ما شيڭرۇي اۆتونوميالى رايوننىڭ نەگىزگى تاقىرىپتىق تاربيە باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى
ىشكەرىلەي تەكسەرۋ - زەرتتەۋ جۇرگىزىپ، رەتتەۋ - تۇزەتۋدى، رەتتەۋ - وڭاۋدى كۇشەيتىپ، نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتۋ كەرەك
ەركىن تۇنياز، لي يفي، جاڭ چۇنلين، حى جۇڭيوۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 15 - كۇنى ۇرىمجىدەن حابارلايدى. اۆتونوميالى رايوننىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى باسشىلىق گرۋپپاسى 5 - ايدىڭ 15 - كۇنى ءماجىلىس اشىپ، باس شۋجي شي جينپيڭنىڭ تاياۋ مەزگىلدەگى نەگىزگى تاقىرىپتىق تاربيە جونىندەگى ماڭىزدى ءسوزىنىڭ رۋحىن جانە تەكسەرۋ - زەرتتەۋ جونىندەگى ماڭىزدى بايىمداۋلارىن ىشكەرىلەي ۇيرەندى، دايەكتىلەندىردى، ورتالىق نەگىزگى تاقىرىپتىق تاربيە باسشىلىق گرۋپپاسىنىڭ دۇرىس ناتيجە كوزقاراسىن ورناتۋدى جانە امالياتتا ايگىلەۋدى ىلگەرىلەتۋگە قاتىستى تالاپتارىن دايەكتىلەندىردى، تياناقتاندىردى، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن اناعۇرلىم كۇشەيتىپ، ارناۋلى رەتتەۋ - وڭاۋ قىزمەتىن اقىلداسىپ ورنالاستىرىپ، بۇكىل رايوننىڭ نەگىزگى تاقىرىپتىق تاربيەسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتتى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ نەگىزگى تاقىرىپتىق تاربيە باسشىلىق گرۋپپاسىنىڭ باستىعى ما شيڭرۇي ءماجىلىستى باسقاردى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى. نەگىزگى تاقىرىپتىق تاربيە ورتالىق 15 - جەتەكشىلىك ەتۋ گرۋپپاسىنىڭ ورىنباسار باستىعى شاۋ لين جانە جەتەكشىلىك ەتۋ گرۋپپاسىنىڭ قاتىستى مۇشەلەرى بەينەبايلانىس ارقىلى ماجىلىسكە قاتىناستى.
ءماجىلىس اۆتونوميالى رايوننىڭ نەگىزگى تاقىرىپتىق تاربيەدە كادرلاردىڭ ستيلى، شارۋاشىلىق - ساۋدا ورتاسىن ساپالىلاندىرۋ، ەكولوگيالىق ورتانى قورعاۋ، سۋ بايلىعىن شوعىرلى، ۇنەمدى پايدالانۋ سياقتى جاقتاردا ورىن تەۋىپ وتىرعان ماسەلەلەردى ارناۋلى رەتتەۋ - وڭاۋ جونىندەگى اتقارۋ جوباسىن اقىلداستى، قارادى.
ما شيڭرۇي بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى شوعىرلاندىرىپ، رۋحتى سومداۋعا تاباندى بولۋ − نەگىزگى تاقىرىپتىق تاربيەنى ورىستەتۋدە، ءسوز جوق، ويداعىداي يگەرۋگە ءتيىستى ماڭداي الدى مىندەت، سونداي - اق، ءسوز جوق، ۇزاق ۋاقىت مىقتى يگەرۋگە ءتيىستى ستراتەگيالىق مىندەت. جەتە ۇعىنىپ، تولىق تۇسىنۋگە تاباندى بولىپ، تەرەڭدەي ۇيرەنىپ، ابدەن ءبىلۋدى ورىنداپ، ”ەكىنى تۇراقتاندىرۋدى“ باتىل قولدايتىن، ”ەكىنى قورعاۋدى“ باتىل ورىندايتىن يدەيالىق نەگىزدى ۇزدىكسىز بەكەمدەۋ كەرەك. جان - جاقتى ۇيرەنۋ، جۇيەلى يگەرۋ جاعىنا كۇش سالىپ، كۇندەلىكتى تۇرمىسپەن توعىستىرۋ، ۇنەمى ءتۇسىنۋ بارىسىندا ناقتى ونىمدىلىككە ۇمتىلىپ، شىنايى ۇيرەنىپ، شىنايى ءتۇسىنىپ، شىنايى سەنىپ، شىنايى قولدانىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاۋ كەرەك. ماسەلەنى باعدار ەتۋگە تاباندى بولىپ، تەكسەرۋ - زەرتتەۋدى بارىنشا ورىستەتىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردى كۇش سالا شەشۋ كەرەك. باس شۋجي شي جينپيڭنىڭ تەكسەرۋ - زەرتتەۋ جونىندەگى ماڭىزدى بايىمداۋلارىن ۇيرەنۋدى، دايەكتىلەندىرۋدى تەكسەرۋ - زەرتتەۋگە باسىتان - اياق ءسىڭىرىپ، نازاردى 2 -، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىنا جانە باس شۋجي شي جينپيڭنىڭ شينجياڭدا قىزمەتتى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىنا شوعىرلاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، تەرەڭ قاتپارلى قايشىلىقتاردى، شەشۋشى فاكتورلاردى، تۇزىمدىك ماسەلەلەردى، اسىرەسە، جينالىپ قالعان قيىن ماسەلەلەردى، ءسىڭىستى كىناراتتار مەن قاساڭ دەرتتەردى تىعىز ارقاۋ ەتىپ، ءتۇيىندى كورنەكتىلەندىرىپ، ىشكەرىلەي تەكسەرۋ - زەرتتەۋ جۇرگىزىپ، ءبىر - بىردەن سالالاپ، تىزىمدىكتى ايقىنداپ، ماسەلەنى كۇش سالا شەشىپ، قيىن ماسەلەلەردى شەشىپ، باياندى تىنىشتىققا ءتيىمدى ءتۇبىرلى وزگەرىستىڭ جۇزەگە اسۋىن ىلگەرىلەتۋ كەرەك. جۇيە كوزقاراسىنا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، رەفورما، دامۋ، ورنىقتىلىق قىزمەتتەرىن تىڭعىلىقتى ىستەۋ كەرەك. قيىن ماسەلەلەردى كۇش سالا شەشىپ، دامۋدى جەبەپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، شينجياڭنىڭ وڭىرلىك ورنى مەن ەنەرگيا بايلىعى باسىمدىعىن تياناق ەتىپ، وسىزاماندانعان كاسىپ سالاسى جۇيەسىن قالىپتاستىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، جوعارى ساپالى دامۋدى كۇش سالا ىلگەرىلەتۋ كەرەك. حاۋىپ - قاتەردەن بار كۇشپەن ساقتانىپ، ورنىقتىلىقتى قورعاپ، ءار سالاداعى ەلەۋلى حاۋىپ - قاتەرلەردەن، كومەسكى كىناراتتاردان ءونىمدى ساقتانىپ جانە ونى جويىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن قۇلشىنا جۇزەگە اسىرۋ كەرەك. بار كۇشپەن ناقتى ىستەر ىستەپ، حالىقتىڭ مۇڭ - مۇقتاجىن شەشىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ ناقتى مۇددە ماسەلەلەرىن ويداعىداي شەشىپ، ناقتى ىستەردى، جاقسى ىستەردى تىڭعىلىقتى ىستەپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جەتكىزۋىن، جۇرت تىلەگىن ۇيىستىرۋىن ىلگەرىلەتۋ كەرەك. شىنداپ كىرىسىپ، قيىن تۇيىندەرگە سايىس جاريالاۋعا، قاتاڭ قاداعالاپ، رەتتەپ - تۇزەتۋگە تاباندى بولىپ، ماسەلەلەردى زەرتتەۋ، ماسەلەلەردى شەشۋ ارقىلى قىزمەتتە جاڭا جاعداي اشۋ كەرەك. ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، نازاريا ۇيرەنۋدە تەكسەرىپ ورتاعا قويىلعان ماسەلەلەر، تەكسەرۋ - زەرتتەۋدە بايقالعان ماسەلەلەر، دامۋدى ىلگەرىلەتۋدە جولىققان ماسەلەلەر، بۇقارانىڭ اڭىسى كۇشتى بولعان ماسەلەلەر جونىندە جالتارماي، جاسىرماي، تايساقتاماي، شىندىقتى ءىس جۇزىنەن ىزدەپ، قيىندىقتان تايسالماي العا ۇمتىلىپ، ماسەلەنى كوزدەپ، ماسەلەلەردى قاداعالاپ، ماسەلەنى كوزدەي وتىرىپ تۇزەتىپ، ءىس جۇزىندىك ماسەلەلەردى شەشۋ بارىسىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا تىڭ تابىستارعا قول جەتكىزۋدى ىلگەرىلەتۋ كەرەك.
جاڭ جۋ، تيان شياڭلي، ۋاڭ ميڭشان، ۋاڭ جيانشين، ەلزات احمەتجان، قادەن كابەن، ءماردان مۇحيت، دۋ حۇڭيان، اۆتونوميالى رايوننىڭ نەگىزگى تاقىرىپتىق تاربيە باسشىلىق گرۋپپاسىنىڭ مۇشەلەرى، ارالاپ جەتەكشىلىك ەتۋ گرۋپپاسىنداعى جاۋاپتى جولداستار، كەڭسەدەگى قاتىستى جولداستار قاتارلىلار ماجىلىسكە قاتىناستى.
