ەركىن تۇنياز قاشقاردا، قىزىلسۋ وبلىسىندا، اقسۋدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
وڭتۇستىك شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن كۇش سالا ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 2 - كۇنى قاشقاردان حابارلايدى. 5 - ايدىڭ 1 - كۇنىنەن 2 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاشقار ايماعىنا، قىزىلسۋ قىرعىز اۆتونوميالى وبلىسىنا، اقسۋ ايماعىنا بارىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى ارقاۋ ەتىپ، اتىز باسىنا، زاۆود سەحتارىنا، نىسان جۇمىس باسىنا، الەۋمەتتىك اۋماققا، قىستاق - اترەتتەرگە ىشكەرىلەي بارىپ، نازاردى وڭتۇستىك شينجياڭ ەكونوميكاسىنىڭ، قوعامىنىڭ دامۋىنداعى ءتۇيىندى، قيىن ماسەلەلەرگە شوعىرلاندىرا وتىرىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋىنا، تالاپتارىنا ساي، نازاريا ۇيرەنۋدى كۇشەيتۋ ارقىلى دامۋ امالياتىنا جەتەكشىلىك ەتىپ، تەكسەرۋ - زەرتتەۋدى تەرەڭدەتۋ ارقىلى دامۋداعى قيىن ماسەلەلەردى شەشۋدى ىلگەرىلەتىپ، وڭتۇستىك شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن كۇش سالا ىلگەرىلەتۋ كەرەك.
ياركەن اۋدانىنىڭ قۇباءتۇز كاسىپ سالاسى باقشاسىندا، كەلپىن اۋدانىنىڭ جاسىل قۇباءتۇز قۇرىلعىلى اۋىل شارۋاشىلىعى كاسىپ سالاسى باقشاسىندا ەركىن تۇنياز جىلىجايلارعا كىرىپ، ەگىمشى وتباسىنداعىلارمەن اڭگىمەلەسىپ بىلاي دەپ باسا دارىپتەدى: جارىقتان، جىلۋدان جانە ءشول بايلىعىنان تولىق پايدالانىپ، ەرەكشە ەگىمشىلىك كاسىبىن كۇش سالا دامىتىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، بۇقارانىڭ كىرىستى ارتتىرۋ ارناسىن كەڭەيتۋ كەرەك. اقتاۋ اۋدانىنىڭ دۇمبە ءبيداي ءوسىرۋ بازاسىندا، تيانشيا مال شارۋاشىلىعى (كەلپىن) شەكتى سەرىكتەستىگىندە، شينجياڭ شينتو ءسۇت شارۋاشىلىعى شەكتى سەرىكتەستىگىندە ەركىن تۇنياز سول جەردىڭ وزىندە دۇمبە ءبيدايدىڭ ءوسۋ جاعدايىن تەكسەرىپ كورىپ، قوي باعىمشىلىعىنىڭ، تۇيە باعىمشىلىعىنىڭ دامۋ احۋالىن ۇعىسىپ بىلاي دەپ باسا دارىپتەدى: نازاردى ”1 - كاسىپتىڭ دەڭگەيىن جوعارىلاتۋعا“ شوعىرلاندىرىپ، مال باعىمشىلىعىن كولەمدەندىرۋ، ولشەمدەندىرۋ، وسىزامانداندىرۋ دەڭگەيىن جوعارىلاتىپ، شارۋالارمەن بىرلەسۋ، شارۋالارعا جەتەكشىلىك ەتۋ مەحانيزمىن قۇرىپ، شارۋالاردى كاسىپ سالاسىنىڭ ارتقان قۇن ونىمدىلىگىنەن يگىلىكتەندىرۋ كەرەك.
ەركىن تۇنياز ياركەن اۋدانى حىڭچاڭ مەتاللۋرگيا شەكتى سەرىكتەستىگىنە، قاشقار حىگاڭ بولات - تەمىر شەكتى جاۋاپكەرشىلىك سەرىكتەستىگىنە، شينجياڭ بويۋان مۇناي - تابيعي گاز اشۋ شەكتى سەرىكتەستىگى 1 - ءنومىرلى ۇڭعىماسىنا بارىپ، كاسىپورىننىڭ تىلەك - تالاپتارىن مۇقيات تىڭداپ، جۇمىس باسىندا قيىنشىلىقتارىن سايكەستىرىپ شەشتى. سۋباسى سۋ قويماسىندا ەركىن تۇنياز كەلپىن اۋدانىنىڭ سۋ بايلىعىن ۇلەستىرىپ پايدالانۋ احۋالىن جۇمىس باسىندا ۇعىستى. شينجياڭ رۇيحاۋ توقىماشىلىق شەكتى سەرىكتەستىگىندە ەركىن تۇنياز بىلاي دەپ اتاپ كورسەتتى: اۆتونوميالى رايوننىڭ توقىماشىلىق، كيىم - كەشەك كاسىپ سالاسىن دامىتۋ ساياساتىنان ويداعىداي، تولىق پايدالانىپ، ورنەك باسۋ، بوياۋ، كيىم - كەشەك، ءۇي توقىما بۇيىمدارى سياقتى كاسىپ سالاسى تىزبەگىنىڭ، قامداۋ تىزبەگىنىڭ ولقىلىقتارىن كۇش سالا تولىقتاپ، اناعۇرلىم كوپ بۇقارانى ورنىقتى جۇمىستانۋعا باستاۋ كەرەك.
ەركىن تۇنياز تاعى اقتاۋ اۋدانىنىڭ مۇزتاۋ جولى الەۋمەتتىك اۋماعىنا بارىپ، نەگىزگى تاقىرىپتىق تاربيەنىڭ ورىستەتىلۋ جاعدايىنا تەكسەرۋ - زەرتتەۋ جۇرگىزدى؛ اتالعان اۋداننىڭ ءپىلال اۋىلى يكىچيلە قىستاعىندا وتباسىلارىن ارالاپ جاعداي ۇعىستى؛ ياركەن اۋدانىندا ەڭبەك ەرلەرىنە، وزات قىرمەتكەرلەر ۋاكىلدەرىنە امانداستى، ولاردان حال سۇرادى. تەكسەرۋ - زەرتتەۋ بارىسىندا ەركىن تۇنياز قاشقار ايماعىنداعى، قىزىلسۋ وبلىسىنداعى قاتىستى جولداستارمەن اڭگىمەلەسىپ، پىكىر اۋىستىردى، ۇسىنىس - پىكىرلەرىن تىڭدادى. ول بىلاي دەپ باسا دارىپتەدى: وڭتۇستىك شينجياڭنىڭ ”شاحمات كوزى“ بولۋ سىندى ەرەكشە ماڭىزدى ءمانىن تەرەڭ تانىپ، بۇكىل رايوننىڭ جوعارى ساپالى دامۋ (وڭتۇستىك شينجياڭ اۋماعى) جۇمىس باسى ءماجىلىسىنىڭ تالاپتارىنا ساي، نازاردى ۇزاق بولاشاقتىق دامۋعا ساياتىن شەشۋشى بۋىندارعا ۇزدىكسىز كۇش سالۋعا شوعىرلاندىرۋ كەرەك. ”8 ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن جەدەل تۇلعالاپ، كەن ونىمدەرىن، مۇناي - تابيعي گاز بايلىعىن بارلاۋدى، اشۋدى، پايدالانۋدى كۇشەيتىپ، ۇزدىكسىز ساۋدا ارقىلى ساۋداگەر شاقىرىپ، تىزبەكتى ۇزارتۋعا، تىزبەكتى تولىقتاۋعا، تىزبەكتى كۇشەيتۋگە كۇش سالىپ، بايلىقتى سول جەردىڭ وزىندە كادەگە جاراتۋ سالىستىرماسىن جوعارىلاتۋ كەرەك. سۋ ۇنەمدەۋدى، سۋ ساقتاۋدى، سۋ جەتكىزۋدى عىلمي ءبىر تۇتاس جوسپارلاپ، سۋ قويماسىنىڭ حاۋىپسىزدىگىندەگى كومەسكى كىناراتتاردى ءبىر - بىرلەپ تەكسەرۋدى كۇشەيتىپ، سۋ بايلىعىن جوعارى ونىمدىلىكپەن ۇلەستىرۋ جانە ۇيلەسىمدى پايدالانۋ دەڭگەيىن اناعۇرلىم جوعارىلاتۋ كەرەك. دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جىعا تانىپ، نەگىزگى تاقىرىپتىق تاربيە ارقىلى بۇقارانىڭ اڭىسى كۇشتى بولعان كورنەكتى ماسەلەلەردى شەشۋدى ىلگەرىلەتىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
