تيانشان تورى
تيانشان تورى   ›   جاڭالىقتار   ›   ەل ءىشى حابارى

2023-جىلعى جۇڭگو ماركا كۇنى قيمىلى باستالدى

  شينحۋا اگەنتتىگىنىڭ 5 - ايدىڭ 10 - كۇنى شاڭحايدان بەرگەن حابارى (تىلشىلەر چىن ۋيۋي، ساڭ تۇڭ). 2023 - جىلعى جۇڭگو ماركا كۇنى قيمىلى 5 - ايدىڭ 10 - كۇنى شاڭحايدا باستالدى، قيمىلدىڭ نەگىزگى تاقىرىبى − ”جۇڭگو ماركاسىن دۇنيە ءجۇزى بىرگە يگىلىكتەنەدى؛ ماركانىڭ جاڭا كۇشى، ساپالى جاڭا تۇرمىس“.

  قيمىلدى مەملەكەتتىك دامۋ جانە رەفورما كوميتەتى ورتالىق كوميتەت ۇگىت بولىمىمەن، ونەركاسىپ جانە ينفورماتسيالاندىرۋ مينيسترلىگىمەن، اۋىل شارۋاشىلىعى، اۋىل - قىستاق مينيسترلىگىمەن، ساۋدا ىستەرى مينيسترلىگىمەن، مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىمەن، مەملەكەتتىك بازار باقىلاۋ - باسقارۋ باس مەكەمەسىمەن، مەملەكەتتىك ءبىلىم مەنشىگى ۇقىعى مەكەمەسىمەن جانە شاڭحاي قالالىق حالىق ۇكىمەتىمەن بىرلەسىپ وتكىزدى. قيمىل 5 - ايدىڭ 14 - كۇنىنە دەيىن جالعاسىپ، 2023 - جىلعى جۇڭگو ماركا دامۋى حالىقارلىق تالقى مىنبەرى مەن جۇڭگو ماركا كورمەسىن وتكىزۋدى قامتىپ، قاتىستى تاراۋلار، جەرگىلىكتى ورىندار، ورتالىق كاسىپورىندارى، كاسىپ قوعامدارى، ماركاعا قىزمەت وتەۋ قۇرىلىمدارى سياقتىلاردى ءىس جۇزىندىكتەرىنە بىرلەستىرە وتىرىپ ەرەكشەلىككە يە ماركا جاراتۋ قيمىلدارىن وزدەرى ۇيىمداستىرىپ ورىستەتۋگە جەتەكتەيدى.

  مۇندا 2023 - جىلعى جۇڭگو ماركا دامۋى حالىقارالىق تالقى مىنبەرى ءبىر رەت نەگىزگى تالقى مىنبەرىن جانە 12 رەت بولىمشە تالقى مىنبەرىن وتكىزەدى. جۇڭگو ماركا كورمەسى ينتەرنەت جەلىسىندە، ينتەرنەت جەلىسىنەن تىسقارى كورمە تۇعىرىن قاتار ورناتادى، ينتەرنەت جەلىسىنەن تىسقارى كورمە 60 مىڭ شارشى مەتر جەردى يەلەگەن، شاڭحاي دۇنيە جۇزىلىك كورمە سارايىندا وتكىزىلەدى؛ ينتەرنەت جەلىسىندەگى كورمە ينتەرنەت جەلىسىنەن تىسقارى ناقتى كورمەنى نەگىز ەتىپ، 1900دەن استام تاڭداۋلى ماركالى كاسىپورىندى تاڭداپ كورمەگە قاتىناستىرىپ، تۇتاس جىل بويى ينتەرنەت جەلىسىندە اشىق ۇستالادى.

  مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى بىلاي دەپ تانىستىردى: 2017 - جىلدان باستاپ ەلىمىز ءار جىلى 5 - ايدىڭ 10 - كۇنىن جۇڭگو ماركا كۇنى ەتىپ بەلگىلەپ، مەملەكەتتىك دامۋ جانە رەفورما كوميتەتى قاتىستى تاراۋلارمەن جانە جەرگىلىكتى ورىندارمەن بىرگە جەلىلەس جۇڭگو ماركا كۇنى ەرەكشە قيمىلىن ۇيىمداستىرىپ ورىستەتىپ، تۇتاس قوعامدا ماركا دامۋ ۇستانىمىن كەڭىنەن تاراتىپ، ماركا دامۋ ورتاق تانىمىن ۇيىستىرىپ، ماركا جەتىلدىرۋ رايىن قالىپتاستىرىپ، ەلىمىزدىڭ ماركا قۇرىلىسىنىڭ دامۋ ونىمدىلىگىن بەلسەنە جوعارىلاتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.