ساياساتتىڭ ونىمدىلىگى كورنەكتىلەندى، ورنىقتىلىق بارىسىندا جاقساردى
− شينجياڭنىڭ ءبىرىنشى ماۋسىمداعى جۇمىستانۋ جاعدايىنا نازار
انار بۇلت \ شينجياڭ گازەتىنىڭ ءتىلشىسى جاۋ چۇنحۋا
جۇمىستانۋ − حالىق تۇرمىسىنىڭ نەگىزى، ءبىر جاعى ەكونوميكانىڭ، قوعامنىڭ دامۋ كەلەلى جاعدايىمەن بايلانىسىپ جاتسا، ەندى ءبىر جاعى سان مىڭداعان وتباسىنىڭ كۇي - جايىنا، قۇت - ىرىسىنا بايلانىسىپ جاتادى.
جۇمىستانۋدى ورنىقتىرۋدى جانە كەڭەيتۋدى ارقاۋ ەتىپ ساياسات جاعىنان جەتەكشىلىك ەتۋدى كۇشەيتتى، ”كوكتەم سامالى ارەكەتى“ سياقتى 24 ءتۇرلى الەۋمەتتىك جۇمىستاندىرۋ ارناۋلى قيمىلىن تىڭعىلىقتى ىلگەرىلەتتى، نازاردى ءتۇيىندى قاۋىمعا شوعىرلاندىرىپ، جۇمىستانۋعا كومەكتەسىپ، مەيىر سيلاۋ قيمىلىن بەلسەنە ورىستەتتى... بيىل جىل باسىنان بەرى رايونىمىز جۇمىستاندىرۋدى الدىمەن ويلاستىرۋ ستراتەگياسىن تاباندىلىقپەن اتقارىپ، جۇمىستاندىرۋدى الدىمەن ويلاستىرۋ ساياساتىن ۇزدىكسىز تياناقتاندىردى، ەگجەي - تەگجەيلىلەندىردى، جۇمىستانۋدى الدىمەن ويلاستىرۋدىڭ ءبىر قىدىرۋ ”كەشەندى شارالارىنىڭ“ جەبەۋىندە، ءبىرىنشى ماۋسىمدا بۇكىل رايونىمىزداعى قالا - قالاشىقتا تىڭنان 121 مىڭ 200 ادام جۇمىستانىپ، سايكەس مەزگىلدەگىدەن ％73. 25 ارتتى، جۇمىستاندىرۋ قىزمەتى ءساتتى باستالىپ، جۇمىستاندىرۋ جاعدايى ورنىقتىلىق بارىسىندا جاقساردى.
ساياساتتى الدىمەن اتقارىپ، جۇمىس ورنىن ورنىقتىرىپ، جۇمىس ورنىن كەڭەيتىپ، نەگىزدى كۇشەيتتى
تيجارات تۇلعالارى ورنىقتى بولسا، جۇمىستاندىرۋ ورنى دا ورنىقتى بولادى. بيىل جىل باسىنان بەرى رايونىمىز بازارلاندىرىپ جۇمىستاندىرۋ ارناسىن كەڭەيتۋدى تياناق ەتىپ، كەزەڭدىك جۇمىستاندىرۋدى ورنىقتىرۋ ساياساتىن ۇزدىكسىز ساپالىلاندىرىپ، ”تومەندەتۋ، كەشەۋىلدەتۋ، قايتارۋ، تولىقتاۋ، كەڭەيتۋ“ ساياسات ونىمدىلىگى ۇزدىكسىز جارىققا شىعىپ، ءونىمدى سۇرانىستى ارتتىرۋ، بازار سەنىمىن سەرپىلتۋ، كاسىپورىن تيجاراتىن ورنىقتىرۋ ارقىلى جۇمىس ورنىن ورنىقتىردى، جۇمىس ورنىن كەڭەيتتى.
4 - ايدىڭ 29 - كۇنى ءتىلشى ساۋان قالاسى ۋانشان كوركەمونەرگە باۋلۋ شەكتى سەرىكتەستىگىنە بارعاندا، وسىندا وقىتۋمەن اينالىسىپ جاتقان وقىتۋشىلاردىڭ باسىم كوپ ساندىسى جوعارى مەكتەپتەردىڭ ءبي ماماندىعىنان وقۋ تاۋىسقان جاستار ەكەندىگىن بايقادى.
”وسى بىرنەشە جىلدا ۇكىمەتتىڭ جۇمىس ورنىن ورنىقتىرۋ، جۇمىس ورنىن كەڭەيتۋ سەرپىنى ەرەكشە زور بولدى، 2020 - جىلى 7 - ايدان كەيىن جۇمىستانباعان جوعارى مەكتەپتەن وقۋ بىتىرگەن وقۋشىلاردى نەمەسە 16 جاستان 24 جاسقا دەيىنگى تىركەۋگە الدىرعان جۇمىسسىز جاستاردى جۇمىسقا قابىلداساق، ادام كۇشى بايلىعى جانە قوعامدىق قامتاماسىزداندىرۋ مەكەمەسى ءار ادامعا 1500 يۋاندىق ولشەممەن ءبىر رەتتىك جۇمىس ورنىن كەڭەيتۋ كومەك قاراجاتىن بەرەدى“. ساۋان قالاسى ۋانشان كوركەمونەرگە باۋلۋ شەكتى سەرىكتەستىگىنىڭ جاۋاپتىسى تان نانا بىلاي دەدى: بۇل كاسىپورىننىڭ اۋىرتپالىعىن جەڭىلدەتۋمەن قاتار، كاسىپورىنداردى جوعارى مەكتەپتەن وقۋ بىتىرگەندەردى بەلسەنە قابىلداۋعا شابىتتاندىرىپ، وقىتۋ ساپاسىن ۇزدىكسىز جوعارىلاتتى.
جۇمىس ورنىن ورنىقتىرۋ قوسىمشا قاراجاتى ساياسات كولەمىنىڭ اناعۇرلىم كەڭەيۋىنىڭ ارقاسىندا، شاعىن، ۇساق كاسىپورىنداردىڭ ومىرشەڭدىگى جەتكىلىكتى بولىپ، ءىرى، ورتا كاسىپورىندار دا تەز، ورنىقتى قاداممەن قارىشتاي دامىدى.
4 - ايدىڭ باس شەنىندە شينجياڭ حۇي - ىر اۋىل شارۋاشىلىق توبى جارنا شەكتى سەرىكتەستىگىنىڭ 66 مىڭ يۋان كەلەتىن ءبىر رەتتىك جۇمىس ورنىن ساقتاپ قالۋ بويىنشا باۋلۋ كومەك قاراجاتى تاراتىلىپ قولدارىنا ءتيدى، كاسىپورىن 132 قىزمەتكەردى شەبەرلىك بىلىمدەرى، اۋىل شارۋاشىلىعى تەحنيكاسىن اشۋ، ەگىس داقىلدارىن دەرت - دەربەزدەن جانە جاندىكتەردىڭ زيانداۋىنان ساقتاۋ سياقتى كاسىپتىك ونەرلەرگە باۋلۋدى باستادى.
”جۇمىس ورنى ورنىقتى بولسا، ادام كوڭىلى دە ورنىعادى، كاسىپورىننىڭ دامۋىندا ۋايىم - قايعى دا بولمايدى“، - دەدى شينجياڭ حۇي - ىر اۋىل شارۋاشىلىعى توبى جارنا شەكتى سەرىكتەستىگى پارتيا باس ياچەيكاسىنىڭ شۋجيى، ورىنباسار باس جوراسى ما ۋىنشين.
بيىل ءبىرىنشى ماۋسىمدا رايونىمىز 243 مىڭ 900 ادامعا (رەت) 323 ميلليون يۋان ءتۇرلى جۇمىستاندىرۋ قوسىمشا قاراجاتىن تياناقتاندىردى. جۇمىسسىزدىق قامسىزداندىرۋ قاراجاتى مولشەرىن تومەندەتۋ، جۇمىسسىزدىق، جۇمىس ۇستىندە جارالانۋ قامسىزداندىرۋ قاراجاتىن كەشەۋىلدەتىپ تاپسىرۋ ارقىلى جۇمىس ورنىن ورنىقتىرۋ بويىنشا قايتارىپ بەرىلەتىن جۇمىسسىزدىق قامسىزداندىرۋ قاراجاتىن، ءبىر رەتتىك جۇمىس ورنىن ساقتاپ قالۋ بويىنشا باۋلۋ كومەك قاراجاتىن، ءبىر رەتتىك جۇمىس ورنىن كەڭەيتۋ كومەك قاراجاتىن تاراتىپ، كاسىپورىن مەن جەكەنىڭ ءبىر ميلليارد 445 ميلليون يۋاننان استام اۋىرتپالىعىن جەڭىلدەتتى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ قاتىستى جاۋاپتىسىنىڭ تانىستىرۋىنا قاراعاندا، رايونىمىز فينانستىڭ كاسىپورىنداردىڭ جۇمىس ورنىن ورنىقتىرۋىن، جۇمىس ورنىن كەڭەيتۋىن دەمەۋ سەرپىنىن دە كۇشەيتىپ، جۇمىس ورنىن ورنىقتىرۋ، جۇمىس ورنىن كەڭەيتۋ ارناۋلى قارىز اقشاسىن ورنالاستىرىپ، ناقتى ەكونوميكا مەن ەڭبەك شوعىرلانعان شاعىن، ۇساق كاسىپورىنداردىڭ جۇمىستاندىرۋ ونىمدىلىگى جاقسى كاسىپورىنداردى قابىلداۋىن قولداپ، تيجارات تۇلعالارىنىڭ بەلسەندىلىگىن ونان ارى جۇمىلدىرىپ، كاسىپورىنداردىڭ جۇمىس اۋىرتپالىعىن جەڭىلدەتۋدى دەمەيدى ەكەن.
مولشەرىن ارتتىرىپ، ساپاسىن جوعارىلاتتى، دالمە - ءدال قىزمەت وتەۋ ونىمدىلىگى كورنەكتى بولدى
”ماعان لايىق جۇمىس ورنى ەرەكشە كوپ، ساتۋ، قوجالىق سياقتى جۇمىس ورىندارىنىڭ ءبارىن ىستەي الامىن“. 4 - ايدىڭ 27 - كۇنى ءۇرىمجى قالاسى سايباق رايونىنداعى حالىقتىق كاسىپورىنداردىڭ ارناۋلى جۇمىسقا قابىلداۋ جينالىسى دي - ۋاڭ ءدامدى تاعامداردى بايقاۋ الاڭىندا وتكىزىلدى، جۇمىس ىزدەپ كەلگەن جاڭ جيان ءبىر كاسىپورىنمەن تەز ارادا جۇمىستانۋ نيەت كەلىسىمىنە قول قويىستى، ”ايلىق ەڭبەكاقىم 4000 يۋان مولشەرىندە، كاسىپورىن بىزگە 5 قامسىزداندىرۋدى دا تاپسىرادى، مەن ەرەكشە رازىمىن“.
سول كۇنى جيىنى 39 كاسىپورىن جۇمىسقا قابىلداۋ جينالىسىنا قاتىناسىپ، 700 نەشە جۇمىس ورنىن ازىرلەدى، 20 نەشە ءتۇرلى جۇمىس تۇرىنە سايادى، ساتۋ، قوجالىق، ەلەكترشى سياقتى كوپ ءتۇردى قامتيدى.
كولەمدى ساۋدا كەشەندەرىنەن تارتىپ اۋىلداعى بازارلارعا، ودان بۇقارانىڭ ەسىك الدىنا دەيىن ادامدار ءيىن تىرەسكەن جۇمىسقا قابىلداۋ جينالىستارى ادامدارعا جۇمىستاندىرۋ بازارىنىڭ سەنىمى مەن ومىرشەڭدىگىن عانا ەمەس، بارعان سايىن نەگىزگى ساتىعا جاناسقان جۇمىستانۋ قىزمەت وتەۋىن دە سەزىندىردى. بيىل ءبىرىنشى ماۋسىمدا رايونىمىز كوكتەم سامالى ارەكەتى جانە جۇمىستانۋعا كومەكتەسۋ ايى قيمىلىن تۇتقا ەتىپ، ءتۇرلى جۇمىسقا قابىلداۋ قيمىلىن ينتەرنەت جەلىسىندە، ينتەرنەت جەلىسىنەن تىس جيىنى 1317 رەت ۇيىمداستىرىپ ورىستەتتى، 23 مىڭنان استام ادام ىستەتۋشى مەكەمە - ورىن قاتىناسىپ، 406 مىڭنان استام جۇمىس ورنىن ازىرلەدى. بۇكىل رايونىمىزداعى ءار دارەجەلى الەۋمەتتىك جۇمىستاندىرۋ بويىنشا قىزمەت وتەۋ قۇرىلىمدارى الەۋمەتتىك ءنومىر، ۋيشين توبى، سونداي - اق ايالداما، ساۋدا ورتالىعى سياقتى ادامدار شوعىرلانعان ورىندارداعى ۇگىت تاقتاسى، LED ۇلكەن ەكرانى سياقتىلار ارقىلى 190 مىڭنان استام جۇمىس ورنىن تانىستىرىپ، جۇمىس ورنى مەن جۇمىس ىزدەۋشىلەردىڭ اراسىن جاقىنداتتى.
قىزمەت وتەۋدىڭ دالمە - دالدىگىن ۇزدىكسىز جوعارىلاتۋ ءۇشىن، بۇكىل رايونىمىزداعى ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستاندىرۋ توتە ارناسىن اشۋ، جۇمىستاندىرۋ بويىنشا قىزمەت كورسەتۋ شاعىن اترەتىن جىبەرۋ سياقتى كوپ ءتۇرلى فورمادان پايدالانىپ، قىزمەت وتەۋدى كاسىپورىنداردىڭ سەحتارىنا، قۇرىلىس جۇمىس باسىنا جانە شاعىن، ۇساق كاسىپورىندارعا جەتكىزىپ، ساتىعا، كاسىپكە، تۇرگە ايىرىپ كاسىپورىنداردىڭ ادام جەتىسپەيتىن جۇمىس ورىندارى تىزىمدىگىن جاسادى. بۇكىل رايونىمىزداعى جەر - جەر بايلىقتىڭ قوس بەتالىستاعى اينالىمىن بىرلەستىرۋدى، جەبەۋدى كۇشەيتۋمەن قاتار، كاسىپورىنداردى ولكە اتتاپ جۇمىسقا قابىلداۋعا دا بەلسەنە ۇيىمداستىرىپ، جۇمىستانۋ بازارىن اناعۇرلىم جانداندىردى. نەگىزگى ساتىنىڭ ءبىرىنشى شەبىنە بارىپ جۇمىستاندىرۋ بويىنشا قىزمەت وتەۋدى دالمە - ءدال ورىستەتۋ رايونىمىزداعى ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ جۇمىس ورنىن ورنىقتىرىپ، جۇمىستانۋدى جەبەۋدەگى ماڭىزدى تاسىلىنە اينالدى.
ورنىقتى، بەرىك بولۋعا كەپىلدىك ەتىلىپ، ءتۇيىندى قاۋىم قامتاماسىزداندىرىلدى
بيىل جىل باسىنان بەرى رايونىمىزداعى ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى نازاردى ءتۇيىندى قاۋىمعا شوعىرلاندىرىپ، جۇمىستانۋعا كومەكتەسىپ مەيىر سيلاۋ قيمىلىن بەلسەنە ورىستەتىپ، كومەكتەسۋ قىزمەت ەسەبىن اقاۋسىزداندىرۋ، كومەكتەسەتىن جۇمىس ورىندارىنىڭ ينفورماتسياسىن جيناۋ، كومەكتەسىپ سۇيەمەلدەۋدى تۇرگە ايىرىپ ورىستەتۋ، كاسىپتىك شەبەرلىككە باۋلۋ كۋرسىن زور كۇشپەن ورىستەتۋ سياقتى تاسىلدەر ارقىلى ءتۇيىندى قاۋىمنىڭ جۇمىستانۋ، شارۋاشىلىق قۇرۋ قابىلەتىن ۇزدىكسىز جوعارىلاتتى.
4 - ايدىڭ 30 - كۇنى تاڭەرتەڭ ەرتە ءمينارءتالىپتىڭ پراندىك پىسىرۋ دۇكەنى اشىلىسىمەن - اق ءبىرتالاي قاريداردى قارسى الدى.
”بۇرىن مەن بازاردا جايما اشاتىنمىن، وزىمدە پراندىك پىسىرۋ دۇكەنىمنىڭ بار بولاتىنىن مۇلدە ويلاماعان ەدىم“. ءمينار بىلاي دەدى: ورتا تەحنيكۋمنان وقۋ تاۋىسقاننان كەيىن، وزىمە لايىق قىزمەت تابا المادىم. بيىل 1 - ايدا مەن قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى جۇمىستانباعان جاستاردى جانە يكەمدى جۇمىستانعانداردى كوزدەي وتىرىپ ۇيىمداستىرعان جۇڭگوشا تاعام پىسىرۋشى، وتباسىلىق قىزمەت وتەۋ، ۇن تاعامدارىن دايىنداۋ سياقتى كۋرستارعا قاتىناستىم. جۇيەلى ۇيرەنگەننەن كەيىن، مەن ادام كۇشى بايلىعى جانە قوعامدىق قامتاماسىزداندىرۋ مەكەمەسىندەگى كومەكتەسۋشى - سۇيەمەلدەۋشى كادرلاردىڭ كومەگىندە دۇكەن اشتىم.
”ءبىز باۋلۋ بارىسىندا كۋرسانتتاردىڭ جۇمىستانۋ تىلەگىن انىقتادىق، جۇمىستانۋ سۇرانىسىنا تالداۋ جاسادىق ءارى جۇمىستانۋ جۇمىس ورنىن ۇزدىكسىز تانىستىردىق“. قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى گو لينا بىلاي دەدى: شارۋاشىلىق قۇرۋ ويى بار كۋرسانتتارعا مەڭزەس، ادام كۇشى بايلىعى جانە قوعامدىق قامتاماسىزداندىرۋ مەكەمەسى تاعى ونەركاسىپ - ساۋدا، بازار سياقتى تاراۋلارمەن بەلسەنە بىرلەسىپ ارەكەتتەنىپ، ولارعا شارۋاشىلىق قۇرۋ، جۇمىستانۋ بويىنشا ساياسات جاعىنان جەتەكشىلىك ەتىپ، ولاردىڭ شارۋاشىلىق قۇرۋ ويىنىڭ تياناقتانۋىنا كومەكتەستى.
بيىل جىل باسىنان بەرى رايونىمىز ءتۇيىندى قاۋىمنىڭ جۇمىستانۋىن قولداۋدى ۇزدىكسىز كۇشەيتىپ، بۇكىل رايونىمىزداعى ءار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى وتباسىلارىن ارالاۋ، تەلەفوندا سويلەسۋ، ساندى مالىمەتتەن تەڭ يگىلىكتەنۋ سياقتى تاسىلدەردەن پايدالانىپ ءتۇيىندى قاۋىمدى انىقتاۋ قىزمەتىن جاپپاي ورىستەتىپ، كومەككە يە بولۋ وبيەكتىسىنە لايىق جۇمىس ورنىن ۇدايىلاندىرا جيناپ، ەرەكشە كاسىپتىك جەتەكشىلىك ورىستەتتى؛ ”كاسىپ ارقىلى بولاشاققا باستاۋ“ بويىنشا جۇمىستاندىرۋعا قىزمەت وتەۋ جەلىلەس قيمىلدارىن ورىستەتىپ، ”ۇشكە كومەكتەسۋ، ءبىردى سۇيەمەلدەۋ“ سياقتى نەگىزگى ساتى قىزمەت وتەۋ نىساندارىن ۇزدىكسىز اتقارىپ، مەكتەپ بىتىرگەن سوڭ جۇمىستانباعاندارعا، قيىنشىلىعى بار مەكتەپ بىتىرگەن وقۋشىلارعا قاراتىلعان كومەكتەسۋ - سۇيەمەلدەۋ سەرپىنىن ارتتىردى... ءبىرىنشى ماۋسىمدا بۇكىل رايونىمىز جۇمىستانۋى قيىنعا سوققاندارعا كومەكتەسىپ، سۇيەمەلدەپ، جيىنى 7400 ادامدى جۇمىستاندىرىپ، تۇتاس جىلدىق نىسانا - مىندەتتىڭ ％52. 25ىن ورىندادى؛ قالا - قالاشىقتاردا 58 مىڭ 900 جۇمىسسىز ادامدى قايتالاي جۇمىستاندىرىپ، تۇتاس جىلدىق نىسانا، مىندەتتىڭ ％82. 36ىن ورىندادى، بىردە - ءبىر ادامى جۇمىستانباعان وتباسىلارىن يكەمدى نولگە ءتۇسىرۋدى ساقتادى.
