گازەتىمىزدىڭ شولۋشىسى
بۇل جاستاردىڭ مەرەكەسى، بۇل كۇرەسكەرلەردىڭ ءداۋىرى. جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ جاڭا جورىعىندا ءبىز جىلىنا ءبىر كەلەتىن 4 - مامىر جاستار مەرەكەسىن قارسى الىپ وتىرمىز. 100 جىلدىق تاريحقا قايىرىلا قاراساق، جۇڭحۋانىڭ بايتاق دالاسىندا باستان - اياق جاستىقتىڭ جالىنى الاۋلاۋدا − مەيلى توڭكەرىس، قۇرىلىس، رەفورما مەزگىلىندە بولسىن، ۇلتقا حاۋىپ تونگەن ساتتەردە دۇنيەگە كەلگەن 4 - مامىر رۋحىنىڭ ءتۇسى استە وزگەرمەدى، ول قازىرگە دەيىن ميلليونداعان جاستاردى جاستىق ورالىمەن جاستىق كوكتەمدەي جايناعان جۇڭگونى، جاستىق شاقتاي جالىندى ۇلتتى سومداۋعا ىنتالاندىراتىن قاۋلاعان كۇش بولىپ كەلەدى.
جۋىقتا باس شۋجي شي جينپيڭ جۇڭگو اۋىل شارۋاشىلىق داشۋەسى عىلىم - تەحنيكا شاعىن اۋلاسىنداعى وقۋشىلارعا جازعان جاۋاپ حاتىندا جاستاردىڭ ”اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋگە، جاپپاي سوتسياليستىك وسىزاماندانعان مەملەكەت قۇرۋعا جاستىق كۇش - قۋاتىن ارناۋىن“ ءۇمىت ەتتى. وتاننىڭ مەيىرىمدى قۇشاعىندا ەسەيىپ كەلە جاتقان شينجياڭداعى ءار ۇلت جاستارى باس شۋجيدىڭ تاپسىرماسىن ەستە بەرىك ساقتاپ، 4 - مامىر رۋحىن جالعاستىرىپ، ءداۋىر بورىشىن ارقالاپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا جاستىق كوكتەمى مەن كۇش - قۋاتىن ارناۋى كەرەك.
مۇرات − جاستىق شاققا جول باستايتىن نۇرلى شام - شىراق. وتكەن عاسىردىڭ 50 -، 60 - جىلدارىندا جالىندى جاستار ”شەكارا وڭىرگە بارۋ، وتان ەڭ قاجەت ەتكەن جەرگە بارۋ“ سىندى اسقاق جىگەرمەن قورجىن - قولاڭدارىن كوتەرىپ، مەكەنىنە قوش ايتىپ، جاستىق جىگەرمەن تيانشان الابىندا ءشول دالانى جاڭا قالاعا، قۇم تەڭىزىن جاسىل القاپقا اينالدىرعان كەرەمەتتەردى جاراتتى. بۇگىنگى تاڭدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جاستاردا ”بىزدەر جاستىق ورالىمىزبەن وسى گۇلدەنگەن جۇڭحۋانى قورعاۋعا پەيىلمىز“ دەگەن بەرىك سەنىم بولۋىن اناعۇرلىم قاجەت ەتەدى. بۇگىنگى شينجياڭدا كەدەيلىكتەن ارىلتۋدان قامال الۋ اۋىل - قىستاقتى گۇلدەندىرۋمەن ءونىمدى ۇشتاستىرىلدى، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ قادامى ەكپىندى بولدى، ”8 ءىرى كاسىپ سالاسى شوعىرى“ قۇرىلىسى تەبىندەي ءتۇستى... تيانشان الابىنداعى ءار ۇلت جاستارى قۇن تارازىسىن دالدەپ، ۇلى مۇرات ورناتىپ، شينجياڭنىڭ رەفورما، دامۋ، ورنىقتىلىق قىزمەتتەرىنە بەلسەنە ات سالىسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە جاستىق داۋرەنىنىڭ ىسكەرلىگىن ايگىلەۋدە.
جاۋاپكەرشىلىك ارقالاۋ − ارمانعا قۇلاش جايعان جاستىق شاقتىڭ تەبىندى قوزعاۋشى كۇشى. ورتاشا جاسى 28 جاس بولعان جۇڭگو كوممۋنيستىك پارتياسى 1 - قۇرىلتايى ۋاكىلدەرىنىڭ ”تۋ زاماننان بەرگى ءىرى ۇلكەن وزگەرىستى“ كەڭەسۋىنەن جاڭا تيپتى ايدارشا ۆيرۋس ىندەتى تۋىلعاندا ”90 - جىلداردان كەيىن تۋىلعان“، ”2000 - جىلداردان كەيىن تۋىلعان“ زور توپتاعى ەمدەۋ قىزمەتكەرلەرىنىڭ ىندەتكە قارسى اتتانۋىنا دەيىن... ءار داۋىردەگى جاستاردىڭ بويىنداعى جاۋاپكەرشىلىك سەزىم، بورىشتىلىق سەزىم ولاردىڭ ارمان قۋۋ جولىندا كىدىرمەۋىنىڭ تەبىندى قوزعاۋشى كۇشى بولدى. جاڭا داۋىردەگى جاڭا جورىقتا شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ نىسانا - مىندەتتەرىنىڭ سالماعى بۇرىن بولىپ كورمەدى، قايشىلىقتاردىڭ، حاۋىپ - قاتەرلەردىڭ، سىن - سايىستاردىڭ كوپتىگى بۇرىن بولىپ كورمەدى، ءار ۇلت جاستارى باستاماشىلدىقپەن العا شىعىپ، باتىلدىقپەن العا ۇمتىلىپ، جاڭا داۋىردەگى جۇڭگوشا سوتسياليستىك كورىكتى شينجياڭ قۇرۋ داڭقتى بورىشىن ارقالاۋى كەرەك.
كۇرەس جۇرگىزۋ − جاستىق داۋرەندى تۇتاندىراتىن سارقىلماس مازداتقىش. گۇلدەنگەن زاماندا جاساعاندا ءبىز جاستاردىڭ ءداۋىردى تاڭ قالدىراتىن كۇرەسكەرلىك كۇش - قۋاتىن شىنايى سەزىندىك: عارىشكەرلىك ارقىلى وتان ءۇمىتىن اقتاعان چاڭى ۇجىمىنداعىلاردىڭ، شىنجوۋ ۇجىمىنداعىلاردىڭ، بەيدوۋ ۇجىمىنداعىلاردىڭ ورتاشا جاسى نەبارى 30 نەشە جاستا؛ قاراماققا قاراپايىم بولعان ميلليونداعان تەحنيكتەر جۇمىس ورنىندا، شوگەل جاستار ”ءىرى ەل ۇستالارىنىڭ“ ءداۋىر جاڭا تاراۋىن جازۋدا... شينجياڭنىڭ بايتاق دالاسىنا كوز تاستاساق، ”بالا شۋجي“ لي ۋىنجۋان پامير ۇستىرتىندە 7 جىلدان استام ۋاقىت قىزمەت ىستەدى، جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان 118 ستۋدەنت شينجياڭنىڭ نەگىزگى ساتىسىندا جۇمىستانۋدى تاڭدادى، جۇندۇڭ ەكونوميكالىق - تەحنيكالىق اشۋ رايونىنداعى 80 مىڭ جاس قۋ مەديەن ءشول دالادا دا جاستىق داۋرەننىڭ جاسىل القابىن اشۋدا... شىندىق كۇرەسكە تولى جاستىق كوكتەمنىڭ ەڭ نۇر شاشاتىندىعىن دالەلدەدى. شينجياڭ سىندى ۇمىتكە تولى قۇتتى مەكەندە، ءار ۇلت جاستارى تەك جالىنداعان جاستىق داۋرەنىمەن تالىقپاس كۇرەسكە ات سالىسسا، تيانشان الابىندا نۇرلى، رياسىز جاستىق داۋرەنىن جاراتىپ، اقىل - پاراساتىمەن جانە ماڭداي تەرىمەن شينجياڭنىڭ بايتاق دالاسىنىڭ داڭقىن اسىراتىندىعى داۋسىز.
ءداۋىر جاۋاپكەرشىلىگى جاستارعا جۇكتەلدى، ءداۋىر داڭقى جاستارعا ءتان. ءار ۇلت جاستارى قول ۇستاسىپ، تاۋداي جاۋاپكەرشىلىكتى ارقالاپ، جاستىق ورالىمەن، كۇرەسكەرلىكپەن 4 - مامىر رۋحىن اسقاقتاتىپ، قاراپايىم جۇمىس ورنىندا كەرەمەت ناتيجە جاراتىپ، وتانىمىزدىڭ شينجياڭىن بارعان سايىن كورىكتى ەتىپ قۇرۋى كەرەك.
