ما شيڭرۇي سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ەرەكشە، باسىمدىققا يە كاسىپ سالاسى شوعىرىن كۇش سالا قۇرىپ، جوعارى ساپالى دامۋدى جەدەل ىلگەرىلەتۋ كەرەك
5 - ايدىڭ 2 - كۇنى اۆتونوميالى رايوندىق پارتكومنىڭ شۋجيى ما شيڭرۇي سانجى حۇيزۋ اۆتونوميالى وبلىسىنىڭ موري قازاق اۆتونوميالى اۋدانىنا، جۇندۇڭ ەكونوميكالىق، تەحنيكالىق اشۋ رايونىنا بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي ەرەكشە ترانسفورماتور شينتى ەنەرگيا سەرىكتەستىگىندە قاتىستى قىزمەت تانىستىرۋلارىن تىڭداۋدا.
□ سۋرەتتى ۋاڭ كۇنلۇن تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 2 - كۇنى سانجىدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 2 - كۇنى سانجى حۇيزۋ اۆتونوميالى وبلىسىنىڭ موري قازاق اۆتونوميالى اۋدانىنا، جۇندۇڭ ەكونوميكالىق، تەحنيكالىق اشۋ رايونىنا بارىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى ارقاۋ ەتىپ، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، كەڭ كولەمدى تەكسەرۋ - زەرتتەۋ جۇرگىزىپ، جاڭا ەنەرگيا، جاڭا ماتەريال كاسىپورىندارىنا بارىپ، نەگىزگى ساتىنىڭ ءبىرىنشى شەبىندەگى قىزمەتكەرلەرگە امانداسىپ، ولاردان حال سۇراپ، جەل ەلەكتر جابدىقتارىن جاساۋ، كرەمني نەگىزدى جاڭا ماتەريالدار سياقتى كاسىپ سالالارىنىڭ دامۋىنا جانە ءوندىرىس حاۋىپسىزدىگىنە قاتىستى جاعدايلاردى ۇستىندە تەكسەرىپ - زەرتتەپ، شينجياڭنىڭ ەرەكشە، باسىمدىققا يە كاسىپ سالاسى شوعىرىنىڭ دامۋىن ىلگەرىلەتىپ، وسىزاماندانعان كاسىپ سالاسى جۇيەسىن قۇرۋدى جەدەلدەتتى.
ما شيڭرۇي دۇڭفاڭ ەلەكتر جاڭا ەنەرگيا جابدىقتارىن جاساۋ بازاسىنا، سانجى جينفىڭ عىلىم - تەحنيكا شەكتى سەرىكتەستىگىنە بارىپ، كاسىپورىنداردىڭ ءوندىرىس ءبىرىنشى شەبىن ارالاپ، جەل ەلەكتر جابدىقتارىن جاساۋ نىسانى قۇرىلىسىنا، كاسىپورىننىڭ اينالىمىنا، باسقارۋىنا، عىلىم - تەحنيكادا جاڭالىق اشۋعا قاتىستى جاعدايلاردى تەكسەرىپ كوردى؛ جۇندۇڭ شيەشين كرەمني شارۋاشىلىعىنا، ەرەكشە ترانسفورماتور شينتى ەنەرگيا سەرىكتەستىگىنە بارىپ، قاتىستى قىزمەت تانىستىرۋىن تىڭدادى، باقشا رايونى، كاسىپورىن جاۋاپتىلارىمەن اشۋ رايونىنىڭ قۇرىلىسى، اينالىمى، ساپتىعى جوعارى كوپ كريستالدى كرەمني نىسانى قۇرىلىسى، كرەمني نەگىزدى جاڭا ماتەريال كاسىپ سالاسىنىڭ ورنالاسۋى، دامۋى سياقتىلار جونىندە ىشكەرىلەي پىكىر اۋىستىردى. تەكسەرۋ - زەرتتەۋ بارىسىندا، ما شيڭرۇي كاسىپورىنداردىڭ دامۋىنا قاتىستى ماسەلەلەردى ۇستىندە سايكەستىرىپ شەشىپ، بىلاي دەپ باسا دارىپتەدى: كاسىپورىننىڭ ءوز باسىمدىعىن شينجياڭنىڭ مول بايلىق ارتىقشىلىعىمەن ورگانيكالى بايلانىستىرىپ، عىلىم - تەحنيكادا جاڭالىق اشۋدى اناعۇرلىم ماڭىزدى ورىنعا قويىپ، شەشۋشى، وزەكتى تەحنيكالاردان قامال الۋدى كۇشەيتىپ، نىسان قۇرىلىسىن جەدەل ىلگەرىلەتىپ، تىزبەكتى ۇزارتۋعا، تىزبەكتى تولىقتاۋعا، تىزبەكتى كەڭەيتۋگە، تىزبەكتى كۇشەيتۋگە اناعۇرلىم كوپ كۇش سالىپ، كاسىپ سالاسى شوعىرىنىڭ شوعىرلى دامۋىن ىلگەرىلەتىپ، دۇنيە ءجۇزى ولشەمىن كوزدەپ جاڭا ەنەرگيا جابدىعىن جاساۋدىڭ جانە جاڭا ماتەريال كاسىپ سالاسىنىڭ بيىك بەلەسىن قۇلشىنا تۇلعالاۋ كەرەك.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: نەگىزگى تاقىرىپتىق تاربيە ورىستەتۋمەن بايلانىستىرىپ، باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىنىڭ جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن اناعۇرلىم تەرەڭدەي ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اناعۇرلىم كۇشتى كوكەي تەستىلىك سەزىممەن جانە جاۋاپكەرشىلىك سەزىممەن جوعارى ساپالى دامۋدى ىلگەرىلەتىپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي يگىلىك جەتكىزۋىن، جۇرت تىلەگىن ۇيىستىرۋىن ىلگەرىلەتىپ، شينجياڭنىڭ وسىزاماندانۋ قۇرىلىسىنا پارمەندى تىرەك ازىرلەۋ كەرەك. جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن ارقاۋ ەتىپ، ”8 ءىرى كاسىپ سالاسى شوعىرى“ قۇرىلىسىنىڭ ساپاسىن ءوسىرىپ، ونىمدىلىگىن جوعارىلاتۋدى ىلگەرىلەتىپ، ەنەرگيا بايلىعىنىڭ كومەسكى كۇشىن تەرەڭدەي اشىپ، جاڭا ەنەرگيا، جاڭا ماتەريال جاعىنداعى ستراتەگيالىق تىرەكتى كاسىپ سالاسىن تۇلعالاپ، كاسىپ سالاسى نەگىزىنىڭ جوعارى دارەجەلىلەنۋىن، كاسىپ سالاسى تىزبەگىنىڭ وسىزاماندانۋىن ىلگەرىلەتىپ، ونەركاسىپتىڭ نەگىزىن كۇشەيتىپ، ونىمدىلىگىن جوعارىلاتۋدى جانە تيبىن وزگەرتىپ، دارەجەسىن ءوسىرۋدى ىلگەرىلەتىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن قۇرۋ كەرەك. عىلىم - تەحنيكادا جاڭالىق اشۋ ارقىلى دەمەۋدى كۇشەيتىپ، ەرەكشە، باسىمدىققا يە سالالاردى ارقاۋ ەتىپ كەلەلى جاڭالىق اشۋ ينجەنەرياسىن اتقارىپ، زەرتتەۋ - اشۋ ۇسىنىلىمى جانە عىلىم - تەحنيكادا جاڭالىق اشۋ دارىندىلارى قوسىنى قۇرىلىسى سەرپىنىن ارتتىرىپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن جوعارىلاتىپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن سومداۋ كەرەك. تاماشا دامۋ ورتاسىن تۇلعالاپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاۋدى كوزدەي وتىرىپ، ىشكەرىلەي تەكسەرۋ - زەرتتەۋ جۇرگىزىپ، كاسىپورىنداردىڭ قاجەتىن ۇعىسۋدى، كاسىپورىنداردان امال - شارا قابىلداۋدى كۇشەيتىپ، ءوندىرىس، تيجارات بارىسىنداعى قيىنشىلىقتارىن، ماسەلەلەرىن شەشۋىنە بەلسەنە كومەكتەسىپ، ءتۇيىندى نىسان قۇرىلىستارىنا، باسىمدىققا يە كاسىپ سالالارىنىڭ دامۋىنا جان - جاقتى فاكتور قامتاماسىزدىعىن ازىرلەۋ كەرەك. ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، تاراپتاردىڭ جاۋاپكەرشىلىگىن، اسىرەسە، كاسىپورىنداردىڭ تۇلعالىق جاۋاپكەرشىلىگىن قاتايتىپ، ناقتىلاندىرىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانىپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتۋ كەرەك.
