انار بۇلت \ شينجياڭ گازەتىنىڭ ءتىلشىسى جاڭ يۇنمەي 5 - ايدىڭ 13 - كۇنى قاشقاردان حابارلايدى. 5 - ايدىڭ 8 - كۇنىنەن 13 - كۇنىنە دەيىن، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى شوكىرات زاكىر تەكسەرۋ - زەرتتەۋ گرۋپپاسىن باستاپ شينجياڭعا كەلىپ، مەملەكەتتىڭ استىق حاۋىپسىزدىگىن قامتاماسىز ەتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن نىعايتۋ جاعدايى توڭىرەگىندە ارناۋلى تاقىرىپتا تەكسەرۋ - زەرتتەۋ جۇرگىزدى ءارى اڭگىمە ءماجىلىسىن اشتى.
مەملەكەتتىك حالىق قۇرىلتايى اۋىل شارۋاشىلىعى جانە اۋىل - قىستاق كوميتەتىنىڭ ورىنباسار مەڭگەرۋشى مۇشەلەرى لي جيحىڭ، فان شياۋجۇن قاتارلىلار تەكسەرۋ - زەرتتەۋگە قاتىناستى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل اڭگىمە ءماجىلىسىن باسقاردى ءارى قاتىستى قيمىلدارعا قاتىناستى.
شوكىرات زاكىر بىلاي دەپ اتاپ كورسەتتى: سوڭعى جىلدارى شينجياڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارىنىڭ جانە شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، استىق حاۋىپسىزدىگىن قامتاماسىز ەتۋ جاۋاپكەرشىلىگىن باتىل ارقالاپ، استىق حاۋىپسىزدىگىنىڭ نەگىزىن جان - جاقتى بەكەمدەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ ءتۇرلى قىزمەتتەرىن تىڭعىلىقتى ويداعىداي يگەرىپ، كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، جوعارىلاتىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ۇزدىكسىز نىعايتتى.
شوكىرات زاكىر بىلاي دەپ باسا دارىپتەدى: استىق حاۋىپسىزدىگى سىندى وسى ارقاۋدى باستان - اياق مىقتاپ شيراتىپ، ماڭىزدى اۋىل شارۋاشىلىعى ونىمدەرىمەن، اسىرەسە، استىقپەن قامداۋعا شىنايى كەپىلدىك ەتۋدى ماڭداي الدى مىندەت ەتۋگە تاباندى بولىپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، استىق ءوندىرىسى مەن استىقپەن قامتاماسىز ەتۋ قىزمەتىن تىڭعىلىقتى ويداعىداي ىستەپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن بەلسەنە ىلگەرىلەتىپ، ەل ءىشى، حالىقارا سىندى ەكى بازاردان، ەكى ءتۇرلى بايلىقتان تولىق پايدالانىپ، استىق ەگەتىن شارۋالاردىڭ كىرىسىن شىنايى قامتاماسىز ەتىپ، استىقتى ۇنەمدەپ، زياندى ازايتۋدى ويداعىداي يگەرۋ كەرەك. شينجياڭنىڭ سۋ بايلىعىن جوعارى ءونىمدى ۇلەستىرۋ جانە ۇيلەسىمدى پايدالانۋ دەڭگەيىن ونان ارى جوعارىلاتىپ، شينجياڭدى مەملەكەتتىڭ ستراتەگيالىق زاپاس استىق قامباسى ەتىپ قۇرىپ شىعۋعا سۋ يگىلىگى تىرەگىن ازىرلەۋ كەرەك.
شوكىرات زاكىر بىلاي دەپ باسا دارىپتەدى: قازىر كەدەيلىكتەن ارىلعان وڭىرلەردىڭ ەكونوميكالىق، قوعامدىق دامۋى مەن بۇقارانىڭ ءوندىرىس، تۇرمىس شارت - جاعدايى ءبىرشاما زور دارەجەدە جاقساردى، الايدا جالپى تۇلعالىق دامۋدىڭ نەگىزى اۋەلگىدەي ءبىرشاما ءالسىز، اۋىل - قىستاقتى گۇلدەندىرۋدى ۇزدىكسىز ىلگەرىلەتۋدە كەيبىر قيىنشىلىقتار مەن سىن - سايىستار ءالى دە ورىن تەۋىپ وتىر، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن نىعايتۋدى كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ قىزمەتىندەگى ماڭىزدىنىڭ ماڭىزدىسى رەتىندە يگەرىپ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ءوز كۇشىنە سۇيەنىپ دامۋ جىگەرىن، جالىنىن، سەنىمىن كۇش سالا تاسقىنداتۋ كەرەك. كەدەيلىكتەن ارىلعان اۋدانداردىڭ جەدەل دامۋىن جەبەۋدى كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن نىعايتۋدىڭ نەگىزگى قامال الۋ بەتالىسى ەتىپ، نازاردى اۋىل - قىستاقتارداعى تومەن كىرىستى ادامدارعا شوعىرلاندىرىپ، قايتا كەدەيلەسۋدەن ساقتانۋدى يكەمدى قاداعالاۋدى جانە دالمە - ءدال كومەكتەسۋ - سۇيەمەلدەۋدى كۇشەيتىپ، كەدەيلىكتەن ارىلعان وڭىرلەردىڭ ەرەكشەلىككە يە كاسىپ سالاسىن ونان ارى جەتىلدىرىپ جانە زورايتىپ، كەدەيلىكتەن ارىلعان ادامداردىڭ جۇمىستانۋىن بەلسەنە كەڭەيتىپ، كەدەيلىكتەن ارىلعان وڭىرلەردىڭ نەگىزدىك شارت - جاعدايىن بەكەمدەۋ كەرەك.
اڭگىمە ماجىلىستە تەكسەرۋ - زەرتتەۋ گرۋپپاسىنىڭ شينجياڭعا كەلىپ قىزمەت ورىستەتۋىنە قاتىستى جاعدايلار ءتۇسىندىرىلدى؛ اۆتونوميالى رايوننىڭ مەملەكەتتىڭ استىق حاۋىپسىزدىگىن قامتاماسىز ەتۋ جانە كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە قاتىستى جاعدايلار جونىندەگى مالىمەتتەر تىڭدالدى. اۆتونوميالى رايوندىق دامۋ جانە رەفورما كوميتەتىندەگى، اۋىل شارۋاشىلىعى، اۋىل - قىستاق مەڭگەرمەسىندەگى، اۋىل - قىستاقتى گۇلدەندىرۋ مەكەمەسىندەگى قاتىستى جاۋاپتى جولداستار ءسوز سويلەدى. تەكسەرۋ - زەرتتەۋ گرۋپپاسىنىڭ مۇشەلەرى قاتىستى جاعدايلاردى سۇرادى ءارى ىشكەرىلەي پىكىر اۋىستىردى.
شينجياڭداعى كەزىندە تەكسەرۋ - زەرتتەۋ گرۋپپاسى سانجى حۇيزۋ اۆتونوميالى وبلىسىنداعى، قۇمىل قالاسىنداعى، قاشقار ايماعىنداعى قاتىستى اۋدان، قالالاردى ىشكەرىلەي ارالاپ، استىق ەگۋ، مانەرلەۋ، ساقتاۋ، اۋىل - قىستاق كاسىپ سالاسىن دامىتۋ، قىستاق كوللەكتيۆ شارۋاشىلىعىن زورايتۋ، نەگىزگى ساتى ۇيىمدىق قۇرىلىسى، نەگىزگى ساتى حالىق قۇرىلتايى قۇرىلىسى سياقتىلار جونىندە سول جەردىڭ وزىندە تەكسەرۋ - زەرتتەۋ جۇرگىزدى ءارى كەدەيلىكتەن ارىلعان بۇقارانىڭ جاعدايىن ۇعىستى.
حى جۇڭيوۋ، ءدىلشات قىدىرحان، ءماردان مۇحيت قاتارلىلار جوعارىداعى قيمىلدارعا قاتىناستى.
