ما شيڭرۇي قىزىلسۋ قىرعىز اۆتونوميالى وبلىسىندا جانە قاشقار ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولىپ، جوعارى ساپالى دامۋدىڭ جاڭا ناتيجەلەرى ارقىلى حالىق تۇرمىسىنا اناعۇرلىم ويداعىداي تيىمدىلىك جەتكىزىپ، جۇرت تىلەگىن ۇيىستىرۋ كەرەك
5 - ايدىڭ 13 - كۇنىنەن 14 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي قىزىلسۋ قىرعىز اۆتونوميالى وبلىسىنا جانە قاشقار ايماعىنا بارىپ تەكسەرۋ - زەرتتەۋ جۇرگىزدى. سۋرەتتە: 5 - ايدىڭ 14 - كۇنى ما شيڭرۇي كونەشار اۋدانى باتىس وڭتۇستىك تارىم تابيعي گازدان جان - جاقتى پايدالانۋ نىسانىنىڭ جۇمىس باسىندا تابيعي گاز بايلىعىن جىنتىكتەي مانەرلەۋ جانە جان - جاقتى پايدالانۋ قىزمەتىنە ۇستىندە تەكسەرۋ - زەرتتەۋ جۇرگىزدى.
□ سۋرەتتى جاي رۋزىڭ تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 14 - كۇنى قاشقاردان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 13 - كۇنىنەن 14 - كۇنىنە دەيىن قىزىلسۋ قىرعىز اۆتونوميالى وبلىسىنا جانە قاشقار ايماعىنا بارىپ نەگىزگى تاقىرىپتىق تاربيە ورىستەتۋمەن ۇشتاستىرىپ، كاسىپورىن، شەكارا وتكەلى، اۋىل - قىستاق سياقتى نەگىزگى ساتىنىڭ ءبىرىنشى شەبىنە ىشكەرىلەي بارىپ تەكسەرۋ - زەرتتەۋ جۇرگىزىپ، قوعام ورنىقتىلىعىن، ەكونوميكانىڭ جوعارى ساپالى دامۋىن ويداعىداي ىستەۋ قىزمەتىن ىلگەرىلەتتى. ول مىنانى باسا دارىپتەدى: نەگىزگى تاقىرىپتىق تاربيە ورىستەتۋدى وراي ەتىپ، پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ءتۇيىندى مىندەتتەردى جۇيەلى ىلگەرىلەتىپ، بوگەتتىك شەكتەمەلەردى جەدەل جويىپ، شىنايى يگەرىپ، ناقتى ىستەپ، ناقتى ونىمدىلىككە ۇمتىلىپ، شينجياڭنىڭ جوعارى ساپالى دامۋىن ىلگەرىلەتۋدە ۇزدىكسىز تىڭ ناتيجەگە قول جەتكىزۋ كەرەك.
ما شيڭرۇي ۇلۇقشات اۋدانى شينجياڭ زىجين ءتۇستى مەتال شەكتى سەرىكتەستىگى جانە اقتاۋ كىباڭ مارگانەتس كاسىبى جاساۋ شەكتى سەرىكتەستىگى سياقتى كاسىپورىندارعا بارىپ، جاسىل كەن كاسىبىن دامىتۋ، جۇمىستانۋعا جەتەكتەپ، كىرىستى ارتتىرۋ، ءوندىرىس حاۋىپسىزدىگى سياقتى قىزمەتتەرگە ىشكەرىلەي تەكسەرۋ - زەرتتەۋ جۇرگىزىپ، قاتىستى ماسەلەلەردى سول ارادا سايكەستىرىپ شەشتى؛ كونەشار اۋدانى باتىس وڭتۇستىك تارىم تابيعي گازدان جان - جاقتى پايدالانۋ نىسانى جۇمىس ورنىنا بارىپ، تابيعي گاز بايلىعىن جىنتىكتەي مانەرلەۋ جانە جان - جاقتى پايدالانۋ قىزمەتىنە ۇستىندە تەكسەرۋ - زەرتتەۋ جۇرگىزدى. ما شيڭرۇي مىنانى باسا دارىپتەدى: قىزىلسۋ وبلىسى دامۋ ءىس جۇزىندىگىمەن تىعىز ۇشتاستىرىپ، كەن بايلىعى باسىمدىعىن ارقاۋ ەتىپ، ىشكەرىلەي زەرتتەۋ جۇرگىزىپ، جوسپار جاساپ، عىلمي، ۇيلەسىمدى ورنالاستىرىپ، باسىمدىققا يە تىرەكتى كاسىپ سالاسىن جەدەل جەتىلدىرىپ، ەكونوميكانىڭ تيبىن وزگەرتىپ، دارەجەسىن جوعارىلاتۋعا، بۇقارانىڭ كىرىسىن ۇزدىكسىز ارتتىرۋعا جەتەكشىلىك ەتۋ كەرەك. جەر - جەر ەنەرگيا بايلىعىنىڭ كومەسكى كۇشىنىڭ رولىن ۇزدىكسىز ساۋلەلەندىرىپ، ”8 ءىرى كاسىپ سالاسى شوعىرى“ قۇرىلىسىمەن تەرەڭ توعىسىپ، شينجياڭعا كومەكتەسۋ سياقتى ءتۇرلى بايلىق كۇشتەرىنەن ويداعىداي پايدالانىپ، ءىرى نىسانداردى جەدەل ىلگەرىلەتىپ، تۇتاس كاسىپ سالاسى تىزبەگىنىڭ ساپاسىن جوعارىلاتىپ، دارەجەسىن ءوسىرۋدى ىلگەرىلەتىپ، باسىمدىققا يە كاسىپ سالالارىنىڭ دامۋ كولەمى مەن جالپىلىق قۋاتىن ۇزدىكسىز جوعارىلاتۋى كەرەك.
ما شيڭرۇي تورعات شەكارا وتكەلىنىڭ مەملەكەت قاقپاسىنا كەلىپ، شەكارا وتكەلىنىڭ قۇرىلىسى جانە جۇمىس جۇرگىزۋى جونىندەگى قىزمەت تانىستىرۋىن تىڭدادى، شەكارا وتكەلى شەكارا قورعانىس كوماندير - جاۋىنگەرلەرىنە امانداسىپ، ولاردان حال سۇراپ، شەكارالىق تەكسەرۋ، كەدەن سياقتى جەرلەردەگى قىزمەتكەرلەردەن جولاۋشىلاردىڭ، جۇكتەردىڭ كەدەننەن ءوتۋى، سىرتقى ساۋدا جاعدايى، ورىن تەۋىپ وتىرعان ماسەلە سياقتىلاردى سۇراستىردى، ول بىلاي دەپ باسا دارىپتەدى: ءبىر تۇتاس جوسپارلاپ سايكەستىرۋدى كۇشەيتىپ، شەكارا وتكەلىنىڭ ەكونوميكالىق دامۋىنداعى بوگەتتەردى جويىپ، قاتتى - جۇمساق بولشەك قۇرىلعىسى قۋاتى دارەجەسىن جەدەل جوعارىلاتىپ، كەدەننەن وتكىزۋ قابىلەت، ونىمدىلىگىن جوعارىلاتىپ، شەكارا وتكەلىنىڭ شارۋاشىلىق - ساۋدا ورتاسىن ساپالىلاندىرىپ، سىرتقا باعىتتالعان ەكونوميكانىڭ سالىستىرماسىن ۇزدىكسىز ارتتىرىپ، وڭىرلىك ەكونوميكانىڭ دامۋىنا ۇزدىكسىز تىڭ قوزعاۋشى كۇش ۇستەۋ كەرەك.
اتۇش قالاسى سۇنتاع قالاشىعى ازعان قىستاعىندا ما شيڭرۇي قىستاق تۇرعىندارى قۇربانجان مامەتكە، ىدىرىس تۇرسۇنعا جانە ءالا سامەتكە جەكە - جەكە امانداسا بارىپ، ولارمەن ىقىلاستى اڭگىمەلەستى، سول ارادا ولاردىڭ نان جابۋ، حالىقتىق تۇسەلحانا تيجاراتى جانە اسحانا اشۋ جاعدايىن كوردى. ما شيڭرۇي ولاردىڭ ءوز قۇلشىنىستارى ارقىلى ورنىقتى جۇمىستانىپ، كىرىستەرىن ارتتىرىپ، بايىعاندىعىن القادى، ولاردى سەنىمدى كۇشەيتىپ، كۇش ۇستىنە كۇش قوسىپ، پارتكوم مەن ۇكىمەتتىڭ كوڭىل ءبولۋى مەن قولداۋىندا، ەڭبەكشىل قوس قولدارىنا سۇيەنىپ اناعۇرلىم باقىتتى تۇرمىس كەشىرۋگە شابىتتاندىردى. ما شيڭرۇي قىستاق ”ەكى كوميتەتى“ القاسىنداعىلارمەن جانە نەگىزگى ساتى كادرلارىمەن ىشكەرىلەي اڭگىمەلەسكەندە بىلاي دەپ باسا دارىپتەدى: نەگىزگى ساتىنىڭ ۇيىمدىق قۇرىلىسىن كۇشەيتۋ، نەگىزگى ساتى پارتيا قۇرىلىسى قىزمەتىنىڭ دەڭگەيىن جوعارىلاتۋ جاعىندا اناعۇرلىم زور كۇش سالىپ، اۋىل - قىستاق نەگىزگى ساتى پارتيا ۇيىمىن پارتيانىڭ ساياساتىن تياناقتاندىراتىن، شارۋالاردى بايۋعا باستايتىن، بۇقارامەن ەتەنە بايلانىس ورناتاتىن، اۋىل - قىستاقتىڭ ورنىقتىلىعىن قورعايتىن پارمەندى باسشىلىق ۇيتقى ەتىپ قۇرىپ شىعۋ كەرەك.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: نەگىزگى تاقىرىپتىق تاربيە بارىسىندا باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن ۇزدىكسىز ىشكەرىلەي ۇيرەنىپ، دايەكتىلەندىرىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن اناعۇرلىم تەرەڭ تانىپ، وڭتۇستىك شينجياڭدى شينجياڭنىڭ ”شاحمات كوزى“ رەتىندەگى ەرەكشە ماڭىزدى ءمانىن اناعۇرلىم تەرەڭ يگەرىپ، باتىلدىقپەن جاۋاپكەرشىلىك ارقالاپ، بەلسەنە ىسكەرلىك كورسەتىپ، جوعارى ساپالى دامۋدىڭ نەگىزى اناعۇرلىم بەرىك، ساپاسى اناعۇرلىم جوعارى، قوزعاۋشى كۇشى اناعۇرلىم تولىق بولۋدى ىلگەرىلەتىپ، ءار ۇلت بۇقاراسىن دامۋ تابىستارىمەن اناعۇرلىم كوپ، اناعۇرلىم ويداعىداي تيىمدىلىككە كەنەلتۋ كەرەك. قوعامدىق كەلەلى جاعدايدىڭ ورنىقتىلىعىن باتىل قورعاپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، قوعامدىق باسقارۋدى ۇزدىكسىز كۇشەيتىپ، نەگىزگى ساتىنىڭ نەگىزىن شىن مانىندە بەكەمدەپ، ءوندىرىس حاۋىپسىزدىگىن باتىل ويداعىداي يگەرىپ، ءتۇرلى شىرعالاڭداردىڭ تۋىلۋىنان مۇمكىندىكتىڭ بارىنشا ساقتانىپ، ونى تەجەپ، جوعارى ساپالى دامۋ مەن جوعارى دەڭگەيلى حاۋىپسىزدىكتىڭ ۇتىمدى ىقپالداستىعىن جۇزەگە اسىرۋ كەرەك. ەنەرگيا بايلىعىنىڭ كومەسكى كۇشىن ۇزدىكسىزجارىققا شىعارىپ، شينجياڭنىڭ ءتۇيىندى بايلىعى مەن كاسىپ سالاسىنىڭ ماڭىزدى رولىن تولىق ساۋلەلەندىرىپ، ”8 ءىرى كاسىپ سالاسى شوعىرىن“ جوعارى ساپامەن قۇرىپ، جاڭا قوزعاۋشى قۋاتتى، جاڭا كاسىپ سالاسىن، جاڭا كاسىپ كۇيىن بەلسەنە جەتىلدىرىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن جەدەل قۇرۋ كەرەك. جوعارى دەڭگەيدە سىرتقا ەسىك اشۋدى تىڭعىلىقتى ىلگەرىلەتىپ، اناعۇرلىم ىرىقتى ەسىك اشۋ ستراتەگياسىن اتقارىپ، جىبەك جولى ەكونوميكالىق بەلدەۋى وزەكتى رايون قۇرىلىسىنىڭ ءتۇيىندى مىندەتتەرىن تياناقتاندىرۋدى جەدەلدەتىپ، توڭىرەكتەگى ەلدەرمەن ءار سالاداعى سەلبەستىكتى تەرەڭدەتىپ، سىرتقى ساۋدا دەڭگەيىن بەكەمدەپ جانە جوعارىلاتىپ، ازيا − ەۆروپا التىن ارناسى مەن باتىسقا ەسىك اشۋ الدىڭعى شەبىن قالىپتاستىرۋ كەرەك. جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، شىنايى مويىنداۋدى نىعايتۋدى نىسانا ەتە وتىرىپ، شينجياڭدى مادەنيەتپەن نارلەندىرۋ قىزمەتىن ناقتى، جاندى، ءونىمدى تۇردە ويداعىداي ىستەپ، اناعۇرلىم پارمەندى شارالار قولدانىپ، ءار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن ىلگەرىلەتىپ، ءار ۇلت كادر - بۇقاراسىنىڭ ىنتىماقتاسا كۇرەس جۇرگىزۋ ورتاق يدەيالىق نەگىزىن بەكەمدەۋ كەرەك. حالىق تۇرمىسىنىڭ قۇت - ىرىسىن شىن مانىندە ارتتىرىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، اناعۇرلىم زور تەبىنمەن جۇمىستانۋدى، كىرىستى ارتتىرۋدى جەبەپ، حالىق تۇرمىسىنا قاتىستى ناقتى ىستەردى، يگى ىستەردى پارمەندى، ءونىمدى تۇردە ويداعىداي ىستەپ، كوپ شارانى قاتار قولدانىپ، ءار ۇلت بۇقاراسىنىڭ كىرىس دەڭگەيىن جوعارىلاتىپ، جوعارى ساپالى دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتۋ كەرەك.
