شينجياڭنىڭ پارتيا، ۇكىمەت ۋاكىلدەر ۇيىرمەسى نيڭشياعا بارىپ ۇيرەنۋدە، تەكسەرۋدە بولدى
نەگىزگى تاقىرىپتىق تاربيەنى مۇقيات ورىستەتىپ، دامۋ ورايىن قول ۇستاسا مىقتى يگەرىپ، وڭىرلىك ىستەستىكتىڭ جاڭا ونىمدىلىگى ارقىلى وسىزامانداندىرۋ قۇرىلىسىنىڭ جاڭا تاراۋىن جازۋ كەرەك
ما شيڭرۇي، لياڭ يانشۇن، ۋاڭ گوشىڭ، جاڭ يۇيپۋ، ەركىن تۇنياز، چىن يۇڭ، لي يفي، جاڭ چۇنلين قيمىلعا قاتىناستى
5 - ايدىڭ 10 - كۇنى شينجياڭ ۇيعۇر اۆتونوميالى رايونىنىڭ پارتيا، ۇكىمەت ۋاكىلدەر ۇيىرمەسى نيڭشيا حۇيزۋ اۆتونوميالى رايونىنا بارىپ ۇيرەنۋدە، تەكسەرۋدە بولدى. سۋرەتتە: شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي، نيڭشيا حۇيزۋ اۆتونوميالى رايوندىق پارتكومنىڭ شۋجيى لياڭ يانشۇن، نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ باستىعى ۋاڭ گوشىڭ، نيڭشيا حۇيزۋ اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى جاڭ يۇيپۋ، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتارلىلار حىلانشان تاۋىنىڭ شىعىس باۋرايىندا ەكولوگيانى قالپىنا كەلتىرۋ، وڭاۋ ونىمدىلىگىن كوردى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 10 - كۇنى يىنچۋاننان حابارلايدى. شينجياڭنىڭ پارتيا، ۇكىمەت ۋاكىلدەر ۇيىرمەسى 5 - ايدىڭ 10 - كۇنى نيڭشيا حۇيزۋ اۆتونوميالى رايونىنا ۇيرەنۋگە، تەكسەرۋگە بارىپ، نەگىزگى تاقىرىپتىق تاربيەنى مۇقيات ورىستەتىپ، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ شينجياڭدى، نيڭشيانى كوزدەن كەشىرگەندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جاپپاي دايەكتىلەندىرۋدى ارقاۋ ەتىپ، ەكى ولكە - رايوننىڭ وسىزامانداندىرۋ قۇرىلىسىنداعى باسىم ورىن تۇراقتاندىرۋىن كوزدەپ، ءار سالاداعى سەلبەستىكتى تەرەڭدەتۋ، جوعارى ساپالى دامۋدى بىرگە جەبەۋ جونىندە اۋىس - كۇيىس جاسادى، ۇشتاستى، يىنچۋان قالاسىندا قىزمەت ىستەستىگى اڭگىمە ءماجىلىسىن اشىپ، ستراتەگيالىق سەلبەستىك جۇلگەلىك كەلىسىمىنە قول قويىستى. شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي، نيڭشيا حۇيزۋ اۆتونوميالى رايوندىق پارتكومنىڭ شۋجيى لياڭ يانشۇن، نەگىزگى تاقىرىپتىق تاربيە ورتالىق 15 - جەتەكىشىلىك ەتۋ گرۋپپاسىنىڭ باستىعى ۋاڭ گوشىڭ قيمىلعا قاتىناستى.
نيڭشيا حۇيزۋ اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى جاڭ يۇيپۋ، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، نيڭشيا حۇيزۋ اۆتونوميالى رايوندىق ساياسي كەڭەستىڭ ءتوراعاسى چىن يۇڭ، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتىستى قيمىلدارعا قاتىناستى.
ۋاكىلدەر ۇيىرمەسىندەگىلەر نيڭدۇڭ ەنەرگيا حيميا ونەركاسىپ بازاسىنا كەلىپ، نيڭدۇڭ قوناق قابىلداۋ زالى مەن مەملەكەتتىك ەنەرگيا توبى نيڭشيا كومىر شارۋاشىلىعى شەكتى جاۋاپكەرشىلىك سەرىكتەستىگىنە كىرىپ، نيڭشيانىڭ ەنەرگيا بايلىعىن اشۋ جانە وسى زامانعى كومىر حيميا ونەركاسىبىن دامىتۋ ناتيجەسىنەن، تاجىريبەسىنەن، ادىستەرىنەن ۇيرەندى، ولاردى ۇعىستى؛ ۋوفۋ بايرۇي بيولوگيالىق ازىق - تۇلىك ينجەنەرياسى شەكتى سەرىكتەستىگىندە ەرەكشەلىككە يە الاقات كاسىپ سالاسىنىڭ دامۋىن سول جەردە تەكسەردى؛ حىلانشان تاۋىنىڭ شىعىس بوكتەرىندە ەكولوگيانى قالپىنا كەلتىرۋ، جونگە سالۋ ناتيجەسىن تەكسەرىپ كورىپ، جىحۇي يۋانشى شاراپ قورجاسىنا كىرىپ ءجۇزىم شارابى كاسىپ سالاسىنىڭ دامۋىنا، اۋىل - قىستاقتى گۇلدەندىرۋدى جەبەۋگە قاتىستى جاعدايلاردى ۇعىستى.
اڭگىمە ماجىلىسىندە ما شيڭرۇي شينجياڭ ۇيعۇر اۆتونوميالى رايوندىق پارتكوم، ۇكىمەت جانە بيڭتۋان اتىنان نيڭشيانىڭ ۇزاق ۋاقىتتان بەرى شينجياڭدى زور كۇشپەن قولداپ كەلگەندىگىنە العىس ايتتى. ول بىلاي دەدى: نيڭشيا مەن شينجياڭ ەكەۋى دە باتىس سولتۇستىكتەگى ۇلتتىق اۆتونوميالى ءوڭىر رەتىندە، باس شۋجي شي جينپيڭنىڭ، پارتيا ورتالىق كوميتەتىنىڭ قامقورلىعىن، ماڭىزدى تاپسىرماسىن ارقالاپ وتىر. نيڭشيا باس شۋجيدىڭ نيڭشيانى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، حۋاڭحى وزەنى الابى ەكولوگياسىن قورعاۋ جانە جوعارى ساپالى دامۋداعى الدىمەن اتقارىلاتىن رايون قۇرۋدى ءبىر تۇتاس مەڭگەرىپ، كورىكتى دە جاڭا نيڭشيا قۇرىلىسىن ىلگەرىلەتۋدە ارشىنداي العا باستى، مۇنى شىن جۇرەكتەن قۇتتىقتايمىز. شينجياڭداعى ءار ۇلت كادر - بۇقاراسى باس شۋجيدىڭ تاپسىرماسىن ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ جولىندا كورىكتى شينجياڭدى قۇلشىنا قۇرۋدا. ەكى رايوننىڭ تاريحي قاينارى تەرەڭ، رايون ورنى ۇلاسقان، تۇتاسقان، ەكونوميكاسى ءبىرىن - ءبىرى تولىقتاپ، ءوزارا توعىسقان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا، دامۋدىڭ ستراتەگيالىق وراي مەزگىلىن بىرگە قارسى الدى، سەلبەستىكتى كۇشەيتۋدىڭ ءدال ساتىندە تۇر، كومەسكى كۇشى زور. ەكى جاقتىڭ ورايدى مىقتى يگەرىپ، نازاردى ”ءبىر بەلدەۋ، ءبىر جولدى“ جوعارى ساپالى قۇرۋعا شوعىرلاندىرىپ، ەنەرگيا بايلىعى سەلبەستىگىن تەرەڭدەتىپ، كومىر تاسىمالى ارناسى قۇرىلىسى مەن وسى زامانعى كومىر حيميا ونەركاسىبى، تازا ەنەرگيا سياقتىلاردى ىقپالداسا دامۋىن كۇشەيتىپ، جاڭا ماتەريال، ءجۇزىم شارابى، جۇڭي شيپاگەرلىگى - دارىگەرلىگى، ەرەكشەلىككە يە ەگىن، مال شارۋاشىلىعى سياقتىلاردى ارقاۋ ەتىپ كاسىپ سالاسى تىزبەگى، قامداۋ تىزبەگى سەلبەستىگىن كۇشەيتىپ، اشىق ۇستاۋ تۇعىرى بويىنشا ىقپالداسا دامۋدى جەبەپ، باعىتتامالى ىستەستىك پەن شينجياڭعا باعىتتامالى كومەكتەسۋ قىزمەتى اۋىس - كۇيىسىن كۇشەيتىپ، اۋىل - قىستاقتى جاپپاي گۇلدەندىرۋدى جەبەپ، ءوڭىر اتتاعان مادەنيەت، ساياحات تۇعىرى مەن ماركاسىن قول ۇستاسا تۇلعالاپ، جۇڭحۋا ۇلتى ورتاق تۇلعا تانىمىن بىرگە بەرىك ورناتىپ، ءىسلام ءدىنىن جۇڭگوشالاندىرۋدى ىلگەرىلەتىپ، وڭىرلىك جوعارى دەڭگەيدەگى سەلبەستىكتىڭ، جوعارى ساپالى دامۋدىڭ جاڭا جاعدايىن اشىپ، جاڭا دامۋ ارناسىنا ويداعىداي قىزمەت وتەۋىن جانە وعان توعىسۋىن ءۇمىت ەتەمىن.
لياڭ يانشۇن نيڭشيا حالقى اتىنان شينجياڭنىڭ پارتيا، ۇكىمەت ۋاكىلدەر ۇيىرمەسىنىڭ نيڭشياعا كەلىپ تەكسەرۋ جۇرگىزگەندىگىن شىنايى قارسى الاتىندىعىن ءبىلدىردى، شينجياڭ مەن بيڭتۋاننىڭ ۇزاق ۋاقىتتان بەرى نيڭشياعا قولداۋ كورسەتكەندىگىنە، كومەك كورسەتكەندىگىنە شىن جۇرەكتەن العىس ايتتى. ول بىلاي دەدى: شينجياڭ مەن نيڭشيا ەكەۋى دە جۇڭحۋا ۇلتى ۇلى شاڭىراعىنىڭ مۇشەسى، باس شۋجيدىڭ قامقورلىعىنا، سۇيىسپەنشىلىگىنە بولەنگەن، ۇزاق ۋاقىتتىق ارالاسۋ، ىشتەسۋ، توعىسۋ بارىسىندا تەرەڭ سۇيىسپەنشىلىك ورناتقان، جاڭا داۋىردەگى ون جىلدان بەرى شينجياڭ مەن بيڭتۋان باس شۋجيدىڭ ىقىلاستى تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، كورىكتى شينجياڭ قۇرۋدى ىلگەرىلەتۋدە كەلەلى تابىسقا قول جەتكىزدى. نيڭشيا وتانىمىزدىڭ باتىس بولىگىندەگى قۇتتى مەكەن، باس شۋجي مەن پارتيا ورتالىق كوميتەتى ەرەكشە كوڭىل ءبولدى، قامقورلىق كورسەتتى، ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”باس شۋجي قالاي ايتسا، ءبىز سولاي ىستەيمىزگە“ تاباندى بولىپ، الدىمەن اتقارىلاتىن رايون قۇرىلىسى بورىشىن، مىندەتىن باتىل ارقالاپ، تۇتاس رايونداعى قالىڭ كادر - بۇقارانى ىنتىماقتاستىرىپ، باستاپ، سوتسياليستىك وسىزاماندانعان كورىكتى دە جاڭا نيڭشيا قۇرۋدى جەدەلدەتەمىز. كەزەكتە، شينجياڭ مەن نيڭشيا جاپپاي سوتسياليستىك وسىزامانداندىرۋ قۇرىلىسىنىڭ جاڭا جورىعىنا قادام تاستادى، ءبىز شينجياڭنىڭ پارتيا مەن مەملەكەت قىزمەتىنىڭ كەلەلى جاعدايىنا قىزمەت وتەۋ، ۇلتتار ىنتىماعىن جەبەۋ، جوعارى ساپالى دامۋدى ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتارداعى جاقسى تاجىريبەلەرىنەن، جاقسى ادىستەرىنەن مۇقيات ۇيرەنىپ، شينجياڭمەن جانە بيڭتۋانمەن قول ۇستاسىپ، باس شۋجيدىڭ ماڭىزدى ءسوزىنىڭ، نۇسقاۋىنىڭ، بەكىتۋىنىڭ رۋحىن بىرگە ىشكەرىلەي ۇيرەنىپ، دايەكتىلەندىرىپ، ستراتەگيالىق سەلبەستىك جۇلگەلىك كەلىسىمىنىڭ ناقتاپ تياناقتانۋىن بار كۇشپەن ىلگەرىلەتىپ، مەملەكەتتىڭ دامۋ ستراتەگياسىنا ىرىقتىلىقپەن توعىسىپ، وسىزاماندانعان كاسىپ سالاسى جۇيەسىن قۇرۋ، ”ءبىر بەلدەۋ، ءبىر جول“ قۇرىلىسىنا قىزمەت وتەۋ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ سياقتى سالالاردا سەلبەستىكتى تەرەڭدەتىپ، سۇبەلى تابىسقا قول جەتكىزەمىز.
ۋاڭ گوشىڭ بىلاي دەدى: بۇكىل پارتيا نەگىزگى تاقىرىپتىق تاربيەنى ىشكەرىلەي ورىستەتىپ جاتقان ماڭىزدى ساتتە، شينجياڭنىڭ پارتيا، ۇكىمەت ۋاكىلدەر ۇيىرمەسىنىڭ نيڭشياعا كەلىپ تەكسەرۋ، ۇيرەنۋدە بولۋى، ءارى نەگىزگى تاقىرىپتىق تاربيەنىڭ جاقسى تاجىريبەلەرىن اۋىستىرۋ، ءارى ەكى جەردىڭ دامۋ جاڭا جەتىستىكتەرىن ايگىلەۋ بولىپ تابىلادى. ءبىر ايدان بەرى جەتەكشىلىك ەتۋ گرۋپپاسى كورىكتى باتىس سولتۇستىككە، ستراتەگيالىق ۇلكەن بيىككە، ەسىك اشۋدىڭ جاڭا الدىڭعى شەبىنە بارىپ، شينجياڭ مەن بيڭتۋانعا، نيڭشياعا ىشكەرىلەي بارىپ نەگىزگى تاقىرىپتىق تاربيە ورىستەتۋگە جەتەكشىلىك ەتىپ، جالىندى اماليات بارىسىندا تامىر تارتىپ، قويۋ رايمەن توعىسىپ، كادرلار مەن بۇقارانىڭ تاربيەسىن قابىلداپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ باي امالياتىن تەرەڭ سەزىنۋ بارىسىندا كوپ يگى ىقپالعا كەنەلدى، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شەشۋشى ساتتە قاسقايا العا شىققاندا، قاتاڭ شارا قولدانعاندا، قاداعالاۋدى مىقتى يگەرگەندە عانا كومەسكى باسىمدىقتى، ەرەكشە باسىمدىقتى رەال باسىمدىققا اينالدىرۋعا بولاتىندىعىن سەزىندىك. شينجياڭ مەن بيڭتۋان جانە نيڭشيا پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى نەگىزگى تاقىرىپتىق تاربيە ورىستەتۋمەن قاپىسىز ۇشتاستىرىپ، ۇزدىكسىز كۇش سالىپ، بەكەمدەۋ بارىسىندا جوعارىلاتىپ، امالياتقا اينالدىرۋ بارىسىندا تەرەڭدەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن سانالىلىقپەن، ىرىقتىلىقپەن باستان - اياق دايەكتىلەندىردى، تياناقتاندىردى؛ ءار دارەجەلى باسشى كادرلار ءىس - ارەكەتى ارقىلى ادالدىقتى جازىپ، ناقتى ءىس ىستەۋ ارقىلى جۇرت قالاۋىنان شىعىپ، بۇقارامەن ىرىقتىلىقپەن ىشكەرىلەي ارالاسىپ، قيىنشىلىعى بار جەرلەرگە بارىپ قىزمەتتى ىلگەرىلەتىپ، القاداعىلاردى جەتەكتەپ، ءبىر توپ ادامدى شابىتتاندىرىپ، ءبىر قاۋىم ادامعا ىقپال جاسادى؛ دامۋدى يگەرۋدەگى ويلاۋ ءتاسىلى مەن قىزمەت تاسىلىندە، رۋحاني كۇي مەن رۋحاني بەت - بەينەدە زور وزگەرىس بولدى، كاسىپ سالاسىنىڭ ورنالاسىمى مەن ءتۇيىندى قىزمەتتەردە تىڭ سەرپىلىستەرگە قول جەتتى، جەرگىلىكتى ورىنداردىڭ دامۋ جاڭا اۋقىمى كىسىنى قۋانتادى، جاڭا ارتۋ تۇيىندەرىنەن ءۇمىت كۇتۋگە بولادى، نەگىزگى تاقىرىپتىق تاربيەنىڭ تابىستارى دامۋ ونىمدىلىگىنە وتە جاقسى اينالدىرىلدى.
ماجىلىستە جاڭ يۇيپۋ نيڭشيانىڭ ەكونوميكالىق، قوعامدىق دامۋ جاعدايىن تانىستىردى، ەركىن تۇنياز، لي يفي اۆتونوميالى رايوننىڭ، بيڭتۋاننىڭ ەكونوميكالىق، قوعامدىق دامۋ جاعدايىن جەكە - جەكە تانىستىردى، «شينجياڭ ۇيعۇر اۆتونوميالى رايوندىق حالىق ۇكىمەتى مەن نيڭشيا حۇيزۋ اۆتونوميالى رايوندىق حالىق ۇكىمەتىنىڭ ستراتەگيالىق سەلبەستىك جۇلگەلىك كەلىسىمىنە»، «شينجياڭ ءوندىرىس - قۇرىلىس بيڭتۋانى مەن نيڭشيا حۇيزۋ اۆتونوميالى رايوندىق حالىق ۇكىمەتىنىڭ ستراتەگيالىق سەلبەستىك جۇلگەلىك كەلىسىمىنە» قول قويىلدى.
نيڭشيا باسشىلارىنان لەي دۇڭشىڭ، شى داي، ما حانچىڭ، چىن چۇنپيڭ، جاۋ شۇيحۇي، باي شاڭچىڭ، ۋ شيۋجاڭ، ليۋ جۇن، ما زۇڭباۋ، اۆتونوميالى رايون جانە بيڭتۋان باسشىلارىنان جاڭ جۋ، ءيۇسۇپجان مامەت، ەلزات احمەتجان، قادەن كابەن، شۋە بين، قايسار ابدىكەرىم، لي جىنگو، ءمۇتالىپ ءماتتوحتى، ليۋ شينجيان قاتارلىلار قاتىستى قيمىلدارعا قاتىناستى.
