تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ساۋىقتىرۋ حالىقارالىق ۇيىمىنىڭ 100 جىلدىق مەرەيتويىنا قۇتتىقتاۋ حاتىن جولدادى

  شي جينپيڭ ساۋىقتىرۋ حالىقارالىق ۇيىمىنىڭ 100 جىلدىق مەرەيتويىنا قۇتتىقتاۋ حاتىن جولدادى

  مەملەكەتتىك مۇگەدەكتەرگە كومەكتەسۋ كۇنى بايلانىسىمەن بۇكىل ەلدەگى قالىڭ مۇگەدەكتەرگە جانە ولاردىڭ تۋىس - تۋعاندارىنا، قالىڭ مۇگەدەكتەر ىستەرى قىزمەتكەرلەرىنە ىقىلاستى سالەم جولدادى

  شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى. 5 - ايدىڭ 21 - كۇنى مەملەكەت ءتوراعاسى شي جينپيڭ ساۋىقتىرۋ حالىقارالىق ۇيىمىنىڭ 100 جىلدىق مەرەيتويىنا قۇتتىقتاۋ حاتىن جولدادى ءارى مەملەكەتتىك مۇگەدەكتەرگە كومەكتەسۋ كۇنى بايلانىسىمەن بۇكىل ەلدەگى قالىڭ مۇگەدەكتەرگە جانە ولاردىڭ تۋىس - تۋعاندارىنا، قالىڭ مۇگەدەكتەر ىستەرى قىزمەتكەرلەرىنە ىقىلاستى سالەم جولدادى، جۇڭگونىڭ مۇگەدەكتەر ىستەرىنە كوڭىل ءبولىپ، قولداۋ كورسەتكەن حالىقارالىق ۇيىمدارعا جانە ءار جاقتاعى قايراتكەرلەرگە شىن جۇرەكتەن العىس ايتتى.

  شي جينپيڭ بىلاي دەپ اتاپ كورسەتتى: ساۋىقتىرۋ حالىقارالىق ۇيىمى − مۇگەدەكتەر ىستەرى سالاسىندا ماڭىزدى ىقپالعا يە حالىقارالىق ۇيىم، مۇگەدەكتەردىڭ ار - نامىسىن قورعاۋ، مۇگەدەكتەردىڭ ۇقىعىن قامتاماسىز ەتۋ، مۇگەدەكتەردىڭ قۇت - ىرىسىن ارتتىرۋ جولىندا تالىقپاي قۇلشىنىس جاساپ كەلەدى. جۇڭگو ساۋىقتىرۋ حالىقارالىق ۇيىمىنىڭ قىزمەتىنە بەلسەنە قولداۋ كورسەتىپ، ءىس جۇزىندىك ارەكەتى ارقىلى وركەندەپ كەلە جاتقان ەلدەردىڭ مۇگەدەكتەر ىستەرىنىڭ دامۋىن ىلگەرىلەتىپ، حالىقارالىق قوعامنىڭ مۇگەدەكتەرگە كوڭىل ءبولۋىن كۇشەيتىپ، حالىقارالىق مۇگەدەكتەر ىستەرىنە جۇڭگونىڭ كۇش - قۋاتىن ارنايدى.

  شي جينپيڭ بىلاي دەپ باسا دارىپتەدى: جۇڭگو مۇگەدەكتەرگە ايرىقشا كوڭىل بولەدى، ايرىقشا نازار اۋدارادى، جۇڭگو ۇلگىسىندەگى وسىزامانداندىرۋ ۇردىسىندە مۇگەدەكتەر قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسىن ونان ارى كەمەلدەندىرىپ، مۇگەدەكتەر ىستەرىنىڭ جان - جاقتى دامۋىن ىلگەرىلەتەدى. جۇڭگو دۇنيە جۇزىندەگى ءار ەلمەن بىرگە حالىقارالىق مۇگەدەكتەر ىستەرى جونىندەگى اۋىس - كۇيىس پەن سەلبەستىكتى ىلگەرىلەتىپ، ادامزاتتىڭ دەنساۋلىق قۇت - ىرىسىن ۇزدىكسىز ارتتىرۋدى قالايدى.

  ساۋىقتىرۋ حالىقارالىق ۇيىمىنىڭ 100 جىلدىق مەرەيتويىن ساۋىقتىرۋ حالىقارالىق ۇيىمى ۇيىمداستىردى، جۇڭگو مۇگەدەكتەر بىرلەستىگى وتكىزدى، 5 - ايدىڭ 21 - كۇنى بەيجيڭدە باستالدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.