انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ 5 - ايدىڭ 16 - كۇنى ۇرىمجىدەن حابارلايدى. ورتالىق كوميتەت ۇگىت ءبولىمى ۇيىمداستىرىپ ورىستەتكەن ”ءتورت ماۋسىمداعى شينجياڭعا نازاردىڭ“ ”گۇل تاماشالاي ءجۇرىپ شينجياڭعا كوز جىبەرۋ“ كولەمدى نەگىزگى تاقىرىپتىق تىلشىلىك قيمىلى 5 - ايدىڭ 16 - كۇنى ءۇرىمجى قالاسىندا باستالدى. حالىق گازەتى، شينحۋا اگەنتتىگى، ورتالىق راديو - تەلەۆيزيا باس ستانسياسى، گۋاڭميڭ گازەتى، ەكونوميكا گازەتى سياقتى 20 نەشە ورتالىقتاعى، شينجياڭعا باعىتتامالى كومەكتەسەتىن ولكەلەردەگى (قالالار) جانە شينجياڭداعى مەديالاردان كەلگەن 100دەن استام ءتىلشى 5 كۇندە ىلەنى، تارباعاتايدى، حوتاندى ارالاپ، ساپارلاي حابارلاۋ ءتاسىلى ارقىلى جالپىلىق مەديادا شينجياڭنىڭ كورىكتى جاراتىلىستىق كورىنىسىن، كادىمگى ەل مەن جەردىڭ جاعدايىن جانە گۇلدەنگەن قوعامدىق جاعدايىن ايگىلەيدى.
باستالۋ سالتىندا ورتالىق راديو - تەلەۆيزيا باس ستانسياسى CGTNنىڭ ءتىلشىسى لي جيڭجيڭ ورتالىق مەديالارى اتىنان لەبىز بىلدىرگەندە بىلاي دەدى: ”مەن تىلشىلىك ىستەپ حابارلاۋ بابىمەن شينجياڭعا تالاي رەت كەلگەنمىن، شينجياڭدىق ءبىر اۋىلداس ’انارگۇل‘ دەپ ات قويىپ بەرگەن ەدى. وسى رەتكى تىلشىلىك ىستەپ حابارلاۋ بارىسىندا، مەن جۇڭگو ءۇنى ارقىلى شينجياڭ حيكايالارىن ويداعىداي بايانداۋعا قۇلشىنىپ، اناعۇرلىم كوپ ادامعا ىنتىماقتى، جاراسىمدى، كورىكتى شينجياڭدى سەزىندىرەمىن“.
شينجياڭعا كومەكتەسەتىن اقپارات قۇرالدارىنىڭ ۋاكىلى، جياڭسۋ ولكەلىك راديو - تەلەۆيزيا باس ستانسياسى توعىسپالى مەديا حابارلارى 1 - ءبولىمىنىڭ ءتىلشىسى جوۋ حۇيفىڭ بىلاي دەدى: ”بۇل مەنىڭ بيىل شينجياڭعا 2 - رەت كەلۋىم، شينجياڭ − حابار كەنىشى، مەن بۇل رەتكى تىلشىلىك ورايىن ايرىقشا قاستەرلەپ، حابارلاۋ بارىسىندا ’ءتورت قابىلەتتى‘ امالياتتا ايگىلەپ، جوعارى ساپالى دامىعان وسىزاماندانعان شينجياڭدى ەستەلىككە الىپ، شارالارى الۋان ءتۇرلى، تابىستارى قوماقتى بولعان شينجياڭعا باعىتتامالى كومەكتەسۋ قىزمەتىن ايگىلەيمىن“.
تىلشىلەر جەر - جەردىڭ ەكونوميكالىق دامۋ، ۇلتتار ىنتىماعى، ەكولوگيالىق ورتانى قورعاۋ، اۋىل - قىستاقتى گۇلدەندىرۋ، شينجياڭدى مادەنيەتپەن نارلەندىرۋ، مادەنيەت، ساياحات جانە شينجياڭعا باعىتتامالى كومەكتەسۋ جاقتارىنداعى جاندى مىسالدارىن سول جەردىڭ وزىندە ۇعىسىپ، شينجياڭ حيكايالارىن كوپ ساتىلى، جان - جاقتىلى، ستەرەولدى، ويداعىداي باياندايدى. بۇل رەتكى نەگىزگى تاقىرىپتىق تىلشىلىك قيمىلى جەر - جەردەگى كورەرمەندەردىڭ ۋاقىت پەن كەڭىستىكتىڭ شەكتەمەسىنە ۇشىراماي، گۇل - گۇل جايناعان كورىكتى شينجياڭدى جاقىننان سەزىنۋىنە، سونداي - اق گۇلدى دانەكەر ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى تاماشالاۋىنا مۇمكىندىك جاسايدى.
