ما شيڭرۇي ۇرىمجىدە ءبىر ءبولىم حالىقتىق كاسىپورىنداردا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ەسىك اشۋعا، دامۋعا تاباندى بولىپ، باسىمدىقتى، ەرەكشەلىكتى ساۋلەلەندىرىپ، حالىقتىق شارۋاشىلىقتىڭ اقاۋسىز دامۋىن، جوعارى ساپالى دامۋىن ىلگەرىلەتۋ كەرەك
جاڭ چۇنلين، حى جۇڭيوۋ تەكسەرۋ - زەرتتەۋگە قاتىناستى
5 - ايدىڭ 16 - كۇنى اۆتونوميالى رايوندىق پارتكومنىڭ شۋجيى ما شيڭرۇي ۇرىمجىدە تەكسەرۋ - زەرتتەۋ جۇرگىزدى. سۋرەتتە: ما شيڭرۇي شينجياڭ ۇيعۇر دارىگەرلىگى شەكتى جاۋاپكەرشىلىك سەرىكتەستىگىندە كاسىپورىننىڭ ءوندىرىس، اينالىم ءتارتىبىن جانە تيجارات، دامۋ جاعدايىن ۇعىسۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 5 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 16 - كۇنى ۇرىمجىدە ءبىر ءبولىم ماشينا جاساۋ، ۇلتتىق ەمدەۋ، ءدارى - دارمەك، ساۋدا - زات اينالىمى، سىرتقى ساۋدا حالىقتىق كاسىپورىندارىنا ىشكەرىلەي بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ حالىقتىق شارۋاشىلىقتىڭ دامۋى جونىندەگى ماڭىزدى بايىمداۋلارى مەن شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، ”ەكىدەن تيتتەي دە اۋىتقىماۋ“ تالابىن تياناقتاندىرىپ، نازاردى شينجياڭدى وسىزامانداندىرۋ قۇرىلىسىنىڭ بورىش - مىندەتتەرىنە شوعىرلاندىرىپ، حالىقتىق كاسىپورىنداردىڭ جاڭالىق اشا دامۋىن كۇشەيتۋدى ىلگەرىلەتۋگە جەتەكشىلىك ەتىپ، ەرەكشەلىكتى، باسىمدىقتى ساۋلەلەندىرىپ، توڭىرەكتەگى ەلدەردىڭ، اسىرەسە، ورتا ازياداعى 5 ەلدىڭ بازارىن كوزدەي وتىرىپ، ەسىك اشۋدى، سەلبەستىكتى كۇشەيتىپ، ازيا − ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن تۇلعالاۋعا، شينجياڭنىڭ جوعارى ساپالى دامۋىن ىلگەرىلەتۋگە اناعۇرلىم كوپ ۇلەس قوسۋ كەرەك.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ تەكسەرۋ - زەرتتەۋگە قاتىناستى.
ما شيڭرۇي جولاڭ شينجياڭ زەردەلى ماشينا شەكتى سەرىكتەستىگىنە بارىپ، ءوندىرۋ - جاساۋ، تەحنيكادا جاڭالىق اشۋ سياقتىلار جونىندەگى تانىستىرۋدى تىڭداپ، ءوندىرىس سەحىنا كىرىپ سول ارادا تەكسەرىپ كورىپ، بىلاي دەپ باسا دارىپتەدى: عىلىم - تەحنيكامەن جەتەكشىلىك ەتۋدى كۇشەيتىپ، توقىماشىلىق ماشينالارىن جاساۋدىڭ جوعارى دەڭگەيلى، زەردەلى، جاسىل دامۋىن جەدەلدەتىپ، شينجياڭنىڭ وزىق جاساۋ كاسىبىن دامىتۋىنا، ماقتا جانە توقىماشىلىق، كيىم - كەشەك كاسىپ سالاسى شوعىرىن قۇرۋىنا اناعۇرلىم جاقسى قىزمەت وتەۋ كەرەك. ۇيعۇر دارىگەرلىگى شەكتى جاۋاپكەرشىلىك سەرىكتەستىگىندە كاسىپورىننىڭ ءوندىرىس، اينالىم ءتارتىبى مەن تيجارات، دامۋ جاعدايىن ۇعىسقاندا بىلاي دەپ باسا دارىپتەدى: باسىمدىقتى ۇزدىكسىز بەكەمدەپ، شينجياڭ ەرەكشەلىگىن كۇش سالا تۇلعالاپ، زەرتتەپ اشۋ قابىلەتى مەن تەحنيكا دەڭگەيىن جوعارىلاتىپ، بازارداعى ۇلەسىن ۇزدىكسىز كەڭەيتىپ، ۇلتتىق ەمدەۋ، ءدارى - دارمەك كاسىپ سالاسىن زورايتۋدى جەدەلدەتۋ كەرەك. حۋاليڭ ونەركاسىپ - ساۋدا توبىندا بازار، اۋىل شارۋاشىلىعى سياقتى بولىكتەردىڭ اينالىم تيجارات جاعدايىن ۇعىسقاندا بىلاي دەپ باسا دارىپتەدى: نازاردى باستى كاسىپكە شوعىرلاندىرىپ، زات اينالىمىنىڭ، زاتتاردى جيناۋ - جونەلتۋدىڭ، ساۋدا ىستەرىنىڭ، ساۋدانىڭ قوزعاۋشى كۇشىن، ومىرشەڭدىگىن ۇزدىكسىز قاۋلاتىپ، ساۋدا، زات اينالىمى ورتالىعى قۇرىلىسىنا دەم بەرۋ كەرەك. سانباۋ شارۋاشىلىعىندا سىرتقى ساۋدا، يمپورت - ەكسپورت سياقتى جاعدايلار جونىندەگى تانىستىرۋدى تىڭداعاندا بىلاي دەپ باسا دارىپتەدى: جاڭا كاسىپ كۇيىن، جاڭا ۇلگىنى دامىتىپ، ورتا ازياداعى ەلدەرمەن ساۋدا كولەمىن ۇزدىكسىز كەڭەيتىپ، سىرتقى ساۋدانىڭ جوعارى قارقىنمەن ارتۋ جاعدايىن بەكەمدەۋگە كۇش قوسۋ كەرەك. تەكسەرۋ - زەرتتەۋ بارىسىندا ما شيڭرۇي كاسىپورىنداردىڭ جاۋاپتىلارىمەن ىشكەرىلەي اڭگىمەلەسىپ، كاسىپورىنداردىڭ شارۋاشىلىق جۇرگىزۋدەگى، دامۋداعى قيىنشىلىقتارىن، ماسەلەلەرىن سول ورىندا سايكەستىرە شەشىپ، ولاردىڭ الداعى جەردە وتكىزىلەتىن جۇڭگو − ورتا ازيا باسشىلار ءماجىلىسىن وراي ەتىپ، وي جەلىسىن ۇزارتىپ، كوز ايانى كەڭەيتىپ، شينجياڭنىڭ وڭىرلىك ورىن باسىمدىعى مەن كاسىپورىننىڭ دامۋ ەرەكشەلىگىن تياناق ەتىپ، ورتا ازيا ەلدەرى بازارىن بەلسەنە كەڭەيتىپ، حاۋىپ - قاتەرلەردەن، كومەسكى كىناراتتاردان ءونىمدى ساقتانىپ جانە ونى جويىپ، ۇزدىكسىز الۋەتتەنىپ، ساپالىلانىپ، زورايىپ، شينجياڭنىڭ باتىسقا ەسىكتى ۇزدىكسىز ايقارا اشۋىنا، جىبەك جولى ەكونوميكالىق بەلدەۋى وزەكتى رايونىن قۇرۋعا اناعۇرلىم كوپ ومىرشەڭدىك كۇش ۇستەۋىن ءۇمىت ەتتى.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، جاڭا داۋىرەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جوعارى ساپالى دامۋ سىندى ماڭداي الدى مىندەتتى مىقتاپ يگەرىپ، حالىقتىق كاسىپورىنداردىڭ ءوز ورنىن ءداپ باسىپ تابۋىن ۇزدىكسىز ىلگەرىلەتىپ، باسىمدىعىن، كومەسكى كۇشىن ساۋلەلەندىرىپ، جەدەل دامىتىپ، زورايتىپ، شينجياڭنىڭ ەكونوميكانىڭ جوعارى ساپالى دامۋىن جۇزەگە اسىرۋىنا، جۇڭگو ۇلگىسىندەگى وسىزامانداندىرۋ قۇرىلىسىن جەدەلدەتۋىنە اناعۇرلىم پارمەندى تىرەك ازىرلەۋ كەرەك. وسىزاماندانعان كاسىپ سالاسى جۇيەسى قۇرىلىسىمەن ىشكەرىلەي توعىسىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، شينجياڭنىڭ ”8 ءىرى كاسىپ سالاسى شوعىرى“ سياقتى ەرەكشەلىككە، باسىمدىققا يە كاسىپ سالالارىن كوزدەپ، كاسىپ سالاسى قۇرىلىمىنىڭ تيبىن جاڭالاپ، دارەجەسىن ءوسىرۋدى جەدەلدەتىپ، كاسىپ سالاسى نەگىزىنىڭ جوعارى دەڭگەيلى بولۋىن جانە كاسىپ سالاسى تىزبەگىنىڭ وسىزاماندانۋ ورەسىن جوعارىلاتىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن قۇرۋعا دەم بەرۋ كەرەك. عىلىم - تەحنيكادا جاڭالىق اشۋعا جەتەكشىلىك ەتۋدى ۇزدىكسىز كۇشەيتىپ، كاسىپورىنداردىڭ جاڭالىق اشۋداعى نەگىزگى تۇلعالىق رولىن تولىق ساۋلەلەندىرىپ، عىلىم - تەحنيكادا جاڭالىق اشۋعا ۇسىنىلىم تەبىنىن ارتتىرىپ، جاڭالىق اشۋ تىزبەگى مەن كاسىپ سالاسى تىزبەگىنىڭ ۇشتاسۋىن كۇشەيتىپ، شەشۋشى تەحنيكالاردان قامال الۋدى، جاڭالىق اشۋ فاكتورلارىن جيناقتاۋدى، عىلىم - تەحنيكا جەتىستىكتەرىن كادەگە جاراتۋدى ۇزدىكسىز ىلگەرىلەتىپ، جوعارى ساپالى دامۋدىڭ ءتىپتى دە كوپ جاڭا قوزعاۋشى قۋاتىن تۋىنداتۋ كەرەك. اشىق دامۋ بارىسىندا ەكپىندەي الدا ءجۇرىپ، ءتيىمدى ورايدى مىقتى يگەرىپ، ”ءبىر بەلدەۋ، ءبىر جول“ قۇرىلىسىنا بەلسەنە ات سالىسىپ، توڭىرەكتەگى ەلدەرمەن، اسىرەسە، ورتا ازياداعى 5 ەلمەن ەكونوميكا - ساۋدا سەلبەستىگىن تەرەڭدەتىپ، سىرتقا باعىتتالعان قارجى قوسۋ، قۇرىلىس كولەمىن ورنىقتى كەڭەيتىپ، شينجياڭنىڭ جوعارى دەڭگەيدە سىرتقا ەسىك اشۋداعى جالىندى كۇشىن تۇلعالاۋ كەرەك. تاماشا دامۋ ورتاسىن بار كۇشپەن قالىپتاستىرۋ كەرەك، ءار دارەجەلى پارتكوم مەن ۇكىمەت بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، حالىقتىق كاسىپورىنداردىڭ ءىس جۇزىندىك قيىنشىلىعىن شەشۋىنە شىن ىقىلاسپەن، شىن سۇيىسپەنشىلىكپەن، بار كۇشپەن كومەكتەسىپ، ەتەنە، كىرشىكسىز، جاڭاشا ۇكىمەت - ساۋداگەرلەر قاتىناسىن بەلسەنە ورناتىپ، حالىقتىق شارۋاشىلىقتىڭ ۇزدىكسىز دامۋىن، زورايۋىن ىلگەرىلەتىپ، جوعارى ساپالى دامۋدى جۇزەگە اسىرۋعا تىڭ دا اناعۇلىم زور ۇلەس قوسۋى كەرەك.
قادەن كابەن، سۇن حۇڭمەي قاتارلىلار تەكسەرۋ - زەرتتەۋگە قاتىناستى.
