ەركىن تۇنياز ىلە شىفان داشۋەسىندە يدەيا - ساياسي ساباعىن ءوتتى
مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە جاستىق كۇش - قۋاتتى قوسۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 13 - كۇنى قۇلجادان حابارلايدى. 5 - ايدىڭ 13 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ىلە شىفان داشۋەسىنە كەلىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋدى، پارتيا 20 - قۇرىلتايىنىڭ رۋحىن جاپپاي دايەكتىلەندىرۋدى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدى، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە جاستىق كۇش - قۋات قوسۋدى ارقاۋ ەتە وتىرىپ، ءار ۇلت وقىتۋشى - وقۋشىلارىنا يدەيا - ساياسي ساباعىن ءوتتى.
ەركىن تۇنياز ساباق ءوتۋ بارىسىندا باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ۇيرەنۋمەن، دايەكتىلەندىرۋمەن جانە شينجياڭ قىزمەتىنىڭ ءىس جۇزىندىگىمەن ۇشتاستىرا وتىرىپ، شينجياڭ قىزمەتىنىڭ پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ستراتەگيالىق ورىنعا يە ەكەندىگىن تەرەڭدەي شەشىپ ءتۇسىندىردى؛ شينجياڭنىڭ وڭىرلىك جاعدايىمەن جانە كەزەكتەگى ەكونوميكالىق، قوعامدىق دامۋ جاعدايىمەن ۇشتاستىرىپ، جاڭا ءداۋىردىڭ 10 جىلىندا شينجياڭنىڭ وتان قۇشاعىندا قول جەتكىزگەن كورنەكتى تابىستارىنا، تۋىلعان وراسان زور وزگەرىستەرىنە قايىرىلا قارادى. ول بىلاي دەپ اتاپ كورسەتتى: پارتيا ورتالىق كوميتەتى شينجياڭ قىزمەتىنە ەجەلدەن بەرى باسا ءمان بەرىپ كەلەدى، اسىرەسە، پارتيا 18 - قۇرىلتايىنان بەرى باس شۋجي شي جينپيڭ ستراتەگيالىق تۇرعىدان جانە جالپى جاعداي تۇرعىسىنان شينجياڭ قىزمەتىن باعامداپ، جوسپارلاپ، ورنالاستىرىپ، شينجياڭدى باسقارۋ زاڭدىلىعى جونىندەگى تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن قالىپتاستىرىپ، شينجياڭ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. شينجياڭنىڭ وسى جىلدارى باسىپ وتكەن ءاربىر بولىك جولدارى، قول جەتكىزگەن ءاربىر دامۋشىلىقتارى، تۋىلعان ءاربىر وزگەرىستەرىنىڭ بارلىعى تۇگەلدەي باس شۋجي شي جينپيڭنىڭ، پارتيا ورتالىق كوميتەتىنىڭ كوڭىل بولگەندىگىنىڭ، قامقورلىق جاساعاندىعىنىڭ جەمىسى، ول بۇكىل ەل حالقىنىڭ قالتقىسىز كومەگىنەن قول ۇزە المايدى. شينجياڭنىڭ بولاشاعى توتەنشە جارقىن، شەكسىز مۇمكىندىككە يە. ىلە شىفان داشۋەسى شينجياڭنىڭ ەكونوميكالىق، قوعامدىق دامۋىنا قىزمەت وتەۋ بارىسىندا زور رول اتقارادى، قالىڭ وقىتۋشى - وقۋشىلاردان كوسەمنىڭ تاپسىرماسىن ەستە بەرىك ساقتاپ، شينجياڭنىڭ مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ بارىسىنداعى ستراتەگيالىق ورنىن كوزدەپ، كورىكتى شينجياڭ قۇرۋ سەنىمىن، بەكىمىن نىعايتىپ، نەگىزگى تۇلعالىق رولدارىن ساۋلەلەندىرىپ، العىس ايتۋ سەزىمىمەن ەكپىندەي ىلگەرىلەپ، جاۋاپكەرشىلىك ارقالاپ، جاڭا جورىقتا اناعۇرلىم كوپ شۇعىلالى ناتيجەلەر جاراتۋىن ءۇمىت ەتەمىن.
ەركىن تۇنياز بىلاي دەپ اتاپ كورسەتتى: ىلە شىفان داشۋەسى پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ”توراڭعى رۋحىمەن ادام تاربيەلەپ، شينجياڭدى گۇلدەندىرۋ، شەكارانى بەكەمدەۋ ءۇشىن قىزمەت وتەۋگە“ تاباندى بولىپ، قوعام ءۇشىن قىرۋار دارىندى باۋلىدى، جەتكىزدى. نەگىزگى تاقىرىپتىق تاربيە ورىستەتۋدى وراي ەتىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالاپتارىنا ساي، ەرەكشەلىگى ايقىن، جوعارى دەڭگەيلى وسىزاماندانعان داشۋەنى جەدەل قۇرۋ كەرەك. نازاردى پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ سىندى وسى ءبىر ساياسي مىندەتكە مىزعىماي شوعىرلاندىرىپ، ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋ سىندى وسى ءبىر ءتۇبىرلى قاجەتتى تىعىز ارقاۋ ەتىپ، وقىتۋشىلار قوسىنى قۇرىلىسى سىندى وسى ءبىر وزەكتى فاكتوردى ءتۇيىندى تۇردە ويداعىداي يگەرىپ، ەكونوميكالىق، قوعامدىق دامۋعا قىزمەت وتەۋدىڭ كىرىسۋ ءتۇيىنى مەن قامال الۋ ءتۇيىنىن ءدال تاۋىپ، ”8 ءىرى كاسىپ سالاسى شوعىرى“ قۇرىلىسى سياقتىلاردى ارقاۋ ەتىپ، عىلىم - تەحنيكادا جاڭالىق اشۋ، ءوندىرىس پەن وقىتۋدى توعىستىرۋ سياقتى جاقتاردا ىرىقتىلىقپەن جاۋاپكەرشىلىك ارقالاپ، بەلسەنە ىسكەرلىك كورسەتىپ، احىلاق، اقىل - وي، دەنە، ەستەتيكا، ەڭبەك جاعىندا جان - جاقتى دامىعان سوتسياليزمنىڭ قۇرىلىسشىلارى مەن ءىزباسارلارىن قۇلشىنا باۋلۋ كەرەك.
ەركىن تۇنياز تاعى كلاسقا، وقۋشىلار جاتاعىنا، اسحاناعا بارىپ، نەگىزگى تاقىرىپتىق كلاس جيىنىنا قاتىناسىپ، ”ۇشكە كىرۋ، ەكىمەن بايلانىس ورناتۋ، بىرمەن دوستاسۋ“ بويىنشا جۇپ قۇراعان وقۋشىلارعا امانداستى ءارى ساباقتاستارعا كىتاپ ۇسىندى. ول جاس وقۋشىلاردى مەملەكەتتى قۇدىرەتتەندىرۋ، گۇلدەندىرۋ جىگەرىن، باتىلدىقپەن كۇرەس جاساۋ جالىنىن، ەسە قوسىپ، كاسىپتى كوركەيتۋ سەنىمىن كۇشەيتىپ، ۇلتتار ىنتىماعىن بەلسەنە قورعاپ، قاجىرلىلىقپەن ۇيرەنىپ، ىسكەرلىكتى ارتتىرىپ، شەكارا وڭىرگە تامىر تارتىپ، شەكارا وڭىرگە ۇلەس قوسىپ، جاستىق ورالدارىن وتان مەن حالىق ەڭ قاجەت ەتكەن جەرلەرگە ارناپ، كەرەمەتتەرىن ايگىلەۋگە شابىتتاندىردى.
قايسار ابدۇكەرىم قيمىلعا قاتىناستى.
