شي جينپيڭ جۇڭگو اۋىل شارۋاشىلىق داشۋەسى عىلىم - تەحنيكا شاعىن اۋلاسىنداعى وقۋشىلارعا جاۋاپ حات قايتارىپ بىلاي دەپ باسا دارىپتەدى
اۋىل شارۋاشىلىعىن ءسۇيۋ ىنتاسىن نىعايتىپ، اۋىل شارۋاشىلىعىن گۇلدەندىرۋ قابىلەتىن جەتىلدىرىپ، اۋىل - قىستاقتى گۇلدەندىرۋ ۇلكەن ساحناسىندا ەڭبەك ءسىڭىرىپ، ۇلەس قوسۋ كەرەك
4 - مامىر جاستار مەرەكەسى كەلۋى بايلانىسىمەن بۇكىل ەلدەگى قالىڭ جاستاردىڭ مەرەكەسىن قۇتتىقتادى
جاۋاپ حات
جۇڭگو اۋىل شارۋاشىلىق داشۋەسى عىلىم - تەحنيكا شاعىن اۋلاسىنداعى وقۋشىلار:
سالەمەتسىزدەر مە! حاتتارىڭىزدى تاپسىرىپ الدىم، كوپشىلىكتىڭ مەكتەپ قۇرعان عىلىم - تەحنيكا شاعىن اۋلاسى ارقىلى اتىز باسىنا جانە قىستاقتارعا، شارۋا وتباسىلارىنا بارىپ، اۋىل - قىستاقتى گۇلدەندىرۋگە قىزمەت وتەۋ بارىسىندا حالىق تۇرمىسىنداعى قيىن ماسەلەلەردى شەشكەندىگىنەن، ءبىلىم قۋۋعا دەن قويعاندىعىنان حاباردار بولىپ، قاتتى قۋاندىم.
سىزدەر حاتتارىڭىزدا جۇڭگونىڭ اۋىل ومىرىنە قويان - قولتىق ارالاسقاندا عانا، نەنىڭ شىندىقتى ءىس جۇزىنەن ىزدەۋ ەكەندىگىن، بۇقارامەن قالاي بايلانىس جاساۋ كەرەكتىگىن تەرەڭ تۇسىنۋگە بولادى، جاستار ”جاپا - ماشاقات بارىسىندا شىڭدالۋى كەرەك“ دەپ وتە تاماشا ايتىپسىزدار. جاڭا داۋىردەگى جۇڭگو جاستارىندا وسىنداي قايرات - جىگەر بولۋى كەرەك. پارتيا 20 - قۇرىلتايىندا اۋىل شارۋاشىلىعىندا قۇدىرەتتى ەل قۇرۋ جونىندە ورنالاستىرۋ جاسالدى، وقۋشىلاردىڭ اسقاق مۇرات ورناتىپ، شوگەل بولىپ، ساباقحانا ۇيرەنۋى مەن اۋىل - قىستاق امالياتىن تىعىز ۇشتاستىرىپ، اۋىل شارۋاشىلىعىن ءسۇيۋ ىنتاسىن نىعايتىپ، اۋىل شارۋاشىلىعىن گۇلدەندىرۋ قابىلەتىن جەتىلدىرىپ، اۋىل - قىستاقتى گۇلدەندىرۋ ۇلكەن ساحناسىندا ەڭبەك ءسىڭىرىپ، ۇلەس قوسىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋگە، جاپپاي سوتسياليستىك وسىزاماندانعان مەملەكەت قۇرۋعا جاستىق كۇش - قۋاتىن ارناۋىن ءۇمىت ەتەمىن.
4 - مامىر جاستار مەرەكەسى كەلۋى بايلانىسىمەن مەن سىزدەردىڭ مەرەكەلەرىڭىزدى، بۇكىل ەلدەگى قالىڭ جاستاردىڭ مەرەكەسىن قۇتتىقتايمىن!
شي جينپيڭ
2023 - جىلى 5 - ايدىڭ 1 - كۇنى
(شينحۋا اگەنتتىگىنىڭ 5 - ايدىڭ 3 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 5 - ايدىڭ 3 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جۇڭگو اۋىل شارۋاشىلىق داشۋەسى عىلىم - تەحنيكا شاعىن اۋلاسىنداعى وقۋشىلارعا جاۋاپ حات قايتارىپ، ولارعا ىقىلاستى ءۇمىت ارتتى، سونداي - اق 4 - مامىر جاستار مەرەكەسى كەلۋى بايلانىسىمەن بۇكىل ەلدەگى قالىڭ جاستاردىڭ مەرەكەسىن قۇتتىقتادى.
شي جينپيڭ جاۋاپ حاتىندا بىلاي دەدى: كوپشىلىكتىڭ مەكتەپ قۇرعان عىلىم - تەحنيكا شاعىن اۋلاسى ارقىلى اتىز باسىنا جانە قىستاقتارعا، شارۋا وتباسىلارىنا بارىپ، اۋىل - قىستاقتى گۇلدەندىرۋگە قىزمەت وتەۋ بارىسىندا حالىق تۇرمىسىنداعى قيىن ماسەلەلەردى شەشكەندىگىنەن، ءبىلىم قۋۋعا دەن قويعاندىعىنان حاباردار بولىپ، قاتتى قۋاندىم.
شي جينپيڭ بىلاي دەپ باسا دارىپتەدى: سىزدەر حاتتارىڭىزدا جۇڭگونىڭ اۋىل ومىرىنە قويان - قولتىق ارالاسقاندا عانا، نەنىڭ شىندىقتى ءىس جۇزىنەن ىزدەۋ ەكەندىگىن، بۇقارامەن قالاي بايلانىس جاساۋ كەرەكتىگىن تەرەڭ تۇسىنۋگە بولادى، جاستار ”جاپا - ماشاقات بارىسىندا شىڭدالۋى كەرەك“ دەپ وتە تاماشا ايتىپسىزدار. جاڭا داۋىردەگى جۇڭگو جاستارىندا وسىنداي ەرىك - جىگەر بولۋى كەرەك. پارتيا 20 - قۇرىلتايىندا اۋىل شارۋاشىلىعىندا قۇدىرەتتى ەل قۇرۋ جونىندە ورنالاستىرۋ جاسالدى، وقۋشىلاردىڭ اسقاق مۇرات ورناتىپ، شوگەل بولىپ، ساباقحانا ۇيرەنۋى مەن اۋىل - قىستاق امالياتىن تىعىز ۇشتاستىرىپ، اۋىل شارۋاشىلىعىن ءسۇيۋ ىنتاسىن نىعايتىپ، اۋىل شارۋاشىلىعىن گۇلدەندىرۋ قابىلەتىن جەتىلدىرىپ، اۋىل - قىستاقتى گۇلدەندىرۋ ۇلكەن ساحناسىندا ەڭبەك ءسىڭىرىپ، ۇلەس قوسىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋگە، جاپپاي سوتسياليستىك وسىزاماندانعان مەملەكەت قۇرۋعا جاستىق كۇش - قۋاتىن ارناۋىن ءۇمىت ەتەمىن.
2009 - جىلى جۇڭگو اۋىل شارۋاشىلىق داشۋەسى حىبەي ولكەسىنىڭ چۇيجوۋ اۋدانىندا عىلىم - تەحنيكا شاعىن اۋلاسىن قۇرۋ جونىندە ىزدەنىس جاساپ، اۋىل شارۋاشىلىق كاسىپتىك عىلمي اتاعىنا يە اسپيرانتتاردى اۋىل شارۋاشىلىعى ءوندىرىسىنىڭ الدىڭعى شەبىنە جىبەرىپ، ءبىلىمدى، نازاريانى ۇيرەنۋدى ورىنداۋ نەگىزىندە، اۋىل شارۋاشىلىعىن، اۋىل - قىستاقتى دامىتۋ بارىسىنداعى ءىس جۇزىندىك ماسەلەلەردى زەرتتەپ شەشىپ، اۋىل شارۋاشىلىعىنىڭ جوعارى دەڭگەيلى دارىندىلارىن جەتىلدىرىپ، اۋىل شارۋاشىلىعىن، اۋىل - قىستاقتى وسىزامانداندىرۋ قۇرىلىسىنا قىزمەت وتەدى. قازىر بۇل مەكتەپ بۇكىل ەلدەگى 24 ولكە، اۆتونوميالى رايون، توتە قاراستى قالانىڭ 91 اۋدان، قالا، رايون، حوشۇنىنان 139 عىلىم - تەحنيكا شاعىن اۋلاسىن قۇردى. تاياۋدا جۇڭگو اۋىل شارۋاشىلىق داشۋەسى عىلىم - تەحنيكا شاعىن اۋلاسىنىڭ وقۋشىلار ۋاكىلى باس شۋجي شي جينپيڭگە حات جازىپ، وزدەرىنىڭ تابىستارى مەن اسەرلەرىنەن مالىمەت بەرىپ، اۋىل شارۋاشىلىعىندا قۇدىرەتتى ەل قۇرۋ قۇرىلىسىنا ۇلەس قوساتىن بەرىك بەكىمدەرىن ءبىلدىردى.
