باس شۋجي شي جينپيڭنىڭ شيۇڭ - ان جاڭا رايونىن جوبالاۋعا، قۇرۋعا جەتەكشىلىك ەتۋ حيكاياسى
□ شينحۋا اگەنتتىگىنىڭ تىلشىلەرى ان بەي، گاۋ جيڭ، يان فۋجيڭ، جاڭ تاۋ
5 - ايدىڭ 10 - كۇنى باس شۋجي شي جينپيڭ حىبەي ولكەسىنىڭ شيۇڭ - ان جاڭا رايونىندا قىزمەت تەكسەرىپ، شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
باس شۋجي شي جينپيڭ بىلاي دەپ باسا دارىپتەدى: شيۇڭ - ان جاڭا رايونى كەڭ كولەمدە قۇرىلىس جۇرگىزۋ مەن بەيجيڭنىڭ استانالىق ەمەس فۋنكتسيالارىن سەيىلتۋدى مىندەتىنە الۋعا تەڭ ءمان بەرۋ كەزەڭىنە ءوتتى، قىزمەت ءتۇيىنى جوعارى ساپالى قۇرىلىس جۇرگىزۋدى، جوعارى دەڭگەيدە باسقارۋدى، جوعارى ساپالى سەيىلتىپ دامىتۋدى قاتار جۇرگىزۋگە ويىستى. سەنىمدى بەكەمدەپ، تاباندىلىقتى ساقتاپ، قىزمەتتى تىڭعىلىقتى ىستەپ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، ءتۇرلى قىزمەتتە ۇزدىكسىز تىڭ ىلگەرىلەۋشىلىككە قول جەتكىزۋدى جەبەۋ كەرەك.
6 جىل، 2000 نەشە تاۋلىك. سولتۇستىك جۇڭگو جازىعىندا جاس قالا تامىر تارتىپ، وركەن جايىپ، ءوسىپ كەلەدى.
حىبەي شيۇڭ - ان جاڭا رايونىن قۇرۋ − زامانالىق ۇلى جوسپار، مەملەكەتتىڭ ءىرى ءىسى. جوسپارلاپ ورىن تاڭداۋدان جوبالاۋعا، قۇرۋعا دەيىن باس شۋجي شي جينپيڭ ءوزى شەشىم جاساپ، ءوزى ورنالاستىرىپ، ءوزى ىلگەرىلەتىپ، قىرۋار زەيىن - زەردەسىن جۇمساپ، شيۇڭ - ان جاڭا رايونىن جوبالاۋعا، قۇرۋعا جول سىلتەپ، باعدار كورسەتىپ، تۇجىرىم جاساپ، بەتالىستى يگەردى.
جوعارى باستامادا جوبالاۋ، جوعارى ولشەممەن قۇرىلىس جۇرگىزۋ، جوعارى ساپالى دامۋ، شيۇڭ - ان جاڭا رايونى سىندى وسى بولاشاقتىق قالا ارشىندى قاداممەن كەلە جاتىر.
(1) شەشىم
”بۇل پارتيا 18 - قۇرىلتايىنان كەيىن ورتالىق يگەرىپ وتىرعان جاڭا رايون قۇرىلىسى. شيۇڭ - ان جاڭا رايونى پارتيا ورتالىق كوميتەتى بەكىتكەن استانانىڭ يقۋاتىن كەڭەيتۋ رايونى، بۇل شاڭحايدىڭ پۋدۇڭى، گۋاڭدۇڭنىڭ شىنجىنى سياقتى مەملەكەتتىك مانگە يە، وسى ورىن تۇراقتاندىرۋدى، ءسوز جوق، ويداعىداي يگەرۋ كەرەك“.
بۇل ءبىر رەتكى ەرەكشە قىزمەت تەكسەرۋ، تەكسەرۋ - زەرتتەۋ بولدى.
2017 - جىلى 2 - ايدىڭ 23 - كۇنى تۇستەن بۇرىن باس شۋجي شي جينپيڭ جۇڭنانحايدان اتتانىپ، اۆتوكولىكپەن 100 كيلومەتردەن استام جول باسىپ، حىبەي ولكەسىنىڭ انشين اۋدانىنا ارنايى باردى.
وسى كۇنى سولتۇستىك جۇڭگو جازىعىندا قار تولاستاپ، كۇن شايداي اشىلىپ، كۇللى تىرشىلىك نارگە بولەنگەن ەدى. باس شۋجي شي جينپيڭ داۋاڭ قالاشىعىنىڭ شياۋۋاڭيىڭ قىستاعىنداعى ءبىر اشىق جەرگە بارىپ، سول جەردىڭ وزىندە تەكسەرىپ كوردى. مىنە وسى ارا جوباداعى شيۇڭ - ان جاڭا رايونى ىسكە كىرىسۋ رايونىنىڭ وزەكتى جەرى ەدى.
جايىلعان جوبا كارتاسىنىڭ الدىندا باس شۋجي شي جينپيڭ رايون ورنىن، جوبا جاعدايىن ەگجەي - تەگجەيلى كورىپ، حالىقتى كوشىرىپ ورنالاستىرۋ، ءوڭىر كولەمىندەگى گەولوگيا، سۋ رايى شارت - جاعدايى سياقتىلاردىڭ احۋالىن تاپتىشتەي ۇعىستى.
”بۇل جەردەگى بۇقارانىڭ تۇرمىس جاعدايى قانداي؟ جان سانىنىڭ تىعىزدىعى قانشالىق؟ قانشا ادام كوشىرىلەدى؟“ دەپ باس شۋجي شي جينپيڭ ەگجەي - تەگجەيلى سۇراپ ۇعىستى. ول بىلاي دەپ تاپسىردى: شيۇڭ - ان جاڭا رايونىن قۇرۋدا، ءسوز جوق، بۇقارانى اناعۇرلىم كوپ يگىلىككە كەنەلتۋ، شىنايى تابىس سەزىمىنە بولەۋ كەرەك.
سول كۇنى تۇستە باس شۋجي شي جينپيڭ انشين اۋدانىندا شاعىن اڭگىمە ءماجىلىسىن باسقارىپ اشتى. باس شۋجي بىلاي دەپ باسا دارىپتەدى: شيۇڭ - ان جاڭا رايونىن جوبالاۋ، قۇرۋ − كەلەلى تاريحي مانگە يە ستراتەگيالىق تالعام، بەيجيڭنىڭ استانالىق ەمەس فۋنكتسيالارىن سەيىلتۋدەگى، بەيجيڭ، تيانجين، حىبەيدىڭ سايكەستى دامۋىن ىلگەرىلەتۋدەگى تاريحي ينجەنەريا.
ءبىر ايدان استام ۋاقىتتان كەيىن، 2017 - جىلى 4 - ايدىڭ 1 - كۇنى شينحۋا اگەنتتىگى جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ حىبەي شيۇڭ - ان جاڭا رايونىن قۇرۋدى ۇيعارعانىن بەرىلگەن ۇقىق بويىنشا جاريالادى.
شيۇڭ - ان دەگەن ات ”شيۇڭشيان اۋدانى“، ”انشين اۋدانى“ دەگەن جەر اتتارىنان ءبىر - ءبىر ءارىپ الۋ ارقىلى قويىلعان، تاريحقا قۇرمەت ەتىلۋمەن بىرگە، جاقسىلىق ماعىناسىنا دا يە.
سونىمەن شيۇڭ - ان سىندى وسى جاڭا قالادا بولاشاققا ىقپال جاسايتىن كۇش - قۋات تۋىنداپ جەتىلە باستادى.
ءبىر داۋىردە سول ءداۋىردىڭ دامۋ ۇلگىسى بولۋعا ءتيىس.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بەيجيڭ، تيانجين، حىبەيدىڭ سايكەستى دامۋىن ىلگەرىلەتۋ كەلەلى ستراتەگياسىن ورنالاستىردى، مۇنىڭ وزەگى − بەيجيڭنىڭ استانالىق ەمەس فۋنكتسيالارىن سەيىلتۋ، جان سانى، ەكونوميكا شوعىرلانعان ءوڭىردى ساپالىلاندىرىپ وركەندەتۋ ۇلگىسى جونىندە ىزدەنىس جاساۋ ارقىلى ”ءىرى قالا كىناراتىن“ شەشۋدىڭ جۇڭگوشا جولىن اشۋ.
ءداۋىردىڭ بىرتىندەپ دامۋى بارىسىندا سان عاسىرلىق بايىرعى قالانىڭ تاريحي ءمان - جايىن قالاي ايگىلەۋگە بولادى؟ ۇلتتىڭ گۇلدەنۋى جولىندا جەدەل ىلگەرىلەپ بارا جاتقان جۇڭگو قانداي استانا قۇرادى؟ قايتكەندە قالانى جوبالاۋداعى، قۇرۋداعى قيىن ماسەلەلەردى شەشۋ ارقىلى سايكەستى دامۋدى ىلگەرىلەتۋگە بولادى؟ ءبىر قىدىرۋ داۋىرلىك سۇراۋلار باس شۋجي شي جينپيڭنىڭ كوكەيىنەن شىقپادى.
تيانجينگە بارىپ تەكسەرۋ - زەرتتەۋ جۇرگىزىپ، حىبەيدىڭ دامۋ ماسەلەسىن زەرتتەپ، استانا بەيجيڭدە قىزمەت تەكسەردى... بەيجيڭدى، تيانجيندى، حىبەيدى سايكەستىرە دامىتۋ ستراتەگياسىن اتقارۋدى ىلگەرىلەتۋ بارىسىندا بەيجيڭنىڭ استانالىق ەمەس فۋنكتسيالارىن سەيىلتۋدى شوعىرلى ارقالايتىن رايوندى تاڭداۋ ويى دا بىرتىندەپ سۇلبالاندى.
”استانانىڭ وزەكتى فۋنكتسياسىنا تاباندى بولىپ جانە ونى كۇشەيتىپ، استاناعا ۇيلەسپەيتىن فۋنكتسيالاردى رەتتەپ جانە السىرەتىپ، ءىشىنارا فۋنكتسيالاردى حىبەيگە، تيانجينگە كوشىرۋ كەرەك، مىنە بۇل دايۇيدىڭ سۋدى تىزگىندەۋ قاعيداسى“، - دەدى باس شۋجي شي جينپيڭ ىشكەرىلەي اتاپ كورسەتىپ.
باعدار بارعان سايىن انىق بولىپ، وي جەلىسى اناعۇرلىم ايقىندالدى، بەيجيڭنەن تىسقارى جاڭا قالا قۇرۋ ستراتەگيالىق ويى بىرتىندەپ پىسىپ جەتىلدى.
”كوپ ءتۇيىن، ءبىر قالا، كونە قالانى جاڭادان قۇرۋ“ − 2015 - جىلى 2 - ايدىڭ 10 - كۇنى ورتالىق كوميتەت قازىنا - ەكونوميكا باسشىلىق گرۋپپاسىنىڭ 9 - رەتكى ءماجىلىسى بەيجيڭدى، تيانجيندى، حىبەيدى سايكەستىرە دامىتۋ جوبا باعدارلاماسىن قارادى، اقىلداستى، باس شۋجي شي جينپيڭ سوزىندە وسى وي جەلىسىن العا قويدى. ”ءبىر قالا“ دەگەندە بەيجيڭنەن تىسقارى جاڭا قالا قۇرۋ ماسەلەسى جونىندە زەرتتەۋ جۇرگىزىپ، وي جۇگىرتۋ قاجەت.
2015 - جىلى 2 - ايدىڭ 10 - كۇنى ورتالىق كوميتەت قازىنا - ەكونوميكا باسشىلىق گرۋپپاسىنىڭ 9 - رەتكى ءماجىلىسى؛ 2015 - جىلى 4 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسى؛ 2015 - جىلى 4 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى... قىسقا عانا 2 ايدان استام ۋاقىتتا باس شۋجي شي جينپيڭ ىلگەرىندى - كەيىندى 3 رەت ماڭىزدى ءماجىلىستى باسقارىپ اشىپ، «بەيجيڭدى، تيانجيندى، حىبەيدى سايكەستىرە دامىتۋ جوبا باعدارلاماسىن» اقىلداستى.
باس شۋجي شي جينپيڭ مىناداي ايقىن باعدار كورسەتتى: ”جاڭا قالا ماسەلەسىن ىشكەرىلەي زەرتتەپ دالەلدەۋ كەرەك، حىبەيدىڭ ۇيلەسىمدى جەرىندە جوبا جاساپ، جاڭا دامۋ ۇستانىمىنىڭ جەتەكشىلىگىندە وسى زامانعى جاڭا قالا قۇرۋدى ويلاسۋعا بولادى“.
«بەيجيڭدى، تيانجيندى، حىبەيدى سايكەستىرە دامىتۋ جوبا باعدارلاماسىنىڭ» 2015 - جىلى 6 - ايدا باسىلىپ تاراتىلۋى باس شۋجي شي جينپيڭنىڭ ستراتەگيالىق ويىن تولىق ايگىلەدى، مۇندا ”ىشكەرىلەي زەرتتەپ، عىلمي دالەلدەپ، نەداۋىر كولەمگە يە، سەيىلتىلەتىن جەردىڭ دامۋ ورتاسىمەن قارايلاس كەلەتىن شوعىرلى ارقالاۋ رايونىن جوبالاۋ، قۇرۋ كەرەك“ دەپ ايقىن العا قويىلدى.
شوعىرلى ارقالاۋ رايونىن قايدان تاڭداعان ءجون؟ نەندەي ورىن تۇراقتاندىرۋمەن جارىققا شىعادى؟
وسى تاريحي تالعام جۇرەكتىلىكتى عانا ەمەس، ودان دا ماڭىزدىسى، اقىل - پاراساتتى قاجەت ەتەدى.
باس شۋجي شي جينپيڭنىڭ ماڭىزدى نۇسقاۋى بويىنشا، بەيجيڭدى، تيانجيندى، حىبەيدى سايكەستىرە دامىتۋ باسشىلىق گرۋپپاسى مەملەكەتتىك كەڭەستىڭ قاتىستى تاراۋلارى، حىبەي ولكەسى، بەيجيڭدى، تيانجيندى، حىبەيدى سايكەستىرە دامىتۋداعى ماماندار كەڭەس بەرۋ كوميتەتى سياقتى قاتىستى جاقتاردى تالاي رەت ۇيىمداستىرىپ، ارناۋلى تاقىرىپتىق ءماجىلىس جانە شاعىن كولەمدى ءماجىلىس اشتى، جاڭا رايوننىڭ ورنىن تاڭداۋدا وڭىرلىك ورىن، قاتىناس، جەر، سۋ بايلىعى جانە ەنەرگيا قامتاماسىزدىعى، قورشاعان ورتا قۋاتى، جان سانى جانە ەكونوميكالىق، قوعامدىق دامۋ جاعدايى سياقتى فاكتورلاردى جان - جاقتى ەسكەرىپ، نەشە دۇركىن سالىستىرىپ، قايتا - قايتا دالەلدەۋ جۇرگىزدى.
تالاي ماڭىزدى ءسوز سويلەندى، تالاي رەت عىلمي دالەلدەۋ جۇرگىزىلدى، قادام سايىن ىشكەرىلەي ىلگەرىلەتىلدى... وي جۇگىرتۋدەن جوسپارلاۋعا دەيىن، بەكىتۋدەن جوبالاۋعا دەيىن تالاپ قويۋدان ورنالاستىرۋعا دەيىن، باس شۋجي شي جينپيڭنىڭ جاڭا رايون قۇرۋ جونىندەگى ستراتەگيالىق ويى ۇزدىكسىز تەرەڭدەدى، ويعا العانى بىرتىندەپ رەالدىققا اينالدى.
بەيجيڭنىڭ استانالىق ەمەس فۋنكتسياسىن شوعىرلى ارقالايتىن جاڭا رايون رەتىندە تاڭدالاتىن جەر تىم الىس بولماۋى ءارى وتە جاقىن بولماۋى كەرەك. وتە جاقىن بولسا وڭاي تۇتاسىپ كەتەدى دە، سەيىلتۋ ماقساتىنا جەتە الماي قالامىز؛ تىم الىس بولسا بەيجيڭنىڭ جەبەۋى مەن باستاماشىلدىق ەتۋىن قابىلداۋى قيىنعا سوعادى دا، استانالىق ەمەس فۋنكتسيالاردى اناعۇرلىم ويداعىداي ارقالاۋ جانە ويىستىرۋ مۇمكىندىگى بولمايدى.
بىرنەشە جوبانى سالىستىرا كەلە ”شيۇڭشيان − رۇڭچىڭ − انشين“ دەگەن وسى جوبا بىرتىندەپ تۇراقتانىپ، اقىرىندا وزگەدەن وزىپ شىقتى. بەيجيڭ، تيانجين، باۋديڭنىڭ قويناۋىنداعى وسى جەردىڭ ءار جاقتاعى باسىمدىعى كورنەكتى، جەر، سۋ يگىلىگى، قورشاعان ورتا، گەولوگيا جاقتارىنداعى تىرەكتىك شارت - جاعدايى تاماشا، دامۋ ءورىسى جەتكىلىكتى...
2016 - جىلى 5 - ايدىڭ 27 - كۇنى، بۇل حىبەي شيۇڭ - ان جاڭا رايونىن قۇرۋدى اقىلداسقان ماڭىزدى كۇن سانالادى −
سول كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى جۇڭنانحايدىڭ حۋايرىنتاڭىندا اشىلىپ، «بەيجيڭ قالاسىنىڭ قوسالقى ورتالىعىن جوبالاۋعا، قۇرۋعا جانە حىبەي شيۇڭ - ان جاڭا رايونىن اقىلداسىپ قۇرۋعا قاتىستى احۋالدار جونىندەگى مالىمەت» قارالدى. ”شيۇڭ - ان جاڭا رايونى“ مالىمەتتىڭ تاقىرىبىندا تۇڭعىش رەت بوي كورسەتتى.
بۇل رەتكى ماجىلىستە باس شۋجي شي جينپيڭ بىلاي دەپ اتاپ كورسەتتى: ”بۇل پارتيا 18 - قۇرىلتايىنان كەيىن ورتالىق يگەرىپ وتىرعان جاڭا رايون قۇرىلىسى. شيۇڭ - ان جاڭا رايونى پارتيا ورتالىق كوميتەتى بەكىتكەن استانانىڭ يقۋاتىن كەڭەيتۋ رايونى، بۇل شاڭحايدىڭ پۋدۇڭى، گۋاڭدۇڭنىڭ شىنجىنى سياقتى مەملەكەتتىك مانگە يە، وسى ورىن تۇراقتاندىرۋدى، ءسوز جوق، ويداعىداي يگەرۋ كەرەك“.
شيۇڭ - ان جاڭا رايونىن جوسپارلاۋدان قۇرۋعا دەيىنگى بارىستى ەسكە العاندا، بەيجيڭدى، تيانجيندى، حىبەيدى سايكەستىرە دامىتۋ ماماندار كەڭەس بەرۋ كوميتەتىنىڭ ورىنباسار گرۋپپا باستىعى، جۇڭگو ينجەنەريا اكادەمياسىنىڭ اكادەميگى ۋ حىچۋان بىلاي دەدى: ”زامانالىق ۇلى جوسپار باس شۋجي شي جينپيڭنىڭ ۇلتقا جانە تاريحقا جاۋاپتى بولۋ پوزيتسياسىن ايگىلەدى. ءبىزدىڭ شيۇڭ - ان جاڭا رايونىنان كۇتەر ءۇمىتىمىز استە بەيجيڭ، تيانجين، حىبەيدىڭ ءبىر جاڭا رايونى عانا ەمەس، ءبىز ونان دا ۇزاققا كوز جىبەرۋىمىز كەرەك، ونىڭ جاڭا كەزەڭدەگى بۇكىل ەلدىڭ دامۋىندا ۇلگىلىك رول اتقارۋىن ءۇمىت ەتەمىز“.
سان عاسىرلىق قالا ساپارى وسىلايشا باستالدى.
(2) جوبا
”ەڭ وزىق ۇستانىم جانە حالىقاراداعى بىرەگەي ولشەم بويىنشا جوسپار - جوبا جاساۋعا، قۇرىلىس جۇرگىزۋگە تاباندى بولۋ، تاريحتىڭ سىنىنان وتە الاتىن ەتۋ كەرەك“.
جاز باسىندا بايياڭدياندا كوگىلدىر تولقىن بۇيرالانا تولقىپ، سۋ قۇستارى اسىر سالۋدا. كەمە تۇراقتان كەمەگە وتىرىپ جولعا شىققاننان كەيىن، جارتى ساعاتتا جاۋجۋاڭزى قىستاعىنا كەلدى − بۇل ”بالا جاۋىنگەر جاڭ گا“ فيلمىنە ارقاۋ بولعان مەكەن.
2017 - جىلى 2 - ايدىڭ 23 - كۇنى باس شۋجي شي جينپيڭ شيۇڭ - ان جاڭا رايونىنىڭ قۇرىلىس جوباسىن ناقتى ورىندا تەكسەرگەندە بايياڭديانعا ارنايى باردى. بۇل باس شۋجيدىڭ بۇل اراعا تۇڭعىش رەت كەلۋى. ول بىلاي دەدى: ”بالا كەزىمدە بالا جاۋىنگەر جاڭ گانىڭ اڭگىمەسىن وقىعان سوڭ وسى جەردى ايرىقشا اڭساعان ەدىم. كەزىندە حىبەيدىڭ جىڭديڭىندا قىزمەت ىستەگەن بولسام دا، كەلۋ ورايى بولمادى“.
باس شۋجي شي جينپيڭ انشين اۋدانىنىڭ جياۋيە باقشاسىنداعى بايياڭديان ۇلكەن توسپاسىنان وتكەندە، ۇزىننان - ۇزاققا سوزىلعان اعاش شارباق جولمەن ءجۇرىپ كولدىڭ تەرەڭ جەرىنە كەلدى. ول اعاشتان سالىنعان تاماشالاۋ تەكشەسىنە شىعىپ، كەڭ كوسىلگەن بايياڭديانعا اينالا كوز جىبەرگەندە كۇن نۇرىمەن شاعىلىسا مولدىرەگەن تولقىنداردى عانا كوردى، ءالى كوكتەي قويماعان قامىستى قويناۋ كۇن نۇرىندا التىنداي جارقىراپ كوز ۇيالتادى.
توعىز وزەننىڭ توعىسقان جەرى، ”سولتۇستىكتەگى شيحۋ“. ”سولتۇستىك جۇڭگو مەرۋەرتى“ اتانعان بايياڭديان ورىن العان شيۇڭ - ان جاڭا رايونى تابيعي ەكولوگيالىق باسىمدىققا يە. الايدا بۇرىن ءبىر مەزەت بايياڭديان دا سۋى تارتىلۋ، لاستانۋ سياقتىلاردىڭ قاتەرىنە ۇشىراعان ەدى.
وسى جولعى تەكسەرۋدە باس شۋجي شي جينپيڭ بىلاي دەپ اتاپ كورسەتتى: شيۇڭ - ان جاڭا رايونىن قۇرۋدا، ءسوز جوق، بايياڭدياندى ويداعىداي قالپىنا كەلتىرۋ، ويداعىداي قورعاۋ كەرەك. بولاشاق قالا بايياڭديانعا وتە جاقىن بولادى، سوندىقتان قورعاۋ بەلدەۋىن قالدىرۋ كەرەك. قاتاڭ باسقارۋ ءادىسىن شىعارۋ، ىشىنە قاراي لاس سۋ ىعىستىرۋعا استە جول بەرمەۋ، ورىنسىز بۇلدىرۋگە استە جول بەرمەۋ كەرەك.
2 جىلدان كەيىن، ياعني 2019 - جىلى 1 - ايدا باس شۋجي شي جينپيڭ شيۇڭ - ان جاڭا رايونىنا تاعى كەلىپ قىزمەت تەكسەردى. جاڭا رايوندا قالا مەن كولدىڭ قاتىناسىن كۇش سالا ءبىر جايلى ەتۋ جونىندە توقتالعاندا باس شۋجي ورىن تاڭداعانداعى ويىن اڭگىمەلەدى: ”سول كەزدە وسى جەردى تاڭداعاندا بايياڭديانعا زيان جەتكىزۋ ەمەس، قايتا بايياڭدياندى قورعاۋ ەسكەرىلگەن. قالا مەن كول ءبىرىن - ءبىرى ايشىقتاپ، ءوزارا ۇشتاسۋى كەرەك“.
رۇڭچىڭ اۋدانى چيۋشياۋۋاڭ قىستاعىنىڭ تۇرعىنى چيۋ شياڭگو كەزىندە ورمان قورعاۋشى بولاتىن، ول باس شۋجي شي جينپيڭمەن جۇزدەسكەن كەزىن ءجيى ەسكە الادى.
2019 - جىلى 1 - ايدىڭ 16 - كۇنى باس شۋجي شي جينپيڭ ”زامانالىق شيۋلين“ اتانعان داچيڭحى ورمان اۋماعىنىڭ 1 - رايونىنداعى ورمان وتىرعىزۋ وڭىرىنە بارىپ، ورمان ءوڭىرىن اۆتوكولىكپەن ارالاپ ورماننىڭ ءوسۋ جاعدايىن تەكسەرىپ كوردى، شيۋلين بەكەتى تەكشەسىنە شىعىپ ورمان رايونىنىڭ تۇتاس كورىنىسىنە الىستان كوز جىبەردى.
باس شۋجي شي جينپيڭ بىلاي دەدى: تاماشا ەكولوگيالىق ورتا − شيۇڭ - ان جاڭا رايونىنىڭ ماڭىزدى قۇنىنىڭ بەينەلەنۋى. ”زامانالىق ۇلى جوسپار“ ”زامانالىق شيۋليننەن“ باستالادى، جاسىل جامىلعى مەن تۇنىق سۋ ۇشتاسقان، ادام مەن تابيعات جاراسىمدى قاتار ءومىر سۇرەتىن كوركەم كارتينانى ۇزدىكسىز كەستەلەۋگە قۇلشىنۋ كەرەك.
6 جىلدان بەرى سۋ تولىقتاۋ، لاستانۋدى وڭاۋ، تاسقىننان ساقتانۋ سىندى ”ءۇشتى ءبىر تۇلعالاندىرا“ ءبىر تۇتاس جوسپارلاپ جوبالاۋعا، سايكەستى ىلگەرىلەتۋگە تاباندى بولۋ ارقىلى بايياڭدياندا تاريحتان بەرگى كولەمى ەڭ زور بولعان ەكولوگيانى جۇيەلى وڭاۋ جۇرگىزىلىپ، سۋ ساپاسى ناشار V تۇردەن Ⅲ تۇردەگى ولشەمگە جوعارىلاپ، جابايى قۇستاردىڭ ءتۇرى 252 تۇرگە جەتىپ، جاڭا رايون قۇرىلۋدىڭ الدىنداعىدان 46 ءتۇر كوبەيدى... ”سولتۇستىك جۇڭگونىڭ بۇيرەگى“ سىندى يقۋاتى باستاپقى قادامدا قالپىنا كەلىپ، كول رايونىنىڭ كورىنىسى قۇلپىرا ءتۇستى.
6 جىلدان بەرى ”زامانالىق شيۋلين“ ينجەنەرياسى بويىنشا 470 مىڭ مۋدان استام جەرگە ورمان وتىرعىزىلىپ، شيۇڭ - ان جاڭا رايونىنىڭ ورمانمەن كومكەرىلۋ مولشەرى ％11تەن ％34كە جوعارىلاپ، ”قالا ورمان اراسىنان كورىنەتىن، ادامدار كورىنىس ىشىندە جۇرەتىن“ تاماشا بەينە قالىپتاستى.
”شيۋليننىڭ اعاشتارى وسكەن سايىن جۋانداپ، كول سۋى بارعان سايىن تۇنىدى، كوپشىلىك باس شۋجيدىڭ تاعى كەلىپ كورۋىن اسىعا كۇتۋدە“، - دەدى چيۋ شياڭگو.
قۇرىلىس جۇرگىزۋدە الدىمەن جوبا جاسالدى؛ قۇرىلىس باستاۋدا ەكولوگياعا الدىمەن ءمان بەرىلدى.
باس شۋجي شي جينپيڭ قالا جوباسىنىڭ ەكونوميكالىق، قوعامدىق دامۋداعى جەتەكشىلىك رولىنا ايرىقشا ءمان بەردى، شيۇڭ - ان جاڭا رايونىن جوسپارلاۋ، قۇرۋدى جانە جوبالاۋ، سالۋدى ىلگەرىلەتۋ جونىندەگى بىرنەشە رەتكى ماڭىزدى ماجىلىستە باس شۋجي مىنالاردى قايتا - قايتا باسا دارىپتەدى: ”ءار سۇيەم جەردى انىق جوبالاعاننان كەيىن قۇرىلىس باستاۋ كەرەك“، ”دەن قويا ىلگەرىلەتىپ تاريحي وكىنىش قالدىرماۋ كەرەك“، ”ەڭ وزىق ۇستانىم جانە حالىقاراداعى بىرەگەي ولشەم بويىنشا جوبا - جوسپار جاساۋعا، قۇرىلىس جۇرگىزۋگە تاباندى بولىپ، تاريحتىڭ سىنىنان وتە الاتىن ەتۋ كەرەك“.
باس شۋجي بىلاي دەپ باسا دارىپتەدى: شيۇڭ - ان جاڭا رايونىن قۇرۋ − تاريحي ينجەنەريا، ءسوزسىز، تاريحي سابىرلىلىقتى ساقتاۋ كەرەك.
6 جىلدا ” ەڭبەك ماعان جازىلماسا دا بولادى“ دەيتىن رۋحاني دەڭگەي مەن ”ەڭبەك كورسەتۋدە مەن بولماسام بولمايدى“ دەيتىن تاريحي جاۋاپكەرشىلىك شيۇڭ - ان جاڭا رايونىندا جاندى ايگىلەندى.
ەندى عانا ءوتىپ كەتكەن ”1 - مامىر“ دەمالىسىندا كۇنى كەشەگى بايىرعى توڭكەرىستىك رايون قىرۋار ساياحاتشىنى باۋراپ، قىستاقتاعى شارۋالار شاتتىعى ساياجايلارى ساياحاتشىعا لىق تولدى. ”6 جىلدىڭ الدىندا اۋىلداستار ءبىر اراعا جينالىپ مەكەندەرىنىڭ بولاشاعىن كوسىلە اڭگىمە ەتەتىن، ال قازىر كوپشىلىك ەكولوگيانىڭ يگىلىگىن كورىپ، تاماشا تۇرمىس كەشىرۋدە“، - دەدى بايياڭديان كول ءوڭىرىنىڭ قويناۋىنداعى جاۋجۋاڭزى قىستاعى پارتيا ياچەيكاسىنىڭ ورىنباسار شۋجيى جاۋ ۋىنشياڭ.
”الەمدىك كوز ايا، حالىقارالىق ولشەم، جۇڭگوشا ەرەكشەلىك، جوعارى ورىن تۇراقتاندىرۋ، ايبىندى جوبانى سوڭىنا دەيىن جالعاستىرۋعا تاباندى بولىپ، شيۇڭ - ان جاڭا رايونى جوباسىن جاساۋعا قاتىناسۋ مەنىڭ كاسىپتىك ومىرىمدەگى ەڭ ماڭىزدى بەلەس بولدى“، - دەدى جۇڭگو قالا جوباسىن جاساۋ زەرتتەۋ اكادەمياسى شيۇڭ - ان زەرتتەۋ ورنىنىڭ اتقارۋشى ورىنباسار باستىعى يىن حۇيلياڭ قاتتى تەبىرەنە.
جاڭا رايوننىڭ جوبا جۇيەسىن جاساۋعا ىلگەرىندى - كەيىندى 60 نەشە اكادەميك، ەل ءىشى - سىرتىنان 200 نەشە ۇجىم، 3500 نەشە مامان جانە تەحنيك قاتىناستى؛ «حىبەي شيۇڭ - ان جاڭا رايونى جوبا باعدارلاماسىنىڭ» ءبىر تۇتاس جەتەكشىلىگىندە ”N+4+1“ جوبا جۇيەسى بىرتىندەپ قالىپتاسىپ، جاڭا رايوننىڭ بەيجيڭنىڭ استانالىق ەمەس فۋنكتسيالارىن سەيىلتۋدى ورنىقتى ارقالاۋىنا، جوعارى ولشەممەن جوبالاۋدى، جوعارى ساپالى قۇرىلىس جۇرگىزۋدى جۇزەگە اسىرۋىنا بەرىك نەگىز قالاندى.
2018 - جىلى 2 - ايدىڭ 22 - كۇنى جۇڭنانحاي. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ، حىبەي شيۇڭ - ان جاڭا رايونى جوباسىن جاساۋ جاعدايىنان بەرىلگەن مالىمەتتى تىڭدادى.
باس شۋجي شي جينپيڭ بىلاي دەپ باسا دارىپتەدى: رەفورما جاساعان، ەسىك اشقان العاشقى كەزدە شىنجىن ەكونوميكالىق ەرەكشە رايونى قۇرىلىپ، شىنجىن جىلدامدىعى جاراتىلعان ەدى، 40 جىلدان كەيىنگى بۇگىنگى كۇندە ءبىز شيۇڭ - ان جاڭا رايونىن قۇرۋدا 2035 - جىلعا دەيىنگى جانە وسى عاسىردىڭ ورتا شەنىنە دەيىنگى ”ەكى قادامعا ءبولىپ ءجۇرۋ“ نىساناسىن كوزدەپ، ”شيۇڭ - ان ساپاسىن“ جاراتىپ، جوعارى ساپالى دامۋدى ىلگەرىلەتۋ جاعىندا بۇكىل ەلدىڭ ۇلگىسىنە اينالدىرۋىمىز كەرەك.
2018 - جىلى 4 - ايدىڭ 21 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس بەكىتىپ ماقۇلداعان «حىبەي شيۇڭ - ان جاڭا رايونى جوبا باعدارلاماسىنىڭ» تولىق مازمۇنى جاريالانىپ، شيۇڭ - ان جاڭا رايونىنىڭ جوباسى جۇرتقا رەسمي كورسەتىلدى.
ۇزاق ۋاقىتتى تياناق ەتىپ، شيۇڭ - اندى كوركەيتتى.
2019 - جىلى 1 - ايدا شيۇڭ - ان جاڭا رايونى جوباسىن كورسەتۋ ورتالىعىندا باس شۋجي شي جينپيڭ كورمە تاقتاسىنداعى «حىبەي شيۇڭ - ان جاڭا رايونى جوبا باعدارلاماسىنا» زەر سالا كوز جۇگىرتتى.
باس شۋجي شي جينپيڭ بىلاي دەپ باسا دارىپتەدى: شيۇڭ - ان جاڭا رايونىن قۇرۋ − زامانالىق ۇلى جوسپار. جاڭا رايوندا، ەڭ اۋەلى، جوبا جاڭا بولۋ، قۇرىلىس جاڭا بولۋ ۇستانىمدا بەينەلەنۋگە ءتيىس، كورەگەندىك، جەتەكشىلىك سيپات ايگىلەنۋى كەرەك.
باس شۋجي شي جينپيڭ بىلاي دەدى: ”وسى 2 جىلدا بىرەر كەرپىش تە جىلجىتىلمادى. قازىر جوبا جاسالىپ، شيۇڭ - ان جوعارى دەڭگەيدە جوبالاۋ كەزەڭىنەن ماندىك قۇرىلىس جۇرگىزۋ كەزەڭىنە بۇرىلىس جاسادى، بيىل دابىرالى جاعداي جارىققا شىعۋى مۇمكىن“.
جوبا كەسكىندەلدى، بارابان سوعىلىپ جورىق جاساۋعا ۇندەۋدە.
(3) قۇرىلىس
”جاڭا دامۋ ۇستانىمىن جاپپاي دايەكتىلەندىرىپ، جوعارى ساپالى دامۋ تالابىنا تاباندى بولىپ، جاڭا داۋىردەگى جوعارى ساپالى دامۋدىڭ ولشەمىن قۇلشىنا تۇلعالاۋ كەرەك“.
تاڭەرتەڭ ساعات 6دان 50 مينۋت وتكەندە فۋشيڭ اتتى جوعارى جىلدامدىقتى پويەز شيۇڭ - ان ۆوگزالىنان باياۋ قوزعالىپ استانا بەيجيڭگە قاراي زىمىراي جونەلدى. تاڭ ارايىندا سۋ تامشىسى فورماسىنداعى شيۇڭ - ان ۆوگزالىنىڭ اق سۇر ءتۇستى قۇرىلىسى ەرەكشە كوز تارتىپ تۇر، ول بەينە بايياڭديانداعى شامگۇل جاپىراعىنىڭ ۇستىندەگى ءبىر تامشى شىقتان اۋمايتىن ەدى.
ياڭ بين كەزىندە بەيجيڭ − شيۇڭ - ان قالا ارالىق تەمىر جول قۇرىلىسى قولباسشىلىق شتابىنىڭ قولباسشىسى بولعان. ول قاستەرلەپ ساقتاعان ءبىر بەينەجازبادا ”كوك شامگۇلدىڭ ۇستىندەگى ءمولدىر شىق“ ءالى دە ءبىر قۇرىلىس ورنى ەدى. ”سول كەزدە ءبىز وسىندا تۇردىق، باس شۋجي بىزبەن بەينە ەكران جالعانىمى ارقىلى حابارلاستى“.
باس شۋجي شي جينپيڭ 2019 - جىلى 1 - ايدىڭ 16 - كۇنى شيۇڭ - ان جاڭا رايونىندا تەكسەرۋ - زەرتتەۋ جۇرگىزگەندە جاڭا رايون جوباسىن كورسەتۋ ورتالىعىنا بارىپ، سول جەردەگى ۇلكەن ەكران ارقىلى بەيجيڭ − شيۇڭ - ان قالا ارالىق تەمىرجولىنىڭ شيۇڭ - ان ۆوگزالى سالىنىپ جاتقان جەردەگى قۇرىلىسشىلارمەن حابارلاسقان ەدى.
بەينە ەكران جالعانعان ساتتە قۇرىلىس ورنى دۋمانعا بولەندى.
”بەيجيڭ − شيۇڭ - ان قالا ارالىق تەمىر جولى 2018 - جىلى 2 - ايدىڭ 28 - كۇنى سالىنا باستاعان، 2020 - جىلدىڭ سوڭىندا جالپى تەمىر جول جەلىسىنىڭ قۇرىلىسىن اياقتاتىپ پويەز قاتىناتۋ جوسپارلانعان“. ساقتىق قالپاعىن كيگەن ياڭ بين سورەنىڭ الدىندا تۇرىپ ءور داۋىسپەن: ”جولداستار سەنىمدەرىڭىز بار ما؟“، - دەدى. ”بار!“ دەپ اسقاق داۋىسپەن بەرىلگەن جاۋاپ جالپاق دالانى جاڭعىرتتى.
وسى كورىنىستى كورگەندە باس شۋجي شي جينپيڭ تەبىرەنە بىلاي دەدى: قازىر قاقاعان قىس بولعانىمەن، ءبىزدىڭ تەمىرجول قۇرىلىسشىلارىمىز ءالى دە قاجىرلىلىقپەن ەڭبەك ەتۋدە. سىزدەر شيۇڭ - ان جاڭا رايونىنىڭ قۇرىلىسى سىندى ”زامانالىق ۇلى جوسپار“ ءۇشىن جول اشىپ الدا ءجۇرۋ قىزمەتىن ىستەپ جاتىرسىزدار، وشپەس ەڭبەك سىڭىردىڭىزدەر، بۇكىل ەل حالقى سىزدەردەن قۋانىشتى حابار كۇتەدى!
ءبىر جىلدان ارتىق ۋاقىتتان كەيىن قۋانىشتى حابار كەلدى. 2020 - جىلى 12 - ايدىڭ 27 - كۇنى بەيجيڭ − شيۇڭ - ان قالا ارالىق تەمىر جولىنىڭ جالپى جەلىسى ىسكە قوسىلىپ، قالىڭ قۇرىلىسشىلار قوس قولدارىمەن بەيجيڭ مەن شيۇڭ - اندى جالعايتىن ”جۇڭگو جىلدامدىعىن“ جاراتتى.
باس شۋجي شي جينپيڭ شيۇڭ - ان جاڭا رايونىنا شىنايى ءۇمىت ارتىپ بىلاي دەدى: ”جاڭا دامۋ ۇستانىمىن جاپپاي دايەكتىلەندىرىپ، جوعارى ساپالى دامۋ تالابىنا تاباندى بولىپ، جاڭا داۋىردەگى جوعارى ساپالى دامۋدىڭ ۇلگىسىن قۇلشىنا قالىپتاستىرۋ كەرەك“.
”جاسىل، ەكولوگيالىق، قونىسقا جايلى جاڭا قالا رايونى“، ”دامۋعا جاڭالىق اشۋ ارقىلى دەم بەرۋگە جەتەكشىلىك ەتۋ رايونى“، ”سايكەستى دامۋدان ۇلگى كورسەتۋ رايونى“، ”ەسىك اشا دامۋداعى باستاماشى رايون“، شيۇڭ - ان جاڭا رايونىنىڭ دامۋ ورنىنىڭ تۇراقتاندىرىلۋى جاڭا داۋىردەگى جوعارى ساپالى دامۋ ولشەمىنىڭ باي وزىندىك مازمۇنىن جاندى تۇردە ءتۇسىندىردى.
سايكەستى دامۋدىڭ ءوزى ءبىر تەرەڭ قاتپارلى رەفورما. باس شۋجي شي جينپيڭ بىلاي دەپ باسا دارىپتەدى: دامۋ جاعىندا شيۇڭ - ان جاڭا رايونىنا وزىندىك بيلىك بەرۋ، تەك شيۇڭ - اننىڭ جاڭالىق اشا دامۋىنا ءتيىمدى بولسا بولعانى، بار كۇشپەن قولداۋ كەرەك.
2019 - جىلى 1 - ايدا باس شۋجي شي جينپيڭ شيۇڭ - ان جاڭا رايونى ۇكىمەتتىك قىزمەت وتەۋ ورتالىعىنا بارىپ، قىزمەت وتەۋ تەرەزەسىن كورىپ، جاڭا رايوننىڭ باسقارۋداعى ءتۇزىلىس - مەحانيزم رەفورماسىن تەرەڭدەتۋ، قىزمەت وتەيتىن ۇكىمەت تۇلعالاۋ قىزمەتىنىڭ جاعدايىن ۇعىستى.
”سىزدەر شيۇڭ - انعا العاشقى توپتا كەلىپ شارۋاشىلىق قۇرعان كاسىپكەرلەر بولدىڭىزدار - عوي“؟ ۇكىمەتتىك قىزمەت وتەۋ ورتالىعىندا باس شۋجي شي جينپيڭنىڭ سۇراۋىن ەستىگەن كاسىپكەرلەر قاۋمالاي كەلىپ، شيۇڭ - انداعى شارۋاشىلىق قۇرۋ ارماندارىن جارىسا اڭگىمەلەدى.
باس شۋجي كوپشىلىكتى شابىتتاندىرىپ بىلاي دەدى: ”شيۇڭ - ان جاڭا رايونىن قۇرۋدا ءار جاقتاعى كاسىپورىنداردىڭ بىرگە قاتىسۋىنا مۇقتاجبىز. مەيلى مەملەكەت مەنشىگىندەگى كاسىپورىندار، الدە حالىقتىق كاسىپورىندار بولسىن، مەيلى جەرگىلىكتى كاسىپورىندار، الدە بەيجيڭنەن كەلگەن كاسىپورىندار بولسىن، مەيلى جۇڭگو كاسىپورىندارى، الدە شەتەل قارجىسى كاسىپورىندارى بولسىن، ءبارى دە وسى تاپتىرماس ورايدى قولدان بەرمەي، تاريحي ورايدى قولدان بەرمەي، ۇلتتى گۇلدەندىرۋدە، رەفورما جاساۋدا، جاڭالىق اشۋدا ءداۋىردىڭ الدىڭعى لەگىندە ءجۇرۋشى بولۋى كەرەك“!
سول كەزدەگى جاعدايدى ەسكە العاندا، جۇڭگو ەلەكترون عىلىم - تەحنيكاسى توبى تايجي كومپيۋتەر جارنا شەكتى سەرىكتەستىگى شيۇڭ - ان بولىمشە سەرىكتەستىگىنىڭ باس ديرەكتورى چاڭ يۇڭشان: ”باس شۋجي ءبىزدى جاڭا رايوننىڭ العاشقى توپتاعى ءداۋىردىڭ الدىڭعى لەگىندە جۇرۋشىلەرى دەدى، بۇل ەرەكشە زور شابىتتاندىرۋ - عوي“، - دەدى تەبىرەنىسىن باسا الماي. چاڭ يۇڭشان مەن كاسىپتەستەرى شيۇڭ - ان زەردەلى قالاسىن جوبالاۋعا، قۇرۋعا ات سالىسىپ، شيۇڭ - ان جاڭا رايونىنداعى ءبىر جەلىدە ءبىر تۇتاس ءبىتىرۋ، جۇڭگو شيۇڭ - ان توبى كەڭسە قىزمەتىن ينفورماتسيالاندىرۋ جۇيەسى سياقتى نىسان قۇرىلىستارىنا قاتىسىپ، ءىس تىندىرىپ ناتيجە شىعارۋ ىنتاسىن بولاشاق قالانىڭ ءاربىر كەرپىشىنە دەيىن ءسىڭىردى.
شيۇڭ - ان جاڭا رايونى الەۋمەتتىك قىزمەت وتەۋ مەكەمەسى بازار تۇلعالارىنىڭ كىرۋىنە رۇقسات ەتۋ گرۋپپاسىنىڭ قىزمەتكەرى ۋىن حۇيدىڭ كوكەيىندە باس شۋجي شي جينپيڭنىڭ ۇكىمەتتىك قىزمەت وتەۋ ورتالىعىندا قىزمەت تەكسەرگەن كەزى كۇنى كەشەگىدەي سايراپ تۇر −
باس شۋجي شي جينپيڭ كوپشىلىككە بىلاي دەدى: ”وسى زامانعى ينفورماتسيا تەحنيكاسىنان پايدالانىپ، ۇكىمەت ىستەرى ينفورماتسيالارىن بايلانىستىرا بىرگە پايدالانۋدى ىلگەرىلەتىپ، ۇكىمەتتىك قىزمەت وتەۋدى ينفورماتسيالاندىرۋ، زەردەلىلەندىرۋ، دالمە - ءدال ەتۋ، قولايلىلاندىرۋ دەڭگەيىن جوعارىلاتىپ، بۇقارانىڭ سابىلۋىن ازايتۋ كەرەك“.
”باس شۋجيدىڭ ءاربىر تاپسىرماسى بىزگە جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىردى“. ۋىن حۇي: بىرگە قۇلشىنىپ، تاماشا شارۋاشىلىق - ساۋدا ورتاسىن قالىپتاستىرىپ، جاڭا رايونعا ءىس تىندىرىپ ناتيجە شىعارۋعا كەلگەن كاسىپكەرلەردى الىپ قالىپ، ولاردى ويداعىداي دامىتامىز“، - دەدى.
بۇگىنگى شيۇڭ - ان جاڭا رايونى جالىندى دا تەبىندى، ومىرشەڭدىككە تولى. ارمان ارقالاپ الىستان كەلگەن جاستار شيۇڭ - ان جاڭا رايونىندا شارۋاشىلىق قۇرۋدا، جەرگىلىكتى ادامدار زور ۇمىتپەن مەكەندەرىنە قايتىپ، ءىس تىندىرىپ ناتيجە شىعارۋدا.
شيۇڭ - ان ۆوگزالىنىڭ پويەز كۇتۋ زالىنداعى ءبىر ”زامانا تەگەرشىگى“ قايشالىسپ جاتقان جولاۋشىلاردىڭ نازارىن اۋدارادى. ونىڭ قوزعالعان ۋاقىتى، ياعني 2017 - جىلى 4 - ايدىڭ 1 - كۇنى ”شيۇڭ - ان“ تۇڭعىش رەت جۇرتقا تانىلعان كۇن ەتىپ بەلگىلەنگەن. ”زامانا تەگەرشىگىنىڭ“ تۇعىرىنا ”زامانالىق جوسپار وسى ارادان باستالدى“ دەگەن التىن سارى كەسەك جازۋ ويىلعان. ءتىستى تەگەرشىك دامىلسىز اينالىپ، العا تارتقان تاريح كوشىنىڭ ىزدەرىن ەستەلىككە الۋدا.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇلى تاريح كوزقاراسىنا تاباندى بولۋ، تاريحي سابىرلىلىقتى ساقتاپ، تىنباي كۇش سالا ىستەۋ، ءبىر جوبانى سوڭىنا دەيىن جالعاستىرۋعا شىنايى كەپىلدىك ەتۋ، ”شيۇڭ - ان ساپاسىن“ قۇلشىنا جاراتۋ ارقىلى وسى ارادا جۇڭگو ۇلگىسىندەگى وسىزامانداندىرۋدىڭ اناعۇرلىم كوپ، اناعۇرلىم تاماشا حيكايالارى جارىققا شىعادى.
(شينحۋا اگەنتتىگىنىڭ 5 - ايدىڭ 11 - كۇنى بەيجيڭنەن بەرگەن حابارى)
