بازار باقىلاۋ - باسقارۋ باس مەكەمەسى ولشەم تەحنيكاسى مەڭگەرمەسىنىڭ باستىعى ليۋ حۇڭشىڭ 5 - ايدىڭ 6 - كۇنى وسى مەكەمەنىڭ اقپار جاريالاۋ جينالىسىندا مىنالاردى تانىستىردى: ەلىمىزدىڭ اس - سۋ ىسىراپشىلدىعىن تەجەۋ جونىندەگى مەملەكەتتىك ولشەم جۇيەسى نەگىزىنەن قۇرىلدى، ولشەم اسحانادا تاماقتانۋ، سىرتتان تاماق جەتكىزۋ سياقتى ءتۇرلى تاماقتانۋ فورماسىنا تەڭ ءمان بەرىپ، ساياحات اسحانالارى، ورگان اسحانالارى سياقتى ءتۇيىندى ورتالاردى قامتىپ، ءارقايسى جاقتاردىڭ اس - سۋ ىسىراپشىلدىعىنا قارسى تۇرۋ قىزمەتىنىڭ ناقتى قاجەتىن تياناقتاندىرۋىن نەگىزىنەن قاناعاتتاندىرادى.
ليۋ حۇڭشىڭ بىلاي دەپ تانىستىردى: قازىرگە دەيىن، ەلىمىزدە «اس - سۋ كاسىبىنىڭ سەنىمدىلىك دارەجەسىن باعالاۋ ولشەمى» سياقتى 8 تۇردەگى مەملەكەت ولشەمى جاريالاندى، «اس - سۋ كاسىبىندەگى ازىق - تۇلىك ىسىراپشىلدىعىنا قارسى تۇرۋدى باسقارۋ جالپى ەرەجەسى» سياقتى 4 تۇردەگى مەملەكەت ولشەمى زەرتتەۋ، دايىندالۋ ۇستىندە، 6 تۇردەگى مەملەكەت ولشەمىن نىسانعا الۋ جوسپارلاندى. بۇدان تىس، اس - سۋدى ىسىراپ ەتۋدى تەجەۋ تالابىن ساياحات حالىقتىق تۇسەلحاناسى، ساياحات دەمالىس ءوڭىرى سياقتى باسقا دا ولشەممەن بىرلەستىرەدى.
سونىمەن قاتار، جەر - جەردەگى اس - سۋ كاسىپ كۇيى مەن ادەت - عۇرىپتىڭ پارقىنا قاراتا، جەرگىلىكتى جاعدايعا قاراي ىستەپ، جەرگىلىكتى ورىن مەن عىلمي قوعامنىڭ ۇيىم ولشەمى جانە جەرگىلىكتى ورىن ولشەمى سىندى فورمامەن مەملەكەت ولشەمىمەن ”كەشەندى شارا“ قالىپتاستىرۋىن ىلگەرىلەتەدى. كەزەكتە، جەر - جەر اس - سۋ ىسىراپشىلدىعىن تەجەۋگە قاتىستى جيىنى 61 جەرگىلىكتى ولشەمدى جاساپ، تۇزەتتى؛ قاتىستى كاسىپ سالاسى قوعامدارى اس - سۋ ىسىراپشىلدىعىن تەجەۋگە قاتىستى 20دان استام ۇجىم ولشەمىن جاساپ، كاسىپورىنداردىڭ ءوندىرىس، تيجارات ارەكەتىن ارناعا ءتۇسىردى. (ءتىلشى چىن حايبو)
