شي جينپيڭ حىبەي شيۇڭ - ان جاڭا رايونىندا قىزمەت تەكسەرگەندە جانە شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى
سەنىمدى بەكەمدەپ، تاباندىلىقتى ساقتاپ، قىزمەتتى تىڭعىلىقتى ىستەپ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، شيۇڭ - ان جاڭا رايونى قۇرىلىسىندا ۇزدىكسىز تىڭ ىلگەرىلەۋشىلىككە قول جەتكىزۋدى جەبەۋ كەرەك
لي چياڭ، ساي چي، ديڭ شۋەشياڭ قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى
5 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىبەي ولكەسى شيۇڭ - ان جاڭا رايونىندا قىزمەت تەكسەردى ءارى شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشتى. سۋرەتتە: 5 - ايدىڭ 10 - كۇنى تۇستەن كەيىن شي جينپيڭ شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
5 - ايدىڭ 10 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىبەي ولكەسى شيۇڭ - ان جاڭا رايونىندا قىزمەت تەكسەردى ءارى شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشتى. سۋرەتتە: 5 - ايدىڭ 10 - كۇنى تۇستەن بۇرىن شي جينپيڭ رۇڭدۇڭ اۋماعى نانۋىن - يىڭ الەۋمەتتىك اۋماعىندا قىزمەت تەكسەرگەندە الەۋمەتتىك اۋماق تۇرعىندارىنا قول بۇلعاپ، قۇرمەت بىلدىرۋدە.
□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
شينحۋا اگەنتتىگىنىڭ 5 - ايدىڭ 10 - كۇنى حىبەي شيۇڭ - ان جاڭا رايونىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 10 - كۇنى حىبەي ولكەسىنىڭ شيۇڭ - ان جاڭا رايونىندا قىزمەت تەكسەرىپ، شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: شيۇڭ - ان جاڭا رايونى كەڭ كولەمدە قۇرىلىس جۇرگىزۋ مەن بەيجيڭنىڭ استانالىق ەمەس فۋنكتسيالارىن سەيىلتۋدى مىندەتىنە الۋعا تەڭ ءمان بەرۋ كەزەڭىنە ءوتتى، قىزمەت ءتۇيىنى جوعارى ساپالى قۇرىلىس جۇرگىزۋ، جوعارى دەڭگەيدە باسقارۋ، جوعارى ساپالى سەيىلتىپ دامىتۋدى قاتار جۇرگىزۋگە ويىستى. سەنىمدى بەكەمدەپ، تاباندىلىقتى ساقتاپ، قىزمەتتى تىڭعىلىقتى ىستەپ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، ءتۇرلى قىزمەتتە ۇزدىكسىز تىڭ ىلگەرىلەۋشىلىككە قول جەتكىزۋدى جەبەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى.
5 - ايدىڭ 10 - كۇنى شي جينپيڭ حىبەي ولكەلىك پارتكومنىڭ شۋجيى ني يۋەفىڭنىڭ، ولكە باستىعى ۋاڭ جىڭپۋدىڭ سەرىك بولۋىندا شيۇڭ - ان جاڭا رايونىنداعى جوعارى جىلدامدىقتى تەمىر جول ۆوگزالى، الەۋمەتتىك اۋماق، قۇرىلىس ورنى سياقتىلاردى ىشكەرىلەي ارالاپ، شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ جونىندە تەكسەرۋ - زەرتتەۋ جۇرگىزدى.
سول كۇنى تۇستەن بۇرىن شي جينپيڭ جوعارى جىلدامدىقتى پويەزبەن شيۇڭ - ان جاڭا رايونىنا اتتاندى، جەتكەن سوڭ الدىمەن شيۇڭ - ان ۆوگزالىنىڭ سالىنۋ، ىسكە قوسىلۋ جاعدايىن تەكسەردى. شيۇڭ - ان ۆوگزالى شيۇڭ - ان جاڭا رايونىندا قۇرىلىس باستاعان تۇڭعىش كەلەلى نەگىزدىك قۇرىلعى نىسانى سانالادى، بۇل بەلگى سيپاتتى مانگە يە. شي جينپيڭ ىلگەرىندى - كەيىندى ايالدامانى، پويەز كۇتۋ زالىن، ايالداما سىرتىنداعى الاڭدى تەكسەرىپ كورىپ، شيۇڭ - ان ۆوگزالىنىڭ سالىنۋ، ىسكە قوسىلۋ جاعدايىن جانە وسى ۆوگزال ورنالاسقان زانگاڭ اۋماعىنداعى جوسپارلاۋ - قۇرىلىس جۇرگىزۋ جاعدايىن ۇعىستى. شي جينپيڭ بىلاي دەپ اتاپ كورسەتتى: شيۇڭ - ان ۆوگزالى شيۇڭ - ان جاڭا رايونىنداعى توعىسۋ بەكەتى ەسەپتەلەدى، شيۇڭ - ان ۆوگزالى مەن شيۇڭ - ان جاڭا رايونىن تۇتاستىراتىن قاتىناس ”ۇساق قان تامىرلارىن“ اناعۇرلىم كەمەلدەندىرىپ، ادام اينالىمىن، زات اينالىمىن شوعىرلاندىرۋ جانە بىتىراتۋ ونىمدىلىگىن جوعارىلاتۋ كەرەك. زانگاڭ اۋماعىن جوعارى دەڭگەيلى جوعارى، جاڭا تەحنيكالى كاسىپ سالاسى شوعىرلانعان رايون ەتىپ قۇرىپ شىعىپ، ءار جاقتان شيۇڭ - انعا كەلگەن قوناقتاردىڭ الدىلارىنان كورىنگەن شيۇڭ - ان جاڭا رايونىنىڭ وسىزاماندانعان جاڭا بەينەسىن سەزىنۋىنە مۇمكىندىك جاساۋ كەرەك.
شي جينپيڭ وسىدان كەيىن اۆتوكولىكپەن رۇڭدۇڭ اۋماعى نانۋىنيىڭ الەۋمەتتىك اۋماعىنا كەلدى. بۇل الەۋمەتتىك اۋماققا انشين، رۇڭچىڭ 2 اۋداننان 5000نان استام ادام قايتا كوشىرىلىپ ورنالاستىرىلعان. شي جينپيڭ ىلگەرىندى - كەيىندى پارتيا مۇشەلەرى مەن بۇقاراعا قىزمەت وتەۋ ورتالىعىنا جانە الەۋمەتتىك اۋماق اسحاناسىنا بارىپ، الەۋمەتتىك اۋماق قىزمەتكەرلەرى، سول جەرگە جۇمىس بىتىرۋگە كەلگەن بۇقارا، تاماقتانۋعا كەلگەن الەۋمەتتىك اۋماقتاعى قارتتار سياقتىلارمەن ىقىلاستى اڭگىمەلەسىپ، حالىق جاعدايى اشىق ەسەبىن زەر سالا كورىپ، الەۋمەتتىك اۋماقتا ورىستەتىلگەن حالىققا قولايلى زەينەتكەرلىك قىزمەت وتەۋى سياقتىلاردى تۇراقتاندىردى. شي جينپيڭ بىلاي دەپ باسا دارىپتەدى: قايتا كوشىرىلگەن بۇقارانى ويلاپ ءجۇر ەدىم، كوپشىلىكتىڭ تۇرمىسى جاقسى ەكەنىن كورگەندە قاتتى قۋاندىم. شيۇڭ - ان جاڭا رايونىن ويداعىداي قۇرۋدا، ماڭىزدىسى، قونىسى جايلى بولۋ مەن شات - شادىمان تىرشىلىك كەشىرۋدى ويداعىداي ۇشتاستىرىپ، بۇقارانىڭ ورنىقتى قونىستانۋىنا، الاڭسىز تۇرمىس كەشىرۋىنە، بولاشاعى ءۇمىتتى بولۋىنا مۇمكىندىك جاساۋ كەرەك. قالا باسقارۋدى وسىزامانداندىرۋدى قاتار ىلگەرىلەتىپ، ءاۋ باستان ىجداعاتپەن كۇش سالىپ، نەگىزگى الەۋمەتتىك قىزمەت وتەۋدىڭ بىركەلكىلەنۋىن بەلسەنە ىلگەرىلەتىپ، جاڭا داۋىردەگى كاسىپكە ىڭعايلى، قونىستانۋعا جايلى ”حالىق قالاسىن“ قۇرۋ كەرەك.
شي جينپيڭ قايتا كوشىرىلگەن تۇرعىن لي جيڭحى وتباسىنا امانداسا باردى. لي جيڭحى باس شۋجيگە 2021 - جىلى 11 - ايدا جاڭا ۇيگە كوشىپ كىرگەندىگىن، ۇيلەرىنىڭ كەڭ دە جارىق، وتە جايلى ەكەندىگىن، تۇرمىستارىنىڭ بارعان سايىن شالقي تۇسكەندىگىن ايتتى. شي جينپيڭ بىلاي دەپ باسا دارىپتەدى: شيۇڭ - ان جاڭا رايونىن قۇرۋ − پارتيا ورتالىق كوميتەتى جاساعان كەلەلى ستراتەگيالىق شەشىم، كوپشىلىك مەملەكەتتىڭ ۇندەۋىنە ءۇن قوسىپ، بەلسەنە سايكەسىپ، مەملەكەت ستراتەگياسىنىڭ اتقارىلۋىنا ۇلەس قوستى. ول جاس ۇرپاقتاردى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇردىسىندە سەنىمدى بەكەمدەپ، ونەردى جاقسى ۇيرەنىپ، اتا مەكەندەرىن باقىتقا كەنەلدىرىپ، سوتسياليزم ىستەرىنىڭ قۇرۋشىلارى جانە ءىزباسارلارى بولۋعا شابىتتاندىردى.
اتتاناردا تۇرعىندار ”باس شۋجي، ساۋ بولىڭىز“ دەپ الاقايلادى، شي جينپيڭ كوپشىلىككە قول بۇلعاپ قۇرمەت ءبىلدىردى. ول كوپشىلىككە تەرەڭ سۇيىسپەنشىلىكپەن بىلاي دەدى: حىبەي − مەن قىزمەت ىستەگەن جەر، مەنىڭ بۇل اراعا سۇيىسپەنشىلىگىم تەرەڭ، بۇل جەردى ويداعىداي كوركەيتۋ − مەنىڭ ارمانىم. شيۇڭ - ان جاڭا رايونىن قۇرۋ − زامانالىق ۇلى جوسپار، مەملەكەتتىڭ ءىرى ءىسى، مۇندا ۇشقالاقتىق ىستەۋگە دە، كۇتىپ وتىرۋعا دا، يەك سۇيەۋگە دە، الاقان جايۋعا دا بولمايدى، تاباندىلىقپەن قۇلشىنىپ، ۇزدىكسىز قاجىماي كۇش سالۋ كەرەك.
شيۇڭ - ان قالا ارالىق بەكەت تورابى شيۇڭ - ان جاڭا رايونى جۇمىس باستاۋ رايونىنىڭ وزەكتى ورنىنا ورنالاسقان. شي جينپيڭ شيۇڭ - ان قالا ارالىق بەكەتى جانە حالىقارالىق ساۋدا ورتالىعى نىسان قۇرىلىسىنىڭ جۇمىس باسىنا بارىپ، قۇم تاقتالى مودەلدى كورىپ، تۇعىرعا شىعىپ، قۇرىلىس ورنىنا الىستان كوز جىبەرىپ، جۇمىس باستاۋ رايونىنداعى كەلەلى نەگىزدىك قۇرىلعى نىساندارى مەن ءتۇيىندى سەيىلتۋ نىساندارىنداعى جوسپارلاۋ، قۇرىلىس جۇرگىزۋ اياق الىسىنىڭ جاعدايىن ۇعىستى. شي جينپيڭ مىنالاردى اتاپ كورسەتتى: قاتىناس − وسى زامانعى قالانىڭ قان تامىرى. قان تامىرى ىركىلىسسىز بولعاندا عانا، قالا اقاۋسىز داميدى. ستەرەولدى توعىسپالى قاتىناس تورىن قۇرۋعا كۇش جۇمساپ، جەر استى كەڭىستىگىنەن تولىق پايدالانۋعا كۇش جۇمساپ، ”قالا كىناراتىنان“ اۋلاق بولاشاقتىق قالا تۇلعالاۋعا كۇش سالىپ، جوعارى ولشەمدى قالا جوسپار - جوباسىن جوعارى ساپالى قالا دامۋىنىڭ ناقتى كارتيناسىنا شىنايى اينالدىرۋ كەرەك.
تۇستەن كەيىن شي جينپيڭ شيۇڭ - ان ءماجىلىس - كورمە ورتالىعىنىڭ شيۇڭ - ان زالىنا بارىپ، قۇم تاقتالى مودەلمەن، قىسقا بەينەجازبامەن ۇشتاستىرىلعان، شيۇڭ - ان جاڭا رايونىنىڭ جالپى تۇلعالىق جوسپارلاۋ، قۇرىلىس جۇرگىزۋ اياق الىسى جونىندەگى تانىستىرۋدى تىڭداپ، بايياڭدياننىڭ ەكولوگيالىق ورتاسىن وڭاۋ جانە قورعاۋ، سونداي - اق تۇنبالاردى ارشۋ، كولدەردى تۇتاستىرۋ سياقتى قىزمەتتەردىڭ ىلگەرىلەۋ جاعدايىن ۇعىستى. شي جينپيڭ بىلاي دەپ باسا دارىپتەدى: بايياڭدياننىڭ ەكولوگيالىق ورتاسىن وڭاۋ جانە قورعاۋ قازىر ەڭبەك ءسىڭىرىپ، بولاشاقتا يگىلىگىن كورەتىن ءىس، ءسوز جوق، ءبىر تۇتاس جوسپارلاپ، تىڭعىلىقتى ىلگەرىلەتۋ كەرەك.
وسىدان كەيىن شي جينپيڭ ءماجىلىس - كورمە ورتالىعىنىڭ 3 - قاباتىنداعى كوپ يقۋاتتى زالدا شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشتى. مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، حىبەي ولكەلىك پارتكومنىڭ شۋجيى ني يۋەفىڭ، شيۇڭ - ان جاڭا رايونى پارتيا قىزمەتى كوميتەتىنىڭ شۋجيى جاڭ گوحۋا ىلگەرىندى - كەيىندى سوزگە شىقتى. جۇڭگو جاساندى سەرىك تورى توبى شەكتى سەرىكتەستىگىنىڭ، جۇڭگو ءۇي قۇرىلىسى توبى شەكتى سەرىكتەستىگىنىڭ نەگىزگى جاۋاپتى جولداستارى جازباشا ءسوز ماتەريالىن تاپسىردى.
شي جينپيڭ كوپشىلىكتىڭ ءسوزىن تىڭداعاننان كەيىن ماڭىزدى ءسوز سويلەدى. ول مىنالاردى باسا دارىپتەدى: پارتيا ورتالىق كوميتەتىنىڭ پارمەندى باسشىلىعىندا، ورتالىقتاعى قاتىستى تاراۋلاردىڭ جانە بەيجيڭ، تيانجين سياقتى جەرلەردىڭ زور كۇشپەن قولداۋىندا، حىبەي ولكەسى تۇلعالىق جاۋاپكەرشىلىگىن بەلسەنە اتقارىپ، شيۇڭ - ان جاڭا رايونى پارتيا قىزمەتى كوميتەتى مەن باسقارۋ كوميتەتى قاراستى جەر جاۋاپكەرشىلىگىن مۇقيات وتەپ، ءتۇرلى قىزمەتتى تىڭعىلىقتى ىلگەرىلەتىپ، شيۇڭ - ان جاڭا رايونى قۇرىلىسىندا كەلەلى كەزەڭدىك جەتىستىكتەرگە قول جەتتى، جاڭا رايوننىڭ قۇرىلىسى مەن دامۋىن جوعارى دەڭگەيدە جوبالاۋ نەگىزىنەن ورىندالدى، نەگىزدىك قۇرىلعى قۇرىلىسىندا كەلەلى ىلگەرىلەۋشىلىككە قول جەتتى، بەيجيڭنىڭ استانالىق ەمەس فۋنكتسيالارىن سەيىلتۋ العاشقى ادىمدا ونىمدىلىك كورسەتتى، بايياڭدياننىڭ ەكولوگيالىق ورتاسىن وڭاۋدىڭ ونىمدىلىگى كورنەكتى بولدى، رەفورما جاساۋدى، ەسىك اشۋدى تەرەڭدەتۋدە بەلسەندى ىلگەرىلەۋشىلىككە قول جەتتى. كاسىپ سالاسى مەن جاڭالىق اشۋ فاكتورلارى شوعىرلانعان شارت - جاعداي بىرتىندەپ كەمەلدەنىپ، قايتا كوشىرىپ ورنالاستىرۋ قىزمەتى ءتارتىپتى ىلگەرىلەتىلدى. قىسقا عانا 6 جىلدا شيۇڭ - ان جاڭا رايونى جوقتان بار بولىپ، جوبادان ناقتى كورىنىسكە اينالدى، جوعارى دەڭگەيدەگى وسىزاماندانعان قالا بوي كوتەردى، مۇنى كەرەمەت دەۋگە بولادى. بۇل ناتيجەلەرگە دۇنيە جۇزىندە 100 جىلدا بولماعان زور وزگەرىس جاعدايىندا، 3 جىلدىق جاڭا تيپتى ايدارشا ۆيرۋس ىندەتىنىڭ قيىن جاعدايىندا قول جەتكىزدىك، شىنىندا دا وڭاي ەمەس. اماليات پارتيا ورتالىق كوميتەتىنىڭ شيۇڭ - ان جاڭا رايونىن قۇرۋ جونىندەگى كەلەلى شەشىمى بۇكىلدەي دۇرىس ەكەندىگىن، ءار جاقتاعى قىزمەتتەردىڭ تىڭعىلىقتى، ءونىمدى بولعاندىعىن دالەلدەدى.
شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ شيۇڭ - ان جاڭا رايونىن قۇرۋ جونىندەگى ستراتەگيالىق ورنالاستىرۋىن تولىق، دالمە - ءدال، جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمىنىڭ كەلەلى ناقتى ءمانى مەن تەرەڭ تاريحي ءمانىن تەرەڭ ءتۇسىنىپ، پارتيا ورتالىق كوميتەتىنىڭ شيۇڭ - ان جاڭا رايونى جونىندەگى فۋنكتسيالىق ورىن تۇراقتاندىرۋىن، بورىشىن، مىندەتىن، پرينسيبىن، تالابىن مىقتاپ يگەرىپ، ساياسي دەڭگەيدى جوعارىلاتىپ، تاريحي سابىرلىلىقتى ساقتاپ، تاياۋ مەزگىلدەگى نىسانا مەن ورتا، ۇزاق مەرزىمدىك نىسانا، قالا قۇرىلىسىنىڭ قارقىنى مەن جان سانىنىڭ شوعىرلانۋ كولەمى، كاسىپ سالاسىن ويىستىرۋ مەن كاسىپ سالاسىنىڭ دارەجەسىن جوعارىلاتۋ، ۇكىمەت پەن بازار، بەيجيڭنىڭ استانالىق ەمەس فۋنكتسيالارىن سەيىلتۋ مىندەتىن ارقالاۋ مەن قالانىڭ وزىندىك دامۋى، قالا قۇرىلىسى مەن ماڭىنداعى اۋىل - قىستاقتاردى گۇلدەندىرۋ سياقتى كەلەلى قارىم - قاتىناستاردى ويداعىداي ءبىر جايلى ەتىپ، شيۇڭ - ان جاڭا رايونى قۇرىلىسىنىڭ جانە دامۋىنىڭ بەتالىسى دۇرىس بولۋىنا شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: بەيجيڭنىڭ استانالىق ەمەس فۋنكتسياسىن سەيىلتۋدەگى مىندەتتەردىڭ تياناقتانۋىن تىڭعىلىقتى ىلگەرىلەتىپ، 2 - توپتا سەيىلتۋدى باستايتىن بەيجيڭدەگى ورتالىق كاسىپورىندارىنىڭ باس شتابى، سونداي - اق 2 -، 3 - دارەجەلى بولىمشە سەرىكتەستىكتەر نەمەسە جاڭالىق اشۋ كاسىپ بولىگى سياقتىلاردى جالعاستىرا جوسپارلاپ، فينانس قۇرىلىمدارىن، عىلمي زەرتتەۋ ورىندارىن، ءىسورىندارىن سەيىلتۋ، كوشىرۋدى جوسپارلاۋعا كىرىسۋ كەرەك. سەيىلتۋدەگى ىنتالاندىرۋ، تەجەۋ ساياساتى جۇيەسىن ۇزدىكسىز كەمەلدەندىرۋ كەرەك. قاتىستى سەيىلتىلەتىن ادامداردىڭ بالا وقىتۋى، ەمدەلۋ، تۇرعىن ءۇي، ەڭبەكاقى، قوعامدىق قامتاماسىزداندىرۋ، ەمدەۋ قامسىزداندىرۋى، الەۋمەتتىك قور سياقتى ساياساتتار جونىندە بۇرىنعىلارعا بۇرىنعى ءادىس، جاس بۋىنعا جاڭا ءادىس قولدانۋ پرينسيپتىك تالابى بويىنشا، ساياسات - شارالاردى ونان ارى اشالاپ، ناقتىلاندىرىپ، سەيىلتىلگەن مەكەمە - ورىندار مەن ادامداردىڭ ناقتى پايدادان يگىلىكتەنۋىنە شىنايى كەپىلدىك ەتۋ كەرەك. بازار مەحانيزمى مەن ۇكىمەتتىڭ جەتەكتەۋىن ءوزارا ۇشتاستىرۋعا تاباندى بولىپ، نىسان مەن ساياساتتىڭ ەكەۋىن دە يگەرىپ، بازارلاندىرۋ، زاڭمەن باسقارۋ ءتاسىلى ارقىلى استانالىق ەمەس فۋنكتسيالاردى سىرتقا سەيىلتۋدەگى ىشكى قوزعاۋشى كۇشتى كۇشەيتۋ كەرەك.
شي جينپيڭ مىنالاردى باسا دارىپتەدى: دامۋعا جاڭالىق اشۋ ارقىلى دەم بەرۋ ستراتەگياسىن جاپپاي تياناقتاندىرىپ، ءار سالاداعى رەفورما جاساۋدىڭ، ەسىك اشۋدىڭ الدىڭعى لەگىندەگى ساياسات - شارالار مەن بولجامپازدىققا يە جاڭالىق اشۋدى تۇيىندە سىناق ەتۋ، ۇلگى كورسەتۋ نىساندارىنىڭ شيۇڭ - اندا تياناقتانۋىن ىلگەرىلەتىپ، جاڭا فۋنكتسيا قۇرۋعا، جاڭا وبراز قالىپتاستىرۋعا، جاڭا كاسىپ سالالارىن دامىتۋعا، جاڭا دارىندىلاردى توپتاۋعا، جاڭا مەحانيزم ورناتۋعا قۇلشىنىپ، شيۇڭ - ان جاڭا رايونىن جاڭا داۋىردەگى جاڭالىق اشۋدىڭ بيىگىنە جانە شارۋاشىلىق قۇرۋدىڭ قۇتتى مەكەنىنە اينالدىرۋ كەرەك. بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن تۇلعالاپ، ءبىر قىدىرۋ ەرەكشە قولداۋ ساياساتتارىن اقىلداسىپ شىعارىپ، ەل ءىشى - سىرتىنداعى كۇشتەر مەن كاپيتالدى شيۇڭ - ان جاڭا رايونىنىڭ قۇرىلىسى مەن دامۋىنا ات سالىسۋعا كەڭ كولەمدە باۋراپ، شوعىرلاندىرىپ، جۇرت اڭسارى اۋاتىن، فاكتورلار توپتالاتىن، كۇش بىرىكتىرە بىرگە قۇراتىن، بىرگە داميتىن جالىندى جاعداي قالىپتاستىرۋ كەرەك. وزىق عىلىم - تەحنيكادان كەڭ كولەمدە پايدالانىپ، عىلىم - تەحنيكادا جاڭالىق اشۋ قابىلەتى قۇرىلىسىن كۇش سالا كۇشەيتىپ، عىلىم - تەحنيكا جەتىستىكتەرىن كادەگە جاراتۋ تەبىنىن ارتتىرىپ، جاڭا كاسىپ كۇيىن، جاڭا ۇلگىنى بەلسەنە دامىتىپ، جاڭا ارتۋ ءتۇيىنىن جەتىلدىرىپ، جاڭا قوزعاۋشى قۋات قالىپتاستىرىپ، زەردەلى بولۋدى، جاسىل بولۋدى، جاڭالىق اشۋدى شيۇڭ - ان جاڭا رايونىنىڭ تاماشا تانىسقىسىنا اينالدىرۋ كەرەك. تۇنىق سۋ، جاسىل تاۋ − باعالى بايلىق ۇستانىمىن دايەكتىلەندىرىپ، جاسىل، تومەن كومىر قىشقىل گازدى دامۋعا تاباندى بولىپ، شيۇڭ - ان جاڭا رايونىن جاسىل دامۋداعى قالا ۇلگىسى ەتىپ قۇرىپ شىعۋ كەرەك.
شي جينپيڭ بىلاي دەپ اتاپ كورسەتتى: شيۇڭ - ان جاڭا رايونىنىڭ باسشىلىق ءتۇزىلىسى مەن باسقارۋ مەحانيزمىن ساپالىلاندىرىپ، اقاۋسىزداندىرىپ، جاڭا رايوننىڭ قالا باسقارۋ تۇزىلىسىندە بۇرىلىس جاساۋىن ساتىلارعا ءبولىپ، قادامدار بويىنشا، ورنىقتى، ءتارتىپتى ىلگەرىلەتۋ كەرەك. جاڭا رايوننىڭ ءار دارەجەلى باسشىلىق القالارى مەن كادرلار قوسىنى قۇرىلىسىن كۇشەيتىپ، كادر - دارىندىلار قوسىنىنىڭ جالپى تۇلعالىق ساپاسى مەن ماماندانۋ دەڭگەيىن جوعارىلاتۋ كەرەك. جاڭا رايونداعى كادرلاردى تەكسەرۋ، باعالاۋ مەحانيزمىن كەمەلدەندىرىپ، قالىڭ پارتيا مۇشەلەرىن، كادرلاردى جاۋاپكەرشىلىكتى باتىلدىقپەن ارقالاۋعا، جۇرەكتىلىكپەن جاڭالىق اشۋعا، شەبەرلىكپەن ىسكەرلىك كورسەتۋگە ىنتالاندىرۋ كەرەك.
شي جينپيڭ بىلاي دەپ باسا دارىپتەدى: حالىقتىڭ قالاسىن حالىق قۇرۋعا، حالىقتىڭ قالاسىن حالىق ءۇشىن قۇرۋعا تاباندى بولىپ، شيۇڭ - ان جاڭا رايونىنداعى كادرلار مەن بۇقارا كوڭىل ءبولىپ وتىرعان ءتول مۇددە ماسەلەسىن ويداعىداي شەشىپ، جاڭا رايون قۇرىلىسىن دامىتۋ بارىسىندا حالىق بۇقاراسىن شىنايى تابىس سەزىمىنە، باقىت سەزىمىنە بولەۋ كەرەك. جۇمىستانۋعا الدىمەن ءمان بەرۋگە تاباندى بولىپ، جۇمىستانۋعا، شارۋاشىلىق قۇرۋعا جەتەكتەۋ ساياساتىن كەمەلدەندىرىپ، جاڭا رايونداعى ەڭبەككۇشتەردى قايتا جۇمىستانۋعا باۋلۋدى كۇشەيتۋ كەرەك. قالا مەن اۋىلدى ءبىر تۇتاس جوسپارلاپ دامىتۋدى ىلگەرىلەتىپ، قالا مەن اۋىلدىڭ پارقىن ازايتۋ، قالا مەن اۋىلدىڭ توعىسپالى دامۋىن ىلگەرىلەتۋ، جالپى حالىقتىڭ بىرگە بايۋىن جەبەۋ جاعىندا جاڭا جول اشۋ كەرەك.
شي جينپيڭ بىلاي دەپ اتاپ كورسەتتى: شيۇڭ - ان جاڭا رايونى پارتيا قىزمەت كوميتەتى جانە ءار دارەجەلى پارتيا ۇيىمدارى نەگىزگى تاقىرىپتىق تاربيەنى مۇقيات ورىستەتۋى ءارى وسى ورايدا تەكسەرۋ - زەرتتەۋدى كۇشەيتىپ، يدەيانى بارىنشا ازات ەتۋدى، قابىلەتتى بارىنشا جوعارىلاتۋدى، ستيلدە بارىنشا بۇرىلىس جاساۋدى، قىزمەتتى بارىنشا تياناقتاندىرۋدى ىلگەرىلەتىپ، ساياسي يقۋات پەن ۇيىمدىق يقۋاتتى اناعۇرلىم ءوسىرۋى كەرەك. ”ءتورت ءتۇرلى بۇرىس ستيلدى“ ۇزدىكسىز تۇزەتىپ، جونگە سالىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالاندىرا ىلگەرىلەتىپ، ”پاك، كىرشىكسىز شيۇڭ - ان“ ارقىلى ”شيۇڭ - ان ساپاسىن“ قامتاماسىز ەتۋ كەرەك.
لي چياڭ سوزىندە مىنالاردى ءبىلدىردى: شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋدەگى ەڭ ءتۇبىرلى، ەڭ شەشۋشى ءتۇيىن − باس شۋجي شي جينپيڭنىڭ ماڭىزدى نۇسقاۋى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي ۇيرەنۋ، ۇعىنۋ، ويداعىداي دايەكتىلەندىرۋ، تياناقتاندىرۋ. ”زامانالىق ۇلى جوسپار“ تاباندىلىعى بولۋى، شيۇڭ - ان جاڭا رايونىنىڭ فۋنكتسيالىق ورىن تۇراقتاندىرۋى مەن بورىشىن، مىندەتىن مىقتاپ يگەرىپ، قىزمەتتى تىندىرىمدى ىستەپ، ۇزدىكسىز قاجىماي كۇش سالۋ كەرەك. ”ۋاقىتپەن تالاسا قيمىلداۋ“ جىگەر - قايراتى بولۋى، ايقىندالعان، ءسوز جوق ىستەۋگە ءتيىستى ىستەردى مىقتى يگەرۋ، قاراپ تۇرماي، كەشەۋىلدەتپەي، تەزدەتە ىستەۋ، بەيجيڭنىڭ استانالىق ەمەس فۋنكتسياسىن سەيىلتۋدى جەدەل ارقالاۋ، نەگىزدىك قۇرىلعى قۇرىلىسىن تىڭعىلىقتى ىلگەرىلەتۋ، وسىزاماندانعان كاسىپ سالاسى جۇيەسىن كۇش سالا ورناتۋ، ءار جاقتىڭ بەلسەندىلىگىن تولىق ساۋلەلەندىرۋ، ءتۇرلى قىزمەتتى ىلگەرىلەتۋدە تىڭ ىلگەرىلەۋشىلىكتەرگە تىنباي قول جەتكىزۋ كەرەك.
ديڭ شۋەشياڭ مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، عىلىم - تەحنيكادا جاڭالىق اشۋدى شيۇڭ - ان جاڭا رايونىن جوعارى ساپالى قۇرۋدىڭ جانە دامىتۋدىڭ ءتۇپ نەگىزى ەتىپ، دەربەس جاڭالىق اشۋدىڭ جانە اۋەلگى جاڭالىق اشۋدىڭ ماڭىزدى وشاعىن كۇش سالا تۇلعالاپ، بىرەگەي جاڭالىق اشۋ تۇعىرىن ورناتىپ، جوعارى دەڭگەيلى عىلىم - تەحنيكادا جاڭالىق اشۋدى ورىستەتۋ؛ جاڭالىق اشۋ تىزبەگىنىڭ، كاسىپ سالاسى تىزبەگىنىڭ ىشكەرىلەي توعىسۋىن كۇش سالا ىلگەرىلەتىپ، كاسىپ سالاسى تىزبەگىن ارقاۋ ەتە وتىرىپ جاڭالىق اشۋ تىزبەگىن ورنالاستىرىپ، عىلىم - تەحنيكا جەتىستىكتەرىن كادەگە جاراتۋ تەبىنىن ارتتىرىپ، جوعارى، جاڭا تەحنيكا كاسىپ سالاسىنىڭ دامۋىن جەبەۋ؛ بەيجيڭ − تيانجين − حىبەيدىڭ سايكەسە جاڭالىق اشۋ ورتاق تۇلعاسىن قۇرۋعا كۇش سالىپ، مۇددە ءبولىسۋ ۇلگىسىنە جاڭالىق ەنگىزىپ، اناعۇرلىم مول جاڭالىق اشۋ فاكتورى بايلىعىن شيۇڭ - ان جاڭا رايونىنىڭ جوعارى ساپالى دامۋىن ىلگەرىلەتۋگە قاتىسۋعا باۋراۋ جانە شوعىرلاندىرۋ كەرەك.
لي گانجيە، حى ليفىڭ قاتارلىلار قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى، ۋ جىڭلۇڭ، مۋ حۇڭ، جياڭ شينجى، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى، حىبەي ولكەسىندەگى، شيۇڭ - ان جاڭا رايونىنداعى، قاتىستى كاسىپورىندارداعى جاۋاپتى جولداستار اڭگىمە ماجىلىسىنە قاتىناستى.
