ەركىن تۇنياز ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزدى
نەگىزگى تاقىرىپتىق تاربيەنى وراي ەتىپ، نازاردى ماڭىزدى تۇيىنگە شوعىرلاندىرىپ، تىڭ تابىسقا جەتۋگە تالپىنۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 15 - كۇنى قۇلجادان حابارلايدى. 5 - ايدىڭ 12 - كۇنىنەن 14 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز بايلانىس جاساۋ ءتۇيىنى − ىلە قازاق اۆتونوميالى وبلىسىنا بارىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتىپ، كاسىپورىن، شەكارا وتكەلى، الەۋمەتتىك اۋماق، اۋىل - قىستاق، ءدىني قيمىل ورىندارى سياقتى نەگىزگى ساتى ءبىرىنشى شەبىنە بارىپ، قوعام ورنىقتىلىعىن قورعاۋ، ەكونوميكانىڭ جوعارى ساپالى دامۋى، سىرتقا ەسىك اشۋ، ۇلتتار ىنتىماعى، ءدىن قىزمەتى سياقتىلار جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: نەگىزگى تاقىرىپتىق تاربيە ورىستەتۋدى وراي ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ قاتىناسىن ىشكەرىلەي تانىپ، اۆتونوميالى رايوندىق پارتكومنىڭ قىزمەت تالابى بويىنشا، ولقىلىقتاردى تولىقتاپ، ارتىقشىلىقتاردى ساۋلەلەندىرىپ، نازاردى ماڭىزدى تۇيىنگە شوعىرلاندىرىپ، تابىسقا جەتۋگە تالپىنىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن اناعۇرلىم تىڭعىلىقتى، ءونىمدى ىلگەرىلەتۋ كەرەك.
ەركىن تۇنياز قورعاس تاس جول شەكارا وتكەلىنە بارىپ اۆتوكولىك ەكسپورت ساۋدا مولشەرى، كەدەننەن ءوتۋدى سايكەستىرۋ، تەكسەرۋ ۇلگىسىندە جاڭالىق اشۋ سياقتى جاعدايلاردى ەگجەي - تەگجەيلى ۇعىستى. جۇڭگو − قازاقستان قورعاس حالىقارالىق شەكارالىق سەلبەستىك ورتالىعىندا، ەركىن تۇنياز دۇكەن، زات اينالىمى، زاتتاردى جيناۋ - جونەلتۋ ءتۇيىنى سياقتى جەرلەرگە بارىپ زات قاينارىن ۇيىمداستىرۋ، بازاردا ساتۋ، زات اينالىمىن ىركىلىسسىزدەندىرۋ سياقتى جاعدايلاردى ۇعىستى. ول بىلاي دەپ باسا دارىپتەدى: ”ءبىر بەلدەۋ، ءبىر جول“ قۇرىلىسى ورايىن مىقتى يگەرىپ، جۇڭگو − قازاقستان جەرگىلىكتى ۇكىمەتتەرى اراسىنداعى كەزدەسۋ، تىلدەسۋ مەحانيزمىن كەمەلدەندىرىپ، نەگىزدىك قۇرىلعىلاردى ۇلاستىرۋ، تۇتاستىرۋ دەڭگەيىن اناعۇرلىم جوعارىلاتىپ، ادامداردى باۋراۋدى، ساۋدانى جانداندىرۋدى جەدەلدەتىپ، شەكارا وتكەلىنىڭ جوعارى ساپالى دامۋىن ىلگەرىلەتۋ كەرەك.
كاڭچىن ءدارى - دارمەك سەرىكتەستىگىندە، كۇڭتيان عىلىم - تەحنيكاسى، وسى زامانعى اۋىل شارۋاشىلىعى عىلىم - تەحنيكالىق كاسىپ سالاسى باقشاسىندا ەركىن تۇنياز بىلاي دەپ باسا دارىپتەدى: عىلىم - تەحنيكادا جاڭالىق اشۋدى جەتەكشى ەتىپ، ساۋدا ارقىلى ساۋداگەر شاقىرۋدى، كاسىپ سالاسى ارقىلى ساۋداگەر شاقىرۋدى كۇشەيتىپ، جەتەكتەۋ رولى مەن بايلانىسى كۇشتى ءبىر توپ ءىرى كاسىپورىندى، ابزال كاسىپورىندى ەنگىزىپ، جەتىلدىرىپ، كاسىپ سالاسى نەگىزىنىڭ جوعارى دارەجەلىلەنۋىن، كاسىپ سالاسى تىزبەگىنىڭ وسىزاماندانۋىن جەدەل ىلگەرىلەتۋ كەرەك. قۇلجا قالاسى التى شۋار ءمالىسى كورىنىس وڭىرىندە، قورعاس كەشكى بازارىندا، ىلە جياڭجۇن مەكەمەسىندە ەركىن تۇنياز ساۋداگەرلەرگە امانداسا بارىپ، ساتۋشىلاردان، ساياحاتشىلاردان تاۋارلاردىڭ باعاسى، بازاردىڭ قاجەتى سياقتى جاعدايلاردى ۇعىستى. ول بىلاي دەپ اتاپ كورسەتتى: كەشكى ەكونوميكانى كۇش سالا دامىتىپ، ساياحات كاسىپ كۇيىن اناعۇرلىم بايىتىپ، ساياحاتتى دامىتۋدى شينجياڭدى مادەنيەتپەن نارلەندىرۋمەن تىعىز توعىستىرىپ، شينجياڭ حيكايالارىن ويداعىداي بايانداپ، ”شينجياڭ جاقسى جەر“ ايگىلى ماركاسىنىڭ اتاعىن ءتىپتى دە اسپانداتۋ كەرەك.
تەكسەرۋ - زەرتتەۋ كەزىندە، ەركىن تۇنياز قورعاس اۋدانى ءسۇيدۇڭ قالاشىعى چاۋنان الەۋمەتتىك اۋماعى، قۇلجا اۋدانى تەحنيك جۇمىسشىلار مەكتەبى، شاپشال سىبە اۆتونوميالى اۋدانى ۇلكەن بۋرا قالاشىعىنداعى ”ۇكىمەت پەن كاسىپورىن بىرلەسىپ“ جۇمىستانۋعا قىزمەت وتەۋ پۋنكتى، سونداي - اق مەشىت سياقتىلارعا دا بارىپ، وتباسىلارىن ارالاپ، پىكىر تىڭداپ، الەۋمەتتىك اۋماقتىڭ بۇقاراعا قىزمەت وتەۋى، نەگىزگى ساتى ۇيىمدىق قۇرىلىسى، اۋىل - قىستاق ەڭبەككۇشتەرىن جۇمىستاندىرۋ سياقتى جاعدايلاردى ۇعىستى، سونداي - اق ءدىني قايراتكەرلەرمەن ىقىلاستى اڭگىمەلەستى.
ەركىن تۇنياز بىلاي دەپ باسا دارىپتەدى: لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، ”پۋجياڭ تاجىريبەسىن“، ”فىڭچياۋ تاجىريبەسىن“ قاتار جۇرگىزۋ بويىنشا نەگىزگى ساتىنى باسقارۋ تاجىريبەسىن ۇيرەنىپ، ودان ونەگە الىپ، قوعامدىق باسقارۋ قابىلەتىن ءوسىرىپ، بۇقارالىق قىزمەتتى دەن قويا، سۇيىسپەنشىلىكپەن، كۇش سالا ويداعىداي ىستەۋ كەرەك. جوعارى دەڭگەيدە سىرتقا ەسىك اشۋدى كۇش سالا ىلگەرىلەتىپ، ەرەكشە وڭىرلىك ورىن، بايلىق، ساياسات ابزالدىلىعىنان ۇتىمدى، تولىق پايدالانىپ، ازيا − ەۆروپا التىن ارناسىن جانە باتىسقا ەسىك اشۋ الدىڭعى شەبىن تۇلعالاۋ كەرەك. كەلەلى نىسانداردىڭ ەرتەرەك ىسكە قوسىلۋىن، ەرتەرەك ءونىم بەرۋىن ىلگەرىلەتىپ، ماڭىزدى فاكتورلار قامتاماسىزدىعىن مىقتى يگەرىپ، شارۋاشىلىق - ساۋدا ورتاسىن ساپالىلاندىرىپ، كاسىپورىندارعا تيىمدىلىك جەتكىزۋ، پايدا جەتكىزۋ قىزمەت وتەۋىن كۇشەيتىپ، ءتۇرلى تيجارات نەگىزگى تۇلعالارىنىڭ الاڭسىز تيجارات جۇرگىزۋىنە، الاڭسىز دامۋىنا شىنايى كەپىلدىك ەتۋ كەرەك. جۇمىستاندىرۋ قىزمەتىن كورنەكتى ورىنعا قويىپ، ادام ىستەتۋ بازارىنىڭ سۇرانىسى مەن بۇقارانىڭ قاجەتىن كوزدەي وتىرىپ، باۋلۋدىڭ باعىتتامالىلىعىن كۇشەيتىپ، ورنىقتى جۇمىستانۋعا دەم بەرىپ، بۇقارانىڭ كىرىسىن ۇزدىكسىز جوعارىلاتۋ كەرەك.
ياڭ شيۋلي تەكسەرۋ - زەرتتەۋگە قاتىناستى.
