شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ مەن حانىمى پىڭ لييۋان 5 - ايدىڭ 6 - كۇنى تەلەگرامما جولداپ، انگليانىڭ پاتشاسى چارلەسⅢ تىڭ جانە پاتشا حانىمى كاميلانىڭ ءتاج كيگەندىگىن قۇتتىقتادى.
شي جينپيڭ مەن پىڭ لييۋان قۇتتىقتاۋ تەلەگرامماسىندا بىلاي دەپ اتاپ كورسەتتى: كەزەكتە دۇنيە ءجۇزى تەرەڭ دە كۇردەلى وزگەرىستى باستان وتكەرۋدە، حالىقارالىق قوعام بۇرىن بولماعان كوپتەگەن سىن - سايىسقا ءدوپ كەلىپ وتىر. جۇڭگو مەن انگليا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى، ۇزاق بولاشاقتىق جانە ستراتەگيالىق كوز ايامەن بەيبىتشىلىك، دامۋ، سەلبەستىك، تەڭ يگىلىكتەنۋ سىندى تاريح اعىمىن بىرگە ىلگەرىلەتۋى ءتيىس. جۇڭگو جاق انگليا جاقپەن بىرگە قۇلشىنىپ، حالىقتار دوستىعىن نىعايتىپ، ءوزارا تيىمدىلىك جەتكىزەتىن سەلبەستىكتى كەڭەيتىپ، گۋمانيتارلىق اۋىس - كۇيىستى تەرەڭدەتىپ، ورنىقتى، ءوزارا ءتيىمدى جۇڭگو − انگليا قارىم - قاتىناسى ارقىلى ەكى ەلدى جانە دۇنيە ءجۇزىن اناعۇرلىم ويداعىداي باقىتقا كەنەلتۋدى قالايدى.
