تيانشان تورى
تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «نەگىزگى زەينەتكەرلىك قىزمەت وتەۋ جۇيە قۇرىلىسىن ىلگەرىلەتۋ جونىندەگى پىكىردى» باسىپ تاراتتى

  شينحۋا اگەنتتىگىنىڭ 5 - ايدىڭ 21 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «نەگىزگى زەينەتكەرلىك قىزمەت وتەۋ جۇيە قۇرىلىسىن ىلگەرىلەتۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پىكىردە» مىنالار اتاپ كورسەتىلدى: نەگىزگى زەينەتكەرلىك جونىنەن قىزمەت وتەۋ قارتايعاندا كۇتىمدەلەتىن ورىن بولۋدى جۇزەگە اسىرۋدا ماڭىزدى نەگىزدىك سيپاتتى رول اتقارادى، نەگىزگى زەينەتكەرلىك قىزمەت وتەۋ − جۇيە قۇرىلىسىن ىلگەرىلەتۋ جان سانىنىڭ قارتتانۋىنا بەلسەنە توتەپ بەرۋدەي مەملەكەت ستراتەگياسىن اتقارۋداعى، نەگىزگى الەۋمەتتىك قىزمەت وتەۋدىڭ تەپە - تەڭدىگىن جۇزەگە اسىرۋداعى ماڭىزدى مىندەت.

  «پىكىردە» مىنالار تالاپ ەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، بارلىق قارتتاردى قامتيتىن، ۇقىق پەن جاۋاپكەرشىلىك ايقىن بولعان، قامتاماسىز ەتۋ ۇيلەسىمدى، باياندى نەگىزگى زەينەتكەرلىك قىزمەت وتەۋ جۇيەسىن قۇرۋدى جەدەلدەتىپ، قارتتاردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  «پىكىردە» مىنالار ايقىندالدى: نەگىزگى زەينەتكەرلىك جونىنەن قىزمەت وتەۋ − مەملەكەت تىكەلەي قامدايتىن نەمەسە بەلگىلى تاسىلدەرمەن قاتىستى تۇلعالاردىڭ قارتتاردى قىزمەت وتەۋمەن قامداۋىنا قولداۋ كورسەتۋدى مەڭزەيدى، مۇندا قارتايعاندا كۇتىمدەلەتىن ورىن بولۋدى، قارتايعاندا سۇيەنىشى بولۋدى جۇزەگە اسىرۋعا قاجەتتى نەگىزدىك سيپاتتى، جالپىعا ءتيىمدى، تومەنگى شەكتەن تۇسىرمەۋ سيپاتتى قىزمەت وتەۋدى جۇزەگە اسىرۋ ماقسات ەتىلىپ، زاتتىق كومەك، قارايلاسۋ، كۇتىمدەۋ قىزمەت وتەۋى، قامقورلىق جاساۋ قىزمەت وتەۋى سياقتى مازمۇندار قامتىلادى. نەگىزگى زەينەتكەرلىك قىزمەت وتەۋدەگى وبيەكتى، مازمۇن، ولشەم سياقتىلار ەكونوميكانىڭ، قوعامنىڭ دامۋىنا قاراي يكەمدى رەتتەلەدى، ”14 - بەسجىلدىق“ كەزىندەگى ماڭىزدى ءتۇيىن قارتتاردىڭ وتباسى جانە جەكەلەر شەشىم ەتۋى قيىنعا سوعاتىن قۋاتىنان ايرىلۋ، مۇگەدەك بولۋ، قارايلاساتىن ادامى بولماۋ سياقتى قيىنشىلىقتارعا ءدوپ كەلگەندەگى نەگىزگى زەينەتكەرلىك قىزمەت وتەۋ سۇرانىسىنا شوعىرلانادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.