«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
20 - كەزەكتى ورتالىق كوميتەت ساياسي بيۋروسىنىڭ 4 - رەتكى توپتىق ۇيرەنۋىندە سويلەنگەن ءسوز
شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى. 5 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 10 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «20 - كەزەكتى ورتالىق كوميتەت ساياسي بيۋروسىنىڭ 4 - رەتكى توپتىق ۇيرەنۋىندە سويلەنگەن ءسوز» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ تاقىرىبىندا توپتىق ۇيرەنۋ جۇرگىزۋدەگى ماقسات − ۇلگىلىك رولدى ساۋلەلەندىرىپ، بۇكىل پارتيانىڭ نەگىزگى تاقىرىپتىق تاربيەدە جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتىپ، يدەيا، نازاريا نەگىزىن بەكەمدەۋ.
ماقالادا مىنالار اتاپ كورسەتىلدى: جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ − جاڭا ءداۋىردىڭ جاڭا جورىعىندا ىستەر دامۋىنىڭ جاڭا جاعدايىن اشۋدىڭ ءتۇبىرلى تالابى. ءبىز سياقتى دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا جونىنەن العاندا، نازاريا كۇشتى بولعاندا عانا، بەتالىس ايقىن، جۇرت تىلەگى بىردەي، سەنىم مىعىم بولادى. جاڭا ءداۋىردىڭ جاڭا جورىعىندا قىم - قۋىت، كۇردەلى حالىقارالىق، ەل ءىشى جاعدايى، جاپالى دا اۋىر رەفورما، دامۋ، ورنىقتىلىق مىندەتتەرى، ءتۇرلى تۇراقسىز، بولجاۋسىز حاۋىپ - قاتەرلەر، سايىستار الدىندا، پارتيا 20 - قۇرىلتايىندا بەلگىلەنگەن ستراتەگيالىق نىسانالاردى جۇزەگە اسىرۋ قالىڭ پارتيا مۇشەلەرىنىڭ، كادرلاردىڭ، اسىرەسە، ءار دارەجەلى باسشى كادرلاردىڭ جاڭا ءداۋىر جۇڭگوشا سوتسياليزم يدەياسىن ونان ارى ىشكەرىلەي ۇيرەنۋىن، دايەكتىلەندىرۋىن شۇعىل قاجەت ەتەدى، بۇل پارتيا ورتالىق كوميتەتىنىڭ بۇكىل پارتيادا وسى رەتكى نەگىزگى تاقىرىپتىق تاربيەنى ورىستەتۋدى تۇراقتاندىرۋداعى باستى تولعانىسى بولىپ تابىلادى. وسى رەتكى نەگىزگى تاقىرىپتىق تاربيەدە جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋدىڭ نەگىزگى تاقىرىپ ەتىپ تۇراقتاندىرىلۋى بۇكىل پارتيانىڭ، اسىرەسە، باسشى كادرلاردىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋىن ىلگەرىلەتۋ ءۇشىن بولىپ وتىر.
ماقالادا مىنالار اتاپ كورسەتىلدى: جاڭا ءداۋىر جۇڭگوشا سوتسياليزم يدەياسىنىڭ عىلمي جۇيەسى مەن جاۋھارىن، ءمانىن كۇش سالا يگەرۋ كەرەك. جاڭا ءداۋىر جۇڭگوشا سوتسياليزم يدەياسىنىڭ مازمۇنى رەفورما، دامۋ، ورنىقتىلىق، ىشكى ساياسات، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سياقتى سان سالانى قامتىپ، كەمەلدى عىلمي جۇيە قالىپتاستىردى. پارتيا 20 - قۇرىلتايىنىڭ بايانداماسى ”10دى ايقىنداۋدى“، ”14كە تاباندى بولۋدى“، ”13 جاقتاعى تابىستى“ ايقىن اتاپ كورسەتىپ، وسى يدەيانىڭ باستى مازمۇنىن جيناقتادى. ءبىز ءارى وسى باستى مازمۇنداردى جاپپاي، جۇيەلى ۇيرەنۋىمىز، يگەرۋىمىز، ءارى وسى يدەيانىڭ عىلمي جۇيەسىن تۇتاس تۇلعالىق جاقتان يگەرىپ، جەتە ۇعىنۋىمىز، تولىق ءتۇسىنۋىمىز كەرەك. سونىمەن بىرگە، جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ءتۇسىنۋ ءۇشىن، تاعى، ءسوز جوق، وسى يدەيانىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى يگەرۋىمىز كەرەك. تەك ”التى ءسوز جوققا تاباندى بولۋدى“ قامتىعان جاڭا ءداۋىر جۇڭگوشا سوتسياليزم يدەياسىنىڭ تۇرعىسىن، كوزقاراسىن، ءادىسىن ءدال يگەرگەندە عانا، وسى يدەيانىڭ جاۋھارىن، ءمانىن اناعۇرلىم ويداعىداي ءتۇسىنىپ، يدەيالىق ءادىستى دۇرىس قولدانىپ، ماسەلەنى بيىك تۇرعىدان تانىپ، ماسەلەگە ىشكەرىلەي تالداۋ جاساپ، قىزمەتتەردى ورىستەتۋدى ءدال يگەرىپ، قاتايتۋ مەن بوساتۋدى سايكەستىرۋگە، قابىلداۋ مەن ىرىق بەرۋدە ەركىن بولۋعا شىنايى كەپىلدىك ەتۋگە بولادى.
ماقالادا مىنالار اتاپ كورسەتىلدى: نازاريانى امالياتپەن بايلانىستىرۋ تاڭداۋلى ستيلىن ساۋلەلەندىرۋ كەرەك. نازاريانىڭ ءبىر مەملەكەتتە جۇزەگە اسۋ دارەجەسىن نازاريانىڭ امالياتتىق قاجەتتى قاناعاتتاندىرۋ دارەجەسى بەلگىلەيدى، نازاريانىڭ رول ساۋلەلەندىرۋ دالدىگىن نازاريانىڭ امالياتقا اينالۋ تەرەڭدىگى بەلگىلەيدى. جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ ماقساتى ونى بۇكىلدەي قولدانۋدا، وسى يدەيانى سۋبيەكتيۆ دۇنيە مەن وبيەكتيۆ دۇنيەنى وزگەرتۋدەگى قۇدىرەتتى يدەيالىق قارۋعا اينالدىرۋدا. وسى رەتكى نەگىزگى تاقىرىپتىق تاربيەدە پارتيا مۇشەلەرى، كادرلار، اسىرەسە، ءار دارەجەلى باسشى كادرلار ىرىقتىلىقپەن ءوز يدەياسىمەن بايلانىستىرىپ، پارتيانىڭ جاسامپاز نازارياسىنىڭ مۇرات - سەنىمگە تاباندى بولۋ، يدەيالىق دەڭگەيدى جوعارىلاتۋ، پارتيالىلىق شىڭدالۋدى كۇشەيتۋ جونىندەگى ءبىر قىدىرۋ تالاپتارىن ۇيرەنىپ، يگەرىپ، كوممۋنيستەردىڭ ساياسي قاسيەتىن باستان - اياق ساقتاۋى كەرەك. پارتيانىڭ جاسامپاز نازارياسىن پارتيانىڭ 20 - قۇرىلتايى العا قويعان كەلەلى ستراتەگيالىق ورنالاستىرۋلاردى دايەكتىلەندىرۋدە، تياناقتاندىرۋدا قولدانۋ كەرەك. جاڭا ءداۋىر جۇڭگوشا سوتسياليزم يدەياسىن قولدانىپ ءداۋىردى بارلاۋعا، ءداۋىردى يگەرۋگە، داۋىرگە جەتەكشىلىك ەتۋگە شەبەر بولۋ، وسى يدەيانى قولدانىپ جۇڭگو ۇلگىسىندەگى وسىزامانداندىرۋدىڭ جاڭا ىلگەرىلەۋشىلىككە، جاڭا سەرپىلىسكە قول جەتكىزۋىن جەبەۋگە شەبەر بولۋ، وسى يدەيانى قولدانىپ ەكونوميكالىق، قوعامدىق دامۋداعى قايشىلىقتار مەن ماسەلەلەردى شەشۋگە شەبەر بولۋ، وسى يدەيانى قولدانىپ ەلەۋلى حاۋىپ - قاتەرلەردەن ساقتانۋعا جانە ونى جويۋعا شەبەر بولۋ، وسى يدەيانى قولدانىپ پارتيانى جاپپاي قاتاڭ باسقارۋدى ىشكەرىلەي ىلگەرىلەتۋگە شەبەر بولۋ كەرەك.
ماقالادا مىنالار اتاپ كورسەتىلدى: ورتالىق كوميتەت ساياسي بيۋروسىنداعى جولداستار نەگىزگى تاقىرىپتىق تاربيەدە ۇلگى بولۋى كەرەك. باسشى كادرلاردىڭ ءارقايسى جاقتاردا ءوز باسىنان ونەگە كورسەتۋگە، جوعارى ارقىلى تومەندى باستاۋعا تاباندى بولۋى ءونىمدى باسشىلىق ءادىسى جانە قىزمەت ءادىسى بولىپ تابىلادى.
