انار بۇلت \ شينجياڭ گازەتىنىڭ ءتىلشىسى شى شين 5 - ايدىڭ 2 - كۇنى ۇرىمجىدەن حابارلايدى. ءبىرىنشى ماۋسىمدا شينجياڭنىڭ ءتۇيىندى نىساندار قۇرىلىسىنىڭ باستاماسى جاقسى بولدى. اۆتونوميالى رايوننىڭ 400 ءتۇيىندى نىسانىنا ناقتى زاتتىق قىزمەت مولشەرى بويىنشا جالپى 41 ميلليارد يۋان قارجى قوسىلىپ، جىلدىق جوسپاردىڭ ％13.5ى ورىندالىپ، بىلتىرعى سول تۇستاعىدان 11 ميلليارد 800 ميلليون يۋان ارتتى.
بيىل جىل باسىنان بەرى رايونىمىز كەلەلى نىسانداردىڭ سانى مەن ساپاسىن تەڭ ارتتىرۋدى ورنالاستىردى. جىبەك جولى ەكونوميكالىق بەلدەۋى وزەكتى رايونى قۇرىلىسى، ”8 ءىرى كاسىپ سالاسى شوعىرى“ جانە ”6 ءىرى نەگىزدىك قۇرىلعى جۇيەسى“ سياقتى كەلەلى ستراتەگيالىق ورنالاستىرۋلاردى مىقتاپ ارقاۋ ەتىپ، ولقىلىقتاردى تولىقتايتىن، قۇرىلىمدى رەتتەيتىن، يقۋاتى كۇشتى ۇزاق بولاشاققا پايدالى، حالىق تۇرمىسىنا ءتيىمدى ءبىر توپ كەلەلى نىساندى جەدەل اتقاردى. اۆتونوميالى رايونداعى ءتۇيىندى نىسانداردىڭ سانى 2022 - جىلداعىدان 30ى كوبەيىپ، جالپى قوسىلعان قارجى 518 ميلليارد 400 ميلليون يۋان ارتتى.
كەلەلى نىسانداردىڭ باستاۋ، جەبەۋ رولى كورنەكتىلەندى. ءبىرىنشى ماۋسىمدا اۆتونوميالى رايوننىڭ ءتۇيىندى نىساندارىنا 41 ميلليارد يۋان قارجى قوسىلدى. G680 تايكەشكەن − شاكۇرتى تاس جولى، گانچۋانپۋ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، اقسۋ اسا جۇقا قوس اينەكتى جوعارى ءونىمدى فوتوۆولتتىق بولشەكتەردى زەردەلى جاساۋ نىسانى سياقتى 38 ءتۇيىندى نىساندا جاڭادان جۇمىس باستاۋ جۇزەگە اسىپ، تۇتاس رايوننىڭ قارجى قوسۋدى ورنىقتى ارتتىرۋىنا كۇش ۇستەدى.
كەلەلى نىساندارعا قارجى قوسۋ قۇرىلىمى ۇزدىكسىز ساپالىلاندى. رايونىمىز وسىزاماندانعان كاسىپ سالاسىمەن جەتەكتەۋ جۇيەسى مەن وسىزاماندانعان نەگىزدىك قۇرىلعى تىرەكتىك جۇيەسىن قۇرۋدى جەدەلدەتىپ، يۇرۇڭقاش سۋ يگىلىگى تورابى، G0711 ءۇرىمجى − لوپنۇر جوعارى جىلدامدىقتى تاس جولى، گازدى باتىستان شىعىسقا جەتكىزۋ 4 - جەلىسى تابيعي گاز قۇبىر قۇرىلىسى سياقتى كەلەلى نەگىزدىك قۇرىلعى نىساندارىنا 12 ميلليارد 400 ميلليون يۋان قارجى قوسۋ ورىندالدى؛ جۇندۇڭ 200 مىڭ توننالىق ساپتىعى جوعارى كوپ كريستالدى كرەمني ءوندىرۋ، قۇمىل جوعارى، جاڭا تەحنيكالىق كاسىپ سالاسىن اشۋ رايونىنداعى جىلىنا 30 مىڭ توننا جوعارى يقۋاتتى تيتان جانە تيتان قوسپالى جاڭا ماتەريال ءوندىرۋ سياقتى كەلەلى كاسىپ سالاسى نىساندارىنا 27 ميلليارد 800 ميلليون يۋان قارجى قوسۋ ورىندالدى.
