول تاسىمال كۇرە تامىرى ىركىلىسسىزدەنىپ، تەمىر جولدىڭ تاسىمال ونىمدىلىگى جوعارىلاۋمەن بىرگە تەمىر جول اۋىزدارىنداعى حاۋىپسىزدىك كومەسكى كىناراتتارى جويىلادى.
”1 - مامىر“ كەزىندە شينجياڭ سۋ يگىلىگى نىساندارى دا قۇرىلىس مەرزىمىن مىقتى يگەرىپ، نىسان اياق الىسىن ىلگەرىلەتتى.
شينجياڭ داشىشيا سۋ يگىلىگى تورابى ينجەنەرياسى قۇرىلىس جۇرگىزۋ جۇمىس باسىندا 1500دەن استام جۇمىسشى، 260 ءىرى تۇرپاتتى ماشينا قۇرىلىس ورنىندا قاربالاس جۇمىس جۇرگىزدى.
داشىشيا سۋ يگىلىگى تورابى ينجەنەرياسى − مەملەكەتتىك كەڭەس بەكىتىپ اتقارعان 172 ءتۇرلى سۋ ۇنەمدەيتىن، سۋمەن قامدايتىن ءىرى سۋ يگىلىگى ينجەنەرياسى قۇرىلىس نىسانىنىڭ ءبىرى، قازىر بۇل ينجەنەريانىڭ جالپى تۇلعالىق ينجەنەريا مولشەرىنىڭ تەڭ جارتىسىنان استامى ورىندالدى.
”بيىل 300 مىڭ تەكشەمەتر قۇرىلىمدىق بەتون قۇيۋ مىندەتىن ورىندايمىز“. جۇڭگو ەنەرگيا قۇرىلىسى گىجوۋبا قالا ىستەرى سەرىكتەستىگى شينجياڭ داشىشيا سۋ يگىلىگى تورابى ينجەنەرياسىⅡ بولىگىنىڭ نىسان ديرەكتورى ما شياۋياڭ بىلاي دەدى: وسى بولىك ءبىر جاعىنان، جۇمىسشى، ماشينا سياقتىلاردى ورنالاستىرۋ تەبىنىن ارتتىرسا؛ ەندى ءبىر جاعىنان، جۇمىس باسىندا جۇمىس رايونى جاۋاپكەرشىلىك ءتۇزىمىن اتقارىپ، جۇمىس رايونىنداعى باسقارۋشىلاردىڭ جۇمىس باسىندا تاماقتانىپ، تۇنەۋىنە، 24 ساعات توقتاۋسىز جۇمىس جۇرگىزۋگە كەپىلدىك ەتىپ، 2026 - جىلى بارلىق گەنەراتور اگراگاتتارىنىڭ ەلەكتر تاراتۋ شارت - جاعدايىن ازىرلەۋىنە شىنايى كەپىلدىك ەتەدى.
