− شينجياڭنىڭ ءبىرىنشى ماۋسىمداعى تۇراقتى مۇلىككە قارجى قوسۋ ونىمدىلىگىنە نازار
□ انار بۇلت \ شينجياڭ گازەتىنىڭ ءتىلشىسى شى شين
ءبىرىنشى ماۋسىمدا شينجياڭنىڭ تۇراقتى مۇلىككە قارجى قوسۋ بەينەسى كورنەكتى بولدى. ساناق ساندى مالىمەتىندە كورسەتىلۋىنشە، بۇكىل رايونداعى تۇراقتى مۇلىككە قوسىلعان قارجىنىڭ جالپى سوماسى (شارۋا وتباسىلارىن قامتىمايدى) سايكەس مەزگىلدەگىدەن ％6. 18 ارتىپ، ارتۋ قارقىنى 1 -، 2 - ايدان 9. 7 پايىز جوعارىلاپ، بۇكىل ەلدىكىنەن 5. 13 پايىز جوعارى بولىپ، مەملەكەت بويىنشا 5 - ورىندى يەلەگەن.
”ءبىرىنشى ماۋسىمدا قوسىلعان قارجى ءبىرشاما تەز ارتتى، بۇل شينجياڭ ەكونوميكاسىنداعى ءبىر جارقىن ءتۇيىن“، - دەدى اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى شۇي جيانحۇي.
جاڭادان جۇمىس باستاعان نىسانداردىڭ تىرەكتىك تەبىنى زور بولدى
4 - ايدىڭ 20 - كۇنى شينجياڭ داشىشيا سۋ يگىلىگى تورابى ينجەنەرياسى ەلەكتر ستانسياسى 2 - ءنومىرلى گەنەراتور اگراگاتتارىنىڭ تومەنگى اعارىنداعى قوسالقى زاۆود ۇيلەرىنىڭ سۋ استى قۇرىلىمدىق قۇرىلىسىنىڭ توبەسىنە بەتون قۇيۋ، تۇتاس قۇرىلىس جۇرگىزۋ جۇمىسىنىڭ تەڭ جارتىسىنان استامى ءساتتى ورىندالدى؛ 4 - ايدىڭ 22 - كۇنى سانجى جوعارى، جاڭا تەحنيكا كاسىپ سالاسىن اشۋ رايونىنداعى 10 نىسان شوعىرلى جۇمىس باستاپ، جۇمىستى قالپىنا كەلتىردى؛ 4 - ايدىڭ 25 - كۇنى شينجياڭ شين - يە ەنەرگيا حيميا ونەركاسىبى شەكتى جاۋاپكەرشىلىك سەرىكتەستىگىنىڭ 1 - مەرزىمدىك جىلىنا 40 مىڭ توننا پولي فورمالدەگيد ءوندىرۋ نىسانى ورتاڭعى مەرزىمدىك جۇمىستى وتكىزىپ بەرۋ سالتىن وتكىزدى... بۇل نىسانداردىڭ ءساتتى ىلگەرىلەتىلۋى ءبىرىنشى ماۋسىمداعى ءونىمدى قارجى قوسۋدى كەڭەيتۋدىڭ شوعىرلى بەينەسى. بيىل جىل باسىنان بەرى نىسانعا ۇمتىلۋ بۇكىل رايوندا جوعارىدان تومەنگە دەيىن ەكونوميكانى گۇلدەندىرۋدەگى، دامۋدى يگەرۋدەگى، بولاشاققا تالپىنۋداعى ”شەشۋشى شاراعا“ اينالدى.
كوكتەم مەرەكەسىنەن كەيىنگى العاشقى قىزمەت كۇنىندە اۆتونوميالى رايوندىق دامۋ جانە رەفورما كوميتەتى نازاردى اۆتونوميالى رايوننىڭ بيىلعى تۇراقتى مۇلىككە قارجى قوسۋ جانە كەلەلى نىساندار قۇرىلىسى مىندەتتەرىنە شوعىرلاندىرىپ، ءبىرىنشى ماۋسىمداعى ءتۇيىندى قىزمەتتەردى ورنالاستىرىپ، كۇرەس ۇلگىسىن جاپپاي باستادى.
اۋا رايى ەندى عانا جىلىنعان 3 - ايدىڭ ورتا شەنىندە، اۆتونوميالى رايون 2023 - جىلعى كەلەلى نىسانداردىڭ جۇمىستى شوعىرلى قالپىنا كەلتىرۋ، جۇمىس باستاۋ جانە ءبىرىنشى ماۋسىمداعى بۇكىل رايونداعى كەلەلى نىسانداردى ورنالاستىرۋ ءماجىلىسىن وتكىزىپ، نىسان قۇرىلىسى ارقىلى كاسىپ سالاسىنىڭ دامۋىنا جەتەكشىلىك ەتىپ، ساپانى جوعارىلاتىپ، ونىمدىلىكتى ارتتىرىپ، جوعارى ساپالى دامۋدىڭ نەگىزىن نىعايتىپ، تاعانىن بەكەمدەدى.
جەر - جەردىڭ كەلەلى نىسانداردى يگەرىپ، تەز جۇمىس باستاۋى، تەز وندىرىسكە قوسۋى، تەز ونىمدىلىك كورسەتۋى ساندى مالىمەتتەردە بەينەلەندى: ءبىرىنشى ماۋسىمدا اۆتونوميالى رايونداعى 400 ءتۇيىندى نىسانعا ناقتى جۇمىس مولشەرى بويىنشا جيىنى 41 ميلليارد يۋان قارجى قوسىلىپ، جىلدىق جوسپاردىڭ ％5. 13ىن ۇستاپ، بىلتىرعى سول تۇستاعىمەن سالىستىرعاندا 11 ميلليارد 800 ميلليون يۋان ارتقان.
”جاڭادان جۇمىس باستاعان نىسان قۇرىلىستارىنىڭ اياق الىسى جەدەلدەتىلدى“. شۇي جيانحۇي بىلاي دەدى: ءبىرىنشى ماۋسىمدا جاڭادان جۇمىس باستاعان نىساندار بۇكىل رايوننىڭ قارجى قوسۋىنىڭ ورنىقتى ارتۋىنا پارمەندى كەپىلدىك ازىرلەدى.
ءبىرىنشى ماۋسىمدا بۇكىل رايوندا 3352 نىسان قۇرىلىس جۇرگىزىپ، سايكەس مەزگىلدەگىدەن 229 نىسان كوبەيدى. مۇنىڭ ىشىندە 427 نىسان جاڭادان جۇمىس باستاپ، سايكەس مەزگىلدەگىدەن 65 نىسان مولايدى؛ 9 ميلليارد 117 ميلليون يۋان قارجى قوسىلىپ، سايكەس مەزگىلدەگىدەن ％8. 34 ارتىپ، تۇراقتى مۇلىككە قوسىلعان قارجىنىڭ 2. 5 پايىز ارتۋىن جەبەدى.
ەنەرگيا كاسىپ سالاسىنىڭ جەبەۋ قۋاتى كۇشتى بولدى
4 - ايدىڭ 29 - كۇنى شينجياڭ ليشين ەنەرگيا جارنا شەكتى سەرىكتەستىگى قارجى قوسىپ سالعان جينرۇن لۇييۋان دابانچىڭ 5. 49 مەگاۆاتتىق بىتىراندى جەل ەلەكتر نىسانى جەلىگە قوسىلىپ، ەلەكتر تاراتتى. بۇل نىسان ءار جىلى ەلەكتر تورىنا شامامەن 130 ميلليون كيلوۆات ساعات جاسىل ەلەكتر جەتكىزەدى.
قۇمىل قالاسى − مەملەكەتتىك 10 ميلليون كيلوۆاتتىق جەل ەلەكتر بازاسى، ءبىر ميلليون كيلوۆاتتىق جارىق ەلەكتر بازاسى، ءبىرىنشى ماۋسىمدا جاڭادان ارتقان جاڭا ەنەرگيا گەنەراتور اگراگاتتارىنىڭ سيىمدىلىعى 429 مىڭ 250 كيلوۆات بولدى.
قازىر جۇڭگو كەمە توبى قۇمىل جۇڭچۋان تايشۇن جاڭا ەنەرگيا شەكتى سەرىكتەستىگى قارجى قوسىپ سالعان قۇمىل قالاسىنداعى تۇڭعىش كولەمدى جەل ەنەرگياسى مەن ەنەرگيا ساقتاۋدى ءبىر تۇلعالاندىرۋ نىسانى جەدەل سالىنۋدا. وسى سەرىكتەستىكتىڭ ورىنباسار باس ديرەكتورى پان جيندۇڭ بىلاي دەپ تانىستىردى: بۇل نىساننىڭ جوباداعى گەنەراتور اگراگاتتارىنىڭ سيىمدىلىعى ءبىر ميلليون كيلوۆات، ول قۇمىل قالاسىنداعى شىسانجيانفاڭ جەلدى وڭىرىندەگى ءبىر جولدا قارجى قوسىپ سالىنعان ەڭ ۇلكەن جاڭا ەنەرگيا نىسانى، مەجەمەن وسى جىل ىشىندە سالىنىپ بولىپ، ىسكە قوسىلادى.
”بيىل جىل باسىنان بەرى رايونىمىز تازا ەنەرگيامەن ەلەكتر شىعارۋ نىسانى قۇرىلىسىنىڭ سەرپىنىن ارتتىردى، جەل كۇشى، فوتوۆولتتىق ەلەكتر شىعارۋ نىسانىنا قوسىلعان قارجى ەسەلەپ ارتتى“، - دەدى اۆتونوميالى رايوندىق دامۋ جانە رەفورما كوميتەتى تۇراقتى مۇلىككە قارجى قوسۋ باسقارماسىنىڭ باستىعى جاڭ يۇڭلياڭ تانىستىرىپ.
ساندى مالىمەتتە كورسەتىلۋىنشە، ءبىرىنشى ماۋسىمدا رايونىمىزدىڭ ەنەرگيا ءتۇيىندى نىساندارىنا ناقتى جۇمىس مولشەرى بويىنشا 30 ميلليارد 370 ميلليون يۋان قارجى قوسىلىپ، جىلدىق جوسپاردىڭ ％4. 21ىن ۇستاعان. مۇنىڭ ىشىندە جۇندۇڭ، قۇمىلدىڭ سولتۇستىگى، وڭتۇستىك شينجياڭداعى تارىم جيەگى سياقتى 10 ميلليون كيلوۆاتتىق جاڭا ەنەرگيا بازالارىنىڭ قۇرىلىسى جەدەل ىلگەرىلەتىلىپ، جەل كۇشى مەن فوتوۆولتتىق ەلەكتر تاراتۋعا 10 ميلليارد يۋاننان استام قارجى قوسىلىپ، قوسىلعان قارجى سايكەس مەزگىلدەگىدەن 1. 2 ەسە ارتىپ، تۇراقتى مۇلىككە قوسىلعان قارجىنىڭ 2. 7 پايىز ارتۋىن ىلگەرىلەتتى.
مەملەكەت ەلەكتر تورى ەنەرگياسى جۇندۇڭ 660000 × 2 كيلوۆاتتىق ەلەكتر ستانسياسى، قۇمىل سۋ شىعارىپ ەنەرگيا ساقتاۋ ەلەكتر ستانسياسى، فىڭحۋاڭ − ءۇرىمجىنىڭ سولتۇستىگىⅡقايتىمدى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سياقتى جالعاستىرا سالىنىپ جاتقان 14 ءتۇيىندى ەنەرگيا نىسانىنا قارجى قوسۋدىڭ ورىندالۋ مولشەرى ％10تەن استى. گانچۋانپۋ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى، 2023 - جىلعى مۇناي - تابيعي گاز بارلاۋ - اشۋ نىسانى سياقتى جاڭادان سالىناتىن 8 ءتۇيىندى ەنەرگيا نىسانى جاڭادان قۇرىلىس باستاپ، 11 ميلليارد 200 ميلليون يۋان قارجى قوسىلدى.
ماڭىزدى فاكتورلاردىڭ قامتاماسىزداندىرۋ رولى ويداعىداي ساۋلەلەندىرىلدى
بيىل جىل باسىنان بەرى رايونىمىزدىڭ جەر - جەرىنىڭ نەگىزدىك قۇرىلعى قۇرىلىستى ىركەس - تىركەس جەدەل جۇرگىزىپ، ناقتى جۇمىس مولشەرىن جەدەل قالىپتاستىرۋىنا ىلەسە، ءونىمدى قارجى قوسۋدىڭ ەكونوميكانىڭ ارتۋىنداعى شەشۋشى رولى ساۋلەلەندىرىلدى.
ءبىرىنشى ماۋسىمدا رايونىمىزدىڭ نەگىزدىك قۇرىلعىلارعا قوسقان قارجىسى سايكەس مەزگىلدەگىدەن ％6. 49 ارتىپ، ارتۋ قارقىنى الدىڭعى جىلداعىدان 31 پايىز تەزدەپ، بۇكىل رايوننىڭ تۇراقتى مۇلىككە قوسىلعان قارجىسىنىڭ 7. 14 پايىز ارتۋىن ىلگەرىلەتتى.
”باياندى دامۋعا سەرپىن بەردى“، - دەدى جاڭ يۇڭلياڭ.
قارجى − نىسان قۇرىلىسىن جەدەلدەتۋدىڭ ءتۇبىرلى كەپىلى. شۇي جيانحۇيدىڭ قاراۋىنشا، تۇراقتى مۇلىككە قوسىلعان قارجىنىڭ ءبىرشاما تەز ارتۋى قارجىنىڭ تياناقتانۋ جاعدايىنىڭ جاقسى بولۋىنان ايرىلا المايدى ەكەن.
بيىل جىل باسىنان بەرى بۇكىل رايوننىڭ مەملەكەت مەجە ەسەپ قارجىسى جوعارى قارقىنمەن ارتىپ، ”قارجى قوسۋدى ورنىقتىرۋدىڭ“ شەشۋشى رولى تولىق ساۋلەلەندىرىلدى. ءبىرىنشى ماۋسىمدا ناقتى تياناقتانعان قارجى 86 ميلليارد 981 ميلليون يۋان بولىپ، سايكەس مەزگىلدەگىدەن ％4. 11 ارتقان. مۇنىڭ ىشىندە مەملەكەت مەجە ەسەپ قارجىسى سايكەس مەزگىلدەگىدەن ％9. 75 ارتىپ، ارتۋ قارقىنى الدىڭعى جىلداعىدان 9. 56 پايىز جوعارىلادى؛ ەل ىشىندەگى قارىز اقشا ％2. 37 ارتىپ، ارتۋ قارقىنى الدىڭعى جىلداعىدان 5. 46 پايىز جوعارىلادى.
نىسان قۇرىلىسى شارپيتىن تاراۋلار كوپ، ءتارتىبى كۇردەلى، پەريودى ۇزاق، كاسىپتىك سيپاتى كۇشتى، تاراۋلار اراسىنداعى، تاراۋلار مەن وڭىرلەر اراسىنداعى جوعارى ءونىمدى ۇشتاسۋدى، جالپى تۇلعالىق جاقتان بىرلەسىپ ارەكەتتەنۋدى قاجەت ەتەدى.
ساياساتتاردى شوعىرلاندىرۋ، نىسانداردى جوبالاۋ، نىسانداردى ىلگەرىلەتۋ، نىساندارعا قىزمەت وتەۋ، نىساندارعا ساۋداگەر شاقىرىپ قارجى ەنگىزۋ سياقتى جاقتاردى ارقاۋ ەتىپ، اۆتونوميالى رايون تاراۋلاردىڭ سايكەسە بىرلەسىپ ارەكەتتەنۋىن اناعۇرلىم كۇشەيتىپ، ءتۇرلى فاكتورلارمەن قامتاماسىز ەتۋدى كۇش بىرىكتىرە ويداعىداي ىستەپ، نىسانداردىڭ جۇمىس باستاۋىن جەدەل ىلگەرىلەتتى.
جاڭ يۇڭلياڭ مىنانى ءبىلدىردى: ءبىرىنشى ماۋسىمدا قارجى قوسۋدى ورنىقتى ارتتىرۋ نەگىزىندە، ەكىنشى، ءۇشىنشى ماۋسىمداعى نىسان قۇرىلىسىنىڭ ”التىن مەزگىلى“ مەن ”شەشۋشى مەزگىلىن“ مىقتاپ يگەرىپ، تاماشا بەتالىستى ساقتاپ، قارجى قوسۋ نىساندارىنىڭ جەدەل سالىنۋىن ىلگەرىلەتىپ، لوپنۇردان چارقىلىققا دەيىنگى تەمىر جولدى، گولمۋد − كورلا تەمىر جولىنىڭ يقۋاتىن كەڭەيتىپ، وزگەرتىپ سالۋ ينجەنەرياسىن، شيڭشيڭشيادان تۇيىققا دەيىنگى جوعارى قارقىندى تاس جولدى كەڭەيتىپ، جاڭالاپ سالۋ سياقتى ءبىر توپ كەلەلى نىسانداردىڭ الدىڭعى مەرزىمدىك قىزمەتىندە ماندىك ىلگەرىلەۋشىلىككە قول جەتكىزىپ، تۇتاس جىلدا تۇراقتى مۇلىككە قوسىلعان قارجىنىڭ ورنىقتى ارتۋىنا شىنايى كەپىلدىك ەتىپ، ەكونوميكانىڭ، قوعامنىڭ جوعارى ساپالى دامۋىنا بەرىك تىرەك ازىرلەيمىز.
