ما شيڭرۇي شينجياڭ داشۋەسىندە يدەيا - ساياسي ساباعىن وتكەندە بىلاي دەپ باسا دارىپتەدى
جاڭا داۋىردەگى پارتيانىڭ شينجياڭدى باسقارۋ جالپى جوباسىن مۇقيات ۇيرەنىپ، ءتۇسىنىپ، كورىكتى شينجياڭ قۇرۋ بارىسىندا جاستىق كەلبەتتى ايگىلەۋ كەرەك
جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 7 - كۇنى شينجياڭ داشۋەسىنە كەلىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى، پارتيا 20 - قۇرىلتايىنىڭ رۋحىن جاپپاي دايەكتىلەندىرۋدى، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرۋدى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتە وتىرىپ، ءار ۇلت وقىتۋشى - وقۋشىلارىنا يدەيا - ساياسي ساباعىن ءوتتى.
اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين قاتىناستى.
ما شيڭرۇي ساباق ءوتۋ بارىسىندا باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ۇيرەنۋمەن، دايەكتىلەندىرۋمەن جانە شينجياڭ قىزمەتى امالياتىمەن ۇشتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن قالاي ىشكەرىلەي ءتۇسىنۋ، يگەرۋ جانە تولىق، دالمە - ءدال دايەكتىلەندىرۋ جونىندە جۇيەلى ءتۇسىندىرۋ جاسادى؛ شينجياڭنىڭ وڭىرلىك جاعدايىمەن جانە كەزەكتەگى ەكونوميكالىق، قوعامدىق دامۋ جاعدايىمەن ۇشتاستىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ بارىسىنداعى ستراتەگيالىق ورنىن كوزدەپ، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ جونىندە جان - جاقتى ءتۇسىندىرۋ جاسادى.
ما شيڭرۇي بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ كەلەدى. باس شۋجي شي جينپيڭ شينجياڭ ءۇشىن ءوزى تىكەلەي جاعداي باعامداپ، باعدار بەلگىلەپ، رول ۇستاپ، جول باستاپ، قوعام ورنىقتىلىعى مەن باياندى تىنىشتىق باس نىساناسىن ايقىندادى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىردى. وسى جالپى جوبادا باس شۋجيدىڭ شينجياڭ جاعدايى جونىندەگى تەرەڭ باعامداۋى جانە شينجياڭ قىزمەتى جونىندەگى تەرەڭ تولعانىسى قامتىلعان، ول شينجياڭ قىزمەتىندە اسا كۇردەلى بارىستا تۋراشىلدىقتان اينىماي جاڭالىق اشۋعا، قايشىلىق، حاۋىپ - قاتەر بارىسىندا جەڭىسپەن العا باسۋعا جەتەكشىلىك ەتەتىن قۇدىرەتتى يدەيالىق قارۋ، شينجياڭ قىزمەتىن ويداعىداي ىستەۋدىڭ ارقاۋى جانە جانى. ما شيڭرۇي جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ قالىپتاسۋ بارىسىن ەگجەي - تەگجەيلى سالالادى، باس نىسانا، ستراتەگيالىق شارا، باستى مازمۇن سياقتى جاقتاردان ونىڭ باي مازمۇنىن ىشكەرىلەي شەشىپ ءتۇسىندىردى ءارى ”التىعا، ءسوز جوق، تاباندى بولۋمەن“ تىعىز ۇشتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ تۇرعىسىن، كوزقاراسىن، ءادىسىن قولدانىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن دۇرىس ءتۇسىنىپ، يگەرىپ، جاڭا جاعدايدا شينجياڭ قىزمەتىن ويداعىداي ىستەۋ جونىندە شوعىرلى بايانداۋ جاسادى. ما شيڭرۇي شينجياڭنىڭ ءتۇيىندى قىزمەتتەرىمەن تىعىز بايلانىستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن قالاي تولىق، دالمە - ءدال دايەكتىلەندىرۋ جونىندە ناقتى ءتۇسىندىرۋ جاساپ، بىلاي دەپ باسا دارىپتەدى: شينجياڭ قىزمەتىنە جان - جاقتى، تولىق، جۇيەلى قاراپ، ءبىر تۇتاس جوسپارلاپ تەڭ ءمان بەرىپ، كەشەندى شارا قولدانىپ، شينجياڭ قىزمەتىنىڭ باستان - اياق باس شۋجي شي جينپيڭ، پارتيا ورتالىق كوميتەتى نۇسقاعان دۇرىس بەتالىستى بويلاپ العا ىلگەرىلەۋىنە شىنايى كەپىلدىك ەتۋ كەرەك.
ما شيڭرۇي بىلاي دەپ اتاپ كورسەتتى: پارتيا 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسىن كەسكىندەدى. ول تاريح، گۋمانيتارلىق، بايلىق ارتىقشىلىعى، جاعراپيالىق وڭىرلىك ورىن سياقتىلاردى ارقاۋ ەتىپ شينجياڭنىڭ وڭىرلىك جاعدايىنا جۇيەلى تالداۋ جاساپ، مەملەكەت ستراتەگياسىنداعى شينجياڭنىڭ ماڭىزدى ورنىن، ەرەكشە رولىن جانە ابزالدىلىعى مەن ورايىن ىشكەرىلەي شەشىپ ءتۇسىندىردى. ما شيڭرۇي بىلاي دەپ اتاپ كورسەتتى: جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ابزالدىلىعى، كومەسكى كۇشى اناعۇرلىم كورنەكتى، ستراتەگيالىق ورنى اناعۇرلىم ايقىن. كەزەكتە ءبىز باس شۋجي شي جينپيڭنىڭ، پارتيا ورتالىق كوميتەتىنىڭ پارمەندى باسشىلىعىندا، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ بارىسىنداعى شينجياڭنىڭ ستراتەگيالىق ورنىن كوزدەپ، ازيا − ەۆروپا التىن ارناسى مەن باتىسقا ەسىك اشۋ الدىڭعى شەبىن، جاڭا دامۋ ارناسىن قالىپتاستىرۋ ستراتەگيالىق ءتۇيىنىن، مەملەكەت بويىنشا ەنەرگيا بايلىعىن ستراتەگيالىق قامتاماسىز ەتۋ بازاسىن، مەملەكەت بويىنشا ساپالى ەگىن، مال شارۋاشىلىعى ونىمدەرىمەن قامداۋ ماڭىزدى بازاسىن، مەملەكەتتىڭ وڭىرلىك حاۋىپسىزدىگىن قورعاۋ ستراتەگيالىق قالتقىسىن بەلسەنە تۇلعالاپ، ءار ۇلت كادرلارى مەن بۇقاراسىن ىنتىماقتاستىرىپ، باستاپ، جۇڭگو ۇلگىسندەگى وسىزامانداندىرۋدىڭ شينجياڭ تاراۋىن قۇلشىنا جازۋدامىز. قازىر شينجياڭدا قوعامدىق كەلەلى جاعداي ورنىقتى، ۇلتتار ىنتىماقتى، جاراسىمدى، ءدىن اقاۋسىز دامىعان، ەكونوميكالىق، قوعامدىق ومىرشەڭدىك كۇش تەبىندى، قوزعاۋشى كۇش تۋىنداعان، كومەسكى كۇش جارىققا شىققان، دامۋ ارىنى كۇشتى، بولاشاعىنان ءۇمىت زور، الداعى جەردە بارشا جاس وقۋشىلاردىڭ دارىنىن ايگىلەۋىنە اناعۇرلىم كەڭ ءورىس جانە تۇعىر ازىرلەيتىندىگى ءشۇباسىز.
ما شيڭرۇي بىلاي دەدى: جاستار − جۇڭگو ۇلگىسىندەگى وسىزامانداندىرۋدى ىلگەرىلەتەتىن، ەكىنشى 100 جىلدىق كۇرەس نىساناسىن جۇزەگە اسىراتىن جالىندى كۇش. بارشا جاس وقۋشىلاردىڭ بۇلجىماي پارتيانىڭ سوزىنە قۇلاق اسىپ، پارتياعا ىلەسىپ، ارمان ارقالاپ، قادامىن نىق باسىپ، باتىلدىقپەن ويلاپ، باتىلدىقپەن ءىس تىندىرىپ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، مۇراتتى، جاۋاپكەرشىلىك ارقالاۋعا باتىل، جاپاعا شىدامدى، كۇرەس جۇرگىزۋگە پەيىل جاڭا داۋىردەگى جاقسى جاستار بولۋعا بەل بايلاۋىن، جاستىق داۋرەندەرىن جاپپاي سوتسياليستىك وسىزاماندانعان مەملەكەت قۇرۋدىڭ جالىندى امالياتى بارىسىندا جايناتا ءتۇسىپ، كورىكتى شينجياڭ قۇرۋعا اقىل - پاراساتتارى مەن كۇش - قۋاتتارىن ارناۋىن ءۇمىت ەتەمىن.
ۇستىندە ساباق تىڭداعان وقىتۋشى - وقۋشىلار مىنالاردى ءبىلدىردى: يدەيا - ساياسي ساباعىندا شي جينپيڭ جاڭا ءداۋىر جۇڭگوشا سوتسياليزم يدەياسى ىشكەرىلەي دايەكتىلەندىرىلىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋ مىقتاپ ارقاۋ ەتىلىپ، ءارى نازاريالىق دەڭگەيدە ىشكەرىلەي ءتۇسىندىرۋ جاسالدى، ءارى شينجياڭنىڭ ءىس جۇزىندىگىمەن تىعىز ۇشتاستىرىپ تەرەڭ تالداۋ جاسالدى، كوپشىلىكتىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن اناعۇرلىم ويداعىداي ءتۇسىنۋى، يگەرۋى، شينجياڭنىڭ وسىزامانداندىرۋ قۇرىلىسىن تىڭعىلىقتى ىلگەرىلەتۋى ءۇشىن جان - جاقتى، جۇيەلى، تەرەڭ پىسىقتاۋ بولدى. باس شۋجي شي جينپيڭنىڭ شينجياڭدى كوزدەن كەشىرگەن كەزدەگى ىقىلاستى تاپسىرماسى مەن جوعارى مەكتەپ قۇرىلىسى، بارشا جاستار جونىندەگى شىنايى تىلەگىن ەستە بەرىك ساقتاپ، ۇلى مۇرات ورناتىپ، ۇلى ءمورالدى ۇعىنىپ، ۇلكەن دارىندى بولىپ، ۇلكەن مىندەت ارقالاپ، جەكە باسىمىزدىڭ مۇرات تالپىنىسىن پارتيا مەن مەملەكەت ىستەرىنە توعىستىرىپ، جاستىق ءىزىمىزدى كورىكتى شينجياڭ قۇرۋدىڭ جاڭا جورىعىندا قالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋگە بەلسەنە كۇش قوسامىز.
قايسار ابدىكەرىم، دۋ حۇڭيان قاتارلىلار قاتىناستى، شۇي شيان - ي باسقاردى. اۆتونوميالى رايوننىڭ قاتىستى تاراۋلارى مەن ورىندارىنداعى نەگىزگى جاۋاپتى جولداستار، شينجياڭ داشۋەسىنىڭ القا مۇشەلەرى، ۇرىمجىدەگى جوعارى مەكتەپتەر مەن ورتا تەحنيكۋم مەكتەپتەردەگى وقىتۋشىلاردىڭ جانە شينجياڭ داشۋەسىندەگى وقىتۋشى - وقۋشىلاردىڭ ۋاكىلدەرى قاتارلىلار قيمىلعا قاتىناستى.
