جۇڭگو ۇلگىسىندەگى وسىزامانداندىرۋ قۇرىلىسىنداعى الدىمەن اتقارۋ رايونىنا، ۇلگى كورسەتۋ رايونىنا اينالۋعا قۇلشىنۋ كەرەك
− باس شۋجي شي جينپيڭنىڭ شيۇڭ - ان جاڭا رايونى قۇرىلىسىن، بەيجيڭ − تيانجين − حىبەيدىڭ سايكەستى دامۋىن تەكسەرگەندىگى ءارى اڭگىمە ءماجىلىسىن باسقارىپ اشقاندىعى جونىندە ەستەلىك
□ شينحۋا اگەنتتىگىنىڭ تىلشىلەرى جاڭ شياۋسۇڭ، لين حۇي، حالىق گازەتىنىڭ ءتىلشىسى گۇي سۇڭلۋ
4 جىلدىڭ الدىندا باس شۋجي شي جينپيڭ بەيجيڭ − تيانجين − حىبەيدىڭ سايكەستى دامۋىنا تەكسەرۋ - زەرتتەۋ جۇرگىزگەندە ءارى قاتىستى اڭگىمە ءماجىلىسىن باسقارىپ اشقاندا: الداعى كۇندەردە مەن ۇنەمى كەلىپ ارالاپ، سىزدەردىڭ كەزەڭدىك قىزمەتتەرىڭىزدىڭ جاعدايىن كوزدەن كەشىرىپ تۇرامىن، - دەگەن بولاتىن.
4 جىلدان كەيىن باس شۋجي شي جينپيڭ ۋادەلەسكەنىندەي - اق كەلدى −
5 - ايدىڭ 10 - كۇنىنەن 12 - كۇنىنە دەيىن باس شۋجي شي جينپيڭ شيۇڭ - انعا، ساڭجوۋعا، شىجياجۋاڭعا بارىپ، جۇمىس باسىن ارالاپ، پورتتى كورىپ، حالىق تۇرمىسىن ۇعىسىپ، شيۇڭ - ان جاڭا رايونى قۇرىلىسىن، بەيجيڭ − تيانجين − حىبەيدىڭ سايكەستى دامۋىن سول جەردىڭ وزىندە تەكسەردى، ەكى رەتكى اڭگىمە ءماجىلىسىن باسقارىپ اشىپ، شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋگە، بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋگە ايقىن باعدار كورسەتتى.
كەڭ - بايتاق حىبەي دالاسىندا دامۋدىڭ جاڭا تاراۋى تاعى اشىلدى.
اۋەلگى ماقساتتى ۇمىتپاي، سابىرلىلىق تانىتتى
5 - ايدىڭ 10 - كۇنى تۇستەن بۇرىن ساعات 9دان 40 مينۋت مولشەرىندە باس شۋجي شي جينپيڭ وتىرعان جۇردەك پويەز شيۇڭ - ان ۆوگزالىنا باياۋ كىردى.
6 جىلدىڭ الدىندا باس شۋجي بەيجيڭنەن اتتانىپ، اۆتوكولىكپەن 100 كيلومەتردەن استام جول باسىپ، شيۇڭ - انعا العاش رەت كەلگەن بولاتىن. 6 جىلدان كەيىن بەيجيڭ − شيۇڭ - ان قالا ارالىق تەمىر جولىن بويلاپ، ءبىر ساعاتقا جەتپەيتىن ۋاقىتتا باس شۋجي مەن ونىڭ ساپارلاستارى بەيجيڭ باتىس ۆوگزالىنان شيۇڭ - ان ۆوگزالىنا جەتتى.
2020 - جىلى 12 - ايدىڭ 27 - كۇنى بەيجيڭ − شيۇڭ - ان قالا ارالىق تەمىر جولىنىڭ تۇتاس جەلىسى اشىلىپ، ىسكە قوسىلدى، شيۇڭ - ان ۆوگزالى دا ءبىر ۋاقىتتا پايدالانۋعا بەرىلدى. ”ءمولدىر بۇلاقتى قاينار ەتۋ، سامال ەسىپ، تولقىن جوڭكىلۋ“ سىندى جوبا ۇستانىمىن قولدانعاندىقتان، تۇتاس شيۇڭ - ان ۆوگزالى تامشى بەينەسىندەگى ەلليپس فورماسىندا كورىندى.
”بۇل تامشى شىنىمەن ۇلكەن - اق“! ۆوگزالداعى جاۋاپتى جولداستىڭ تانىستىرۋىن تىڭداپ، باس شۋجي كۇلىمسىرەي سويلەدى.
بولاشاق قالانىڭ قاقپاسى شيۇڭ - ان ۆوگزالىنان ايقارا اشىلدى.
شيۇڭ - ان جاڭا رايونىنداعى قۇرىلىس باستاعان تۇڭعىش كەلەلى نەگىزدىك قۇرىلعى نىسانى رەتىندە، شيۇڭ - ان ۆوگزالىنىڭ سالىنىپ ءبىتىپ، پايدالانۋعا بەرىلۋى بەلگى سيپاتتى مانگە يە.
5 - ايدىڭ 10 - كۇنى تۇستەن كەيىن اشىلعان شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ماجىلىسىندە قاتىستى جاقتارداعى جاۋاپتى جولداستار شيۇڭ - ان جاڭا رايونى قۇرىلىسىنىڭ جاعدايىن تانىستىردى:
باستاما اۋماقتاعى ”شار تاراپتى شارپىعان“ تىرەكتى جول جەلىسى جاپپاي قۇرىلىس باستاپ، 4 ورتالىق كاسىپورىننىڭ باس شتابى، 4 جوعارى مەكتەپ، 2 شيپاحانا ىركەس - تىركەس ىرگە تەۋىپ سالىنىپ، جەر استى قالاسى جەدەل تۇلعالانىپ، ”بۇلتتىق شيۇڭ - ان“ العاشقى قادامدا سالىنىپ ءبىتتى... قالا نوبايى قالىپتاسىپ بولدى.
كوپشىلىكتىڭ تانىستىرۋىن تىڭداعان باس شۋجي شي جينپيڭ شىن پەيىلىمەن تەبىرەنە بىلاي دەدى: ”2017 - جىلى مەن شيۇڭ - انعا العاش رەت كەلىپ، تاقتا قىرىندا تۇرىپ جاڭا رايوننىڭ جوبا چەرتوجىن اشىپ ەدىم. قىسقا عانا 6 جىل ىشىندە شيۇڭ - ان جاڭا رايونى جوقتان بارلىققا كەلۋگە، جوبادان ناقتى كورىنىسكە اينالۋعا دەيىن، جوعارى دەڭگەيلى وسىزاماندانعان قالا ەڭسە كوتەرىپ كەلە جاتىپتى، كەرەمەت دەپ ايتۋعا كەلەدى“.
قانشا الىس ساپار شەككەنىمىزبەن، نەلىكتەن اتتانعانىمىزدى ۇمىتپاۋىمىز كەرەك.
قازىرگى ۋاقىتتاعى تابىستان باستاپ اۋەلگى ماقساتتى ۇمىتپاۋعا دەيىن اڭگىمەلەگەن باس شۋجي شي جينپيڭ بىلاي دەپ باسا دارىپتەدى: ”شيۇڭ - ان جاڭا رايونىنىڭ، اۋەلى، بەيجيڭنىڭ استانالىق ەمەس فۋنكتسيالارىن سەيىلتۋدى شوعىرلى ۇستىنە العان جەر بولۋ يقۋاتىن ايقىنداۋ − شيۇڭ - ان جاڭا رايونىن قۇرۋدىڭ العاشقى ماقساتى مەن بورىشى“.
باستاپتا قالاي ۇيعارىم جاسالدى؟
باس شۋجي بىلاي دەپ ەسكە الدى: ”بەيجيڭ قالاسىنىڭ جالپى جان سانى 1 − 2 جىل ىشىندە قالانىڭ كوتەرىمدىلىك قۋاتىنىڭ ’شىرقاۋ شەگىنە‘ جەتەدى. استانا، ەڭ الدىمەن، ساياسي ورتالىق، ’قويىرتپاق‘ ەمەس، ’تار كوشە ىشىندە زاۆود قۇرۋعا‘، ’جايما ەكونوميكاسىمەن‘ اينالىسۋعا بولمايدى. شيۇڭ - ان جاڭا رايونى بەيجيڭنىڭ استانالىق ەمەس فۋنكتسيالارىن سەيىلتۋ ءۇشىن قۇرىلعان، جاي عانا ءبىر جاڭا رايوندى، ءبىر جاڭا قالانى سالا سالۋ ءۇشىن بولماعان، وسى ورىن تۇراقتاندىرۋىن، ءسوزسىز، انىق ءبىلۋىمىز كەرەك“.
5 - ايدىڭ 10 - كۇنى تۇستەن بۇرىن باس شۋجي شي جينپيڭ شيۇڭ - ان جاڭا رايونىنداعى جۇمىس باستاعان اۋماقتىڭ وزەكتى ورنىنا كەلدى. ءۇش قاباتتى تەكشەگە شىعىپ، كوز الدىنداعى مۇنارا كراندار قايشالىسىپ قاربالاستىققا تۇسكەن كورىنىستەردى كوردى:
شيۇڭ - ان قالا ارالىق ۆوگزال قۇرىلىسى ءتارتىپتى ىلگەرىلەتىلۋدە، حالىقارالىق ساۋدا ورتالىعى سياقتى ءتۇيىندى سايكەستى نىساندار بوي سوزۋدا، جۇڭگو جۇڭحۋا توبى شەكتى سەرىكتەستىگى باس شتابى بازاسى نىسانى سەگىز بۇرىشتى تۇلعا نوبايىندا العاشقى ادىمدا ايگىلەندى، جۇڭگو جاساندى سەرىك جەلىسى توبى شەكتى سەرىكتەستىگىنىڭ شيۇڭ - ان جاڭا رايونىنداعى باس شتاپ عيماراتى 2 - رەتكى قۇرىلىمدىق قۇرىلىس جۇرگىزۋ كەزەڭىنە ءوتتى...
كەلەلى نەگىزدىك قۇرىلعى نىساندارىنىڭ جانە ءتۇيىندى سەيىلتۋ نىساندارىنىڭ جوباسى قۇرىلىسىنىڭ اياق الىسى ءساتتى بولعاندىعىن كورگەن باس شۋجي ءالسىن - ءالسىن باسىن يزەدى.
ول جۇمىس باسىنداعى قۇرىلىسشىلارعا شىن ىقىلاسپەن بىلاي دەدى: ”بۇل 100 جىلدا جولىقپايتىن تاريحي وراي، سىزدەر ماڭىزدى تاريحي مىندەت ارقالاپ وتىرسىزدار، قۇلشىنىڭىزدار“!
اڭگىمە ماجىلىستە بەيجيڭنىڭ استانالىق ەمەس فۋنكتسيالارىن سەيىلتۋ سىندى ”بۇيدانى“ مىقتاپ يگەرۋ جونىندە ماجىلىسكە قاتىناسقاندار الداعى جەردەگى ويلارىن ايتتى: تۇڭعىش توپتاعى سەيىلتۋ نىساندارى قۇرىلىستارىن جەدەل ىلگەرىلەتىپ، ورتالىق كاسىپورىندارى، جوعارى مەكتەپتەر، شيپاحانالار سىندى 2 - توپتاعى سەيىلتۋ نىساندارىن قاتار ىلگەرىلەتۋ، سونىمەن بىرگە 3 - توپتا سەيىلتۋ قىزمەتى جوباسىن زەرتتەپ جاساۋ كەرەك.
باس شۋجي شي جينپيڭ مىناداي تالاپتى دا ايقىن قويدى: ”وزدەرىنىڭ قالاۋ - قالاماۋىنا قاراپ وتىرماي، كوشىرۋگە تيىستىلەرىن كوشىرۋ كەرەك. ’قاعاز جۇزىندە سەيىلتۋگە‘، ’ءتۇسىن وزگەرتىپ كەرى قايتارۋعا‘، كورىنىستە سەيىلتىپ، ناتيجەسىندە قايتىپ كەتۋىنە بولمايدى“. بەيجيڭدە 2 - دارەجەلى ورىن قۇرۋ سياقتى تاسىلدەرمەن، ءبىر جاعىنان، سەيىلتۋگە، ءبىر جاعىنان، تىڭنان ارتتىرۋعا تىپتەن بولمايدى“.
زامانالىق ۇلى جوسپاردى كوزدەپ، ءارى اۋەلگى ماقساتتى ۇمىتپاي، جوبانى سوڭىنا دەيىن كەسكىندەۋ كەرەك، ءارى سابىرلىلىق تانىتۋ، ۇلاستىرا كۇش سالا ىستەۋ كەرەك.
قىزمەت تەكسەرۋ بارىسىندا شيۇڭ - انداعى كادر، بۇقارانىڭ الدىندا باس شۋجي شي جينپيڭ شىندىققا جۇگىنىپ، ناعىن ايتتى: ”شيۇڭ - ان جاڭا رايونىن قۇرۋ − زامانالىق ۇلى جوسپار، ۇزاق ۋاقىت ەڭبەك ەتۋگە تۋرا كەلەدى، ۇشقالاقتىق ىستەۋگە دە، كۇتىپ وتىرۋعا دا، يەك سۇيەۋگە دە، الاقان جايۋعا دا بولمايدى، ءسوز جوق، تاباندىلىقپەن قۇلشىنۋ، قاجىرلىلىقپەن قۇلشىنۋ كەرەك“.
اڭگىمە ماجىلىستە قاتىستى جاقتارداعى جاۋاپتى جولداستاردىڭ الدىندا باس شۋجي شي جينپيڭ بيىكتە تۇرىپ، الىسقا كوز جىبەردى: ”شيۇڭ - ان جاڭا رايونىن قۇرۋ بىرەر كۇندىك ءىس ەمەس، قازىر بارلىعىن ىستەتىپ تاۋىسپاي، بوستىق، مۇمكىندىك قالدىرىپ، ۇزاق ۋاقىتتىق جوبا ءۇشىن نىسان، جەر قالدىرۋ كەرەك. لايىقتى الدا ءجۇرۋ كەرەك، الايدا تىم الدا جۇرۋگە بولمايدى، سالىنىپ بىتكەن نىسانداردىڭ ىستەتىلمەي ىسىراپ بولۋىنان ساقتانۋ كەرەك. كەيبىرىن جاپپاي اتقارۋ، كەيبىرىن ىڭعايىنا قاراي جۇرگىزۋ كەرەك، كەيبىرىن داۋىرمەن بىرگە العا ىلگەرىلەتۋ كەرەك، ناتيجە شىعارۋعا اسىعۋعا دا بولمايدى، ەشقانداي ءىس تىندىرماۋعا دا بولمايدى“.
حالىق قالاسى، باقىت قالاسى
شيۇڭ - ان جاڭا رايونىن قۇرۋ بارىسىندا باس شۋجي وسى اراداعى بۇقارانى ءاردايىم ەسكە الىپ تۇردى.
”مەن بىرنەشە جىلدىڭ الدىندا شيۇڭ - انعا كەلگەمىن، تاعى دا وسى جەردىڭ قامىن جەپ كەلەمىن. اسىرەسە، بۇقارانى قايتا كوشىرۋ نەشە 100 مىڭ ادامعا سايادى، ولاردىڭ قازىرگى تۇرمىسىنىڭ قالاي ەكەندىگىن كورگىم كەلەدى“.
رۇڭدۇڭ اۋماعى نانۋىنيىڭ الەۋمەتتىك اۋماعىنا انشين، رۇڭچىڭ ەكى اۋدان بۇقاراسىنان 5000نان استام ادام قايتا كوشىرىلىپ ورنالاستىرىلدى. 5 - ايدىڭ 10 - كۇنى تۇستەن بۇرىن باس شۋجي شي جينپيڭ وسى اراعا كەلىپ كوپشىلىككە امانداستى.
پارتيا مۇشەلەرى مەن بۇقاراعا قىزمەت وتەۋ ورتالىعىنا بارعاندا ءبىر كاريانىڭ تەرەزەدە جۇمىس ءبىتىرىپ جاتقاندىعىن كورگەن باس شۋجي جانىنا بارىپ ونىمەن شۇيىركەلەستى: ”قازىرگى تۇرمىسىڭىز قالاي؟ كىرىسىڭىز قانشا“؟
”جۇبايىم ەكەۋىمىزدىڭ ءبىر ايلىق كىرىسىمىز 4000 يۋانعا تايايدى“.
”بۇل قانداي كىرىس“؟ - دەپ سۇرادى باس شۋجي.
”زەينەتاقى“.
”باسقا كىرىستەرىڭىز بار ما“؟ - دەپ قۋارلاي سۇرادى باس شۋجي.
”اسكەر بولعانمىن، تاعى ءبىراز قوسىمشا قاراجاتىم بار“.
”جەتە مە“؟ - دەپ تاعى سۇرادى باس شۋجي.
”جەتەدى، اسىپ تا قالادى“، - دەدى كاريا كۇلىپ، - ”قازىر قايتا كوشىرىلگەن ۇيگە كوشىپ كىردىك، تۇرعىن ۇيدەن قىسىلمايمىز، تاماققا قانشا كەتەدى دەيسىز“.
باس شۋجي كۇلدى.
قارتايعاندا كۇتىمدەلەتىن ورىن بولۋعا كوڭىل ءبولدى، كيەر كيىم، ىشەر اس، تۇرعىن ءۇي، ءجۇرىس - تۇرىستى ەسىنەن شىعارمادى.
تۇسكە تاياعاندا الەۋمەتتىك اۋماق اسحاناسىندا بىرنەشە كاريا تاماقتانىپ وتىر ەكەن، باس شۋجيدى كورگەندە ولار جاپا - تارماعاي ورىندارىنان تۇرىپ امانداستى.
دامدەپ بىقتىرىلعان تابان بالىق، بۇرشاق ىرىمشىگى قوسىپ اسىلعان ەت، پاميدور قوسىپ قۋىرىلعان جۇمىرتقا، قىزارتىپ قۋىرىلعان چيەزى ... باس شۋجي كاريالاردىڭ اس تاباقتارىنا قاراپ تۇرىپ: ”بۇل اراداعى قۋىرماشتاردىڭ ءتۇرى از ەمەس ەكەن ءا“! - دەدى.
”حالىق قالاسى“ ۇستانىمى ”باقىت قالاسىنىڭ“ كورىنىسىن ايشىقتادى.
الەۋمەتتىك اۋماق تۇرعىنى لي جيڭحى ءاسىلى رۇڭچىڭ اۋدانى لياڭماتاي قالاشىعى شيليجيايىڭ قىستاعىنىڭ ادامى بولاتىن، 2021 - جىلى 11 - ايدا جاڭا قونىسقا كوشىپ كىرگەن.
ونىڭ وتباسىنداعىلار باس شۋجي شي جينپيڭدى ۇيلەرىنە قارسى الىپ كىرگىزدى. 140 شارشى مەترلىك ۇلكەن ءۇي كەڭ دە جارىق ەكەن، ءۇي جيھازدارى دا، ءۇي ەلەكتر جابدىقتارى دا شىت جاڭا، جايناپ تۇر، تامعا ۇلكەن ”福“ ءارىبى ءىلىنىپتى.
”سىزدەردىڭ قازىرگى ۇيلەرىڭىزدىڭ شارت - جاعدايى، شىنىمەن، جاقسى ەكەن“، - دەدى باس شۋجي تاماشالاي ءجۇرىپ ءسۇيىنىش ءبىلدىرىپ.
”ءيا“! لي جيڭحىنىڭ ۇيىندەگىلەر ءۇي ىشىندەگىلەردىڭ ءبىر توپتىق سۋرەتىن الىپ شىعىپ، ”بۇل ءبىزدىڭ ۇيدەگىلەردىڭ بۇرىنعى ەسكى ۇيدە تۇسكەن سۋرەتى، قازىرگى ءۇيىمىز بۇرىنعى كونە ۇيدەن الدەقايدا جاقسى“.
باس شۋجي باسىن يزەپ: ”جاڭا رايونداعى قايتا كوشىرىلگەن بۇقارا الدىمەن ورنالاسۋ كەرەك، تىنىش ءومىر بولعاندا عانا، شات - شادىمان تىرشىلىك كەشىرۋگە بولادى، ورنىققاندا عانا، زور دامۋ بولادى. شيۇڭ - ان جاڭا رايونىن جاپپاي اشۋدا، قاۋىرت دامىتۋدا الدا وراي ەرەكشە كوپ، ءسوزسىز، قايتا كوشىرىلگەندەردىڭ تىنىش ءومىرى مەن شات - شادىمان تىرشىلىك كەشىرۋىن ويداعىداي ءتۇيىلىستىرۋ كەرەك“، - دەدى.
لي جيڭحىنىڭ قىزى لي زىحان بيىل تولىق ورتانىڭ 2 - جىلدىعىندا وقيدى. ول باس شۋجيگە شيۇڭ - ان جاڭا رايونى قۇرىلعاننان كەيىن، بەيجيڭدەگى ورتا مەكتەپ باستىقتارىنىڭ كەلگەندىگىن، وقىتۋشىلارىنىڭ كەلگەندىگىن، بۇگىنگى تاڭدا ءۇيدىڭ جانىنان - اق ساپالى وقۋ - اعارتۋ بايلىعىنان يگىلىكتەنە العاندىعىن ايتتى.
باس شۋجي: ”كەلەر جىلى جوعارى مەكتەپكە ەمتيحان تاپسىرعالى وتىر ەكەنسىڭ، نەندەي مۇراتىڭ بار“؟ - دەپ سۇرادى.
”مەديتسينا ۇيرەنسەم دەيمىن. داشۋە بىتىرگەننەن كەيىن، ءسوزسىز، جاڭا رايونعا قايتىپ كەلىپ، مەكەنىمە ۇلەس قوسامىن“.
باس شۋجي وعان سۇيىنە قاراپ: ”جارايسىڭ! سەندەر − وسى ۇرپاق مەملەكەتىمىز وسىزاماندانۋعا قادام تاستاۋدا، ودان ۇلتتىڭ گۇلدەنۋىن جۇزەگە اسىرۋدا ءۇمىت ارتاتىن ۇرپاقسىڭدار. شيۇڭ - ان دەگەن بۇل جەر بولاشاقتا بۇكىل جۇڭگونىڭ ۇلگىسىنە اينالادى، مىڭ جىلدىق قالا ءۇشىن ۇزاق ۋاقىت ەڭبەك ءسىڭىرۋ كەرەك، العاشقى باستامانىڭ ءوزى ەڭ جوعارى. جاستار ىنتالى بولادى، تۋعان جەرگە ماحابباتى بولادى، وقۋ بىتىرگەننەن كەيىن قايتىپ كەلىپ، تۋعان مەكەندى يگىلىككە كەنەلتىڭدەر، ءسوزسىز، ءىرى ءىس تىندىرا الاسىڭدار“!
اتتاناردا تۇرعىندار جاپا - تارماعاي الەۋمەتتىك اۋماق الاڭىنا كەلىپ، باس شۋجيمەن قوشتاستى.
ىقىلاستى بۇقاراعا قاراپ تۇرىپ، باس شۋجي شي جينپيڭ تەرەڭ سۇيىسپەنشىلىكپەن: ”مەن حىبەيدە قىزمەت ىستەگەنمىن، حىبەيگە سۇيىسپەنشىلىگىم بار. بۇل اراداعى بۇقارانىڭ تۇرمىسىنىڭ جاقسى ەكەندىگىن كورىپ، مەن ەرەكشە قۋاندىم! بۇل مەنىڭ جىڭديڭدا اۋداندىق پارتكوم شۋجيى بولعانداعى ارمانىم ەدى“، - دەدى.
جەرگىلىكتى حالىق بۇقاراسىنىڭ تىنىش ءومىر، شات - شادىمان تىرشىلىك كەشىرۋىنە كوڭىل ءبولدى، ونان دا ماڭىزدىسى، بولاشاقتاعى ۇرپاقتاردىڭ جالىنداپ شارىقتاۋىنا كوڭىل ءبولدى.
1985 - جىلى جىڭديڭ اۋداندىق پارتكوم شۋجيى مىندەتىنەن بوساۋ الدىندا تۇرعان شي جينپيڭ جازۋشى سۇن ليدىڭ قالامىنداعى، كينو «بالا اسكەر جاڭ گاداعى» بايياڭدياندى كورە كەتپەك بولدى.
5 - ايدىڭ 10 - كۇنى تۇستەن كەيىنگى اڭگىمە ماجىلىستە باس شۋجي شي جينپيڭ وسى كەشىرمەسىن ەسكە الىپ: ”جىڭديڭدا 3 جىل قىزمەت ىستەگەندە بارماپپىن. ءبىز جيپ اۆتوكولىگىمەن بەيجيڭگە قايتقاندا بارىپ كورە كەتۋدى ويلادىق. انشين اۋدانىنان وتكەندە جەرگىلىكتى اۋىلداستاردان جول سۇرادىق. اۋىلداستار ’كورمەي - اق قويىڭدار، سۋ تارتىلىپ قالعان، ەشتەڭە دە جوق‘ دەدى. مۇنى ەستىپ سۋىنىپ قالدىق“، - دەدى.
2017 - جىلى باس شۋجي شي جينپيڭ شيۇڭ - اندا قىزمەت تەكسەرگەندە بايياڭدياندى تۇڭعىش رەت كوردى. ول شيۇڭ - ان جاڭا رايونىنىڭ ورنىن وسى ارادان تاڭداۋعا بەل بايلادى، مۇندا بايياڭدياندى ءبۇلدىرۋدى ەمەس، قايتا بايياڭدياندى قورعاۋدى ويلادى.
وسى رەت شيۇڭ - انعا كەلگەندە باس شۋجي شي جينپيڭ شيۇڭ - ان ءماجىلىس - كورمە ورتالىعىندا بايياڭدياننىڭ ەكولوگيالىق ورتاسىن وڭاۋ جونىندەگى بەينەەكراندا مالىمەت بەرۋدى جانە ناقتى ۋاقىتتاعى بەينەباقىلاۋ كەسكىنىن كوردى.
ۇلكەن ەكراندا سۋ مەن اسپان ءبىر تۇسكە ەنىپ، قۇستار قالىقتاپ، قالا مەن كول ءبىر - ءبىرىن سۇيەنىش ەتكەن، بىرگە ءومىر ءسۇرىپ، توعىسقان كوركەم كورىنىس جايىپ سالىندى.
جەرگىلىكتى جاۋاپتى جولداس بىلاي دەپ تانىستىردى: كەڭ كولەمدى، جۇيەلى ەكولوگيالىق وڭاۋدان بايياڭدياننىڭ سۋ ساپاسى ناشارⅤتۇردەن جاقساردى ءارى Ⅲ ءتۇر ولشەمىن ساقتادى، كوك باس سۇقسىر ۇيرەك سياقتى باعالى قۇس ءتۇرى وسىندا كوبەيە باستادى.
”شيۇڭ - ان جاڭا رايونىن قۇرۋعا بولا بايياڭدياندى ويرانداۋعا بولمايدى، ەكەۋىن ءبىر - بىرىنە سايكەستىرۋ كەرەك، استە ءبىر - بىرىنە قارسى قويۋعا بولمايدى“. باس شۋجي شي جينپيڭ شىن ىقىلاسپەن بىلاي دەدى: ”قازىر بايياڭدياننىڭ ەكولوگياسى بىرتىندەپ قالپىنا كەلدى، ەرەكشە قورعاپ، ايرىقشا قاستەرلەپ، بايياڭدياننىڭ جاڭا رايون حالقىن ماڭگى باقىتقا كەنەلتۋىنە مۇمكىندىك جاساۋ كەرەك“.
سايكەستى دامۋ، جاڭالىق اشا دامۋ
بەيجيڭ − تيانجين − حىبەي سايكەستى دامىعان 9 جىلدا سۇبەلى ناتيجە تىزىمدىگىن تاپسىردى. 2022 - جىلى 3 جەردىڭ ەكونوميكاسىنىڭ جالپى مولشەرى 10 تريلليون يۋاننان استى.
”اماليات پارتيا ورتالىق كوميتەتىنىڭ بەيجيڭ − تيانجين − حىبەي سياقتى كەلەلى وڭىرلەردى دامىتۋ جونىندەگى ستراتەگياسىنىڭ ەلىمىزدىڭ جاڭا داۋىردەگى جوعارى ساپالى دامۋ سۇرانىسىنا ۇيلەسەتىندىگىن، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدىڭ ءونىمدى جولى ەكەندىگىن دالەلدەدى“، - دەدى باس شۋجي شي جينپيڭ 5 - ايدىڭ 12 - كۇنى تۇستەن كەيىن اشىلعان بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ماجىلىسىندە.
جاڭا تاريحي باستامادا تۇرىپ، بەيجيڭ − تيانجين − حىبەيدىڭ سايكەستى دامۋىنىڭ ۇزدىكسىز تىڭ بەلەسكە كوتەرىلۋىن قالاي ىلگەرىلەتۋ كەرەك؟
وسىنداي تولعانىسپەن اڭگىمە ماجىلىستەن ىلگەرى باس شۋجي ىلگەرىندى - كەيىندى حىبەيدىڭ ساڭجوۋ، شىجياجۋاڭ سياقتى جەرلەرىنە بارىپ، ەگىس اتىزىن، پورتتى، عىلمي زەرتتەۋ ورنىن، ونەركاسىپ باقشا رايونىن ىشكەرىلەي ارالاپ، سول جەردىڭ وزىندە تەكسەرۋ - زەرتتەۋ جۇرگىزىپ، ستراتەگيالىق تۇرعىدان جوعارى دەڭگەيلى جوبا جاساپ، ۇلى جوبا كەسكىندەدى.
جاز باسى، ساڭجوۋ قالاسىنا قاراستى حۋاڭحۋا قالاسى جيۋچىڭ قالاشىعى شيانجۋاڭ اۋماعىندا سالقىن سامال ەسىپ، ءبيداي اتىزى تولقىپ تۇر. باسقا جەرلەردەن پارقى مۇنداعى ءبيداي سورتاڭ جەرگە ەگىلگەن.
5 - ايدىڭ 11 - كۇنى تۇستەن بۇرىن باس شۋجي شي جينپيڭ وسى اراعا ارناۋلى كەلىپ، شىجىعان ىستىققا قاراماستان، ەگىس اتىزدارىنا بارىپ، ءشول - سورتاڭ جەردەگى ءبيداي ەگىمشىلىگىن جالپىلاستىرۋ جانە كاسىپ سالالاندىرۋ جاعدايىن تەكسەردى.
ساڭجوۋ قالاسى بوحاي تەڭىزىنىڭ جاعالاۋىنا ورنالاسقان، توپىراعىنىڭ سورتاڭدانۋ دارەجەسى جوعارى، قىرۋار ورتا، تومەن ءتۇسىمدى اتىزدار جانە سورتاڭ يەن جەرلەر بار. سوڭعى جىلدارى سورعا ءتوزىمدى، دەرت - دەربەزگە قارسىلىعى كۇشتى ءبيداي ءتۇرىن جەتىلدىرىپ، ءوندىرۋ، ەگۋ تەحنيكاسىن جاقسارتۋ ارقىلى سورتاڭ جەرلەر بىرتىندەپ ”ۇلكەن استىق قامباسىنا“ اينالدى.
تاقتا قىرىنىڭ شەتىندەگى ۇزىن ۇستەلگە تۇرلىشە سورتتاعى ءشول - سورتاڭ جەرگە ەگىلەتىن ءبيداي تۇقىمى، سونداي - اق شي كەسپە، ۇن، ورنەكتى قامىر، ساپ ءبيداي بولكاسى سياقتىلار ءتىزىلىپتى. باس شۋجي دەن قويا كورگەننەن كەيىن: ”ءشول - سورتاڭ جەردەگى ءبيدايدان جاسالعان ۇن تاعامداردىڭ دامىندە قانداي پارىق بولادى“؟ - دەپ سۇرادى.
”ادەتتەگى بيدايمەن سالىستىرعاندا، ءشول - سورتاڭ جەردەگى ءبيدايدان جاسالعان ۇن تاعامداردىڭ ءبيداي ءدامى ەداۋىر كۇشتى بولادى، سوزىلعىشتىعى جاقسى بولىپ، ەرەكشە قارسى الىنادى“، - دەدى اۋىل شارۋاشىلىعى تەحنيكتەرى.
شەتسىز - شەكسىز ءبيداي اتىزى جاسىل تەڭىز ىسپەتتى.
باس شۋجي اتىز باسىنا بارىپ، ەڭكەيىپ ءبىر بۋدا ءبيداي ماساعىن قولىنا الىپ، ءشوپ وتاپ جاتقان ديقان ياڭ دۇڭجيننان نەشە مۋ ءبيداي سالعانىن، مۋ باسىندىق ءونىمىنىڭ قانشالىق ەكەندىگىن، ءبيدايدىڭ ءوسۋىنىڭ قانداي ەكەندىگىن سۇرادى.
ياڭ دۇڭجين باس شۋجيگە: ءوز وتباسىنىڭ 20 مۋ جەرگە ءشول - سورتاڭ جەر ءبيدايىن ەككەندىگىن، بىلتىرعى تازا كىرىسىنىڭ 6000 يۋاننىڭ ۇستىندە بولعاندىعىن، بيىل اۋا رايى جاقسى بولعاندىقتان، مەجەمەن مۋ باسىنان 400 − 500 جىڭ ءونىم الا الاتىندىعىن ايتتى.
”بيىل مول ءونىم الۋىڭا تىلەۋلەسپىن“! باس شۋجي باسىن يزەپ كەسەتىپ جاۋاپ بەردى.
كەڭ كوسىلگەن ەگىنجايعا قاراپ، باس شۋجي تەرەڭ وي جۇگىرتتى: ”بۇكىل ەلدە ءبىر ميلليارد 500 ميلليون مۋ سورتاڭ جەر بار، مۇنىڭ ىشىندە 500 ميلليون مۋ جەرگە استىق ەگۋگە كەلەدى، ەگەر اشىپ پايدالانۋعا كەلسە، ەلىمىزدىڭ ەگىستىك جەر كولەمىن ۇلعايتۋ، مەملەكەتتىڭ استىق حاۋىپسىزدىگىن قورعاۋ جونىنەن اسا ماڭىزدى ءمان الار ەدى“.
2021 - جىلى باس شۋجي شي جينپيڭ شاندۇڭنىڭ دۇڭيىڭىندەگى حۋاڭحى اتىراۋى اۋىل شارۋاشىلىعى جوعارى، جاڭا تەحنيكا كاسىپ سالاسىنان ۇلگى كورسەتۋ رايونىنا بارىپ، سورتاڭ جەرگە شىدامدى داقىلداردى جەتىلدىرۋ جاعدايىنا ارناۋلى تەكسەرۋ جۇرگىزدى.
”الدىڭعى جولى سويا بۇرشاقتى، وسى جولى ءبيدايدى كوردىم. سورتاڭ جەردەن كەشەندى پايدالانۋ ستراتەگيالىق ماسەلە، ءسوزسىز، ماڭىزدى ورىنعا قويۋ كەرەك. ەلىمىزدە تەڭىز جاعالاۋى وڭىرلەرىنەن تىس، شىعىس سولتۇستىكتەگى سۇڭنىن جازىعى، ىشكى موڭعۇلدىڭ حىتاۋ ءوڭىرى، شينجياڭ ءوڭىرى سياقتىلاردىڭ بارىندە كولەمدى سورتاڭ جەر بار. قازىرگى جەتىستىكتەر نەگىزىندە ونان ارى قۇلشىنىپ، سورتاڭ جەردەگى ەرەكشە اۋىل شارۋاشىلىعى سىندى ءىرى ءىستى ويداعىداي تىندىرۋ كەرەك“.
پورت − ەكونوميكانىڭ، قوعامنىڭ جوعارى ساپالى دامۋىن جەبەيتىن ماڭىزدى قوزعالتقىش.
5 - ايدىڭ 11 - كۇنى تۇستەن كەيىن باس شۋجي شي جينپيڭ حۋاڭحۋا پورتىنىڭ كومىر پورت اۋماعى كەمەتۇراعىنا بارىپ قىزمەت تەكسەرىپ، تەكسەرۋ - زەرتتەۋ جۇرگىزدى.
حۋاڭحۋا پورتى بوحاي تەڭىزىنىڭ يىنىنە ورنالاسقان، جاعراپيالىق ورنى تاماشا، مەملەكەتىمىزدىڭ باتىستىڭ كومىرىن شىعىسقا تاسيتىن، سولتۇستىكتىڭ كومىرىن وڭتۇستىككە تاسيتىن ماڭىزدى توراپتىق پورتى. ەگەردە بوحاي تەڭىزىن جەبەگە بالايتىن بولساق، حۋاڭحۋا پورتى تۇتقا ورنىندا تۇر.
حىبەي ولكەسىنىڭ پورت ورنالاسىمى سىزباسى الدىندا باس شۋجي شي جينپيڭ ۇزاق تۇردى. حىبەي ولكەسىندەگى جاۋاپتى جولداس: حىبەي ولكەسىندە داتۇڭ − چيڭحۋاڭداۋ، سۋجوۋ − حۋاڭحۋا، ىشكى موڭعۇل − حىبەي سىندى 3 نەگىزگى كومىر تاسىمال ارناسى بار، حىبەي پورتىنان سۋ جولىمەن وتكەرمەلەنۋ ارقىلى چاڭجياڭ اتىراۋى، جۋجياڭ اتىراۋى سياقتى وڭىرلەرگە تولاسسىز «ونەركاسىپ استىعىن» جەتكىزىپ تۇرادى، - دەپ تانىستىردى.
”ەلىمىزدىڭ كومىر وندىرەتىن نەگىزگى وڭىرلەرى سولتۇستىك بولىكتە، باتىس بولىكتە، ال تۇتىناتىن جەرلەر شىعىس بولەككە، وڭتۇستىك بولەككە شوعىرلانعان، كومىردى ۇزاق ارالىققا ۇلەستىرىپ تاسىمالداۋ ەجەلدەن ماڭىزدى ماسەلە بولىپ كەلگەن ەدى. قۇرلىق تاسىمالىنان تەڭىز تاسىمالىنا دەيىن، حۋاڭحۋا پورتى سياقتى ەنەرگيا پورتى ماڭىزدى بورىش ارقالاپ وتىر“، - دەدى باس شۋجي.
سولتۇستىكتەن وڭتۇستىككە دەيىن قاتارىنان بوي كوتەرگەن حىبەي ولكەسىنىڭ چيڭحۋاڭداۋ پورتى، جيڭتاڭ پورتى، ساۋفيديان پورتى جانە حۋاڭحۋا پورتى بەينە تەڭىز جاعالاۋىنداعى جارقىراعان 4 مەرۋەرت ىسپەتتى.
حىبەيدىڭ پورت بايلىعىن بىرىكتىرىپ، قايتا ۇيىمداستىرىپ، حىبەي پورت توبىن قۇرىپ، جۇدىرىقتاي جۇمىلعان شوعىرلاندىرۋ اسەرىن قالىپتاستىرعاندىعىن ەستىگەندە، باس شۋجي: ”بىتىراڭقى بايلىقتى بىرىكتىرىپ، ءبىر تۇتاس جوبالاپ، ءبىر تۇتاس قارجى سالىپ قۇرىلىس جۇرگىزىپ، ءبىر تۇتاس تيجارات جۇرگىزىپ، وزدەرىنىڭ تۇرلىشە فۋنكتسياسىن، باسىمدىعىن ساۋلەلەندىرۋ كەرەك“، - دەپ القادى.
وقتاي ءتۇزۋ شارباق كوپىر تەلەگەي تەڭىزدىڭ تەرەڭ تۇكپىرىنە تارتىلىپتى، شىعاناقتا جۇك كەمەلەرى ءالسىن - ءالى گۋدوك بەرىپ ءوتىپ جاتىر. اڭگىمە بارىسىندا ”شىنحۋا 523“ اتتى 50 مىڭ توننالىق كومىر تيەلگەن كەمە باياۋ جىلجىپ كەلەدى.
باس شۋجي جۇك كەمەسىن نۇسقاپ تۇرىپ، ”مىناداي كەمەگە جۇك تيەۋگە - جۇك تۇسىرۋگە قانشالىق ۋاقىت كەتەدى“؟ - دەپ سۇرادى.
”شامامەن 24 ساعاتتىڭ ىشىندە ورىنداپ بولۋعا بولادى. كەمەگە جۇك تيەۋ ماشيناسىنان كەمەدەن جۇك ءتۇسىرۋ ماشيناسىنا دەيىن، ءبىز بۇكىلدەي ادامسىز جۇمىس ىستەۋدى جۇزەگە اسىردىق، بارلىعى اۆتوماتتى ورىندالادى“، - دەدى قىزمەتكەر ماقتانىشپەن.
”قازىر پورت ىستەرى جۇيە قۇرىلىسى بارعان سايىن جاقساردى، كەمەجاي تازا، رەتتى، وسىزاماندانعان. بۇرىنعى بارلىق جەردەن كومىر كۇلى بۇرقىلداپ اعاش اتاۋلى قاپ - قارا بولىپ تۇراتىن كومىر تۇسىرەتىن كەمەجايعا ۇقسامايدى“. باس شۋجي اسەرلەنە بىلاي دەدى: ”جۇڭگودا مول كومىر بايلىعى بار، سونداي - اق كومىر ەلىمىزدەگى ورنىن باسۋعا كەلمەيتىن ماڭىزدى ەنەرگيا. جاسىل دامۋدى ىلگەرىلەتۋ دەگەنىمىز كومىردى جوعالتۋ ەمەس، قايتا كومىردى تازا پايدالانۋدى ىلگەرىلەتۋدى مەڭزەيدى“.
پورتتاعى قىزمەتكەرلەر قاۋمالاي جينالىپ، كوتەرىڭكى ۇنمەن باس شۋجيگە امانداستى.
باس شۋجي ىقىلاسپەن كوپشىلىككە بىلاي دەدى: ”پورت − ەكونوميكانىڭ دامۋىنداعى ماڭىزدى تىرەك، سىزدەردىڭ ونان ارى عىلمي دامىتىپ، حۋاڭحۋا پورتىن ستراتەگيالىق ءمان الاتىن كوپ فۋنكتسيالى، كەشەندى، وسىزاماندانعان ۇلكەن پورت ەتىپ قۇرىپ شىعىپ، بەيجيڭ − تيانجين − حىبەيدىڭ سايكەستى دامۋى، شيۇڭ - ان جاڭا رايونى قۇرىلىسى، ’ءبىر بەلدەۋ، ءبىر جولدى‘ بىرگە قۇرۋ سياقتىلارعا اناعۇرلىم زور ۇلەس قوسۋلارىڭىزدى ءۇمىت ەتەمىن“.
بەيجيڭ − تيانجين − حىبەي بۇكىل ەلدىڭ جوعارى ساپالى دامۋىنداعى ءۇش ءىرى قوزعاۋشى كۇش قاينارىنىڭ ءبىرى رەتىندە، قىرۋار جوعارى دەڭگەيلى زەرتتەۋ دارىندىلارىنا يە، جاڭالىق جاراتۋ نەگىزى بەرىك، قۋاتى مىعىم.
5 - ايدىڭ 12 - كۇنى تۇستەن بۇرىن، باس شۋجي شي جينپيڭ شىجياجۋاڭ قالاسىنا ورنالاسقان جۇڭگو ەلەكترون عىلىم - تەحنيكاسى كاسىپ سالاسى نەگىزدىك زەرتتەۋ مەكەمەسىنە بارىپ، تەكسەرۋ جۇرگىزدى.
بۇل ارا ەلىمىزدىڭ ماڭىزدى جوعارى دەڭگەيلى، وزەكتى ەلەكترون اسپاپتارىمەن قامداۋ بازاسى، جارتىلاي وتكىزگىش جاڭا بولشەكتەرىنەن، جاڭا تەحنيكالارىنان جاڭالىق اشۋ بازاسى. اۋلاداعى چيپ تەحنيكاسىن زەرتتەۋ ورنىنىڭ الدىنداعى كوگالدا ”ەرلىكپەن عىلىم - تەحنيكانىڭ شىڭىنا شىعايىق“ دەگەن نارت قىزىل جازۋى بار تاقتايشا تۇر.
”مەن بۇرىن جىڭديڭدا قىزمەت ىستەگەن كەزىمدە - اق وسى ارانىڭ ەلىمىزدىڭ عىلمي زەرتتەۋ ورىندارىنىڭ ىشىندەگى ماڭىزدى بىرەۋى ەكەندىگىن بىلەتىنمىن، داڭقىنا بۇرىننان بەرى قانىقپىن“! - دەدى باس شۋجي ىقىلاسپەن.
ءتۇرلى چيپ، ەلەكترون بولشەكتەرى، شىنى قاپتاما قوراپ... باس شۋجيى كورمە زالىندا كورمەگە قويىلعان بۇيىمداردى مۇقياتتىلىقپەن كورىپ، تانىستىرۋدى دەن قويا تىڭداپ، ءالسىن - ءالى ءسوز قىستىرىپ، سۇراۋ قويىپ تۇردى.
كاسىپورىننىڭ وندىرگەن ونىمدەرىنىڭ عارىشقا ادام الىپ ۇشۋ، اي شارىن، مارستى بارلاۋ - تەكسەرۋ، بەيدوۋ تورىن قۇراۋ سياقتىلاردىڭ ءار ءتۇرلى جابدىقتارىنا جانە 5G بازالىق ستانسياسىن، جاڭا ەنەرگيالى اۆتوكولىكتى، وپتيكالىق بايلانىستى ۋاكىل ەتكەن سيفرلى ەكونوميكا كاسىپ سالاسىنىڭ دامۋىنا پارمەندى تىرەك بولعاندىعىن بىلگەننەن كەيىن باس شۋجي القاپ بىلاي دەدى: ”ءبارى وزىق تەحنيكالار ءارى ءبىزدىڭ عىلىم - تەحنيكادا دەربەس بولۋدى، ءوزىمىزدى - ءوزىمىز الۋەتتەندىرۋدى جۇزەگە اسىرۋىمىزداعى ەڭ ماڭىزدى مەملەكەت قۇرالىمىز“.
زەرتتەۋ ورنىنداعى جاۋاپتى جولداستىڭ تانىسترۋىنشا، قازىر 6000نان استام قىزمەتكەردىڭ ىشىندە عىلىم - تەحنيكا قىزمەتكەرى 4000نان اسىپ، كوپشىلىكتىڭ ءىس تىندىرىپ، ناتيجە شىعارۋ ىنتاسى وتە جوعارى ەكەن.
”وسىزامانداندىرۋ قۇرىلىسىن ىلگەرىلەتۋدە عىلىم - تەحنيكادا قۇدىرەتتى ەل بولۋعا، كاسىپ سالاسىندا قۇدىرەتتى ەل بولۋعا سۇيەنۋ كەرەك. عىلىم - تەحنيكادا قۇدىرەتتى ەل بولۋ عىلىم - تەحنيكا اتويشىلارىنان، عىلىم - تەحنيكا قوسىندارىنان ايرىلا المايدى“. باس شۋجيدىڭ ءسوزى ۇمىتكە تولى بولدى، ”سىزدەردىڭ كۇش ۇستىنە كۇش قوسىپ، ەرلىكپەن بيىك شىڭعا شىعىپ، الدىڭعى لەكتەگى تەحنيكالاردان ۇزدىكسىز قامال الىپ، اناعۇرلىم كوپ ءىرى ەل ماڭىزدى قۇرالىن جاساپ، جاڭا دامۋ ارناسىن قالىپتاستىرۋعا پارمەندى قامتاماسىزدىق ازىرلەۋلەرىڭىزدى ءۇمىت ەتەمىن“.
شىجياجۋاڭ جوعارى، جاڭا تەحنيكالىق كاسىپ سالالارىن اشۋ رايونىنا ورنالاسقان شىجياجۋاڭ قالالىق حالىقارالىق بيولوگيالىق ءدارى - دارمەك باقشاسىنا دا قىرۋار جوعارى دەڭگەيلى زەرتتەۋ دارىندىلارى مەن جاڭاشىل كاسىپورىندار توپتالعان.باس شۋجي باقشا رايونىنا كەلىپ، جوبا كورمە سارايىن ەكسكۋرسيالادى. كورمە تەكشەسىندە باقشا رايونىنداعى كاسىپورىندار زەرتتەپ اشقان ءتۇرلى ءدارى - دارمەك ونىمدەرى كوزدىڭ جاۋىن الادى.
بيولوگيالىق ءدارى - دارمەك كاسىپ سالاسى شىجياجۋاڭ ءتۇيىندى تۇلعالاعان 100 ميللياردتىق كولەمدەگى كاسىپ سالالارى شوعىرى، جاقىنعى جىلداردان بەرگى دامۋى تەز، بۇكىل ەلدەگى 100 مىقتى ءدارى - دارمەك كاسىپورنىنان ءبىر توبى بار.
”شىجياجۋاڭنىڭ ەمدەۋ، ءدارى - دارمەك كاسىپ سالاسىن دامىتۋعا تاماشا نەگىزى بار، وسى ورىن تۇراقتاندىرۋى ءالى دە ءبىرشاما جاقسى“. باس شۋجي بىلاي دەپ اتاپ كورسەتتى: بيولوگيالىق ءدارى - دارمەك كاسىپ سالاسى − مەملەكەت شارۋاشىلىعى مەن حالىق تۇرمىسىنا جانە مەملەكەتتىڭ حاۋىپسىزدىگىنە قاتىستى ستراتەگيالىق سيپاتتى جاڭادان گۇلدەنگەن كاسىپ سالاسى، ول توتەنشە ماڭىزدى، بولاشاعى زور. دەربەس جاڭالىق اشۋدى كۇشەيتىپ، وسى كاسىپ سالاسىن دامىتۋ جان تامىرىن ءوز قولىمىزدا مىقتى يگەرۋىمىز كەرەك.
استانا جانە ونىڭ ماڭىنداعى بايتاق ءوڭىردىڭ ۇلى جوباسى قايتا كەسكىندەلدى.
”بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ − كۇردەلى جۇيەلى ينجەنەريا“. 5 - ايدىڭ 12 - كۇنى تۇستەن كەيىن اشىلعان اڭگىمە ماجىلىستە باس شۋجي شي جينپيڭ وسى ءبىر كەلەلى مەملەكەت ستراتەگياسىنا زور ءۇمىت ارتتى، ”بەيجيڭ − تيانجين − حىبەيدىڭ سايكەستى دامۋىنىڭ ۇزدىكسىز تىڭ بەلەسكە كوتەرىلۋىن ىلگەرىلەتىپ، بەيجيڭ − تيانجين − حىبەيدى جۇڭگو ۇلگىسىندەگى وسىزامانداندىرۋ قۇرىلىسىنداعى الدىمەن اتقارۋ رايونىنا، ۇلگى كورسەتۋ رايونىنا اينالۋعا قۇلشىنۋ كەرەك“.
(شينحۋا اگەنتتىگىنىڭ 5 - ايدىڭ 13 - كۇنى شىجياجۋاڭنان بەرگەن حابارى)
