ما شيڭرۇي ورتا ازيا وڭىرلىك ەكونوميكالىق سەلبەستىك شۋەيۋانىندا تەكسەرۋ - زەرتتەۋ جۇرگىزدى
نازاردى ءتۇيىندى سالالارعا شوعىرلاندىرىپ، دامۋ ۇلگىسىندە جاڭالىق اشىپ، ”ءبىر بەلدەۋ، ءبىر جولدى“ بىرگە قۇرۋعا اقىل - پاراسات جاعىنان ءونىمدى قولداۋ كورسەتۋ كەرەك
ەركىن تۇنياز، جاڭ چۇنلين تەكسەرۋ - زەرتتەۋگە قاتىناستى
5 - ايدىڭ 15 - كۇنى اۆتونوميالى رايوندىق پارتكومنىڭ شۋجيى ما شيڭرۇي ورتا ازيا وڭىرلىك ەكونوميكالىق سەلبەستىك شۋەيۋانىنا بارىپ تەكسەرۋ - زەرتتەۋ جۇرگىزىپ، شۋەيۋاننىڭ باسقارۋشى قىزمەتكەرلەرىمەن جانە جۇڭگولىق، شەتەلدىك ماماندارمەن اڭگىمەلەستى، پىكىر اۋىستىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز تەكسەرۋ - زەرتتەۋگە قاتىناستى.
□ سۋرەتتى انار بۇلت\ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 15 - كۇنى ورتا ازيا وڭىرلىك ەكونوميكالىق سەلبەستىك شۋەيۋانىنا بارىپ تەكسەرۋ - زەرتتەۋ جۇرگىزىپ، شۋەيۋاننىڭ باسقارۋشى قىزمەتكەرلەرىمەن جانە جۇڭگولىق، شەتەلدىك ماماندارمەن اڭگىمەلەستى، پىكىر اۋىستىردى، ماسەلەلەردى سايكەستىرىپ شەشتى، قاتىستى تاراۋلاردان جانە جەرگىلىكتى ورىنداردان قىزمەت وتەۋ قامتاماسىزدىعىن كۇشەيتىپ، شۋەيۋاننىڭ اناعۇرلىم ويداعىداي دامۋىن بىرگە جەبەۋدى تالاپ ەتتى. شۋەيۋاننىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى تىعىز ارقاۋ ەتىپ، پاراسات قويماسىندىق ەرەكشە ابزالدىلىعىن شىنايى ساۋلەلەندىرىپ، نازاردى ورتا ازيا ەكونوميكالىق سەلبەستىگىنىڭ ءتۇيىندى سالالارىنا شوعىرلاندىرا وتىرىپ، قىزمەت ورىستەتىپ، وڭىردەگى مەملەكەتتەر ارا ەكونوميكالىق اۋىس - كۇيىستى جەبەۋگە، جۇڭگو مەن قاتىستى ەلدەردىڭ ەكونوميكا - ساۋدا سەلبەستىگى دەڭگەيىن جوعارىلاتۋعا اقىل - پاراسات جاعىنان ءونىمدى قولداۋ كورسەتۋىن ءۇمىت ەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين تەكسەرۋ - زەرتتەۋگە قاتىناستى.
ورتا ازيا وڭىرلىك ەكونوميكالىق سەلبەستىك شۋەيۋانى − ورتا ازيا وڭىرلىك ەكونوميكالىق سەلبەستىگى (CAREC) مەحانيزمىنە مۇشە 11 ەل بىرگە باستاما كوتەرىپ قۇرعان، بىرگە باسقاراتىن ۇكىمەت ارالىق حالىقارالىق ۇيىم، ورتا ازيا وڭىرىندەگى ءارقايسى ەلدەر ارا ءبىلىم ورتاقتاسۋدى جانە اۋىس - كۇيىستى جەبەۋدى، وڭىرلىك ۇلاستىرۋدى، تۇتاستىرۋدى جانە ەكونوميكا - ساۋدا سەلبەستىگىن ىلگەرىلەتۋدى ماقسات ەتەدى.
ما شيڭرۇي شۋەيۋانعا كەلىپ، شۋەيۋان قۇرىلىسى جانە جۇمىس جۇرگىزۋ، دامۋ جونىندەگى تانىستىرۋدى تىڭدادى، عىلمي قيمىلدار ورىستەتۋ، حالىقارالىق اۋىس - كۇيىستى جەبەۋ، وڭىرلىك ەكونوميكالىق سەلبەستىككە قىزمەت وتەۋ سىندى قاتىستى جاعدايلاردى تاپتەشتەي ۇعىستى. قىزمەت اۋماعىنا بارىپ، جۇڭگولىق، شەتەلدىك قىزمەتكەرلەردىڭ قىزمەت، تۇرمىس جاعدايىن ەگجەي - تەگجەيلى سۇراپ ۇعىستى، ينتەرنەت جەلىسىندە، ينتەرنەت جەلىسىنەن تىس ءوزارا ۇشتاستىرىپ باۋلۋ، كوپ جاقتى اۋىس - كۇيىس، زەرتتەۋ - تالقى قيمىلدارىنىڭ مازمۇنىن بايىتۋ، اياسىن كەڭەيتۋ سياقتىلار جونىندە ولارمەن پىكىر اۋىستىردى.
ما شيڭرۇي اڭگىمە ماجىلىسىندە مىنالاردى ءبىلدىردى: بيىل − ”ءبىر بەلدەۋ، ءبىر جول“ باستاماسى العا قويىلعاندىعىنىڭ 10 جىلدىعى. ءتوراعا شي جينپيڭ مەن قاتىستى ەل مەملەكەت باسشىلارىنىڭ ستراتەگيالىق جەتەكشىلىك ەتۋىندە، جۇڭگو مەن ورتا ازيا وڭىرىندەگى ەلدەردىڭ اۋىس - كۇيىسى، سەلبەستىگى ءۇرتىس تەرەڭدەپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدا سۇبەلى جەتىستىككە قول جەتكىزىلدى. جوعارى دەڭگەيدە سىرتقا ەسىك اشۋعا تاباندى بولىپ، ورتا ازيا وڭىرىندەگى ەلدەرمەن ەكونوميكالىق سەلبەستىكتى كۇشەيتۋ − شينجياڭنىڭ ءتوراعا شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋىندەگى، تياناقتاندىرۋىنداعى ماڭىزدى مازمۇن. ورتا ازيا وڭىرلىك ەكونوميكالىق سەلبەستىك شۋەيۋانى ماڭىزدى ءبىلىم سەلبەستىگى قۇرىلىمى رەتىندە، ساياسات زەرتتەۋ، ءبىلىم ورتاقتاسۋ، جەتىستىكتى كادەگە جاراتۋ جاقتارىندا اناعۇرلىم زور دامۋدى جۇزەگە اسىرىپ، التىن جازۋلى ماڭدايشالىقتى جارقىراتىپ، رولىن اناعۇرلىم ويداعىداي ساۋلەلەندىرۋى كەرەك. شۋەيۋاننىڭ جاقىن ارادا وتكىزىلەتىن جۇڭگو − ورتا ازيا باسشىلار ءماجىلىسىن وراي ەتىپ، دامۋ ورنىن ونان ارى ايقىنداپ، نازاردى قىزمەت تۇيىنىنە ونان ارى شوعىرلاندىرىپ، جۇمىس جۇرگىزۋ ۇلگىسىندە جاڭالىق اشا دامىپ، ورتا ازيا وڭىرىندەگى ەلدەر ارا ەكونوميكالىق سەلبەستىكتىڭ ءتۇيىندى بەتالىسى مەن ماڭىزدى سالاسىن ارقاۋ ەتىپ، ابزال بايلىقتاردى تولىق بىرىكتىرىپ، بەلسەندى، ءونىمدى تۇردە قولداۋ كورسەتۋىن ءۇمىت ەتەمىن. ەسىك اشۋدى، دامۋدى اناعۇرلىم كەڭەيتىپ، حالىقارالىق اۋىس - كۇيىستى، سەلبەستىكتى تەرەڭدەتىپ، جۇڭگومەن، اسىرەسە، شينجياڭداعى جوعارى مەكتەپ، ۇيىم، كاسىپورىن سياقتىلارمەن كەڭەسۋدى، اۋىس - كۇيىستى كۇشەيتىپ، عىلمي زەرتتەۋ، نىسانداردى ىلگەرىلەتۋ سياقتى ناقتى ىستەر سەلبەستىگىن بىرگە ورىستەتىپ، جۇڭگونىڭ شينجياڭى مەن جىبەك جولى ەكونوميكالىق بەلدەۋى بويىنداعى ەلدەردىڭ ءوزارا پايدا جەتكىزۋىنە، تەڭ يگىلىككە كەنەلۋىنە، دامۋىنا كۇش ۇستەۋ كەرەك. شينجياڭ داياشى قالا جاۋاپكەرشىلىگىن شىنايى ارقالاپ، شۋەيۋاننىڭ دامۋىن كۇش سالا قولداپ، قىزمەت وتەۋ قامتاماسىزدىعىن ويداعىداي ازىرلەپ، قيىنشىلىق پەن ماسەلەنى ويداعىداي شەشىپ، شۋەيۋاننىڭ قۇرىلىسىنا، جۇمىس جۇرگىزۋىنە، رولىن ساۋلەلەندىرۋىنە تاماشا ورتا جاراتادى.
ورتا ازيا وڭىرلىك ەكونوميكالىق سەلبەستىك شۋەيۋانىنىڭ باستىعى كابير جۋرازودا مىنالاردى ءبىلدىردى: ورتا ازيا وڭىرلىك ەكونوميكالىق سەلبەستىك (CAREC) مەحانيزمىنىڭ جانە ”ءبىر بەلدەۋ، ءبىر جولدى“ بىرگە قۇرۋدىڭ ورتاق نىساناسى بار. شۋەيۋان ابزالدىلىعىن، رولىن بەلسەنە ساۋلەلەندىرىپ، بىرلەسىپ زەرتتەۋ، سەلبەستىك تىلدەسۋى، ءبىلىم ورتاقتاسۋ سياقتى قيمىلداردى ورىستەتىپ، ءارقايسى مۇشە ەلدەردىڭ اناعۇرلىم ءونىمدى بايلانىس جانە سەلبەستىك ورناتۋىن جەبەيدى. جۇڭگو شينجياڭىنىڭ وڭىرلىك ورىن ابزالدىلىعى وزگەشە، جۇڭگونىڭ باتىسقا ەسىك اشۋداعى الدىڭعى شەبى جانە ”ءبىر بەلدەۋ، ءبىر جول“ بويىنداعى ەلدەردى تۇتاستىراتىن ماڭىزدى توراپ. شۋەيۋان شينجياڭنىڭ ەسىك اشۋىنا، دامۋىنا بەلسەنە ات سالىسىپ، پاراسات قويماسى دامۋ تالقى مىنبەرىن وتكىزىپ، شينجياڭنىڭ قاتىستى قۇرىلىمدارىمەن، ۇيىمدارىمەن جانە جوعارى مەكتەپتەرىمەن بايلانىستى كۇشەيتىپ، ساياساتتىق قىزمەت وتەۋ قابىلەتىن بىرگە جوعارىلاتىپ، شينجياڭنىڭ ەكونوميكاسىنىڭ گۇلدەنىپ - كوركەيۋىنە، باياندى دامۋىنا كۇش ۇستەيدى.
قادەن كابەن قاتارلىلار تەكسەرۋ - زەرتتەۋگە قاتىناستى.
