شي جينپيڭ حىبەيدە قىزمەت تەكسەرگەندە جانە بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى
اناعۇرلىم قايراتتانا ءىس تىندىراتىن رۋحاني كۇيمەن ءتۇرلى قىزمەتتەردى ىلگەرىلەتىپ، بەيجيڭ − تيانجين − حىبەيدىڭ سايكەستى دامۋىنىڭ ۇزدىكسىز تىڭ بەلەسكە كوتەرىلۋىن ىلگەرىلەتۋ كەرەك
لي چياڭ، ديڭ شۋەشياڭ اڭگىمە ماجىلىسىنە قاتىناستى، ساي چي قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى
5 - ايدىڭ 11 - كۇنىنەن 12 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىبەيدە قىزمەت تەكسەردى ءارى بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى. سۋرەتتە: 5 - ايدىڭ 12 - كۇنى تۇستەن كەيىن شي جينپيڭ شىجياجۋاڭ قالاسىندا بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
5 - ايدىڭ 11 - كۇنىنەن 12 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىبەيدە قىزمەت تەكسەردى ءارى بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى. سۋرەتتە: 5 - ايدىڭ 11 - كۇنى تۇستەن بۇرىن شي جينپيڭ ساڭجوۋ قالاسى حۋاڭحۋا قالاسى جيۋچىڭ قالاشىعى شيانجۋاڭ اۋماعىنىڭ ءشول - سورتاڭ جەرىندەگى ءبيداي اتىزىندا تەكسەرۋ جۇرگىزىپ، ەگىنشىلەرمەن، اۋىل شارۋاشىلىق تەحنيكاسى ماماندارىمەن شىنايى پىكىر اۋىستىردى.
□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
شينحۋا اگەنتتىگىنىڭ 5 - ايدىڭ 12 - كۇنى شىجياجۋاڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حىبەيدە قىزمەت تەكسەردى، بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: سەنىمدى بەكەمدەپ، تاباندىلىقتى ساقتاپ، ورايدى يگەرۋ، سىن - سايىسقا توتەپ بەرۋ، داعدارىستى جويۋ، ۇتىمدى ورايدى جەتىلدىرۋ قابىلەتىن كۇشەيتىپ، دامۋ مەن حاۋىپسىزدىكتى ءبىر تۇتاس جوسپارلاپ، اناعۇرلىم قايراتتانا ءىس تىندىراتىن رۋحاني كۇيمەن ءتۇرلى قىزمەتتەردى ىلگەرىلەتىپ، بەيجيڭ − تيانجين − حىبەيدىڭ سايكەستى دامۋىنىڭ ۇزدىكسىز تىڭ بەلەسكە كوتەرىلۋىن ىلگەرىلەتىپ، بەيجيڭ − تيانجين − حىبەيدى جۇڭگو ۇلگىسىندەگى وسىزامانداندىرۋ قۇرىلىسىنىڭ الدىمەن اتقارىلاتىن رايونىنا، ۇلگى كورسەتۋ رايونىنا اينالدىرۋعا قۇلشىنۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ماجىلىسىنە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى.
5 - ايدىڭ 11 - كۇنىنەن 12 - كۇنىنە دەيىن، شي جينپيڭ حىبەي ولكەلىك پارتكومنىڭ شۋجيى ني يۋەفىڭنىڭ، ولكە باستىعى ۋاڭ جىڭپۋدىڭ سەرىك بولۋىندا، ىلگەرىندى - كەيىندى ساڭجوۋ، شىجياجۋاڭ سياقتى جەرلەرگە بارىپ، اۋىل - قىستاق، پورت، عىلمي زەرتتەۋ ورنى سياقتىلاردى ىشكەرىلەي ارالاپ، بەيجيڭ − تيانجين − حىبەيدىڭ سايكەستى دامۋ جاعدايىن سول جەردىڭ وزىندە ۇعىستى.
5 - ايدىڭ 11 - كۇنى تۇستەن بۇرىن، شي جينپيڭ ساڭجوۋ قالاسىنا بارىپ، حۋاڭحۋا قالاسى جيۋچىڭ قالاشىعى شيانجۋاڭ اۋماعىنىڭ ءشول - سورتاڭ جەردەگى ءبيداي اتىزىندا تەكسەرۋ جۇرگىزىپ، سورتاڭ جەردى وڭاۋ، ءشول - سورتاڭ جەردەگى ءبيداي ەگىمشىلىگىن جالپىلاستىرۋ جانە كاسىپ سالالاندىرۋ جاعدايىن ۇعىستى. شي جينپيڭ ءبيداي اتىزىن ارالاپ، ءبيدايدىڭ ءوسۋ جاعدايىن زەر سالا كوردى ءارى اتىزدا ەڭبەك ىستەپ جاتقان ەگىنشىلەردەن، اۋىل شارۋاشىلىق تەحنيكاسى ماماندارىنان ءشول - سورتاڭ جەردەگى ءبيدايدىڭ ءتۇسىمى، باعاسى، سورتى، تابىسى سياقتىلاردى سۇراپ ۇعىستى. شي جينپيڭ بىلاي دەپ اتاپ كورسەتتى: سورتاڭ جەردەن كەشەندى پايدالانۋ − ستراتەگيالىق ماسەلە، ءسوز جوق، ماڭىزدى ورىنعا قويۋ كەرەك. ەلىمىزدىڭ سورتاڭ جەرى كوپ، اشۋ كومەسكى كۇشى زور بولۋ ءىس جۇزىندىك جاعدايىن تياناق ەتىپ، عىلىم - تەحنيكادا جاڭالىق اشۋدىڭ شەشۋشى رولىن ساۋلەلەندىرىپ، سورتاڭ جەردى وزگەرتۋ، دارەجەسىن كوتەرۋ تەبىنىن ارتتىرىپ، سورتاڭ جەرگە ۇيلەسەتىن داقىل سورتىن اشۋدى، جالپىلاستىرۋدى كۇشەيتىپ، ۇيلەسەتىن داقىلداردى ەگۋ اۋماعىن ءونىمدى كەڭەيتىپ، جىنتىكتەي وڭدەۋدى بەلسەنە دامىتىپ، سورتاڭ جەردەگى ەرەكشە اۋىل شارۋاشىلىعى سىندى وسى ۇلكەن جۇمىستى ويداعىداي ىستەۋ كەرەك.
5 - ايدىڭ 11 - كۇنى تۇستەن كەيىن، شي جينپيڭ حۋاڭحۋا پورتىنىڭ كومىر پورت اۋماعى كەمەتۇراعىنا بارىپ، حىبەي ولكەسىنىڭ پورتتاردى بىرىكتىرىپ دامىتۋى جانە حۋاڭحۋا پورتىنىڭ ءوندىرىس - شارۋاشىلىق جۇرگىزۋ، دامۋ جوباسى سياقتىلاردىڭ احۋالىن ۇعىستى. شي جينپيڭ بىلاي دەپ باسا دارىپتەدى: حىبەيدىڭ وڭىرلىك ورىن باسىمدىعى وزگەشە، تەڭىز تاسىمالى شارت - جاعدايى قولايلى، پورتتىڭ تيبىن جاڭالاپ، دارەجەسىن ءوسىرۋىن جانە بايلىقتى بىرىكتىرۋىن ءۇرتىس ىلگەرىلەتىپ، پورتتىڭ يقۋاتتىق ورنالاسىمىن ساپالىلاندىرىپ، بەيجيڭ − تيانجين − حىبەيدىڭ سايكەستى دامۋى، شيۇڭ - ان جاڭا رايونىن جوعارى ولشەممەن، جوعارى ساپامەن قۇرۋ، ”ءبىر بەلدەۋ، ءبىر جولدى“ بىرگە قۇرۋ سياقتى مەملەكەتتىڭ كەلەلى ستراتەگيالىق قاجەتىن ىرىقتىلىقپەن ۇشتاستىرىپ، وڭىرلىك ەكونوميكانىڭ سايكەستى دامۋىن ىلگەرىلەتۋ، وسىزاماندانعان كاسىپ سالاسى جۇيەسىن قۇرۋ بارىسىندا اناعۇرلىم زور رول اتقارۋ كەرەك. حۋاڭحۋا پورتى ەلىمىزدىڭ كومىردى باتىستان شىعىسقا تاسيتىن، كومىردى سولتۇستىكتەن وڭتۇستىككە تاسيتىن ماڭىزدى توراپتىق پورتى رەتىندە، پورت قۋاتى قۇرىلىسىن كۇشەيتىپ، باسقارۋ ءتۇزىلىس - مەحانيزمىندە جاڭالىق اشىپ، كوپ يقۋاتتى، كەشەندى، وسىزاماندانعان ءىرى پورتتى تۇلعالاۋى كەرەك.
5 - ايدىڭ 12 - كۇنى تۇستەن بۇرىن، شي جينپيڭ شىجياجۋاڭ قالاسىنا ورنالاسقان جۇڭگو ەلەكترون عىلىم - تەحنيكاسى كاسىپ سالاسى نەگىزدىك زەرتتەۋ مەكەمەسىنە بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، كاسىپورىننىڭ دامۋ بارىسىن جانە ونىمدەردى زەرتتەۋ - اشۋ، ارميا مەن حالىقتىڭ توعىسا دامۋىن كۇشەيتۋ، دەربەس قامتاماسىز ەتۋ قابىلەتىن جوعارىلاتۋ قۇرىلىسى سياقتىلاردىڭ احۋالىن ۇعىستى، ءوندىرىس سەحىنا كىرىپ، چيپ ءوندىرۋ ءتارتىبىن تەكسەرىپ كوردى. شي جينپيڭ بىلاي دەپ اتاپ كورسەتتى: عىلىم - تەحنيكادا قۋاتتى مەملەكەتتى جەدەل قۇرۋ − جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ستراتەگيالىق تىرەگى، ءسوز جوق، مەملەكەتتىڭ ستراتەگيالىق قاجەتىن كوزدەپ، شەشۋشى جاڭالىق اشۋ بايلىقتارىن جۇيەلى ورنالاستىرىپ، ءوندىرىستىڭ، وقىتۋدىڭ، زەرتتەۋدىڭ تەرەڭدەي توعىسۋ باسىمدىعىن ساۋلەلەندىرىپ، شەشۋشى، وزەكتى تەحنيكالاردا ۇزدىكسىز تىڭ سەرپىلىسكە قول جەتكىزۋ كەرەك. ول عىلىم - تەحنيكا قىزمەتكەرلەرىن كۇش ۇستىنە كۇش قوسىپ، عىلىم - تەحنيكا شىڭىنا جۇرەكتىلىكپەن شىعىپ، الدىڭعى قاتارلى تەحنيكالاردان ۇزدىكسىز قامال الىپ، عىلىم - تەحنيكادا ءوز كۇشىنە سۇيەنەتىن، ءوزىن الۋەتتەندىرەتىن اناعۇرلىم كوپ ءىرى ەل ماڭىزدى قارۋىن جاساۋعا جىگەرلەندىردى.
شي جينپيڭ وسىدان سوڭ شىجياجۋاڭ قالاسىنىڭ حالىقارالىق بيولوگيالىق ءدارى - دارمەك باقشاسى جوباسى كورمە سارايىندا قىزمەت تەكسەرىپ، شىجياجۋاڭنىڭ بيولوگيالىق ءدارى - دارمەك كاسىپ سالاسىن دامىتۋ جاعدايىنان بەرىلگەن مالىمەتتى تىڭداپ، ءدارى - دارمەك ونىمدەرى كورمەسىن كورىپ، ءدارى - دارمەكتەردى زەرتتەۋ - اشۋ، ءوندىرۋ جاعدايىن ۇعىستى. شي جينپيڭ بىلاي دەپ باسا دارىپتەدى: بيولوگيالىق ءدارى - دارمەك كاسىپ سالاسى − مەملەكەت ەكونوميكاسى مەن حالىق تۇرمىسىنا جانە مەملەكەتتىڭ حاۋىپسىزدىگىنە قاتىستى ستراتەگيالىق سيپاتتى جاڭادان گۇلدەنگەن كاسىپ سالاسى. نەگىزدىك زەرتتەۋ جانە عىلىم - تەحنيكادا جاڭالىق اشۋ قابىلەتى قۇرىلىسىن كۇشەيتىپ، بيولوگيالىق ءدارى - دارمەك كاسىپ سالاسىن دامىتۋدىڭ جان تامىرىن ءوز قولىمىزدا مىقتاپ يگەرۋىمىز كەرەك. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، جۇڭگولىقتاردىڭ تىرشىلىك گەنىن جالعاستىرۋعا جانە دەنە ساپاسى ەرەكشەلىگىنە ۇيلەسەتىن اناعۇرلىم كوپ ”جۇڭگو ءدارى - دارمەگىن“ زەرتتەپ اشۋ، ءوندىرۋ كەرەك، اسىرەسە، جۇڭگوشا شيپاگەرلىك - دارىگەرلىكتى جالعاستىرۋدى، جاڭالىق اشا دامىتۋدى كۇشەيتۋ كەرەك.
5 - ايدىڭ 12 - كۇنى تۇستەن كەيىن، شي جينپيڭ شىجياجۋاڭ قالاسىندا بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشتى. حىبەي ولكەلىك پارتكومنىڭ شۋجيى ني يۋەفىڭ، تيانجين قالالىق پارتكومنىڭ شۋجيى چىن مين - ىر ىلگەرىندى - كەيىندى سوزگە شىعىپ، بەيجيڭ قالالىق پارتكومنىڭ شۋجيى يىن لي جازباشا ءسوز ماتەريالىن تاپسىرىپ، بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ جونىندە قىزمەت جاعدايىنان مالىمەت بەرىپ، پىكىر - ۇسىنىس قويدى.
شي جينپيڭ كوپشىلىكتىڭ ءسوزىن تىڭداعاننان كەيىن ماڭىزدى ءسوز سويلەدى. ول پارتيا 19 - قۇرىلتايىنان بەرگى حىبەيدىڭ ەكونوميكالىق، قوعامدىق دامۋدا قول جەتكىزگەن ناتيجەلەرىن تۇراقتاندىرىپ، حىبەيدىڭ پارتيا 20 - قۇرىلتايىنىڭ رۋحىن جاپپاي ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋ سىندى ماڭداي الدى مىندەت پەن جاڭا دامۋ ارناسىن قالىپتاستىرۋ سىندى ستراتەگيالىق مىندەتتى مىقتاپ يگەرىپ، دامۋعا جاڭالىق اشۋ ارقىلى دەم بەرۋدى ىلگەرىلەتۋ بارىسىندا جاڭا جول اشىپ، بەيجيڭ − تيانجين − حىبەيدىڭ سايكەستى دامۋىن ىلگەرىلەتۋ جانە شيۇڭ - ان جاڭا رايونىن جوعارى ولشەممەن، جوعارى ساپامەن قۇرۋ بارىسىندا جاڭا جاۋاپكەرشىلىك ارقالاۋدى ايگىلەپ، جاپپاي جاسىل بولۋعا قاراي تيپ جاڭالاۋدى ىلگەرىلەتۋ بارىسىندا تىڭ سەرپىلىستى جۇزەگە اسىرىپ، رەفورما جاساۋدى، ەسىك اشۋدى ىلگەرىلەتۋ، تەرەڭدەتۋ بارىسىندا جاڭا باسىمدىق جەتىلدىرىپ، بىرگە بايۋدى ىلگەرىلەتۋ بارىسىندا جاڭا ىسكەرلىك كورسەتىپ، ەكونوميكادا قۋاتتى ولكەنى، كورىكتى حىبەيدى جەدەل قۇرىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ حىبەي تاراۋىن قۇلشىنا جازۋىن ءۇمىت ەتتى.
شي جينپيڭ بىلاي دەپ باسا دارىپتەدى: پارتيا 19 - قۇرىلتايىنان بەرى پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا، بەيجيڭ، تيانجين، حىبەي 3 ولكە، قالا نەگىزگى تۇلعالىق جاۋاپكەرشىلىگىن شىنايى اتقارىپ، ورتالىقتىڭ قاتىستى تاراۋلارى مەن ورىندارى زور كۇشپەن قولداپ، سايكەسىپ، قىرۋار اسا ناتيجەلى قىزمەت ىستەدى، بەيجيڭ − تيانجين − حىبەيدىڭ سايكەستى دامۋىندا جاڭا كورنەكتى تابىسقا قول جەتتى، بەيجيڭنىڭ استانالىق ەمەس فۋنكتسيالارىن سەيىلتۋ العاشقى ادىمدا ونىمدىلىك كورسەتتى، شيۇڭ - ان جاڭا رايونى قۇرىلىسىندا كەلەلى كەزەڭدىك جەتىستىككە قول جەتتى، بەيجيڭ قالاسى قوسالقى ورتالىعىنىڭ جوعارى ساپالى دامۋ اياق الىسى جەدەلدەدى، ”رەليستەگى بەيجيڭ − تيانجين − حىبەي“ جەدەل قالىپتاستى، كورىكتى، قونىسقا جايلى بەيجيڭ − تيانجين − حىبەي جاعىندا سۇبەلى جەتىستىككە قول جەتتى، عىلىم - تەحنيكادا جاڭالىق اشۋ جانە كاسىپ سالاسىن توعىستىرا دامىتۋ دەڭگەيى ءۇرتىس جوعارىلادى. اماليات پارتيا ورتالىق كوميتەتىنىڭ بەيجيڭ − تيانجين − حىبەي سياقتى كەلەلى وڭىرلىك دامۋ جونىندەگى ستراتەگيالارى ەلىمىزدىڭ جاڭا داۋىردەگى جوعارى ساپالى دامۋ قاجەتىنە ۇيلەسەتىندىگىن، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدىڭ ءونىمدى جولى ەكەندىگىن دالەلدەدى.
شي جينپيڭ بىلاي دەپ اتاپ كورسەتتى: بەيجيڭنىڭ استانالىق ەمەس فۋنكتسيالارىن سەيىلتۋ سىندى ”بۇيدانى“ مىقتاپ يگەرىپ، بەلسەندى دە ورنىقتى بولۋعا، ورنىقتىلىق بارىسىندا ىلگەرىلەۋگە تاباندى بولىپ، ارتۋىن تىزگىندەۋ مەن قالعانىن سەيىلتۋدى ءوزارا ۇشتاستىرىپ، ىشكى فۋنكتسيالاردى قايتا ۇيىمداستىرۋ مەن سىرتقا سەيىلتىپ ويىستىرۋدىڭ ەكەۋىن دە يگەرىپ، سەيىلتۋ قىزمەتىن پارمەندى، ءتارتىپتى، ءونىمدى ىلگەرىلەتۋ كەرەك. بەلگى سيپاتتى نىسانداردى سىرتقا سەيىلتۋدى كۇش سالا ويداعىداي يگەرىپ، 2 - توپتا سەيىلتۋدى باستايتىن بەيجيڭدەگى ورتالىق كاسىپورىندارىنىڭ باس شتابى، سونداي - اق 2 -، 3 - دارەجەلى بولىمشە سەرىكتەستىكتەر نەمەسە جاڭالىق اشۋ كاسىپ بولىگى سياقتىلاردى جالعاستىرا جوسپارلاۋ كەرەك. سەيىلتۋدەگى ىنتالاندىرۋ، تەجەۋ ساياساتى جۇيەسىن ۇزدىكسىز كەمەلدەندىرىپ، بازار مەحانيزمىنىڭ رولىن تولىق ساۋلەلەندىرىپ، بازارلاندىرۋ، زاڭمەن باسقارۋ ءتاسىلى ارقىلى سىرتقا سەيىلتۋدەگى ىشكى قوزعاۋشى كۇشتى كۇشەيتۋ كەرەك. بەيجيڭنىڭ استانالىق ەمەس فۋنكتسيالارىنىڭ ارتۋ مولشەرىن قاينار كوزىنەن ونان ارى قاتاڭ تىزگىندەۋ كەرەك.
شي جينپيڭ بىلاي دەپ باسا دارىپتەدى: بەيجيڭنىڭ ”جاڭا ەكى قانات“ قۇرىلىسىندا اناعۇرلىم زور سەرپىلىسكە قول جەتكىزۋدى ىلگەرىلەتۋ كەرەك. بەيجيڭ قالاسىنىڭ قوسالقى ورتالىعى قۇرىلىسىندا ونىڭ شيۇڭ - ان جاڭا رايونىمەن قاتىناسىن ويداعىداي ءبىر جاقتى ەتىپ، ”ەكى قاناتقا“ سايكەسە كۇش سالىپ، بەيجيڭنىڭ ”ءىرى قالا كىناراتى“ ماسەلەسىن ءونىمدى شەشۋ كەرەك. ورتالىق قالا وڭىرىمەن قاتىناستى ويداعىداي ءبىر جاقتى ەتىپ، قوسالقى ارقىلى نەگىزگىنى دەمەۋدى، نەگىزگى مەن قوسالقىنى بىرگە گۇلدەندىرۋدى جۇزەگە اسىرۋ كەرەك. 2 - توپتاعى بەيجيڭ قالاسىنا قاراستى اكىمشىلىك ورىنداردىڭ، كاسىپورىنداردىڭ، ءىسورىندارىنىڭ قوسالقى ورتالىققا كوشىپ كىرۋىن جەدەل ىلگەرىلەتىپ، بوساتىلعان كەڭىستىكتى، نەگىزىنەن، استانانىڭ وزەكتى فۋنكتسياسىنا قىزمەت وتەۋدى، قامتاماسىز ەتۋدى كۇشەيتۋگە پايدالانۋ كەرەك. توڭىرەگىندەگى رايوندارمەن قاتىناستى ويداعىداي ءبىر جاقتى ەتىپ، توڭىرەگىندەگى ىرگەلەس وڭىرلەردىڭ جوعارى ساپالى دامۋىنا باستاماشىلدىق ەتۋ كەرەك.
شي جينپيڭ بىلاي دەپ اتاپ كورسەتتى: بەيجيڭ − تيانجين − حىبەي بۇكىل ەلدىڭ جوعارى ساپالى دامۋىنا جەتەكشىلىك ەتەتىن 3 ءىرى ماڭىزدى قوزعاۋشى كۇش قاينارىنىڭ ءبىرى سانالادى، وندا كوپتەگەن بىرەگەي وقۋ ورىندارى مەن جوعارى دەڭگەيدەگى زەرتتەۋ دارىندىلارى بار، جاڭالىق اشۋ نەگىزى مىعىم، ناقتى قۋاتى كۇشتى، سايكەسە جاڭالىق اشۋدى جانە كاسىپ سالاسى ىستەستىگىن كۇشەيتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ بارىسىندا ۇلگىلىك، باستاماشىلدىق رولىن ساۋلەلەندىرۋى كەرەك. بەيجيڭ حالىقارالىق عىلىم - تەحنيكادا جاڭالىق اشۋ ورتالىعىن جانە جوعارى دەڭگەيلى دارىندىلار بيىگىن جەدەل قۇرىپ، ەلىمىزدىڭ دەربەس جاڭالىق اشۋداعى ماڭىزدى قاينارىن جانە اۋەلگى جاڭالىق اشۋداعى باستى وشاعىن كۇش سالا تۇلعالاۋى كەرەك. ءوندىرۋ، وقىتۋ، زەرتتەۋ ىستەستىگىنىڭ جاڭا ۇلگىسىن ورناتىپ، عىلىم - تەحنيكا جەتىستىكتەرىن ءوڭىر ىشىندە كادەگە جاراتۋدىڭ ونىمدىلىگى مەن سالىستىرماسىن جوعارىلاتۋ كەرەك. كاسىپورىنداردىڭ جاڭالىق اشۋداعى نەگىزگى تۇلعالىق ورنىن كۇشەيتىپ، دەربەس ءبىلىم مەنشىك ۇقىعىنا جانە حالىقاراداعى باسەكەلىك قۋاتقا يە ءبىر توپ جاڭاشىل كوش باستاۋشى كاسىپورىن قالىپتاستىرۋ كەرەك. تۇلعالىق ەكونوميكانىڭ ىرگە تاسىن بەكەمدەپ، زورايتىپ، ينتەگرالدى تىزبەك، ينتەرنەت حاۋىپسىزدىگى، بيولوگيالىق ءدارى - دارمەك، ەلەكتر قۋاتى جابدىقتارى، شۇعىل جاعدايعا توتەپ بەرۋ حاۋىپسىزدىك جابدىقتارى سياقتى ستراتەگيالىق جاڭادان گۇلدەنگەن كاسىپ سالالارىن دامىتۋدى ماڭىزدىنىڭ ماڭىزدىسى رەتىندە قاراپ، دۇنيە جۇزىلىك دەڭگەيدەگى وزىق جاساۋ كاسىبى شوعىرىن كۇش سالا تۇلعالاۋ كەرەك.
شي جينپيڭ بىلاي دەپ باسا دارىپتەدى: بەيجيڭ − تيانجين − حىبەيدىڭ سايكەستى دامۋىن ىلگەرىلەتۋ تۇبىندە حالىقتىڭ قۇت - ىرىسىن ارتتىرىپ، بىرگە دامۋدى جەبەۋدە ايگىلەنۋگە ءتيىس. تەكسەرۋ - زەرتتەۋ ستيلىن بارىنشا ساۋلەلەندىرىپ، بۇقارانىڭ قاجەتىن ىشكەرىلەي ۇعىسىپ، قالىڭ بۇقارا كوڭىل بولگەن، ءجىتى قاداعالاپ وتىرعان مۇددە ماسەلەسىن شىن مانىندە شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. الەۋمەتتىك قىزمەت وتەۋدى بىرگە كوركەيتۋدى، ونان بىرگە يگىلىكتەنۋدى جەدەل ىلگەرىلەتىپ، جۇمىستاندىرۋعا الدىمەن ءمان بەرۋ ساياساتىن كۇشەيتىپ، بەيجيڭ − تيانجين − حىبەي وڭىرىندە اناعۇرلىم تولىق، اناعۇرلىم جوعارى ساپالى جۇمىستانۋدى جەبەۋ كەرەك. بەيجيڭنىڭ، تيانجيننىڭ ساپالى ورتا، باستاۋىش نەگىزدىك وقۋ - اعارتۋ بايلىعىن حىبەيمەن بىرگە يگىلىكتەنۋىن ىلگەرىلەتىپ، ءوڭىر كولەمىندەگى جوعارى مەكتەپتەردىڭ وقىتۋشى قوسىنى، ءىلىم ءپان قۇرىلىسى، جەتىستىكتەردى كادەگە جاراتۋ سياقتى جاقتارداعى سەلبەستىگىن تەرەڭدەتۋ كەرەك. ەمدەۋ بىرىككەن تۇلعاسى قۇرىلىسىن ىلگەرىلەتۋ، بەيجيڭ مەن تيانجيننىڭ قارتتاردى كۇتىمدەۋ نىساندارىن حىبەيداعى شارت - جاعدايى بار جەرلەرگە كەڭەيتە ورنالاستىرۋدى ىلگەرىلەتۋ كەرەك. سولتۇستىكتەگى قۇمنان قورعانۋ بەلدەۋى سياقتى ەكولوگيانى قورعاۋ جانە قالپىنا كەلتىرۋ ءتۇيىندى ينجەنەريالار قۇرىلىسىن ۇزدىكسىز ويداعىداي يگەرىپ، جاسىل ەكولوگيالىق قالتقى قۇرىلىسى سياقتى كەلەلى ەكولوگيالىق ينجەنەريالاردى ۇزدىكسىز ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: قاتىناس سياقتى نەگىزدىك قۇرىلعىلار قۇرىلىسىن ۇزدىكسىز جەدەل ىلگەرىلەتۋ، ءوڭىر ىشىندەگى سايكەسۋدى ىشكەرىلەي ىلگەرىلەتۋ كەرەك. بەيجيڭ مەن تيانجيننىڭ ”قوس قالا حيكاياسىن“ جاقسىلاپ ايتىپ، سەلبەستىكتىڭ كەڭدىگى مەن تەرەڭدىگىن ۇلعايتىپ، وڭىرلىك دامۋدىڭ بيىگىن بىرگە تۇلعالاپ، بەيجيڭ − تيانجين − حىبەي دۇنيە جۇزىلىك دەڭگەيدەگى قالالار شوعىرىن قۇرۋدا جەبەۋ، باستاماشىلدىق ەتۋ جانە جوعارى دەڭگەيدە جەتەكشىلىك ەتۋ رولىن ساۋلەلەندىرۋ كەرەك. بەيجيڭنىڭ عىلىم - تەحنيكادا جاڭالىق اشۋ باسىمدىعى مەن تيانجيننىڭ وزىق جاساۋ، زەرتتەپ اشۋ باسىمدىعىن ۇشتاستىرىپ، شەشۋشى، وزەكتى تەحنيكادا بىرلەسىپ قامال الۋدى كۇشەيتىپ، بەيجيڭ − تيانجين − حىبەي مەملەكەتتىك تەحنيكادا جاڭالىق اشۋ ورتالىعىن بىرگە قۇرىپ، عىلىم - تەحنيكادا جاڭالىق اشۋدىڭ ارتۋعا قوزعاۋشىلىق ەتۋ قابىلەتىن ءوسىرۋ كەرەك. حىبەي بەيجيڭ مەن تيانجيندى وراپ تۇرۋ سىندى جاعراپيالىق باسىمدىعىن ساۋلەلەندىرىپ، بەيجيڭ مەن تيانجيندى تۇتاستىراتىن ەكونوميكا ءدالىزىن تۇرلىشە باعىتتان تۇلعالاۋى قاجەت، بەيجيڭ، تيانجين حىبەيعا كومەكتەسۋدى ۇزدىكسىز تەرەڭدەتىپ، حىبەيداعى شارت - جاعدايى بار جەرلەردىڭ بەيجيڭ مەن تيانجيننىڭ عىلىم - تەحنيكالىق اسقان اسەرىن جانە ويىسقان كاسىپ سالالارىن اناعۇرلىم ويداعىداي قابىلداۋىنا باستاماشىلدىق ەتۋى كەرەك. ءتۇزىلىس - مەحانيزم رەفورماسىن جانە سىرتقا ەسىك اشۋدىڭ كەڭەيۋىن ونان ارى ىلگەرىلەتىپ، شارۋاشىلىق - ساۋدا ورتاسىن زور كۇشپەن ساپالىلاندىرىپ، ەل ءىشى - سىرتىنداعى باسقا وڭىرلەرمەن بەلسەنە تىلدەسىپ، ۇشتاسىپ، بۇكىل ەلدىڭ سىرتقا ەسىك اشۋداعى بيىك بەلەسىن تۇلعالاۋ كەرەك.
شي جينپيڭ بىلاي دەپ باسا دارىپتەدى: نەگىزگى تاقىرىپتىق تاربيەنى ىشكەرىلەي ورىستەتۋ − بيىلعى پارتيا قۇرىلىسى قىزمەتىندەگى ماڭىزدىنىڭ ماڭىزدىسى. بەيجيڭ، تيانجين، حىبەي 3 ولكە، قالانىڭ پارتكومدارى پارتيا ورتالىق كوميتەتىنىڭ ورنالاستىرۋى مەن تالاپتارىن مۇقيات دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى شىنايى مىقتى يگەرىپ، ءار دارەجەلى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن اناعۇرلىم كۇشەيتىپ، بەيجيڭ − تيانجين − حىبەيدىڭ سايكەستى دامۋىن ىلگەرىلەتۋگە پارمەندى كەپىل ازىرلەۋى كەرەك.
لي چياڭ سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ۇعىنىپ، ىشكەرىلەي دايەكتىلەندىرىپ، تياناقتاندىرىپ، كەلەلى جاعداي تۇرعىسىندا وي جۇگىرتۋگە جانە ارەكەتتەنۋگە تاباندى بولىپ، بەيجيڭ − تيانجين − حىبەيدىڭ سايكەستى دامۋىن اناعۇرلىم پارمەندى، ءونىمدى ىلگەرىلەتۋ كەرەك. ماڭداي الدى مىندەتتى كورنەكتىلەندىرىپ، بەيجيڭنىڭ استانالىق ەمەس فۋنكتسيالارىن سەيىلتۋدى ارقاۋ ەتە وتىرىپ، بايلىقتىڭ، ساياساتتىڭ، كۇشتىڭ شوعىرلانۋىن ىلگەرىلەتىپ، بەلگى سيپاتتى سەيىلتۋ نىساندارىندا كورنەكتى ونىمدىلىككە قول جەتكىزۋگە شىنايى كەپىلدىك ەتۋ كەرەك. وڭىرلىك پارىقتى يگەرىپ، باسىمدىقتار ارقىلى ءوزارا تولىقتاۋدى كۇش سالا ىلگەرىلەتىپ، ءارقايسىسىنىڭ ءوز ولقىلىقتارىن تولىقتاۋمەن بىرگە، ورتاق ارتىقشىلىعىن سومداپ، دامۋ پارقىنداعى وزىندىك ەنەرگيانى سايكەسە دامۋدىڭ قوزعالىس ەنەرگياسىنا اينالدىرىپ، بۇقارانى اناعۇرلىم كۇشتى تابىس سەزىمىنە كەنەلتۋ كەرەك. قىزمەت مەحانيزمىن ونان ارى ناقتىلاندىرىپ، اناعۇرلىم تىعىز سايكەستى ىلگەرىلەتۋ ارناسىن قالىپتاستىرۋ كەرەك.
ديڭ شۋەشياڭ مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىن مۇقيات ۇيرەنىپ، دايەكتىلەندىرىپ، اۋا ساپاسىن كورنەكتى جاقسارتۋدى بۇلجىماس تالاپ ەتۋگە تاباندى بولىپ، اتموسفەرانىڭ لاستانۋىنان ساقتانۋ جانە ونى وڭاۋ قىزمەتىن تاباندىلىقپەن ويداعىداي ىستەپ، بەيجيڭ − تيانجين − حىبەيدىڭ سايكەستى دامۋىنىڭ تىڭ دەڭگەيگە كوتەرىلۋىن ىلگەرىلەتۋ كەرەك. كاسىپ سالالارىنىڭ قۇرىلىمىن ساپالىلاندىرۋدى، دارەجەسىن ءوسىرۋدى جەدەلدەتىپ، ەنەرگيا جۇمسالىمى جوعارى، كومىر قىشقىل گازىن شىعارۋ مولشەرى جوعارى، دەڭگەيى تومەن نىسانداردىڭ كوزسىز دامۋىن باتىل تەجەۋ؛ ەنەرگيا قۇرىلىمىنىڭ تومەن كومىر قىشقىل گازدى بولۋعا قاراي تيپ جاڭالاۋىن جەبەپ، كومىردەن تازا، جوعارى ءونىمدى پايدالانۋدى كۇشەيتىپ، جاڭا ەنەرگيانى جانە تازا ەنەرگيانى بار كۇشپەن دامىتۋ؛ تاسىمال قۇرىلىمىن رەتتەپ، ساپالىلاندىرىپ، جانار ماي بىلعانىشىنىڭ شىعارىلۋىن قاينار كوزىنەن ازايتۋ؛ اتموسفەرانىڭ لاستانۋىنان بىرلەسىپ ساقتانۋدى، بىرلەسىپ تىزگىندەۋدى ۇزدىكسىز تەرەڭدەتىپ، جەرگىلىكتى ۇكىمەتتەردىڭ جاۋاپكەرشىلىگىن ناقتىلاندىرىپ، جۇمىلا يگەرىپ، بىرگە باسقاراتىن بىرىككەن كۇش قالىپتاستىرۋ كەرەك.
لي گانجيە، حى ليفىڭ قاتارلىلار قىزمەت تەكسەرۋدە بىرگە بولدى ءارى اڭگىمە ماجىلىسىنە قاتىناستى، ۋ جىڭلۇڭ، مۋ حۇڭ جانە نەگىزگى تاقىرىپتىق تاربيە ورتالىق 2 - جەتەكشىلىك ەتۋ گرۋپپاسىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى جەرلەردەگى، قاتىستى كاسىپورىندارداعى جاۋاپتى جولداستار اڭگىمە ماجىلىسىنە قاتىناستى.
