ءزۇمىرات وبۇل، نۇرلان ءابىلماجىن، لي يفي، جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 6 - كۇنى ۇرىجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 5 - ايدىڭ 6 - كۇنى ۇرىمجىدە ۇيىرمە باستاپ، شينجياڭعا تەكسەرۋگە كەلگەن مەملەكەتتىك ساياسي كەڭەستىڭ ورىنباسار ءتوراعاسى لياڭ جىنيىڭمەن كەزدەستى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان لياڭ جىنيىڭدى جانە ونىڭ ساپارلاستارىن قارسى الاتىندىعىن ءبىلدىردى. ول بىلاي دەدى: باس شۋجي شي جينپيڭ، پارتيا ورتالىق كوميتەتى شينجياڭنىڭ دامۋىن كوكەيدە ساقتاپ، شينجياڭ قىزمەتىنىڭ جاعدايىن باعامداپ، باعدارىن بەلگىلەپ، رول ۇستاپ، جول باستادى. كەزەكتە ءبىز نەگىزگى تاقىرىپتىق تاربيەنى ىشكەرىلەي ورىستەتۋدى وراي ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتۋدەمىز. شينجياڭنىڭ وڭىرلىك ورىن، بايلىق، ساياسات سياقتى باسىمدىقتارى كورنەكتى، ەسىك اشۋ، دامۋ ارىنى ايتارلىقتاي جاقسى، كومەسكى كۇشى زور، مەملەكەتتى قۇدىرەتتەندىرۋ قۇرىلىسىندا، ۇلتتى گۇلدەندىرۋدە اناعۇرلىم زور ىسكەرلىك تانىتاتىن نەگىزى، شارت - جاعدايى بار. ورىنباسار ءتوراعا لياڭ جىنيىڭنىڭ جانە شياڭگاڭداعى ءار سالا قايراتكەرلەرىنىڭ كوڭىل بولۋىندە، قولداۋىندا، شياڭگاڭنىڭ ءار سالاسىمەن اۋىس - كۇيىستى، سەلبەستىكتى اناعۇرلىم تەرەڭدەتۋدى، شياڭگاڭنىڭ جۇڭگو مەن باتىستى توعىستىرعان باسىمدىعىنان ويداعىداي پايدالانىپ، ەسىك اشۋ، دامۋ ءورىسىن ۇزدىكسىز كەڭەيتىپ، حالىقارالىق گۋمانيتارلىق اۋىس - كۇيىستى جەبەپ، جوعارى ساپالى دامۋدىڭ جاڭا قوزعاۋشى قۋاتىن جەتىلدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە اناعۇرلىم نىق قادام تاستاۋدى ءۇمىت ەتەمىن.
لياڭ جىنيىڭ وسى جولعى ساپاردىڭ باستى ماقساتى مەن ءتۇيىندى مازمۇنىن تانىستىردى. ول بىلاي دەدى: شياڭگاڭ حالىقارالىق ساۋدا ورتالىعى رەتىندە، شينجياڭمەن قارجى قوسۋ، وركەندەتۋ، ساۋدا سياقتى كوپتەگەن جاقتاردا ءبىرشاما كەڭ سەلبەستىك ءورىسى بار. رولىن بەلسەندىلىكپەن ساۋلەلەندىرىپ، شياڭگاڭنىڭ ساۋدا باسىمدىعىن شينجياڭنىڭ بايلىق، كاسىپ سالاسى سياقتى باسىمدىقتارىمەن اناعۇرلىم ويداعىداي ۇشتاستىرۋدى ىلگەرىلەتىپ، شينجياڭ ونىمدەرىنىڭ بازاردى اناعۇرلىم ويداعىداي كەڭەيتۋىنە، ايگىلى ماركا جاراتۋىنا، ۇستەمە قۇنىن جوعارىلاتۋىنا كۇش ۇستەپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدى جەبەيدى. شينجياڭنىڭ گۋمانيتارلىق، ساياحات بايلىعى مول، تىكە اۆياتسيالىق جەلىنى اشۋ سياقتى تاسىلدەرمەن ەكى جەردىڭ اۋىس - كۇيىسىن، بارىس - كەلىسىن اناعۇرلىم كۇشەيتۋ − شياڭگاڭ قالا تۇرعىندارىنىڭ شينجياڭدى اناعۇرلىم جاقسى تانۋىنا جانە تۇسىنۋىنە پايدالى، قاتىستى كاسىپ سالالارىنىڭ دامۋىن جەبەيدى. شياڭگاڭنىڭ حالىقارالانعان تۇعىرلىق يقۋاتىن، رولىن بارىنشا ويداعىداي ساۋلەلەندىرۋىن جەبەپ، جۇڭگو شينجياڭىنىڭ ءۇنىن بارىنشا كوپ تاراتىپ، جۇڭگو شينجياڭىنىڭ حيكاياسىن ۇزدىكسىز ويداعىداي بايانداپ، شينجياڭ مەن شياڭگاڭنىڭ سەلبەسىپ، تەڭ يگىلىككە كەنەلۋىن جەبەپ، مەملەكەتتىڭ دامۋىنا بىرگە كۇش قوسادى.
ەلزات احمەتجان، قادەن كابەن، ليۋ حۇيجۇن، اسەنجان احمەت، ورتالىق كوميتەت بىرلىكساپ ءبولىمىنىڭ قاتىستى قىزمەتكەرلەرى، شياڭگاڭ ەرەكشە اكىمشىلىك رايونىنىڭ ساياسي سالاسىنىڭ، كاسىپ سالاسىنىڭ، ساۋدا - ونەركاسىپ سالاسىنىڭ قاتىستى ۋاكىل قايراتكەرلەرى قاتارلىلار كەزدەسۋگە قاتىناستى.
